肥蠅's Profile

年初一晚去食，只怪自己入去前沒有看門口poster寫住要加3（加30%），服務員都沒提醒，本身食素價位都唔平，加左3更不值。不會再農曆新年去食飯。6位原價大概14xx,加左3就要接近2000佢有新年菜單，我地叫左半席，有壽司，西蘭花猴頭菇，炒麵，炒飯，素翅，素魚，娃娃菜，甜品係腰果露，食物唔好食，最好食係腰果露，如果散叫會更抵更好食。至於服務，食開都知有幾位服務員一貫係扮聽唔到，要行出去搵人先會聽得返野，唔好要求服務質素。今日大年初一其實都仲有位，飲食界難做，但咁既香港飲食業咁既經營手法同服務態度都解釋到消費者的選擇。…Read More

住響附近 呢間野都係第一次試，但食完係一肚氣！叫左個二款餐，茄汁燴飯同牛柳粒pizza. 有個男人幫我地落單後，等左10分中覺得唔係太對路(隔離台遲入但來哂食物，得地一樣都未來)叫返同一個男人，佢話佢有落單(但其實漏左冇幫我地落)等左15分鐘，終於有杯凍檸茶了!!如是者等左一陣，燴飯來左，但原來我地份pizza比左遲我地20分中入既隔離台!!! (當我地問左4次點解pizza咁耐未來後店員先發現原來響隔離台！！)店員問我地會唔會要原本隔離台既另一款pizza,我地真係唔想要，要求佢盡快比返我地。終於過左1個中，pizza終於來了! 但我最後叫左的餐湯都係漏！左漏右漏，比錯野人，幾好食都係咁話！…Read More

此處是肥蠅每次來到香港大學必到的地方。皆因我本來便愛素食，並且奉行"錢是你的，地球是大家的"，我很喜歡這句說話，提醒大家必須愛惜食物，別以為只要出錢便有權浪費地球珍貴資源，所以這裡是其中一間我喜愛的社企!如何令大家記得"錢是你的，地球是大家的"，餐廳不只於牆上貼上此句，還套用business model 上。如何套用?餐廳於午餐，晚餐時，以自助餐方式營運，客人可先拿取自己喜愛的素食，再到收銀櫃過磅計費。食物幾重，你便需付出相對的銀碼。對食量較少的人，食幾多，比幾多。有幾次食飯時都見到有人不斷用夾出盡力，不扭乾極重的腐皮卷不罷休，狀甚趣怪。亦看過有一些人誤以為是自助餐，起勁的把餸菜夾到碟上，結果銀碼使他們吃驚，竟對收銀員說，我們不要這碟了。這句使我們吃驚! 而這些人說普通話很多，廣東話亦有。奉勸各位，要做有品德的食客，餐廳老闆亦要真金白銀買食材的。餐廳亦花很多功夫佈置，並不是豪華裝潢，而是一些有環保蓋念的佈置，如樹木。如以上百的膠樽併成的擺設。而我們坐的椅子也是從學校回收的，奉行循環再造。今次來到並不是食午飯或晚飯，想試這裡的下午茶。喜悅下午茶由2時半開始，餐牌有五款中式點心可供選擇，可選兩樣，配飲品，$26。個人認為價錢合理，加上質素比快餐好，抵食。中式點心餐牌有以下選擇:有鼓油煎腸粉，一盅兩件 (腐皮卷，素菜包)，炒麵，糯米飯，蘿蔔糕等。今天試腸粉和一盅兩件。腸粉份量夠多，腸粉夠滑，而有xo醬非常惹味!一盅兩件，腐皮卷和素菜包裡面的涵料是一樣的。都是蘿蔔絲，菜等普通材料。沒有肉，但出付意料的入味!朋友選糯米飯，亦充滿荷葉香! 最令人驚喜的是是日特飲--杞子羅漢果茶。杞子份量好多，好甜，好滋陰!說到餐飲，這裡最特別的是咖啡，這裡充滿香濃咖啡豆香氣!咖啡選擇不少且特別能於杏林中 (真的週圍被樹林包圍) 歎令人平靜身心的素下午茶，樂事也!…Read More

