mc1w43hk's Profile

韓國餐廳一向都係香港人至愛，今次嚟到朗豪坊新開嘅Bingo and Cook, 淨係睇裝修擺設已經充滿誠意，絕對有置身首爾之中。再睇睇餐牌，韓國地道小食都包羅萬有，立即先點兩杯韓式凍飲，同埋小食先。凍蜜桃茶同埋青提子碳酸水都非常清新，果味香濃，帶有微微甜味，仲可以開胃醒神；而炸蝦紫菜包飯都即叫即做，金黃香脆嘅大蝦肉身飽滿，連埋紫菜同埋其他配料，感覺豐盛。接連兩個主菜都同樣出色﹐韓國名物生菜包肉震撼登場，五花豬腩肉密鋪喺碟上，肉質包滿，加埋韓國配料及醬汁，放入清新嘅生菜之中，滿足感爆燈。而壓軸就有呢個吸睛搶眼海鮮蔘雞鍋，淨係上檯都要兩個爐預熱，可見份量有幾十足！原隻蔘雞放喺中間，鮑魚、原隻魷魚、蟹、青口、扇貝、蜆肉共冶一爐，試問個湯底仲點會唔吸引？店員仲非常之友善好客，會主動幫手處理食材，呢點更加要加分。…Read More

今日嚟到呢間日本餐廳食午飯，環境非常舒適，餐牌選擇亦非常多，先有新鮮即炸吉列蝦及蠔以及汁煮黃金螺，前者金黃香脆，蝦肉亦彈牙，而汁煮黃金螺係冷盤，螺肉係份量大隻、加上秘製醬汁，絕對係非試不可。主菜方面有麵豉叉燒拉麵、以及豪華海鮮丼茶漬飯。拉麵湯底非常濃厚、麵條掛湯，而叉燒入口鬆軟；而海鮮丼用上新鮮刺身，三文魚、吞拿魚魚油豐盈，帶子非常厚身、鮮蝦亦肥美，加上有濃蝦湯，可以泡制出地道嘅茶漬飯。最後有甜品抹茶蕨餅新地，牛奶味道嘅新地非常軟滑，紅豆蓉同綠茶雪糕以及蕨餅亦相當匹配。…Read More

經過一星期忙碌嘅工作，星期六當然就係品嚐美食嘅最佳時候。嚟到尖沙咀內街嘅鰭舞，旺中帶靜、餐廳裝修和風味道豐盈，絕對係享用Omakase嘅最佳配置。前菜先有香脆炸沙鎚魚、蝦膏份子料理配豆腐，已經可以章顯廚師處理食材嘅功架，以及冬瓜蓉、蜆肉、魚肉配味噌醬，絕對適合喚醒味蕾。接著夏日特別版嘅冷茶碗蒸，清涼口感配以新鮮蟹肉，滋味一流！接著係一連串刺身系列，真鯛以火槍輕輕燒過，加油脂香味迫出，加上胡椒汁和柚子汁，滿足非常。水八爪魚，以煮過嘅醬油配酸醋麵豉，將鮮味突出，半生熟嘅口感，非常之有咬口。岩手石垣貝加上少少淡雪鹽，無須額外再加豉油，已經有足夠味道提鮮；而半熟北寄貝同樣出色，有著貝類應有嘅口感同鮮味，果然用料新鮮。沙池魚魚油豐富，用火槍燒過魚皮香脆，再加上魚肉豉油mousse，整個配搭非常合拍。吞拿魚配以梅醬都係第一次品嚐呢個配搭，吞拿魚魚油豐盛，加上紫蘇葉同脆身紫菜，絕對係美味之選。而壽司系列同樣出色，甘木鯛壽司較濃味，魚皮配身；花竹蝦口感結實、魚漬吞拿魚、赤海膽同樣令人難忘，尤其用上豐富嘅海膽，視覺同味覺同樣震撼。最後仲有鯛魚湯，以及紅豆水羊羹配巨峰提子，提子甜味十足，而紅豆水羊羹帶有傳統日式甜品嘅感覺，絕對令人非常滿足。…Read More

