Tiffany Wan's Profile

呢間buffet好正，無限時間，由夜晚6點到10點，可以慢慢坐同品嚐！呢晚我地入到餐廳，啲侍應招呼周到，帶我地入去坐，服務態度幾好，座位餐具等都乾淨，加上環境感覺舒服。之後當然進入重點環節，就係品嚐美食😂好，我地試匀唔同嘅野食，想介紹以下食物比大家，而呢啲我地都有再出去夾🤪🌟燒和牛壽司佢係即叫即整，每人每次只限拎一件，睇住個大廚係鐵板上面煎，聞到好香噴噴！佢係用塊牛包住壽司飯，牛嘅生熟度啱啱好，好滑好淋🤤拎咗幾轉🌟Panipuri佢係印度街頭小食嚟，第一次見，覺得幾得意，一於試下！上面係將麵粉炸成個波咁，裝住洋蔥、豆；下面杯仔盛載住綠色水，原來係加入左香料孜然同薄荷水！我地將啲水倒入個波度食，味道出奇地夾，唔差～🌟拿破崙我地刻意留返少少肚，就係食甜品，一嚟到已經見拿破崙好吸引，見到個甜品師傅切開左一件件，有賣相呀，食落好鬆脆，同啲cream融埋一體，好味🤤另外食左少少麵包布甸，都好味，可惜忘記左影相🙈…Read More

當日天氣好 陽光又普照，就去踩單車，踩到中午時份開始覺得餓，但唔想食咁heavy，於是諗起Hotdog!! 嘩我地嗌左一個餐 一個單點。🌭 澳式風情熱狗 $40千島醬好好味，配上菠蘿，酸甜度適中食熱狗除咗個醬汁，條腸都係重點，唔鹹，係ok嘅下次再食，都應該會覆卓！🍔 經典牛肉漢堡 $58就咁睇上去好大個漢堡扒保持到啲肉汁，唔會乾而佢使用嘅醬正正就係同熱狗同一隻千島醬味道好夾🧃有汽檸檬茶、細薯條無咩特別評價，正正常常🤣…Read More

行左陣通菜街睇下食乜，都未諗到，一出到分叉路口見到呢間差唔多坐滿嘅餐廳，肚子又餓，就去呢間！咁啱去到就有位，唔使等✌🏼♥️煙鴨胸菠菜義大利飯 $128煙鴨胸肉質細嫩，飯係粒粒分明，而質感係軟稔中帶點煙韌，唔太鹹，整體而言，呢個係好唔錯嘅意大利飯👍🏼😎———————————————————————♥️巴馬火腿x卡邦尼扁意粉 $138呢個意粉一睇就知好花工夫，應該製作程序都複雜，首先講下外觀先，賣相唔差。味道同口感方面，個汁嘅稀稠度OK，我地都鍾意少少杰嘅，黏住意粉，與意粉融合為一，火腿夠味，味道同扁意粉好夾😆…Read More

Tea time過去食一份雞翼，地理位置方便👍🏼雞翼好好味，本身想比9分，但環境窄 張櫈細 坐得唔太舒服，所以扣左少少分😂除左堂食，其實可以外賣返屋企，或者拎去聚會 同屋企人同朋友一齊分享，都係個唔錯嘅選擇♥️👉🏼 文青風玫瑰雞翼 $43雞翼面頭加左食用玫瑰，好靚呀 打卡一流😍仲有啲蒜蓉沈咗喺面，食落脆，雞翼熟嘅程度啱啱好，啲肉好滑同入味，外皮食得出係加左蜜糖，所以鹹中帶點甜，外脆內軟，回味無窮，好正！…Read More

路過見到佢有唔同嘅章魚燒，一於試下啦😆今次就試黑松露章魚燒～買左盒返屋企開心share!幫襯過唔同嘅日本小食店嘅我地，食過咁多章魚燒，好老實講無論味道 賣相 口感都真係一般，啲醬汁多左啲，顯得有啲鹹，但佢加左好多柴魚同紫菜係上面 呢樣就幾正😂😂而入面嘅章魚雖然大粒，但比較硬，唔係爽口，如果牙力無咁好，應該都咬得好吃力😂希望可以改善～我同時間見到佢有賣Q餅，都想試，下次有機會試吧！今次食個章魚燒就夠，quota已滿🤪…Read More