元氣真係好勁，即使佢開分店開到成行成市，仍然每間都大排長龍! 這間位於德褔既都不例外!今日排左一陣就入到。見到出左秋季餐牌。一陣子冇來，多左新選擇。鵝肝壽司，$22 煎得好香，油份都出哂，食落口夠香脆。望落亦好有光澤!另叫返每次會點既，蒸蛋 $18溫泉蛋烏冬(溫)，$28海鹽帶子壽司 $16海鹽赤海蝦，$10食完比錢時，發現原來現在元氣做緊promotion. 食滿$50有一個印花，儲滿4個印花可以換兩件芝士蛋糕!! 芝士蛋糕原價要$16 一件! 可以立即換!…Read More

又到秋天，又係大家樂出火鍋既時候喇!!年年都係大家樂出火鍋先會去幫趁 今年大家樂以海捕鍋作招牌。poster 上見到大大粒帶子，又怎可不試!上星期去大家樂，可能已太夜，海捕鍋已賣哂。今日七時來，終於試到! 海捕鍋($68)以帶子作主打，配以三塊魚片及一隻海蝦。帶子好有光澤，出奇地新鮮。另外仲有其他餐都有既食物，如肥牛，菜籃，烏東等。菜既份量好多。這個海捕鍋比其他火鍋餐只貴約7元。卻多了碟海鮮。比其他鍋抵!5元既飛魚子魚滑。好抵呀!!約$8既豬肉丸。飲品。可以$7 一杯或$11兩杯加購檸檬可樂或烏梅汁。總結，來得大家樂打邊爐。著眼點唔會係食材質素，而係性價比，我覺得這個餐有海鮮，肥牛，只是約$70。超值! …Read More

為慶祝長輩生日，一直物色去邊食飯好。難得長輩點名想食蟹，我立即想到蟹膳。(始終香港食日式蟹料理地方真係唔多)一早book好位，當日星期日，12:30pm去到。(位置響街角位，福臨門行過少少)去到門口，嘩全部都係蟹! 入面竟然冇咩人。我地係第二張台。仲見到韓國人都來捧場 睇下午餐menu先。價錢比晚市真係平好多! 有約4至5個餐選擇，價錢都係由$328到$388不等，未包最貴個餐。我地今次選左2款餐:1。蟹肉火鍋套餐, ($328)2。行政套餐, ($388)兩者大同小異，分別在於火鍋多左蟹膏。而行政套餐多左碟蟹天婦羅。(最貴個餐係特上鱈場蟹行政套餐, $680 一位，我地食行政套餐已很滿足了! )menu再揭，見到晚市套餐....個價錢吸引住我地目光.... 我呢d距離中產仲有好遠既十小產人士都係食lunch好喇! (晚市的確係多好多野食既!)先上小食先!毛豆。烤過既豆特別香。 蟹肉蒸蛋。蒸蛋上已有一粒蟹肉。蛋好滑。 蟹膏亦一點腥味也沒有。天婦羅。食到一半先記得影。天婦羅包番薯，南瓜，茄子，蟹鉗，蟹腳，仲有流心蛋!! 流心蛋冇影到相。感覺係外面熱辣辣既蛋，內裡蛋汁係流出來既。真係好考司傅工夫!到主角喇! 毛蟹火鍋! 初初就咁睇以為是蟹刺身，但原來係shabushabu.侍應教我地，蟹腳淥2分鐘，蟹蓋5分鐘。毛蟹肉好新鮮 (肉身好晶瑩剔透)，但肉好少，比鱈場蟹細好多。(應該係門口堆蟹即"湯")食既時候亦要好小心，因為毛蟹既毛毛都幾吉手 蟹蓋好正! 多蟹膏 個鍋來啦! 附有野菜一籃，以椰菜為主。有少量粗粉絲 (好彈牙)個人認為分量都幾多下! 仲有麵，幼身烏冬，好彈牙好好味，唔知響邊度買到呢。 最後上雪糕! 有兩隻味，薑味同咖啡味。薑味就一般，好奇怪。咖啡味好正，好滑，再加上雪糕有一小粒一小粒既啫喱(都係咖啡味)，完美!總括，約300幾元一個日式蟹料理有咁既質素係抵食。但相信去過蟹道樂既朋友都唔會反對都係蟹道樂正d (我都知唔可以同日本比... :upset 給店主的小小建議:lunch menu 的價錢選擇太少 ($300幾一跳到$700。如果有多些餐定價於$400-$500，有多一款蟹，如蟹剌身 ，應該不乏食客選擇!)題外話，食飽出門口見到大劉架IMISSU 車…Read More

