pink324的個人專頁

一直喜歡尖咀碼頭的 "Deli & Wine", 毎次必叫魚柳漢堡～～可惜自從人氣高企後，晚餐時段揾位愈來愈難，想靜靜的吃頓飯都開始不容易～～～但竟然係 OR 見到公司附近有間差不多名字的 "Deli O", 仲要係同一集團，一定要查個究竟，到底係咪分店﹗假期前夕 OT 絶對令人洩氣，所以叫埋老公黎接放工兼 dinner 一下，好在，八點前都攪掂左可以係公司走～～拿拿臨去信德揾間餐廳先﹗行左一輪，原來係近巴士站嗰邊，難怪平時 lunch 無留意有呢間新店，係門口睇到有魚柳 burger 就即時決定入去～～～ 可能上環始終人流少啲，唔洗搭枱都有二人枱，可以舒舒服服咁坐下。價錢感覺上同 "Deli & Wine" 差不多，但呢度有個 set dinner, 有餐湯，有飲品。同埋可以 +12 加熱飲，記憶中尖咀嗰邊飲品要散叫呢～～～魚柳包配薯角- 包包 size 都算大，烘得外脆內軟，入邊魚柳係英式做法，用炸漿包好去炸原塊魚柳，新鮮，好味，滑溜。食時仲熱辣辣，難怪有等咁耐先有～～～ (由落單計，都差不多成 20mins)～～～薯角炸得脆，唔會一口油，份量 okay, 有薯味，唔會得個粉字～～～好好味﹗唯獨是包入邊既他他醬放埋一邊 (定因為個包打直放???)，d 醬係漏左好多係個盤 and 手，反而食頭半個包時都唔覺有他他醬既味～～～有少少美中不足～～～泰式雞扒配椰香飯本來想叫咖哩跟跟薄餅，不過比較難消化，又唔知咩叫椰香飯，一於試下佢～～～　本來對雞扒無大期望～但上到枱，雞扒份量正常，煎得金黃，切開時雞皮仲脆脆的～～～扒邊仲有舊雞腳，係雞脾扒～～～肉厚又醃得夠味，充滿泰式香料味～～～清新又唔咸，實在充滿驚喜﹗另外椰香飯原來係飯上淋上椰汁 (之前估係個飯本身有椰子蓉／用椰漿煲飯)，少少一層椰汁，唔會太漏又有椰香。飯上既椰漿唔會過甜，有淡淡椰子味，配埋泰式香料雞扒～真係好味﹗由於加 $12 配熱飲，我唔飲咖啡，就要左杯朱古力，飲得出唔係溝粉嗰種，朱古力味濃，份量足，令呢餐十分完滿﹗呢個價錢係上環揾食，計埋環境，覺得算係抵食﹗老公已 plan 定下次揾我 lunch 可以 encore …查看更多

香港車仔麵買少見少～～～好多都徒具其形而無神髓(即係只能揀不同既丸，同自己街市買丸黎煮無大分別．．．)難得屋企附近有間好評車仔麵，一定要揾機會黎試下～店舖較細，基本上兩張二人枱加張六人枱就已經係全間店～～～環境一般，細舖格局，只係廚房望落比想像中細 (可能因為太多餸要放 XD)兩個人，各叫左個兩餸麵 +6 轉蕃茄薯仔湯底- 牛腩泰式香茅魚餅幼麵蕃茄湯底面碗既大小比想像中大，一黎到蕃茄湯味香濃，即刻聞到～薯仔煲到夠爛，又入味，好食﹗蕃茄肉都好多，睇得出個湯足料，的確係好味。牛腩煮得入味，夠冧身，應該係柱侯炆，以車仔面檔黎講，算合格。泰式香茅魚餅雖然預左係雪藏野，但質素都唔錯，好香泰式香料味，正﹗唯一幼麵係全蛋面，面身略硬，同埋會吸水，攪到湯底食到一半就有啲太少既感覺，不過都算有咬口，唔會煮到糊哂．．．不過下次再食就唔會揀幼麵 lu ~~~ 同蕃茄湯有啲唔夾- 牛筋蛋煎蠔通粉蕃茄湯底本來老公想試其他湯底，但試過我個蕃茄湯底後即時決定佢都 encore，仲好攪笑地夜媽媽叫通粉．．．但黎到竟然係．．．出奇地夾﹗通粉係茶餐廳厚身嗰種，煮得剛剛好，唔會太硬，又吸到蕃茄湯味，中間通心剛好可以飲埋 d 湯，正﹗蛋煎蠔既蠔仔大隻，肥美，無咩沙／殼碎，蛋唔會煎得過老但又全熟，雖未至於好好食，但的確睇得出有用心做，正﹗反而牛筋就有少少太冧，有少少化開既感覺，個人鐘意冧之中留返少少咬口，不過味道係 okay 的。- 燒叉燒串店家強調即叫即燒，所以一坐底就叫左一串，但都到食左大半先黎～～～好香燒烤味，相信真係即叫即燒，肉質唔 un, 但感覺唔夠入味，略淡，醃料重返少少會好啲～同埋叉燒醬色素都幾勁，食完一抹嘴成張紙巾都橙色左 但計返夠熱同無雪味，尚算合格。淨睇兩餸三餸既價錢都係 $2x，幾平，但其實一轉特色湯底 +6 就即時升價，算係少少高檔車仔麵～ 用心小店，絶對值得支持+回頭幫襯 …查看更多

