wilson2147's Profile

天氣咁熱，真係好唔想食熱野，刺身飯應該係最好嘅選擇。喺登龍街云云嘅食店，我同朋友相中呢一間。入面環境夠大，幾舒服。然後我哋見到原來呢間係新鋪，八月十五日之前，12點至5點都有七折優惠，星期六日都有架！講返嘢食，對於有選擇困難嘅人來講，揀季節魚廚師發辦就最好啦，乜都唔使諗。碗飯一上枱，我已經流晒口水，超有驚喜！入面有穴子、三文魚籽、日本海膽、劍魚腩、深海池魚、油甘魚腩、吞拿魚腩、三文魚腩同埋敏甲烏賊！所有刺身都好新鮮，肥美得來又不油膩， $278真係超值！加$28仲可以變set，呢個三文魚蟹子沙律已經值回票價！但我更喜歡右下角呢個自家醃製茄子，好鮮甜！配埋支蜜桃梳打gur一gur，大滿足的一天。…Read More

呢間店嘅位置一啲都唔起眼，但係咩吸引我入嚟食？就係因為見到麥玲玲都嚟過啦，哈哈。麥玲玲旁邊就係呢間店嘅老闆娘，好熱情，聽佢講嘢嘅口音，佢好似真係一位新疆人。當晚我同屋企人食飯，都有好多講普通話嘅客人，佢哋似係熟客。講返嘢食，質素真係超乎我想像。先講一講佢個招牌陳醋咕嚕肉，酸味味好開胃不特止，肉嘅size唔會太大又唔會太細，一啲都唔厚粉，炸得好脆，熱辣辣，肉又juicy，超好味。呢個西蘭花炒鮮魷，雖然唔係咩特別差，但欣賞佢嘅西蘭花整得好爽口，唔會太油又唔會好鹹。入到新疆鋪頭，點少得要試吓羊。呢個烤羊排好香孜然味，烤到好脆但羊肉依然好嫩滑，不羶不肥膩。最後想推介佢哋嘅自製洛神花茶，天時暑熱，呢杯野真係好解暑好開胃。…Read More

同好朋友食飯當然要去食好西喇，上個月去完日本試Omakase，返到香港依然意猶未盡，於是就揀左鮨蕾。食Omakase好處就係每一碟都係廚師精心揀選既食材同做法，每一次上菜都係驚喜。一入到去見餐廳就見到個落地大玻璃對海既景，體心既侍應仲安排我地望海既位坐。除此之外，你都可以揀坐BAR枱，可以同廚師交流下。我地叫左個楓同堇餐，個名好有詩意，令人好期待。前菜一上，我地已經係心入面嘩嘩聲，真係好似一碟藝術品咁，食材非常新鮮，全部唔係黎自日本就北歐。最欣賞係個紫菜包住白面豉醬，豆香同咸香好帶出其他食材既鮮味。仲有隻蟹仔係食得既，感覺好得意好脆口。再上就係有幾款唔同既刺身，拖羅加海膽簡直係人間最好既享受，入口即融，海膽既鮮味同拖羅既甜味互相輝映。另外伴碟既花係食得既，感覺同味道都好特別，值得試下。哩個生蠔又冇得頂，同朋友SHARE一半都能夠感受到佢既新鮮同甜味，真係好想叫多半打比自己食！之後就到煮物，當造新鮮魚肉捲住BB露筍，仲有一隻來自日本北海道既BB茄子。魚肉既鮮同滑配襯露筍既爽同甘甜，食落好有口感同層次。哩兩碟油甘魚燒物真係不得了，唔但之燒到好香脆，魚既油份走晒出黎，又滑又甜，一D都唔腥。炸物就係天婦羅，D粉漿唔會過厚，食材好新鮮，炸得恰到好處。之後再黎幾款唔同既壽司，侍應好細心介紹食既次序，務求令你既味蕾既享受提升到更高既層次。除左海膽外，我最欣賞就係醃製左5日既拖羅，哩種鮮甜真係好正，肉質亦好特別。貼心既廚師最後送黎一碗熱鮮蜆湯，比我地清一清喉嚨，一解飽膩感。最後靜香甜崗既密瓜為我地哩一餐畫上完美既句號。…Read More

