好西焚化爐's Profile

出街食西餐，必然會聯想到好昂貴同份量較少的感覺。大壹冰室反行其道，主打親民街的西餐體驗，一見到價錢牌就覺得同平時食茶餐廳差唔多，但菜式真係西餐廳上會見到既菜式。門口有大塊餐牌可以觀看，午市套餐由11:15至14:30，之後仲有下午茶套餐，如果撞啱時間，食tea更加抵。除主食外，仲有個例湯提供，可選白湯同紅湯。我當日揀白湯（忌廉湯），味道唔錯，餡料唔算太多，但夠味既。817西冷@黑松露野菌汁西冷可選3成/5成/7成/全熟，我選7成熟，肉質嫩滑。野菌汁汁味道偏鹹，黑松露味道唔算突出，用黎撈飯啱啱好。至於配菜應該唔預人會食，感覺好生。另外，試咗朋友一舊咖哩豬扒，咖哩好夠味，豬扒煎得香口…Read More

一直諗唔明點解雲桂香做到咁出名，平時食飯時間仲有位剩，趁機食個快飯，一探究竟。餐牌湯底有好多款選擇，我就揀最大路的小鍋米線，麻辣最少辣個種辣度。配菜方面，我選豬頸肉、雞絲，算係大路食材，我諗整得衰都唔會差。凍奶茶：同其他鋪頭一樣屬於偏甜，感覺好似飲糖水咁，我諗下次揀返做少甜會好啲。麻辣湯底：唔知點解食落口會酸味重過麻或者辣，話辣又唔算辣，我以為自己叫錯酸辣。雞絲：同其他鋪頭差別在於，雲桂香既雞絲真係雞絲，咬落冇乜咬口，好似阿婆冇牙都妹到既雞絲。豬頸肉：我期望佢會用炭燒或者其他類似於串燒既形式炮製，願望落空，算係有啲咬口，但味道一般。…Read More

難得星期六同朋友去荃灣食完好西再郊遊，搵到呢間離小巴站相近的西餐廳食。店鋪位於舊式商場，食物同格調似乎格格不入。等咗一陣位終於可以入座，而朋友打嚟問我坐邊度，結果佢到咗都搵我唔到。原來森美餐廳係地下同二樓都有分店，約人要留意返。店員遞上餐牌，同時介紹有咩食，有咩廚師推介。本來我想揀牛肉眼，店員就反推薦而家做緊既黑椒牛柳，比呢個午餐貴$15。另一個餐就點保雲酥焗雞扒，其實我唔知咩係保雲酥係乜，只係店員話好多客食過話好食而揀。保雲酥焗雞扒 $65保雲酥實質係粒粒炸咗既蒜蓉，口感好有趣，味道同雞扒都好夾，比起茄汁更易送飯。黑椒汁牛柳 $80黑椒汁煮得好好，唔會好似外面咁太稠，亦唔會太淡。薯條即炸，好熱好脆，但係薯條hi到黑椒汁會變淋，擺位可以改善。食飽後，店員問返我哋岩唔岩食，再解釋埋牛柳係晚市既牛扒餐既邊邊位，肉質靚，唔想浪費而砌多個套餐出嚟…Read More

深水涉多嘢食係人都知，講起車仔麵自然諗起有條人龍等入座個間，不過今次我食呢間任你點車仔麵都幾多人食……門面冇人排隊，但剛剛好有人埋單，我先zip到入去。三餸加底車仔麵$49+凍飲$8- 麵底+$6 比起市面上經濟好多，加完既麵量幾多。- 湯底小麻辣，其實係後加辣椒油，唔似某連鎖米線店咁跟湯一齊煮，呢個位少扣分，但係夠麻夠辣，用埋撈麵幾好！- 咖哩魚蛋，有色水，但冇辣度，小麻辣比咖哩魚蛋辣，同樣感覺咖哩係後加上去。- 豆卜，因為湯底唔係一齊煮，所以豆卜索唔到味，伏。- 比較難處理既金錢肚反而有驚喜，煮得幾入味。…Read More