豪大大雞扒的回憶總係同台北脫不了關係～～～由第一次跟團係士林夜市食過～～～到早幾年自由行既師大夜市，毎次見到總要叫一份～但毎次食到一半總後悔眼濶肚窄～見到屋企附近開左，就特地抽一日放工買黎試下～食品種類都多，如果一人食，可以點半份炸雞件，仲有炸蕃薯條～最後始終不敵雞扒的引誘，冒住熱氣爆既危機，都決定點一份雞扒～～～店方寫明即叫即炸+不切～問我要辣定唔辣時見我猶豫，仲細心建議我可以揀少辣﹗一讚﹗由於即炸，就免不了要等，當日無咩人，都等左近 10mins, 隔住玻璃見到師傅炸，廚房光亮企理，比幫襯一般街邊小食店放心。好快，熱辣辣雞扒就由紙袋+膠袋包住送到手上～～～快快吹兩下，一啖咬落去～～～炸得鬆脆，炸漿唔算厚，雞肉有汁，算嫩滑，熱辣辣﹗加埋表面既辣粉，既熱氣又惹味﹗兩個人 share　一邊行一邊食，過左幾條馬路依然只 ko 左 1/3 塊 (因為辣，毎食完一啖都要抖一下～) 最後，又一次重蹈覆徹，食左大半塊就飽左 (因為預係餐前小食，不得不留肚晚飯呢．．．）剩底的，只能包好放雪櫃明日翻熱再戰 (雖然心知一定無即炸咁好食 )第一晚食時啖啖肉，第二日食埋半塊先知其實雞扒係連有骨既位置，而店家都十分細心，比客人嗰邊係扒先的～令客人可以啖啖肉咁咬落去～～～ 總括覺得質素拍得住台灣店，炸得香口唔油，肉質嫩滑有汁，唯獨價錢就貴左少少．．．廿八蚊一塊雞扒(加少少錢可以食個 lunch 了) 有機會會試其他小食﹗…查看更多