這個五月, 天氣好像還是帶點寒冷, 於是約班朋友一齊去打邊爐。在香港, 其實一年四季都有人打邊爐, 但要搵一間抵食夾大件的餐廳唔係咁容易。今次朋友選了這間原本在旺角的「寶寶雞煲」。價錢就唔錯, $198任食, 仲有海鮮盤, 又可以揀不同的湯底。如果晚上九點後仲可以有宵夜優惠, 可以有8折!!!可惜今次唔岩我用啦~呢間餐廳的食物種類有很多, 真的令人花多眼亂, 樣樣都想食, 唔知食咩先好!!先黎海鮮盤, 真係好足料, 有大大隻的蝦、帶子、大蜆、花甲、魚片等等。至於呢度D魚皮都幾脆, 但唔肯定係來貨定自己做。我就叫左杯咸檸七, 好大杯, 仲幾好飲添。…Read More

琴日同同事準備去進修，呢排工作忙爆，而且會好晏先放學，所以我哋就想食餐好嘅先上堂，太子有好多好野食，見到呢間餐廳cafe外邊貼住得獎熱點，我地就入去食，而且我欣賞佢餐廳嘅裝修，簡單又浪漫，風扇古色古香，燈光好柔和。餐廳都好多唔同款式嘅菜可以揀，我哋最後揀咗三款菜式，兩個甜品，因為會進修到好晏。所以我哋兩個人，食左一個飯，一個豬ribs,仲有食海鮮，我地都鐘情嘅帆立貝。我哋嗌左一個好特色嘅BBQ烤焗西班牙黑毛豬肋排，完全係重量級，開頭以為會好難切，但發覺唔需要好大力，都可以好快咁切成一條條，肉質相當有彈性而鮮味，肉同骨排相當分明，一咬就好易能夠將美味嘅肉脫落，加上個BBQ醬配合呢個肋排，簡直係天衣無縫，而且，我好欣賞廚師烤得恰到好處。跟住我哋叫嘅飯係龍蝦汁海鮮燴意大利飯，飯口感非常煙韌，加上龍蝦汁嘅配搭特別充滿海鮮感！而且，飯入邊嘅配菜有唔少硯肉，加上我哋每人可以食到一個青口，對於我哋鍾意食海鮮嘅人黎講，真係覺得好滿足，千祈唔好錯過啊！然後，我最期待嘅煙肉芝士焗帆立貝，一共有四粒，我哋一人可以享用到兩粒，真係非常開心，一來我好鍾意食煙肉同芝士，二來帆立貝有相當嘅鮮味我非常欣賞。最後，好欣賞兩款簡單又美味嘅甜品，包括朱古力心太軟配雲呢拿雪糕，同埋藍莓芝士蛋糕。Cafe嘅雲呢拿雪糕甜味恰到好處，配搭朱古力心太軟一齊食，簡直人間美味。而藍莓芝士蛋糕亦相當唔錯。…Read More