當日係火炭打棒球，網上睇附近有咩好西，又想食下點心，無意中搵到呢間，咁就去食啦😂👉🏼 招牌流沙包 $28流沙奶黃包上面有個emoji😏好得意，有時係心心眼、錫錫表情添，幾有驚喜㗎！😂👉🏼 升哥蝦餃皇 $34每粒蝦餃都幾足料，蝦餃入面嘅蝦都大大隻，仲保留到啲鮮甜嘅汁，加上個皮唔太厚，口感唔錯👍🏼👉🏼 沙嗲金錢肚 $26金錢肚好入味，底下墊住嘅豆卜索晒啲汁，一咬落去，必晒啲汁出嚟嗰下好正，雖然肥貮，但確實唔錯！…Read More

我地比環境佈置吸引，所以book位去食，小店入面空間唔大嘅，但坐得舒服，店員服務態度幾好，臨走前仲問我地拎唔拎半個西瓜返去😂最後無拎😂都講聲多謝先👉🏼 當花姐遇上193之明太子意粉 $115意粉硬度適中，汁嘅濃稠度都OK, 黏得住啲意粉，仲用咗三文魚拼出玫瑰花，賣相相當好，啱晒年輕人影相～正所謂相機食先嘛🤣🤣👉🏼 +852黑松露野菌什菇長通粉 $95我諗黑松露愛好者會好鍾意食，因為佢落左好多黑松露，野菌鮮甜爽口，長通粉唔硬亦唔淋👍🏼👉🏼 DIRTY $40好濃嘅咖啡，有少少回甘，唔錯！👉🏼 HOJICHA LATTE $50心心拉花幾靚，係一個小驚喜呀😆呢款latte我第一次飲，焙茶味濃，好飲嘅！…Read More

下午茶時間，覺得好肚餓，想買啲小食食下，咁啱經過又新街，咁就食啲小食填下個肚😆👇🏻招牌香菇豬肉燒賣 $15/5粒百吃不厭😋大大粒，好足料，每啖咬落去都有好濃嘅菇味！可以即食，或者外賣拎返屋企同屋企人分享都係唔錯嘅選擇☺️👇🏻牛舌串燒 $20/串忽然好想食燒物，望一望個餐牌，揀咗我最鍾意嘅燒牛舌🤤牛舌勁厚切好淋，上面沈左啲味粉，同牛舌好夾，好味嘅！而且係即叫即燒，所以覺得等10分鐘都值得😎…Read More

呢間小店一直想試好耐啦，難得出開嚟呢邊，一於試下！小店開晏晝一點，由於舖內空間比較細，只有兩張枱，所以預早係門口排定隊，睇住佢開門😂老闆好有禮貌招呼客人，環境乾淨，食物有賣相之餘，仲好好味，值得推介俾大家💛👉🏼 鰻魚蛋治 $42 (可另加芝士 +$5)外層嘅炒蛋好滑，加上香草令味道更特出！我揀左饅魚餡，好夠味，汁量啱啱好，唔會令到個包淋晒，中間仲有啲肉鬆，無諗過同鰻魚咁夾，個麵包底烘過 有少少脆，成個蛋治咬落去口感好正！今次揀鰻魚，下次有機會想試鵝肝蛋治😝👉🏼 馬騮搣奶茶 $22我唔鍾意飲太甜，所以揀左少甜！幾好飲嘅，茶同奶嘅比例我覺得啱，茶味濃，用樽仔裝 飲唔晒可以拎走慢慢飲㗎😆…Read More

話說同老公都想食威靈頓牛柳，加上好耐無食，就搵間西餐，見到呢度啲圖賣相唔差，又多好評，咁就試下啦第一次嚟食，踏入餐廳，環境幾好 坐得舒服，店員嘅服務態度好好，有禮貌！☝🏼蘑菇忌廉湯+餐包、士多啤梨梳打特飲湯入面啲菇有炒過，好香！用嚟點餐包好正，不過餐包一早搽定左牛油，我地覺得比人自己搽可能好啲XD另外士多啤梨梳打係餐廳免費送嘅，味道唔差，但士多啤梨淡左少少，如果濃返啲就perfect !😆☝🏼鵝肝多士鵝肝甜甜地 同多士一齊食，個味好夾，好味😋☝🏼威靈頓牛柳、慢煮豬鞍威靈頓牛柳個酥皮同牛肉之間用左鵝肝，幾得意同特別，係呢間餐廳嘅特色😂牛肉揀左7成，肉質都好嫩滑唔黐牙！另外，慢煮豬鞍+蘋果汁，用酸酸甜甜蘋果汁好開胃，無諗過兩者夾埋咁match! 豬肉都好滑同多汁！呢個菜值得推介😋💯-到食完，店員主動過嚟問我地有冇咩改善？都比左少少建議佢哋，我地覺得呢間餐廳好有誠意，值得再嚟過幫襯😎…Read More