又一城的 Simplylife 一直無機會試, 因為毎次都見到長龍而打退堂鼓~~~ 今次約齊四個好姊妹飯聚, 本來係約 brunch 的, 但大家都唔想一早起身食早餐, 就約 12:00 的正午時間啦。十二點未夠去到 foodcourt 層的 KFC 舊址... wow, 人龍已經打了蛇餅, 足足兩行半, 由於未齊人, 排左先講。好在都入得好快 (相信係因為 11:00 開始 brunch, 12:00 開始多人埋單吧), 大約 13:00 ,已經可以入到餐廳揀餐喇 撇除要排隊+無得訂座之外, 整體服務十分之好, 唔知係咪因為我地有個大肚婆, 店方安排我地係露天座的最後一張梳化坐, 明明係六人座都安排比我地四人呢~~~貼心﹗另外奉上餐牌時, 都主動講解是日餐湯, ice tea, 轉飲品的細節, 而面對一大班心大心細既女仔落單時, 都完全無不耐煩既神情呢~~~講返食物, 選擇非常多, 多得我地花多眼亂, 不但有英式早餐, 奄列, 沙律, 漢堡, 飯, 意粉, 春雞, 甚至 pizza 都有~~~ 最後我地叫左四個 set, 其中兩個係早餐, 一個 pizza, 一個春雞。餐湯係南瓜忌廉湯, 好夠南瓜味, 打得好蓉, 香, 滑, 唔會太漏, 最欣賞個配湯既法包, 大大個絶不孤寒, 皮脆內煙un, 只係略嫌唔係熱的 (不過咁既要求又高左少少 XDDD), 但以餐湯來講, 係超哂水準﹗食物黎得好快, 基本上個湯都未飲哂已經有熱辣辣既餐黎到~~~~比高包配煙三文魚炒蛋~~~ 炒蛋幾滑, 又唔會好油, 煙三文魚炒到半熟, 唔會凍到同炒蛋唔夾, 又唔會熟到散。最正係伴碟的蕃茄都 grill 過, 半熟但內裡 juicy, 唯一係舊 cream cheese 太大舊, 最後比我地嫌棄, 有啲浪費 =p由於我地 share 黎食, 呢碟春雞久久都無人開動, 到食時已經放左差不多四五個字, 仲諗住會打折扣~~~但食落竟然依然滑嫩, 唔凍唔硬, 味道醃得剛剛好, 無雪味~~~ 好好食﹗配碟的薯仔仲好 QQ 既口感, 面脆, 食得出係靚薯仔。而我最最最欣賞既係春雞下既瓜, grill 得來香, 唔會好油, 但全熟, 咬開有汁, 鮮味﹗Balance 返整個 dish, 唔會油膩﹗初時問 waiter pizza 幾大, 諗住應該 okay, 點知黎到發覺好足料~~~哈哈﹗呢個黃菌黑松露pizza, 配搭唔錯, 無肉, 但菌香搭芝士已經十分正﹗唯一係我唔太食到黑松露味, 有點點可惜~~~但 pizza 火喉夠, 邊脆, 包底適中得來唔會成口粉, 而且中心既餡料唔會濕到令包底糊口~~~ 真係好食﹗最後一味奄列賣相普通啲, 無影相 =p, 係磨菇火腿餡~~~ 餡料個人覺得炒得唔夠香, 但好在乾身, 唔會令到奄列太水汪汪, 磨菇唔會有水屋味, 熟得來都有咬感, 算 okay, 不過感覺上比較普通~~餐飲我跟 ice tea, 另外兩個朋友轉咖啡的話好好飲~~~其實餐既份量好足, 相信正常食量既男士都會夠食, 但女仔食甜品既胃係另一個﹗所以﹗我地再追加左一個 lemon tart + 水蜜桃yogurt !!!!!! lemon tart 造型超正, 似火焰雪山, 但味道偏酸, 餅底亦唔夠香, 唔算心水。另一個水蜜桃夠甜, 但 yogurt 量比較少, 因為佢係一層海棉蛋糕一層西柚肉, 一層cream 咁.... 如果一心想食 yogurt 既可能唔多啱~~~總結服務, 味道, 份量, 地點 都一流﹗其中 cake 既價錢我覺得算相宜, 份量唔算細~~~ 難怪成日都咁多人排隊, 下次有機會再黎試埋其他 set XDDDD…查看更多