幾日前因為要返BU上堂，同朋友約咗嚟呢度食飯。入到餐廳,發現呢度嘅裝修古色古香,環境都幾舒適，好有歐陸嘅情調。坐低睇Menu，見到好多唔同種類嘅菜式，魚啊雞啊牛啊豬啊乜都有，但係最特別都係佢哋個湯同埋甜品，食勻過全港好多嘅餐廳，都未曾見過咁有特色嘅款式，真係覺得新奇有趣。除咗Menu上嘅菜式之外，店員仲推介左我哋當日嘅精選美食。由於款式真係非常之多，我哋食樣樣都想試，最後都揀咗店員推介嘅其中三樣，再加多幾樣菜，前前後後食咗七碟野，真係大滿足。等我介紹下我哋食咗乜啦：前菜嘅蒜蓉牛油包香脆可口，食落去一啲都唔油膩，同其他餐廳真係好唔同。第二道菜係蒜蓉小白菜。剛剛入餐廳嘅時候，就見到佢哋擺咗啲菜喺門口， 覺得非常之新鮮，於是睇店員嘅推介底下，就叫左呢度蒜蓉小白菜，相當有驚喜。因為比起平日係其他地方嘅炒菜青嫩爽口，而且唔油膩。第三同第四道菜都係海鮮菜，唔係平日常見嘅菜式嚟，就係青島珍珠帶子同埋鮮甜美味嘅海螺。餐廳嘅店員同我地講材料相當新鮮，而且廚師係用特別嘅方法去烹調，所以係佢嘅推介底下我哋都食咗呢兩味餸，特別欣賞帶子用咗蒜蓉去烹調，加上店員建議我哋加少許嘅辣椒醬，簡直美味至極。螺肉肥美，充滿海洋嘅味道，口感彈牙。第五第六道係主菜，分別係美國胡椒肉眼扒同埋焗紐西蘭羊仔鞍。肉眼扒煎到七成熟，肉汁豐富而且充滿香氣，配搭黑椒醬汁同埋薯菜，可謂天衣無縫！至於羊仔鞍，我哋係配飯食嘅，店員介紹我哋配熱芥辣或者薄荷醬，真係冇介紹錯。羊肉完全冇羶味，口感煙韌，搭上醬汁，味道比平時更勝一籌。壓軸好戲係我哋期待已久嘅甜品，我地點左焗杏仁蜜糖多士同埋朱古力軟蕊布甸配雲呢拿雪糕。兩款甜品不約而同地都係整得唔會過甜或者唔會過膩，口感鬆軟，相信一眾甜品愛好者最佳嘅選擇。軟蕊布甸其實就係心太軟，我最欣賞嘅就係佢有好多嘅水果半碟，感覺更加清新。一切開個外層，啲朱古力醬澎湃咁流出嚟，再配埋雪糕一齊食，真係令人心都甜一甜呀。蜜糖多士，我最欣賞就係廚師預先將多士切粒，我哋可以配杏仁同埋提子乾，味道一試難忘，真係超正呀！…Read More

先不評論食物質素，單單是服務員的態度，就需要大讚了。服務員非常留意客人的需要，當我的朋友掉筷子在地上，他們會主動並迅速地協助更換。愛喝酒的朋友，這裏有很多佐酒的選擇。我和朋友點了煙肉廣島蠔($48)、黑豚蘆筍($38)及牛舌($48)串燒。蘆筍爽口，牛舌厚薄適中。至於蠔的新鮮度，便有待改善了；但串燒整體性價比高！另外，我們還試了豚肉生薑燒。意想不到的是，伴碟的沙律菜很新鮮。晚餐光吃串燒是不夠的，所以我們還點了海膽炒飯 ($138)，第一口很香，份量亦很足夠。…Read More

朋友介紹嚟試吓「古今二」，食完真係有D喜出望外嘅感覺！地點非常方便，雖然餐廳環境唔算大，但勝在夠靜，傾計一流👍🏻餐牌主要係卷物、串燒、沙律為主，啱晒Keep Fit嘅我串燒：黑豚荔枝卷串燒：荔枝俾黑豚肉包住，雖然有少少肥，但荔枝好多汁，食落感覺特別燒牛脷：牛脷燒得夠香，而且唔會太肥膩卷物：東京爆脆：主要係吞拿魚+蟹柳，加埋燒汁好好味，唔駛點豉油都得紅粉佳人：又係吞拿魚，但今次加上辣味，再加埋三文魚、蟹柳同牛油果，外面仲有一層嘢包住，食落都幾新奇其他：地中海沙津：有唔同的海鮮(蝦、魷魚、三文魚子)，配上大量蔬菜同麻醬，真係唔錯炸軟殼蟹天婦羅：要讚吓個炸軟殼蟹天婦羅，外面唔會好厚粉，軟殼蟹嘅肉好大件，好香口原隻燒魷魚：一上枱已經覺得賣相唔錯，仲聞到陣陣嘅魷魚香味，特別個幾條魷魚鬚真係正…Read More

去過很多日本餐廳，這一間令我覺印象深刻的是他卷物的種類很多，會以熟悉的刺身食材，組合成各式各樣的卷物。由於地點方便，這次再和朋友來吃，試了兩款古今推介：寒冰卷和牛油果天婦羅。首先要說說這個寒冰卷，店員說是即將加入菜單的菜色。寒冰卷是以青瓜片捲着三文魚子和吞拿魚的一個前菜，醬汁酸酸的，口感非常清新，而且開胃。至於牛油果天婦羅，更是讓人感覺到很驚喜。外層薄薄的脆皮，包着很creamy的牛油果，口感很豐富，不需要任何醬汁，已經很好吃，是牛油果迷必點的項目。…Read More