估唔到中菜館會敢於發聲，而且星期日都有下午茶優惠。燒味餐單封面好吸引，出面食隻淨雞脾都要呢個價錢，唔貴。另一張下午茶餐牌平均$4X，感覺抵食既。燒鵝米粉- 感覺湯底係傳統中式既湯底，食開米線鋪麻辣的我會覺得有d dry。- 我從未食過咁正既燒鵝－－層皮非常脆口，d汁保留係燒鴨皮度，非常juicy（個人認為唔點酸悔醬更好）。服務- 由我坐低到落單有兩個待應非常關心我，好似怕我會餓親咁。- 到食飽，待應主動前來收拾。- 起身埋單走人，待應仲話下次多d幫襯。整體感覺唔似前面其他人寫得咁差，可能每次唔同，以上僅作參考。…Read More

朋友多次推薦我去呢間車仔麵檔，但位置唔就腳，所以未有機會食到。今日終於拎到visa入元朗國，當然去試試當地出名既車仔麵店。魚蛋：來貨嘢，冇咩特別，配上魷魚既辣汁當咖哩魚蛋食。牛柏葉：有咬口，唔會煮到太冧，唔錯。咖哩魷魚：我懷疑係咪咖哩，如果準確講似係辣汁多d……即使我忘記嗌辣度，用呢款汁咁撈都有同等效果，甚至比我朋友既小辣更加辣。魷魚爽口，係出面食唔到呢種感覺，所以呢個店鋪招牌菜真係值最高價位。埋單計數，加埋底係$57，晚餐黎講算可接受水平。…Read More

雖然高質、隱世呢兩組形容詞已經被傳媒用到爛，但我搵唔到其他詞容形容陸拾六。下午茶有好多選擇，價位由$40+至$98不等，最估唔到係西冷牛扒都可以係下午茶餐單搵到……羅宋湯牛肉通粉湯底羅宋湯好濃郁，好似將餐湯倒落通粉度做湯底，色澤好吸引，又好惹味。配料好足，睇到咁多紅蘿蔔就知，牛肉唔似一般茶餐廳無牙都食到既爛牛肉，呢種煙煙韌韌既牛肉，幾特別！士多啤梨青檸梳打士多啤梨味有啲似化學/藥水味，即使篤完檸檬亦無助解決問題，下次都係穩陣啲飲凍檸茶好。…Read More

濃厚蟹蝦豚骨拉麵 $88賣相好吸引，叉燒咁粉嫩認真少見，因為鋪頭以低溫煮，亦註明符合日本標準烹調。而湯底非常鮮甜，有好豐富既蝦味，食落唔係好慣。配料有半熟蛋、蔥、紫菜、荀，如果有配料唔食可以轉其他，相當照顧客人既鋪頭。*食到一半落埋辣椒油，換個口味更佳拉麵份量非常多，點餐紙註明拉麵麵量係一般拉麵店既1.5倍。最初我仲打算加麵底，好彩冇做呢個傻豬決定，唔係一定係唔晒。另外，店員同師傅以全日文溝通，唔係一般MK仔講果啲234，感覺係好敬業既日式拉麵店。…Read More

前幾日，同屋企人去元朗行街行到肚餓就係附近既餐廳打算食個便飯。在芸芸人海當中發現一間門面不起眼，但性價平頗高的餐廳。入到去，店員好窩心咁推介餐廳特色的食物。但喺想食既嘢實在太多，我哋最終決定食1個飯+1個麵+1個小食，務求大家都食到唔同既嘢食。黃沙豬膶清湯牛腩飯豬膶切得厚同彈牙有齊豬膶應有特色。牛腩入口即溶，蘿蔔清甜無根，配合得天衣無縫。炸醬雲吞撈幼麵雲吞皮薄餡靚，撈混炸醬香味撲鼻而來，炸醬唔算辣，用黎撈麵食，越食越起勁。豚肉炸餃子餃子係即叫即炸，唔係翻熱二手餃，所以做到皮脆肉嫩！正如開段所講，店鋪性價比高，我諗主力做街坊生意，有機會再試埋其他食物。…Read More

疫情下，凡事講衛生，想打邊爐亦應如此。今日同朋友經過嘉湖商場，好耐冇打過邊爐，於是拍板揀火鍋店食。等咗幾張枱後，職員安排入座，好快已經成功落單，並且上煲。藥膳麻辣牛肉小火鍋個感覺有ｄ似某大型連鎖快餐店既一人火鍋，咁當然呢個係高級版啦～個湯底味道濃郁，但唔會係令人非常口渴既味精湯底。火鍋配料包羅萬有，豆卜索晒d汁好入味，洋蔥夠爽口，而牛肉色澤都唔錯。跟餐點咗個白飯，用火鍋湯底拎黎撈飯食都幾好。呢個價錢配上優質食物，難怪咁多人等位排隊啦。…Read More