今日嚟到位於朗豪坊的天吉屋，當然要一嘗以天婦羅為主菜的美食。餐牌上的款式都不少，而呢個天幕御膳都極為吸引，有黑虎蝦、石斑魚、軟殻蟹、洋蔥、茄子、南瓜等炸物，價錢相當公道。落單後好快就上檯，炸物香氣撲鼻，而且件件炸物炸得金黃香脆，賣相相當吸引。而且仲有天婦羅的醬汁，以及蘿蔔蓉，會係一個合拍配合。而炸物方面，黑虎蝦蝦身非常彈牙，而石斑魚身亦嫩滑非常，加上薄薄的炸粉，層次分明；而軟殻蟹亦都非常滿足到我，比起坊間一般的更大隻，但蟹身依然保持軟身，加添紫菜或者七味粉更添美味。…Read More

今次去到佐敦呢間餐廳，同朋友各叫左一客晚餐，首先有蘑菇湯配餐包，湯中有新鮮的蘑菇粒，入口有咬口之餘，亦都增添湯品的香味，非常之好飲。接著有分別有兩道主菜，先有明太子虎蝦意粉，3隻大蝦夠晒大隻，加上輕煮之後，香氣撲鼻，而意大利粉加上明太子醬汁之後，更加惹味 ，同大蝦一齊品嚐非常之合拍。而另一客係炭燒安格斯西冷牛扒，因為用上炭燒的關係，香味更加濃郁，而牛扒熟度亦煎得剛剛好，帶有微微粉嫩的肉身，口感嫩口易入口。最後仲叫左一客香蕉朱古力班戟配雪糕，班戟即叫即煎，香味十足，而且甜品醬汁非常豐富，食完一定夠晒飽。…Read More

位於灣仔旺中帶靜的小角落，呢個Cafe絕對適合同朋友一邊品嚐美食，一邊傾下計。同朋友分別挑選左薯條配蟹肉醬以及黑松露意粉。前者薯條炸得金黃香脆，而醬汁內有真正的蟹肉，加上惹味的調味道，配上薯條絕對係滋味配搭。而黑松露意粉係即叫即煮，上檯時候香味十足，入口時當然亦係回味無窮，醬汁濃度剛剛好，可以均衡地沾上每條意粉，加上有各種菇菌加入意粉之中，味道就更加有層次。最後，加上一杯即沖嘅手調咖啡或者茶，就最滿足。…Read More

即使無得去旅行，都要滿足一下自己，去到呢間餐廳，品嚐一下地道的日式料理。為左減少接觸，大家可以用手機落單，非常方便。今次叫左一客超上壽司拼盤，以及一客鰻魚壽司。鰻魚非常厚身，加上蒲燒醬汁，極之惹味；而壽司拼盤上有多款精美的壽司： 海膽軍艦絕對係最搶眼的選擇，入口順滑，鮮味十足；而厚切的吞拿魚都值得推介，充滿魚油香味；而蟹籽軍艦入口口感一流；鮮蝦選料上乖，質感彈牙，總捨而言，係一個不錯的配搭。 最後仲有一客日式蒸蛋，入口非常順滑；而蒸蛋入面加有海鮮，味道鮮甜，質素唔錯。…Read More

好耐無去到尖沙咀食晚飯，今日有朋友介紹嚟到呢間餐廳，地點方便，而且落單都非常先進，用QR code手機就搞掂。前菜先有帶子蟹肉牛油果他他，醬汁有點酸酸開胃味道，而帶子帶有海鮮鮮甜，加上鮮拆蟹肉，鮮味十足； 將咁多惹味材料放上係脆身多士上，滋味十足。主菜分別有威靈頓三文魚配秘魯黃椒醬，以及薩他羊架配乳酪醬。前者用上英國名菜威靈頓牛的烹調手法，外層有金黃香脆的酥皮，入面有嫩滑的三文魚，加上有特製的醬汁，入口非常滋味，口感層次亦都好鮮明。而羊架亦都同樣出色，煎得外層香脆之餘，肉身亦保持粉嫩的口感，而且仲有非常有特色的乳酪醬，帶有微酸的味道，更可以平衝到羊肉的肉味。…Read More