小弟作為一名芝士狂熱分子, 是需要吃盡天下芝士美食。今次就來到這間「意粉狂熱」來試一試!一打開餐牌, 你已經很容易看到非常多的芝士美食。其實這間餐廳應該改名叫「芝士狂熱」啦!不過小弟建議不要兩個人去食這間餐廳, 因為這裡有非常多選擇, 起碼4個人黎先會試到好多野食。這裡的裝潢十分光猛, 亦有開放的水吧, 讓人感覺很大方也實用。以下是我當晚所點的美食:南瓜粟米忌廉湯: 香濃的南瓜味道, 而且有一些南瓜蓉, 加上一粒又一粒的粟米, 加起來的口感很配搭。法式芝士洋蔥湯: 湯裡有一塊帶有芝士的麵包, 加入非常多的洋蔥碎, 你會有意想不到的味道和感覺, 也會飲到洋蔥的鮮甜味。意式炸魷魚圈: 略嫌不是新鮮炸起, 而魷魚尚算爽口, 配上他他醬汁, 是飯前小吃。 香烤安格斯一口牛柳: 有驚喜之作, 鐵板上的牛柳, 配上新鮮炸起的薯角。牛柳看似很熟, 但食落完全唔軔, 十分入味。芝士肉醬千層麵: 芝士狂熱者必點, 新鮮焗起的千層麵, 切開來加上芝士的柔軟, 令人十分療癒。黃金四重芝士Pizza: 另一芝士愛好者必點, 芝士味很濃郁, 亦烤得十分香脆。芝心帕爾馬火腿薯茸球: 有一點可惜是芝士不夠流心, 薯茸味重, 但整體都好食。經典芝士火鍋: 芝士味道比想像中單薄, 但也許是合適, 因為不會讓人覺得「膩」, 而且有輕微酒香。整體來說, 這間餐廳水準頗高, 性價比十分理想, 縱然位於銅鑼灣黃金地段, 食物價錢也十分吸引和大眾化。…Read More

今次食嘅特級黑松露和牛漢堡套餐，真係神級咁好食，而且佢嘅薯格仲有水牛城燒烤雞翼都非常令人欣賞，餐廳環境仲好有特色，等我逐一同大家介紹下。首先，和牛肉厚而不膩，相當juicy,肉質相當嫰滑且鬆軟，黑松露醬超多超香，加上芝麻醬，以及清香的菜，咁樣嘅配搭令成個漢堡相當美味可口。水牛城雞翼非常香脆可口，肉質嫰滑，有濃郁嘅雞味，配搭特色香辣醬後，味道更一流。薯格炸得非常香脆鬆化，配搭茄汁更加滋味。環境佈置很有心思，有美國的特色，而且膠手套無限量供應，讓大家品嚐食物時衛生又安心。…Read More

落到黎莆點，有時要搵個靜靜地既地方都唔易。估唔到行行下，見到呢間有報導既餐廳，好似話係明星開既店，望佢既相，好似都幾吸引咁，就上左去。上到去，好似去左另一個世界咁，好靜，a good dining place.呢度係好岩摸住杯或談心，開支酒慢慢傾計。睇佢飲品既餐牌，用左唔同既歌名做名，幾特別，叫左杯c all star, 有粒楊桃係度，味道都唔錯。叫左個紅菜頭沙律，紅菜頭好有咬口，配上baby菠菜，食完成個人好似健康左咁。呢個配搭好小係出面餐廳食到。佢既手工麵係自家制，用左龍蝦汁配蟹肉，味道好濃好鮮，麵質特別，有咬勁，分量最多D，我都食得晒。肉眼燒得剛好，滿有肉汁，啖啖肉岩晒我，好小見成舊骨上，有牛骨髓食，仲有兩舊牛肉係肉上面，又香又濃。呢度仲係周未會有LIVE，我估周未會更加有FEEL。…Read More