假日係尖東行過，想求其揾間餐廳 tea...... 本來想試下後街既咖吔多，不過見唔多人，又見紅樹林價錢抵啲，開左咁多年，應該都有咁上下，點知中伏其實去呢類餐廳都無咩要求，始終尖東區，廿零蚊一個茶餐仲想咩要求？於是兩個人，點左一個肉燥米線餐＋椰香多士～～再加一個飛碟餐。初時覺得 service 都 okay, 老闆娘仲提我地如果只叫一個餐要補錢因為唔夠 min charge...... 咁預先講明都 okay, 其實我地只係未諗到第二個餐，先落住一個先～～～等左一陣，大大碗既肉燥米線黎到．．．第一下好驚訝咁大碗．．．但突然，老公拎住筷子想食時，老闆娘閃出，講左句 “咪住先” 然後就搶左碗野走．．．係搶．．．老公隻揸住筷子既手仲係半空，我地兩個都呆左一陣．．．然後等左一輪，都係有碗肉燥米線黎到，除左碗既 size 打左六折外，其實最難頂係個賣相．．．如果你攪錯左茶餐但廚房出左大碗，我覺得你可以砌返靚啲先比客囉。佢個賣相係就咁倒落細碗咁．．．啲米線散哂係面，肉燥左一粒右一粒，啲菜半浮半沉咁．．．well.....因為我地本身真係無咩要求，都唔想嘈啲咩．．．咪照食。味道普通無突出，但似肉碎多過肉燥。然後其他多士，飛碟，飲品都到齊，大部份野都不過不失，正常味道～～～ 但突然，老公食食下米線發覺有異物．．．係一粒發泡膠．．．我唔知粒膠係點黎，係邊度跌落去．．． 咁係餐廳食到呢啲，點都要同老闆娘講聲．．．但佢地反應係 "哦。係呀？換過碗比你好無？“．．．嗯，其實第一我就食完，都飽啦，第二，你換比我，我都唔敢食啦，第三，其實我又唔係想你比咩著數我，但講句唔好意思，唔好好似係我錯咁都 okay 掛．．．係完全無期待 + 要求下完成左一餐 tea...... 食物係普通，正常，但並唔覺得係台式野，只係茶餐廳野，而 service...... 我覺得衰過大排檔結論，無下次p.s. OR 話因為太少食物描述, 所以提議我轉非食評。雖然我真係好想比喊臉, 但當日面對咁既服務, 實在無心去品嚐食物, 所以, 無資格比分, 但各位想去既, 可以參考一下本人經歷。…查看更多

上次澳門遊抽不到時間食黃枝記～一直念念不忘要在香港食返趁著半天中環遊～點都把 lunch 的 quota 留比馳外的竹昇面(雖然最後三點先食)雲吞蝦子撈自然是必食之選～想不到燒鴨滑牛粥都令人為之一振～追加牛腩面同足料小食炸雲吞～真係令人再三回味。蝦子撈十分鮮同香～雖則係撈面卻不會太硬～療口彈牙～蝦子鮮得來唔腥，而且粒粒痴住面條，絶不會散修修一夾散到一枱都係～絕對無得彈！！雲吞係呢個情況當然係陪襯居多～雖然質素唔錯，但略嫌摺口的皮厚了點～蝦也不夠鮮～略略有點美中不足。燒鴨夠香，滑牛鮮嫩～粥底綿得來充滿鮮味～加上碗內爽脆的生菜～終於明白何解每次老爸總要求阿媽煮粥加生菜～而且無一次滿意～因為～真正效果應是生菜脆得來又和軟綿的粥融為一體～就像加了薄脆似的效果。牛腩雖然比一般店舖做得好食，但收此價錢似乎未交足貨。不夠冧且味道過咸～配面食尚可～不過應該無下次。炸雲吞係驚喜之作～想像會似酒樓炸春卷的皮～點知是錦鹵雲吞 style！！雲吞皮炸得鬆又無醶水味～炸得大大隻的雲吞還一點多餘的油都沒有！！好食！！…查看更多

