choying2698's Profile

<Stormies>地點:尖沙咀柯士甸道西1號ELEMENTS圓方金區演薈廣場頂樓R005-07號舖總分/overall : 🌕🌕🌕🌗🌑食物/ food：4/5 環境 / environment：3.5/5服務 /service ：3/5等待時間 /waiting time: 0mins人均/aver. cost: ~$200hkd評價Review -招牌小食拼盤 $288墨西哥辣牛肉芝士焗粟米片香脆炸魷魚大阪燒風味薯條醋漬洋蔥拍青瓜煙肉炸雞粒脆炸高達芝士拼盤份量都幾大，適合三人食用。炸食物都幾有水準，全部都鬆脆熱辣辣。肉質亦都唔會乾保留肉汁。附送兩個醬汁配搭得好好。-水牛城辣雞翼(六隻) $108正常發揮，辣汁同酸度適中。星期日Mocktail 有折！…Read More

<Lab of zero >地點:尖沙咀金巴利道68號地下B號舖總分/overall : 🌕🌕🌕🌗🌑食物/ food：4/5 環境 / environment：4/5服務 /service ：3/5等待時間 /waiting time: 1hr人均/aver. cost: ~$100hkd 評價Review -巴馬臣芝士黑松露薯條$68薯條幼長，油炸程度適中，芝士醬濃厚，黑松露可以稍為多d -宇治金時刨冰 $98刨冰質感軟綿，抹茶味濃郁。上面附有一小串白玉，口感煙靭。刨冰下面有紅豆，同麥脆脆做配搭，令整體口感同味道更加豐富！店舖位置距離地鐵站15mins 冇咁方便，等陣時間亦較長，夏天熱辣辣，步行加等候時間都出曬汗，令整體體驗減左小分，但食物同環境搭夠。如果下次冇咁多人，會再幫襯👍🏻…Read More

Hotel icon the market 出名自助餐，性價比高，鍾意食榴槤嘅朋友，千祈唔好錯過！今次我就同朋友食早午自助餐，11:45去到2:30，時間充裕，包你食到捧住個肚走都得。食物非常豐富，有沙律前菜冷盤，芝士種類多好多。飲品選擇都好多，4種果汁，咖啡，奶或茶。我哋星期六去包氣泡酒，而且係任飲。魚生海鮮區種類基本都有，食得出好新鮮。二月主題係龍蝦。分別熱食同埋冷盤都提供左唔同烹調方法整嘅龍蝦，照顧不同喜好嘅客人。呢度嘅自助餐出名東南亞嘢食，我都有食佢嘅喇沙同埋咖喱，味道濃郁，非常之嘢味😝😋👍🏻甜品當然唔少得任食好多種類嘅榴槤甜品啦！最後食埋佢個生果，佢呢度有個人蔘果相對上喺市場上比較少見都幾好食。我哋嗰日慶祝生日，預早同佢哋講有送蛋糕。整體而言，味道價錢整體上物超所值，有機會會再返嚟食！記得如果係理工校友的話，出示校友會或者理工嘅信用卡有優惠…Read More

星期日晏晝經過西營盤，喺附近行吓見到有間Cafe就入咗去，舖頭大約有四至五張枱，店舖面積唔太大。我哋去到叫咗兩款意粉，一個沙律同埋抹茶latte 。煙三文魚沙律份量都幾大，而且有牛油果，蛋喺配襯。如果女士們或者健身嘅朋友唔想食碳水，呢個係一個唔錯嘅選擇。意粉我哋一個要咗黑松露蘆筍意粉，另一個要蕃茄蟹肉意粉。兩個味道都非常好味，食得出佢哋用料十足。黑松露味非常濃，蟹肉肉意粉超級多，真係做到每一啖意粉都配有啖啖蟹肉！😋👍🏻抹茶latte拉花非常之吸引，一個係貓貓形狀，一個係天鵝。見到即刻影返幾張相同埋好唔捨得飲！抹茶味好濃，鍾意抹茶嘅朋友真係要試吓，而且唔鍾意甜可以叫佢無糖。而且附送一個餅乾👍🏻見到啲食評話佢出名素食芝士蛋糕，下次會試吓！…Read More

餐廳環境幽靜同埋佈置高尚，而且戶外平台位置有酒吧，適合放工happy hour或者食完飯同朋友去飲杯嘢傾吓。今次我哋叫左set，貪方便唔使諗本身以為份量都偏細，但其實都ok 最終都食到好飽。上餸速度夾得啱啱好，食完一道菜就會上下一道。一開頭會送上麵包盤，有唔同種類麵包同埋餅乾。食得出麵包同自家製牛油好新鮮。頭盤有拼盤和生牛肉他他。主菜有鱸魚和龍蝦意粉，甜品係好似燉蛋定係吉士嘅布丁。全部食物同味道中上，色香味俱全。整體來講，好適合周年紀念或者生日，值得一試…Read More