呢間火鍋店係朋友介紹，所有食材都好高質！我哋今晚叫咗手打牛丸、墨魚丸、自家製鳳城水餃。呢三類嘅食物，鋪頭好貼心，俾你叫半份(4粒)或一份(8粒)！可能因為手打嘅關係，啲丸非常彈牙，亦都食得出係好新鮮嘅。水餃方面，個水餃皮好薄好香，入面嘅鮮蝦好大隻，絕對值得試！另外，我哋仲叫咗安格斯手切牛，淥幾秒就食得，完全唔需要配料，因為好香牛味！魚方面，脘魚片好爽口，好好食。諗住打邊爐之前叫個刺身食下，叫完之後店員就拎咗條好新鮮嘅魚俾我哋睇，真係好生猛架！刺身好鮮甜，最意外嘅係食完之後店員原來係會將剩餘嘅部位椒鹽俾我哋食，好香脆！…Read More

尖沙咀係出名多酒吧的地方, 但唔少酒吧都係以飲為主, 小食通常都係一般。但今次我去呢間Helen's, 竟然覺得食物比酒水更有出色、驚喜!首先, 電梯門一打開, 已經非常吸引目光, 裝修格局非常有自己風格, 一定經過悉心的設計。既然係一間酒吧, 當然係有好多酒類的選擇啦。儘管你未叫飲品, 侍應已經會先送上一盤花生小食。今次我跟朋友主要都係飲啤酒聊天, 價錢公道。台上仲有骰盅俾你同朋友玩添~有酒飲, 自然要點一些小食來送酒。呢度小食種類都幾多, 有飽肚的意粉、串燒、炸物如薯條、一口芝士、唐揚等等。而我個人來說, 覺得唐揚炸雞最有驚喜, 新鮮炸起不得止, 仲要雞肉嫩滑有肉汁, 不輸過係日本餐廳的唐揚。其次串燒都好正, 有牛有雞有豬, 仲有沙爹汁。至於燒雞亦, 都好唔錯, 俺得幾好食。總之所有的食物, 質素都好高, 唔會輸得過坊間的餐廳水平。…Read More

我相信大家都有出街係餐廳打港式邊爐或者係日式餐廳食刺身, 但我相信好少人會試過係同一間餐廳入面同時食刺身又打港式邊爐。今次我和幾位朋友一齊去呢間位於佐敦的「寶哥火鍋味館」。呢度可以揀任食套餐(而且有幾款餐揀)又得, 或者單叫都得。咁一班後生仔梗係想任食架啦, 而且最平個款套餐只係兩舊水有找。不過我地就嘗試下冰火的感覺, 既有刺身, 亦食火鍋。而任食Menu上面的火鍋配料, 都好多選擇, 剩係單單湯底都已經超過10款你揀。頭盤先來的當然係刺身, 份量係一人一件, 都有七款魚生以及一款和牛刺身, 款式絕對唔少。唔好以為係火鍋店食的刺身就唔好食, 呢樣真係有驚喜, 每款刺身都好新鮮, 仲有好特別的佐口魚刺身, 非常爽口。至於和牛刺身, 如果夠膽食, 亦食到好鮮甜, 唔會有「騷」味。飲品方面都係任飲, 幾款汽水唔少得, 亦有啤酒選擇, 最特別就係有一渣渣的酸梅湯同埋竹庶茅根。而我就揀左飲竹庶茅根, 佢唔係買鴻X堂個D倒落去, 而真係似自己煲, 唔會過甜, 非常滋潤, 好適合打邊爐。火鍋方面, 我地都食左唔少野, 以下幾款食物都係我覺得幾出色。手打三色丸, 墨丸、鯪魚丸以及蝦丸, 三款都係彈牙, 有點似蝦膠/墨肉膠咁, 又有鮮味, 我非常喜歡。墨汁丸+牛丸, 我個人認為墨汁丸有驚喜, 爽口彈牙不得止, 仲好有墨魚味道, 大家都見到黑色的丸之餘入面有一粒粒細少的白色粒粒, 就係墨魚肉黎。海鮮拼盤: 一睇見到幾款海鮮啦, 有大蝦、蟶子仔、大蜆、青口以及魚片, 唔洗問, 又係新鮮好味, 特別係大蜆, 完全無沙架。黑栢葉: 好多坊間的火鍋餐廳都只有白色的牛栢葉, 亦有好多人會驚經過漂的栢葉。呢度的黑栢葉既爽口, 又有口感, 抵讚。鮮牛肉: 呢度的肥牛已經唔錯, 但我更愛鮮牛肉, 經過師父特別的俺製, 既淋身又充滿牛味, 一流。…Read More