第一次來到K11食飯，當然要選擇間有海景的餐廳享受一下。呢間蜀客專門食四川菜，所以餐牌上的菜式都充滿川菜風味，惹味而帶有香辣的口味。首先有鮮椒海鮮匯同埋雲腿燉花膠；前者係一道用上鮮椒、醬油、香蔥等香料炮製的前菜，加上有鮮蝦、帶子、魷魚等新鮮海產，既食到海鮮鮮味以及彈牙口感，同時亦有四川風味，係一道非常出色的開胃菜。而雲腿燉花膠就滋潤得多，有大件件的花膠，充滿骨膠原，男士女士飲都啱晒；而且老火燉煮，湯品濃而不咸，清晰滋潤，一人一客就最啱。而今日的主菜，當然就係呢客泡椒蒜香龍蝦，原隻大龍蝦本身已經啖啖肉，肉身白淨，鮮味亦相當濃郁，再加上大量花椒、蒜蓉醬汁去烹調，絕對係回味無窮！最後仲有擂沙湯圓做甜品，軟滑的芝麻餡料，細細粒，一啖一粒啱啱好，係一個唔錯的作結 …Read More

臨近聖誕節，去到尖沙咀區嘅餐廳，都漸漸有聖誕氣氛。一向都好喜歡食壽司，所以今晚都嚟到呢度食晚飯，而且呢度仲有網上餐牌點餐，慢慢睇，慢慢揀先落order。首先叫左一客火炙魚生飯，用上秋季最新鮮嘅身材，包括蟹籽、三文魚腩、帶子、鰻魚、魷魚等魚生，用火槍喺表面輕輕微燒，除咗外表加添香烤感，更加可以用熱力將魚油迫出嚟，鮮味香味更添一層樓，絕對值得推介！接著仲叫咗鰻魚，赤貝壽司同埋海膽軍艦，厚切嘅鰻魚魚身結實，再加蒲燒醬汁，非常惹味；赤貝壽司入口鮮味十足，而且非常有口感，鍾意貝類海產嘅朋友一定要一試；而海膽更加唔駛多講，入口軟滑，鮮味濃郁！…Read More

雖然無得去旅行，但去到銅鑼灣品嚐沖繩料理，總算係滿足一下自己。呢間餐廳除左裝修充滿沖繩風味之外，餐牌同菜式都一樣，令人感受到重重的東瀛風。一坐底先有帶有微微咸味的枝豆，以及一杯清新的乳酸菌特飲，開開胃口先，接著先再有各款日式美食。牛油焗帶子充滿濃郁的香味，而每粒帶子都厚身兼肉身結實，加上牛油去焗，鮮味更為突出！接著有蒲燒鰻魚、鹽燒牛舌，原條的蒲燒鰻魚，肉質細嫩，醬汁非常惹味，加上蒲燒香烤的煮法，更加增加食慾；而燒牛舌亦同樣出色，牛舌有口感，加上適量的鹽花同埋黑椒，更添美味。最後有呢道沖繩風抄炒豬肉麵筋，平時係其他日本餐廳較為少見，用上彈牙有層次的麵筋，入口唔算油，再加上豬肉、煙肉，整碟都有甚有驚喜，亦都啱晒鍾意沖繩業的朋友。…Read More