周不時聽到朋友講西麵啲意粉好好食，有緣經過就嚟幫襯，又咁巧合有位，就順利入座。當時查詢有冇位，店員已經木無表情，跟手想落單，店員企係遠處、毫無尾音咁問：「食乜！？」當我講完後，我唔肯定店員係咪聽到，店員隔一陣就用無乜聲調既音調再問：「仲有冇？」店員西面技術爐火純青，NBA好興 No-Look Passes，呢度店員講嘢唔望人，唔知係我問題定我問題。千辛萬苦嗌到個香蒜和牛意粉，加$18跟餐。香蒜和牛意粉上枱，蒜蓉味好香，急不及待將佢就地正法……和牛粒係細細幾粒，但肉汁同肉質都相當好；意粉份量合理。跟住埋單，店員再使出No-Look Talk，用急促而好難聽到既語氣講出：「要帶返走d紙巾」。出到鋪頭發現門口有告示寫要將紙巾帶離店外垃圾桶，但行到好遠先有垃圾桶。如果我開餐廳必然訂明食客洗埋碗先好走。…Read More

相信大家呢輪係新聞聽得最多係友愛邨有幾多人確診，早排我不畏懼咁行入愛定商場搵好西食，結果搵到呢間門面幾吸引的鬍鬚仔。聽朋友講，呢間鋪係區內人氣漢堡飽店，價錢街坊價，即使食最貴既餐仍比市面漢堡飽店平一截。對我而言，幾平都無用，最緊要係擺得入口，味道好就得。由於小弟唔食芥末，所以揀咗四式芝士牛堡黎食。賣相好靚、好吸引，揀蒜蓉包既原因好簡單，薯條好易搵到，唔係度度有得食蒜蓉包。蒜蓉包食落好鬆軟，蒜蓉味濃郁。四式芝士牛堡塊芝士溶到好似瀑布咁，畫面好唯美，食落有唔同層次既芝士味，出黎效果唔會過鹹，處理得幾好！…Read More

行山經過如心廣場，見有間日本過江龍食肆，同朋友不約而同就揀呢間食。吉豚屋有幾款飯係做緊優惠，但黎到吉豚屋食雞的話，好似格格不入。於是All IN豬扒啦……出到黎，我個餐是咁的：係一個定食，除咗好很多椰菜外，無咩想講。餐廳選用日本珍珠米，飯質偏硬，唔似平時食開個種。味噌湯一般，不至於好差或好出眾，有一粒原塊豆腐tim。豬扒炸得好乾身，根據邊際遞減理論，食到第三塊會覺得好dry，唔再有剛上碟既快感。最慘係見隔離order優惠餐，感覺比我哋更豐富，真係慘………Read More

趁假期相約朋友去搵食，試得太多米線、車仔麵類既店鋪，今次試下拉麵，但香港既拉麵普遍貴夾水準低，所以本著一試無妨既心態去食，自然唔會有太大落差。餐紙有寫過既痕跡，我以為係上一手用過，諗住換過張先發現呢間店咁環保，會不斷重用餐紙。好彩係餐紙，如果其他嘢就怕怕。赤隱 $88- 湯底好惹味，初時食落會覺得唔夠味，越食越辣- 叉燒好有日本Feel，口感一流- 荀、木耳作為配菜，同湯底好夾，富有咬口店員見我咃無嗌嘢飲，會奉上凍水俾我哋，相當貼心。…Read More

去過港島飲過一次花斑茶社，一試難忘。無諗到會開入屯門，又做新店優惠，只需一封利是就可以飲一杯飲品，金額隨心，變相以優惠價俾唔熟悉既朋友飲用唔同既產品。呢段時間都飲過幾次，比較出色係鳳梨綠茶，綠茶同鳳梨味好夾，少甜會更好，否則會過甜而飲唔到真正既味道。果肉亦相當好口感，同菠蘿唔同層次。鳳梨紅茶：茶底改為紅茶，但味道差好遠。紅茶太濃會蓋過鳳梨隻水果味，所以都係推介綠茶。芒果冰茶：芒果唔係化學味，但茶味唔太出，中規中矩。…Read More