大角咀有好味意大利食店，如何能不一探究竟比預約的時間早到，未夠七點，很多吉枱，但店家依然只安排坐窄窄的二人枱食物種類頗多，尤其意粉可以自己配搭，幾得意提供的水有香草味，雖然減去了水喉的味道，但飲落總有點怪怪的感覺~煙三文魚凱撒沙律沙律碟頭不大，菜只用了生菜，麵包粒略細，沒有蒜蓉味，相信只是用硬身法包壓碎。煙三文魚貨色一般，煙薰味不夠香而肉質也不夠嫩。最失策的地方是煙肉粒太細太少，沒有香味也不脆，令到整盤沙律很淡。如果沙律菜可用上多幾種不同的菜，加多些沙律汁及多一些煙肉，根本不用加煙三文魚或其他肉類都會好好食。羊肉漢堡飽推介菜色自然期待高一點，可惜換來的是有點失望。首先其實味道是不錯的，不過未到 "好" 的級數。食得出店家很細心的把包先烘脆才夾上羊肉，可惜沒有牛油味，若果先塗上牛油再烘應該會更香口好味。另外身為主角的羊肉也有點遜色，首先羊味不突出，如果要我估的話，我實在估不到食的是羊肉，而且不夠 juicy, 其實可以說是有點乾，但又未乾到漢堡扒會散開的程度。令人失望的地方是羊肉太熟，裡外都是同一種顏色，食落更覺得有點粗糙。卡邦尼汁龍脷蜆肉天使麵 天使麵的軟硬煮得剛剛好，龍脷柳沒有雪味但蜆肉卻有點 un。其實味道是不錯的，有芝士味，入口香濃。可是卡邦尼汁有點過杰了，食到一半的時候食物開始冷卻，白汁變杰，令到很難夾到麵條，賣相也不夠討好。心太軟全晚最好食的一道菜﹗上枱的時候熱辣辣的，表皮焗得有點脆，狠下心切下去時，溶化的朱古力湧泉而出，十分吸引。味道不會過甜，恰到好處，伴碟十分精緻，配上雲尼拿雪糕，暖暖的朱古力配上冰凍的雪糕﹗正﹗總括食物質素平平，地點偏僻，坐位也不舒服。梳化位的枱排得太密了，不一定要塞滿所有空間才會有錢賺的。算是平民版的意菜但價錢所顯示出來的卻相反了，碟頭細食材不夠新鮮美味又有點偏貴。只有甜品心太軟可以一試，其他還是留下 quota 去又平又正的地方吧~…查看更多

未有幸食堂記先有一肚子氣，既然隔離檔都有粥食我何需 "求" 你賣比我？星期六晚十一點幾，食宵夜的高峰時段，雖然要自己揾位，不過等位唔耐，大家都旨在填飽個肚就走。爸爸一心想食菜干粥，我同妹妹見到有腸粉蘿蔔糕自然忍唔到口媽媽都叫左個腐竹白果糖水加蛋舊式檔口伙記落單靠記憶，所以漏單係等閒事，不過呢度伙記好好，知道自己唔記得會返黎問返黎，總好過無左件事。蘿蔔糕味道普通，煎得有少少唔夠脆，不過只係 $3 一件既價錢，已經比某d 酒樓做得出色，自然算是抵食﹗煎腸粉十分正，細細件的腸粉煎到脆一脆，最難得的係油不算多，咬入口腸粉夠滑而皮夠香夠脆，忍不住 encore 多了一碟﹗據另外兩位當時人形容，糖水好食無過甜，粥都比海皇來的好。抵食﹗…查看更多

任食的韓燒食得多，雖然種類多，但味道質素普通之餘又趕頭趕命本來一心想去試 錦城 / 莊園，點知~~前者話四人枱唔 book 得，到時 walk-in 就 ok去到卻話要等 30-45 mins, 後者去到門口已知道可以唔洗等~最後把心一横試下問問高檔日式燒烤有位之餘仲幫我地 hold 枱，十分稱心一家四口被安排坐係場中間的 tatami地台之中仲細心留左放腳的空間，有風味之餘不用捱腳痺1) 海鮮拼盤帶子、蜆、大蝦、魷魚~~樣樣都十分鮮味~~鮮甜可口，尤其帶子同魷魚，兩面燒至金黃時中間剛熟，滑嫩的肉質令人有種正在食刺身的錯覺。又有燒烤的香味又鮮甜，讚﹗大蝦 size 十分大，淨蝦頭有半隻手指長，肉質彈牙，好味。蜆上枱時仲有水養著，燒到熟時 "pop" 一聲彈開蓋，再依自己喜好燒至熟的程度﹗2) 牛肉拼盤有五至六種不同牛的部位，最欣賞的是牛舌，放在爐較側邊的位置先燒一邊，耐心等到牛舌邊捲起，才反。這樣牛舌的表面有香口的焦味，而內裡剛剛好熟不會太生。咬下去有少許彈口之餘充滿牛味卻又不會 un，十分好味﹗另外牛柳粒亦十分肥美出色，細心的烤好六面，咬開有熱辣辣的肉汁之餘，中間的部份呈淡淡的粉紅色，一口有兩種感覺，正﹗其他的牛肉亦十分出色﹗脂肪分佈平均，絶對不會有咬不開 / 有渣的情況，毎一塊的厚薄適中，燒一面至半熟再燒一燒反面即可，沾少少檸檬汁令牛肉有點點 fresh 的感覺更加好味﹗3) 和牛刺2身無想像中的好食，雪得有點偏硬，而生食就更顯得雪花有點膩~~ 其實牛的質素十分好而且新鮮，不過可能唔對口味，始終覺得燒過的和牛更能突出那種牛油融化的香味。4) 燒飯團飯粒粒飽滿，亦壓得夠實。店家細心的提供矽膠掃供客人在爐上也可以掃汁。掃好汁再放上爐烤至表面金黃香脆，飯焦軟硬適中絶對不會痴牙，好好味﹗5) 海鮮石頭飯石頭窩燒得十分夠熱，店員在你面前放海鮮去煮，石窩持續滾成 30 mins至湯汁都被飯吸收。雖然和想像中有飯焦的石頭飯有出入，不過味道十分好﹗飯的味道似西方的 risotto 般吸滿湯料的鮮味，但又粒粒保持飽滿完整，煮過的蟹腳依然十分鮮甜，肉嫩，好味﹗…查看更多