星期六晚，想響屋企附近食野。想起好耐冇食薩利亞喇!!因為每次想食都要大排長龍，每次去到都要排成50張台 (只是二人台，仲未計其他四人台 )，所以次次都食唔到!難得今晚唔趕時間，等一下啦! (等等下都40分鐘 )。我地見到餐廳內都係以4人台佔多數。但等既人以2人組合為多。所以2人台turnover好慢。相反4人台好快。好啦。終於入得!次次來到蠅友都會好興奮不理價錢地點餐，皆因這裡每樣款式都大部分都不過$30!介紹下餐牌先!小食類, 都係沙律,湯都係小食類, 平均一樣$20!鐵板都有，都係$40至$50. 未食過, 唔知有冇花園餐廳質素呢意粉飯pizza仲有其他既，但我仲係開飯新手，放唔到咁多相呀!我地今次叫左好多小食，以下為重點推介:1。藍青口蕃茄湯，$24, 推薦指數: 這個真係必點! 湯有加酸辣汁，多洋蔥。好開胃。青口好入味! 湯裡都有十多粒青口，抵食!2。甜蝦多利亞， $30, 推薦指數:呢個我地見到好多張台都有點，應該算係王牌。叫得王牌當然係正野，芝士焗類似risotto的飯。芝士比例真係好多! 呢個飯份量唔多既，個碟好淺。3。粟米湯，$10, 推薦指數:比上來加左價。呢個湯係肥蠅每次來必點既。感覺係將粟米磨碎攪拌成湯。好smoothy! 正!4。煙肉焗菠菜，$17, 推薦指數:食食下先記得影，其實分量都比相像多既。我地仲有叫法式焗田螺 ($30 6粒)，三文魚薄片 (約$20)等。兩個人叫左6樣野!法式焗田螺都ok,有橄欖油加洋蔥，正!呢度飲品係自助任飲既，$12一位。普通汽水有，檸檬茶有。仲有咖啡機，有mocha,latte,美碌，朱古力仲有不同茶包選擇，如煎茶，蘋果茶，芒果茶等。叫左六樣野,埋單2人約$150.總括而言，這裡甚麼都不太差，法式享受，茶記價錢，抵食! 唔怪得薩莉亞分店愈開愈多，但人龍依然啦!唯一希望餐廳改善係座位安排問題。應多加2人位置!…Read More

去sogo買野行到累,夜晚9點都未醫肚，到4樓見到有coffee shop, 好唔好食都醫左肚先!肥蠅同蠅友一坐低，侍應立即話要叫好快點叫，(但直到我地走果刻依然有人入緊)叫食物，叫左好耐都冇人理...但又叫我地快點叫，明明冇咩人。終於理我地，黑面侍應只會每句不超兩字回應，例:蠅:唔該公司三文治丫侍應:烘? =="上食物時亦唔掂，有食物冇餐具，又係叫左一輪先有人理。我地叫左兩樣食物，一樣係海鮮白汁焗通粉。跟餐，配餐前小食，雪糕，餐飲。價錢$115。(餐唔係好多選擇，得四款，都係焗/意粉為主)餐前小食:粟米沙律。一個雪糕球咁大。海鮮白汁焗通粉。還可以啦。海鮮太少。得兩粒蝦。面頭有cheese都還好。食到底d通粉真係乾。通粉份量都幾多。另一樣，單點公司三文治。($68)都係例牌果d料，旦，番茄，煙肉等。失望既係，我諗住有四份三文治，點知。。。有面包邊果塊近乎冇料(如圖)!!!! 得三邊面包邊比我地盛惠68蚊!配餐既雪糕，總括而言，唔行街行到累，肚餓到頂唔順，應該唔會再試…Read More

