大角咀平時人流好少，但其實收埋好多好西，仲要好多元化添。今次去嘅呢間係一間意大利餐廳，有意大利主廚去打理！餐廳個舖位好大，每張檯嘅空間感都好多，再多嘢食都唔會好逼咁。餐廳主打意粉、薄餅等意大利菜色，而且服務態度好好，喺食完嘢之後會問我地食物嘅味道如何，主廚甚至親自出嚟解釋菜色係點整，喺香港有咁嘅服務真係極少數！今次最主要係個午餐～›···›···›···›···›···›···›···›···›···›···›···›···›···›⊹ 𝐒𝐞𝐭 𝐓𝐞𝐧𝐝𝐞𝐫𝐥𝐨𝐢𝐧 𝐰𝐢𝐭𝐡 𝐕𝐞𝐠𝐞𝐭𝐚𝐛𝐥𝐞 & 𝐅𝐫𝐢𝐞𝐬 ║ʜᴋᴅ 𝟷𝟸𝟾 ║🜸 𝟹.𝟸/𝟻上枱時見到牛嘅份量感覺有少少細份。Tenderloin就係牛裡脊肉，意思係牛腰部嘅嫩肉，係牛身上最幼嫩嘅部位，係一種高級瘦肉，雖然牛味唔太濃，油脂不多，但肉質食落好細緻同好嫩，尚算多汁，廚師亦都將個肉煎得剛剛好三分熟，等啲肉唔好太韌！佢地啲配菜都煮得唔錯，有菜同薯條，不過大食少少都可能會唔太夠食。⊹ 𝐒𝐞𝐭 𝐒𝐦𝐨𝐤𝐞𝐝 𝐒𝐚𝐥𝐦𝐨𝐧 𝐒𝐚𝐥𝐚𝐝牛裏脊肉係午市套餐，佢係包湯或沙律同一杯飲品，今次揀咗煙三文魚沙律，沙律都好足料，大大塊煙三文魚，面頭仲要加咗三文魚子，加上新鮮沙律菜，食完夠晒開胃！⊹ 𝐂𝐥𝐚𝐦𝐬 𝐢𝐧 𝐖𝐡𝐢𝐭𝐞 𝐰𝐢𝐧𝐞 𝐒𝐚𝐮𝐜𝐞║ʜᴋᴅ 𝟷𝟸𝟾║🜸 𝟹.𝟺/𝟻白酒煮蜆嘅蜆肉雖然唔算好大粒，但係食到好鮮甜，而且佢嘅調味同一般白酒煮蜆有啲唔同，落咗少少油封洋蔥，令蜆肉食落更香。佢哋加咗兩塊包可以用來配汁食，不過啲包就有少少乾，同埋食落有少少冧冧地，如果可以脆返啲就好啲啦。⊹ 𝐓𝐫𝐮𝐟𝐟𝐥𝐞 𝐌𝐮𝐬𝐡𝐫𝐨𝐨𝐦 𝐏𝐚𝐬𝐭𝐚║ʜᴋᴅ 𝟷𝟻𝟾 ║🜸 𝟹.𝟺/𝟻黑松露蘑菇意粉聞好重黑松露嘅香味，個𝐬𝐚𝐮𝐜𝐞嘅質地做得幾好，好𝐜𝐫𝐞𝐚𝐦𝐲，唔會好稀，亦都能夠好好地黏附着每一條意粉，超掛汁，食落好有飽足感。不過黑松露味道唔算好濃，蘑菇太重酸味，完全入唔到口( ･᷄ὢ･᷅ )同平時食開嘅黑松露意粉嘅味道會有啲唔同。⊹ 𝐇𝐨𝐭 𝐋𝐚𝐭𝐭𝐞 ║+ʜᴋᴅ 𝟷𝟶 ║🜸 𝟸.𝟼/𝟻Lunch set 加10蚊就可以有杯咖啡，因為餐飲選擇唔太多，所以就揀咗latte，咖啡味道上唔太濃郁，有少少似雀巢咖啡，但都會有啲奶香。⊹ 𝐈𝐭𝐚𝐥𝐢𝐚𝐧 𝐓𝐢𝐫𝐚𝐦𝐢𝐬𝐮║+ʜᴋᴅ 𝟼𝟾 ║🜸 𝟹.𝟺/𝟻食完tiramisu之後，主廚特登出嚟問我哋味道如何，呢個tiramisu係即時製作，即係斟酒嘅手指餅都係即時浸嘅，所以可以保持到底部淋身嘅手指餅，亦都有面層脆口嘅口感。但個人唔太好脆身嘅手指餅～主廚用咗果酒嚟製作，所以酒味唔突出，唔夠濃郁，但都唔會蓋過咗上層cream嘅味道！不過個cream可能會有少少甜，整體比較適合鍾意甜食嘅客人！﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎🔍 店舖資料🍝 𝐓𝐡𝐞 𝐅𝐫𝐚𝐧𝐜𝐞𝐬𝐜𝐨 @thefrancescohk📍大角咀大全街47-49號大同新邨大滿樓地舖⏰ 𝐌𝐨𝐧-𝐒𝐮𝐧: 𝟏𝟏:𝟑𝟎-𝟐𝟐:𝟎𝟎☎️ 𝟔𝟏𝟐𝟑 𝟗𝟔𝟔𝟖🫧 評分(10分最高💯)💰價錢: 7/10👅味道: 6.5/10🔅環境: 7/10🌱賣相: 6.5/10❣️回頭: 6/10⁂ 真 實 食 評 ， 絕 無 做 假 ⁂…Read More