中午飲茶留肚了，又未到晚餐時間~就跟 "紅磡隱秘小店" 特輯去揾食~~門口真的有點細，一直都留意不到有這樣一間吃餃子的店~四個人，叫了八隻湯餃，八隻煎餃，一杯豆漿墨魚餃 (煎)墨魚爽口彈牙，有鮮味，不過可能因為煎餃關係，被搶了不少味。如果不預先知道是墨魚餃，應該會食不出吧？不過味道是 ok 的鮮茄肉餃 (煎)蕃茄味同樣不夠，很難才找到蕃茄肉....一隻餃只有細細的一兩粒，被肉的鮮味搶去了。咬下去啖啖肉，雖然足料卻沒有肉汁，算是中規中距~~芹菜鮮肉餃 (湯)極香芹菜味，不會濃得搶了肉味，而且也吃不到芹菜的 "渣"。湯餃大隻，飽滿，令人滿足。咖哩鮮肉餃 (湯)這個是我最喜歡的味道，咖哩味香得來不會嗆，不辣，而且除了肉外，還加入了薯仔，令到肉餡的質感冧得來又不會散。湯和咖哩的配搭不會奇怪，反而覺得咖哩餃煎的話或許會有點膩，因為煎餃的油有點多~~豆漿價錢平 ($3)，味道尚可。豆味不夠濃，不過好在店家都沒有加大量的糖搶去豆香~~如果可以杰身一點，多加些豆就更好。餃子粒粒形狀飽滿，基本上可以減去 1/3 體積，不過都知道北方餃子是比較大隻。餃子皮很彈牙，但接口位太厚，有時會誤以為未熟。如果桿餃子皮時可以把邊緣壓至一半厚度才包，相信會更好味。看得出煎餃的功夫較多，所以和湯餃一樣收費其實對食客來講是抵的。可是煎餃香脆得來油太多，感覺滯膩，不能多吃。另外想一提是招呼很好，見我們三人想坐二人檯加橷，老闆娘立即叫包餃的員工讓出四人枱 (本來員工在四人枱包餃) ~ 還叫我們不用客氣~常常經過都忽略此店，其實水準不錯之餘價錢相宜。如果許可的話，可以仿效其他麵檔的裝修，對街的位置換上大玻璃，令到光線增加，再在門口/招牌加光一點的燈~~ 相信可以令到更多街坊一試。…查看更多