Happy Friday 當然要食好點慰勞下自己!今晚肥蠅到達朗豪坊搵食，去到頂樓，見到sky bar貼出生蠔特價promotion 一於試一試!呢個生蠔promotion 推廣緊loch fyne 蠔種。係蘇格蘭蠔，鮮香偏甜，歐洲人common食既品種，skybar 寫原價$288 6隻，現$208 6隻。平時食開smoky bay 既蠔，今晚一於試下!嘩，有肥蠅成隻手掌咁大既蠔! 食落真係好鮮甜，，有入口即融感覺，creamy指數10分! 一隻蠔除返開都係30既蚊。肥蠅同蠅友都覺得物有所值。(其實skybar仲有其他oyster plate既，有另一款，6隻不同蠔種, 包法國珍珠蠔，特價約$300)肥蠅同蠅友都有叫其他正餐既。如下:和風汁安格斯牛闊條面，好味，牛肉鮮嫰，但嫌黑椒過多。($178)另一樣則好有驚喜!芝士焗蟹肉菠菜($98)。好好食呀! 每啖菠菜都好cheesy!!我地兩人就咁叫左3樣野都飽喇! 一人約$250，有生蠔，有天幕 ，算係咁啦!…Read More

好日都唔來megabox,今日來睇戲後去醫肚。9點半後都冇咩選擇，見日和號有宵夜時段半價，一於試試!星期六都冇人排隊就入得 呢度坐位設計到車卡咁我地叫左好多刺身 有墨魚 (半價後17蚊)同三文魚刺身(約25蚊)甘蝦(25蚊)，比想像中細隻 除左刺身外, 我地都有叫其他壽司. 值得一提是帶子, 大大塊 (SIZE與元氣相若,但比元氣平一半!)吉列蠔仲叫左CHEESE CAKE作甜品,價錢若12蚊 今餐好滿足! 兩個人食左好多好野先係$280 …Read More

今日同朋友去食午飯， 相約好友於新世紀樓上的帝京酒店。朋友一早打電話訂位，所以可以坐近窗口位，一路食，一路望住一望無際既火車軌，景觀一流!午餐的semi buffet 種類比相像多 ，有羅馬生菜， 冷茄子等， 有豬肺湯，紅"早"茶， 而甜品都有唔少選擇，有cheese cake, 燕窩奶凍。 主菜都多選擇。。我簡左日式餐,有烏東,魚生, 帶子,都幾生鮮。我朋友就簡左一盅兩件點心，配糯米飯。好飽! 配埋餐飲先係係約200元一位，滿足! …Read More

午餐想食個英式早餐， 去habitu見到人龍太長，對面開左間新野，仲要平少少當然要試一試!兩個人，一個試英式早餐，另一個試美式早餐!美式早餐，全份88蚊，包杯柚子蜜。這個價錢對面habitu食都要over100蚊喇。牛油炒菇好正，好香牛油味。pancake 好鬆化生菜沙律香醋味好開胃英式早餐一樣價錢相對我就覺得美式正d!…Read More

想食燒肉 見伊呂波冇人就入去原來lunch都幾多選擇選擇左伊呂波餐有三款肉類簡兩樣，有牛肉，牛胸外膜，雞肉燉蛋好滑! 牛肉多汁值得一讚是個甜品，柚子雪糕 。食落去有口感。中間有一粒粒柚子籽(？)…Read More