平時去銅鑼灣行街，多數都去時代廣場附近食飯，但今次去利園商場，地段更為高級，但價錢上唔算太貴，而且環境仲幾舒服，感覺唔會好嘈雜。晚餐菜單選擇唔算太多，但係同朋友都各自選擇了一主菜，分別係黑松露磨菇意粉同埋紅酒汁煮澳洲和牛牛頰肉配薯泥。先講呢兩道主菜的賣相，再加上鮮花，以及一些草葉的擺盤，賣相先聲奪目，絕對啱晒影相。而味道方面亦都同樣出色，黑松露汁香濃，淨係上檯時已經香氣撲鼻，而意粉煮得軟硬適中，加上惹味醬汁一同進食，感覺非常滋味。而另一道主菜就適合愛肉之人，和牛本身已經係肉質上乘，再選用牛頰肉就更加出色，食落口完全無雜質，非常容易入口，而用上紅酒汁煮就更加配合紅肉，加上軟滑兼飽肚的薯泥，今晚過得就夠滿足。…Read More

星期五的晚上，同朋友去到中上環高質日本菜，就算暫時無得去日本旅行，味道都有如親歷其境。前菜首先有鮮蝦沙津同雞白湯，前者用上大隻兼肉身結實的大蝦，以及新鮮的沙津菜，非常開胃； 而雞白湯用足真材實料烹煮，但絕不肥，係中式湯品絕不可以比擬的地方。接著仲有多款即叫即燒的串燒，包括露荀、牛肋骨、雞肉丸串燒，其中雞肉丸串燒最為特別，先將醬汁同雞蛋混合，然後再點上雞丸串燒之上，美味程度加倍！而燒露荀亦深得我歡心，輕輕一燒亦保留到爽脆的口感，值得一讚。全晚最期待鰻魚土鍋飯，係土鍋之中放入整條鰻魚，而白飯亦帶有燒鰻魚的香味同醬汁，兼且仲有原味同茶漬兩種食法，真係同日本完全無分別！…Read More

星期日的中午，去到西環，當然要發掘一下好美食，先至令呢個假日過得充實！去到呢間西班牙式餐廳，環境非常舒適，仲有陽光射入嚟，份外寫意。菜單上的選擇都唔少，同朋友想試多幾款小食，又想食海鮮飯，所以大家都毫不客氣叫左幾款。頭盤先有三文魚配上芒果醬汁，清新的味道，可以清一清味蕾，品嚐三文魚的魚油香味，亦都非常適合夏天品嚐。接著分別有傳統西班牙醬汁薯仔同埋西班牙腸仔，呢兩款味道較第一道稍為濃烈，醬汁帶有少少辣味，但係肉味依然濃郁，絕對真材實料。而主菜方面，分別有西班牙海鮮飯同埋燒乳豬。前者用上青口，鮮蝦，蜆肉等新鮮海鮮，再加上雞肉，用料非常豐富，多加上上湯一齊烹調，令到飯粒同食材同樣入味，質素非常上乘。而乳豬配豬肉醬汁雜菜，同埋都係啱晒食肉獸。乳豬皮燒得非常香脆，而乳豬肉肉質結實，同乳豬皮一同品嚐，口感一流！最值得一提，呢兩款主菜仲要係無限任加，只要食到幾多就可以叫，保證一定食得飽飽。…Read More

星期日的中午，當然係食好西的時間啦。今日嚟到厚福街福岡漢堡扒，品嚐一下日本的味道。餐牌上的選擇種類非常之多，我就挑選左芝士蛋蒜和牛漢堡扒加煙肉，淨係聽個名都知道夠晒邪惡！每個餐都有一客白飯同埋沙津前菜奉上，而我加多杯巨峰提子特飲，清甜冰凍的味道啱晒夏天！到主菜上檯，和牛漢堡非常之大份，放喺熱辣辣嘅鐵板上，加上香蒜煙肉的味道，已經聞到陣陣香氣。每次將一少份生漢堡放喺圓形鐵板上燒大概有秒鐘，已經夠熟，兼且視覺效果一流。有得親手下廚，又有好嘢食，絕對值得推介。…Read More