一大班朋友食飯，雖然知 OR 上已經儲左好多劣評，不過朋友介紹，照去﹗鬼馬油炸鬼完全不能稱為招牌菜。首先一上枱是微暖，皮極厚而不脆，唔講都食唔出係油炸鬼皮。內裡的墨魚滑唔彈牙，無鮮味。成碟餸最出色係醮漿，甜酸得宜，開胃﹗西檸雞竟然係眾多所謂招牌菜中最好食，至少達大排檔水準。上枱熱辣辣，雞塊炸得脆卜卜，一咬開仲有 d 肉汁夾雜住熱煙~~檸汁不會甜得似假，酸度剛剛好，唯一不足係汁不夠 "卦"，略稀了一點，但依然係全晚最暢銷的餸。金銀蒜粉絲蒸勝瓜勝瓜新鮮，蒜磨得夠蓉，炸得夠香，可惜太多豉油，令鋪底的粉絲太咸，吸不到瓜既鮮味。鋼鍋雞超級麻辣，係不知情下食左一舊吸滿汁的冬菇~~一陣陣麻既感覺要嘴唇湧上舌頭~~雖然麻得幾過癮，但冇勇氣再試雞件~~聴朋友講雞無咁辣，菇特別吸汁而已。金沙鮮尤完全唔掂。鮮尤 un 得好難咬開不在話下，金沙皮痴唔住鮮尤，一咬就成塊皮甩出黎。用牛油強黃炒的金沙入口有一陣廿香，撈飯一流，不過同鮮尤夾唔到~早知叫黃金蝦算數。火腩豆腐煲味道可以，不過煲都係唔熱，上的時候既無 "喳喳" 聲，食既時候更只有微温。火腩略咸，豆腐一般貨色，無特別翠塘豆腐無蛋腥，好滑，不過都唔夠蛋香。鋪面的海鮮仲有少少雪味，可能用現成急凍的。瑤柱蛋白炒飯我食嗰碗仔好淡，飯都過軟，無粒粒的口感，瑤柱就過咸，但得好少，令飯粒吸唔到瑤柱的香。但其他朋友卻話飯咸，可能係炒得唔夠均勻？作為店員介紹既招牌炒飯，個人覺得係水準以下。例湯份量就好足，但飲落除左咸都疑惑係咪味精湯之外，no comments。價錢係尖咀講算十分抵，但對於大排檔黎講依然算貴，而且咁樣既食物質素，大家都食唔飽，只能當係有個地方落腳聚一聚，略為無癮。其實，呢間野，真係無下次囉。…查看更多

weekday lunch，行遠少少去 explore 下未試過的食店之前食過一次灣仔分店~ 今次經過驚見店面擴充了~決定一試，點知．．．．．．本來叫海南雞飯，但 lunch 又唔想食飯咁滯於是叫海南雞湯金邊粉湯同雞是分開上的湯味不濃，很清淡，但食唔到香料味金邊粉份量細，約半個公仔麵，男仔一定唔夠飽金邊粉夠幼滑，厚薄適中，條理分明，唔會一堆粉痴埋哂但雞肉卻十分遜色 + 失望莫講正宗泰國海南雞，可能連普通茶餐廳的都不如首先無雞味，肉質鞋(係比一般屋企蒸雞還要鞋)是雞胸的位置，雞件厚而實，師傅拉刀，食時好不方便而且並無提供醬料(可能因為跟湯粉吧)而且同湯粉完全唔夾．．．．．．唯一是加 $3 有羅望子特飲，酸酸甜甜的好開胃看到有啡色的沉殿物有理由相信唔係濃縮果汁開的，有果香灣仔的食店大多主打 lunch，因為只要地點選得好，客源真的滾滾來。不過如此質素及價錢，可選的茶餐廳多的是，至少主打的海南雞不到極好味的水平，也不要難食吧………查看更多

