heiting628's Profile

早幾日食完走肉朋友，諗住試埋呢間無肉食自助餐，見佢60蚊下午茶好似幾抵玩就黎試。點知2:15-3:45下午茶，師傅2:45落場所以唔會再fill野食，但野食既種類真係好少... 唔知係咪lunch食淨既留返下午茶比啲人清埋😑好多都係清炒菜心/ 白菜/ 生菜... 睇落無乜誠意，啲野食又唔夠熱。最好食係炸豆腐，香口又熱，七味粉好食，但一出黎三十秒就比人夾哂😑 其他野都好油，唔只炸野，其他餸都係，款式又唔多，又無咩特別。另外店員好似唔係幾理人，收左錢就走左，連話我知可以坐邊都唔講😑失望！咁多分店都做得唔好，唔會再黎呢間，但會繼續試其他用心做既素食自助餐。…Read More

早幾日約左朋友係土瓜灣有野做，做完野就話不如食埋夜晚先返去😍 咁緊係話好架啦！難得見到都幾耐無見既中學同學😆我地三個女仔經過富和飯店，被門口寫住188蚊雞煲再送6罐啤酒吸引左😍 真係好抵！原來原價要288架，依家188蚊有全隻真係好平🤤入到去覺得間餐廳都算係幾光猛、幾乾淨，一開頭七點幾坐低個時人唔多，但之後就坐滿左🥳老闆娘好好人！又吹得，又好人，見到佢開左副啤牌比其中一檯客人玩添😯 好難得，好有人情味！我地嗌唐生菜，佢又送左少少通菜比我地食🤤例湯好好飲，真材實料、無味精！對於我地呢啲少湯水既香港人黎講，碗湯真係都幾吸引😻重點黎啦！係雞煲！！我地嗌左小辣，辣度岩岩好，唔會好似有啲餐廳咁太鹹，又唔會辣到食唔到材料既原味😋😋😋 真係好好食！我地仲嗌左2個白飯3個人share，啲雞好好送飯🤤 真係要再encore，我地三個人食到好飽但都唔捨得停手🤣最後仲加左個唐生菜，因為懶健康既我地又話無菜食唔得🤣 其實雞煲都有洋蔥、三色椒、蔥個啲配料。滿足到食完要捧住個肚走🤤🤤🤤 一個人一百蚊都唔洗真係抵到爛😭 一定會再黎encore！見到佢仲有酸菜魚，好似都好吸引😋 又有唔同既煲，土瓜灣又唔遠，一定會黎慢慢試，振興經濟呀嘛😆…Read More