今次跟阿姨去揾食，一行五人，坐姨丈車山長水遠入深井～之前在 OR 睇到 d 食評都有點驚，做足心理準備，唔好期望太高由於係平日(其實嚴格來講算假期前夕)，價錢平少少～所以就個個都叫左 $28 任飲～餐牌食物款式以任食來講唔算多，不過種類算齊，只是少左 pizza ~南瓜忌廉湯 - 南瓜味ok，不濃，質感緊緊叫做夠 creamy，但奶味不重翡翠螺 - 我嗰隻幾鮮甜，encore 左，不過阿妹食到有沙焗煱牛 - 味道是 ok 的，又有牛油味，不過賣相不討好，好似求其煮左放係碟咁，無焗過既痕跡芝士拼盤 - 三種不同的芝士，有 blue cheese，不錯，易入口，不會太膩，不過如果可以配埋餅乾較好，淨食芝士有點寡。而且隻碟好凍，應該係連碟雪，感覺不太好，好似唔知 d 芝士一早切開雪左幾耐咁~芝士條 - 切開真係拉到好長好長，味道算 ok，雖然好多芝士絲但芝味卻不重，怪哉～鴨肉脆卷 - 類似炸春卷，唔講都唔知係鴨肉，當普通小食 ok ~意大利腸 - 上枱以為係司華力腸，其實味道完全食唔出 "意大利" 的風味，初時仲以為會係 salami ~ 如果原條上任客人切應該感覺好一點，無咁似街邊賣的腸生牛肉 - 好味﹗推介﹗初時怕生牛肉好腥臭，不過完全沒有問題，入口質感軟滑，有鮮味，比食日 sushi 的他他牛遇要好芝士焗蠔 - 普通貨，好細隻的蠔三文魚多士 - 普通三文魚醬，多士不夠脆，如加少少蕃茄粒會好一點美國薄燒牛肉配黑椒汁 - 肥牛用汁煮，冇特別，都冇特別 un ~ 失望黑松露意粉 - 黑松露極少，當黑松露醬都可以在大型超市買到，實在不知道為甚麼要在這裡食。完全無黑松露味，香都無，只係普通油鹽煮的意粉求其加黑松露醬(極少)菠菜意粉 - 好少菠菜，好像同一堆意粉加 oliver oil，加少少菠菜就上枱，意粉無菠菜味～意大利飯 - 好冧身，糊仔的口感，卻不夠味，無牛油香，都無忌廉的嫩滑~tiramisu - 餅底略濕，咖啡味不夠p.s. 如果兩個就可以一試，因為兩個人食意菜可食的款少，價錢可能同呢度一樣，但至少可以多試款。但多人的話請考慮其他地方，比過千蚊食此質素就真的不划算﹗…查看更多

雖然住得近，但大半年先食過幾次價錢唔算相宜係一個主因，仲有就係實在太多人排今日有朋自遠方來紅磡，自當介紹好味野食，排隊就排隊啦約七點去到，只有 bf 一個人去諗住排隊先竟然唔洗排，仲要佢先坐，實在十分難得然後一路食一邊傾計都無催促仲多左兩個新的女 waitress 幫手加手，實在飯都食得開心 d ~食物味道水準依舊高咖哩辣的程度高左鰻魚細條左，飯少左北海道忌廉烏冬份量都少了，不過味道依舊 gd !開埋隔離舖做絶對係明智之舉，希望下次再有機會黎﹗…查看更多

晚餐想揾 d 未試過既店，於是係無做功謂既情況下就去食 (早知先黎 OR 睇睇啦 )三個人，三個飯/烏冬加一個天婦羅~~換來的係永不回頭~1) 滑蛋吉列豬扒飯飯量多，但食得出唔係靚既珍珠米，只係比普通米好少少既貨色。豬扒有炸過，但已經被蛋整到個皮冧哂。蛋不滑，係厚厚實實的一堆蓋係飯上，總括，入得口，但唔值呢個價2) 牛肉飯跟烏冬 (熱)呢個係爸爸食既，我無食過，不過質素一樣普通，烏冬無咩特色。3) 牛肉烏冬四十幾蚊得一碗，份量只係大約超市一包烏冬咁多。烏冬一咬落去唔彈牙，亦唔夠滑，基本上去隔離 jusco 買包貴少少既入口冷藏日本烏冬都會比佢好。唯一可取是湯底夠濃，但又有點過咸，牛肉薄及入味，算是挽回少少分數，但整體依然食唔過。4) 蝦天婦羅雖然只需 $20 就有兩隻，不過質素完全不能接受。首先蝦的大細 ok，但粉漿超厚，炸得超硬，浸落湯都要成分鐘個皮先變軟﹗食既時候仲比個炸皮刮損個口 (唔係熱親，係硬生生的刮損~~)，幾經辛苦咬開，炸皮的厚度足足係大半隻蝦，完全食唔到蝦既美味，只感受到好硬的炸皮不停 "銀" 到 d 牙肉，而蝦都唔算熱，唔知係咪翻炸再翻炸所以才做到外硬內唔熱的效果。服務一般，當日約 70% 滿都要叫先斟水及叫人落 order，主動性欠奉。與其價錢貴又唔好味，倒不如行遠少少去 jusco 自己買個烏冬同日本魚蛋返屋企煮﹗無下次﹗…查看更多