朋友介紹話呢間cafe 甜品不錯，早早就bookmark 呢間餐廳。假日經過通常都見到滿座，今日平日下午行過都有一半滿，好彩不用排隊，終於都可以試下la 😆晏就午餐未消化曬，所以只係只左2個甜品同飲品。今次叫左一個巴斯克芝士蛋糕同焦糖梳乎厘班戟。兩個甜品都有得加配飲品！我就叫左杯cappuccino，順帶一題呢間cafe 唔需要加錢轉做燕麥奶，心型拉花都不錯，加分👍🏻呢道嘅巴斯克芝士蛋糕，芝士香濃幼滑，表面有少少焦香，唔會過甜。旁邊重有d 鮮忌廉，夾埋一齊都幾好食。重頭戲黎la!!! 期待已久嘅焦糖梳乎厘班戟！因為店舖會新鮮整，所以都等左大約15-20分鐘。分量都幾大，總共有三舊。加入焦糖醬同餅乾碎增加口感，班戟配搭雲呢拿雪糕同埋鮮忌廉，配搭一流！太好食la 下次會返嚟試吓其他味道同埋主食…Read More

朋友見呢間啲食物幾吸引，所以就選擇呢間餐廳。個日平日放工夜晚7點幾到餐廳，樓面唔多客人，大約八點打後人流先多。餐廳環境舒服，好適合幾個朋友相聚聊天。而且提供書本和產品，給客人購買閱讀。我哋叫咗三道菜，一個前菜一個主菜一個甜品。兩個人份量啱啱好。前菜我哋叫咗個牛舌，一碟有三片，份量雖然唔係好多，不過每塊都大 。牛舌上面有啲黃色芥末，感覺幾新鮮。但係食落去個感覺同味道好似食緊午餐肉咁🤣🤣主菜叫咗個炸蝦pizza。炸蝦總共有四條，而且炸到鬆脆唔油膩，size 都幾大條。Pizza皮幾鬆脆，醬汁係千島醬，同炸蝦好夾😋最後甜品因為本人幾鍾意食窩夫嘅甜品，所以見到餐牌就即刻叫咗個。佢個朱古力麻薯窩夫非常之有驚喜。右面係滿滿嘅麻薯口感非常豐富煙韌。朱古力味都非常濃。窩夫上會有啲生果同埋忌廉，食落唔會好乾。食完想再食多次，同埋會試吓其他口味！總括而言呢間餐廳環境食物都幾好，價錢都唔太貴，值得推介👍🏻…Read More

今日下午係馬鞍山W M Cafe食下午茶，真係好失望。我哋嗌左個窩夫下午茶，同埋肉醬意粉set 同埋熱狗餐。個窩夫配果醬雪糕set，窩夫好淋，味道一般。之後嗰個肉醬意粉，肉醬味道係屋企整嘅完全一樣，煮意粉d水好似冇乜點隔，個碗底全部都係水，搞到成碗面味道好淡，失望。因為佢之前落留咗單，搞到個熱狗遲上。到熱狗上嘅時候，我哋發覺嗰啲薯條完全係凍。熱狗上面啲醬係用返啱啱啲肉醬，個包只係少少暖。總括而言，呢餐只係好似食咗啲嘢落肚，但係完全一啲都唔滿足。…Read More

今日想食台灣野就嚟到太子，晚餐時候餐廳都爆滿，我哋都要等兩至三張先入到。我哋兩個人就各自要咗一個餐同埋兩個小食。鹽酥雞肉燥便當10分推介👍🏻👍🏻啲鹽酥雞喊到啱啱好，而且仲好鬆脆！而且份量都唔少起碼有七至八份。肉燥鹹度同肥瘦都適中，旁邊仲有啲配菜，夾埋一齊食好味！相反，個鐵路雞扒肉燥拌麵就有啲失望😔。雞扒同肉燥拌麵係分開上，個肉燥拌麵個汁係偏甜的醬油汁，味道都唔錯。但係個鐵路雞扒煎得有啲乾，肉質比較煙韌，同埋醬汁偏鹹。飲品我哋加錢要咗杯珍珠奶茶同埋桂圓紅棗茶。珍珠奶茶好大杯好抵飲！桂圓紅棗茶個味道就偏甜，好重桂圓味。小食方面我哋叫咗兩份一份係木魚豆腐大份，另外一樣係一口小香腸。木魚豆腐其實係炸豆腐，不過個外衣係木魚包住。上面嘅醬汁係酸酸甜甜，好醒胃！另外一口小香腸份量較少，大約有10片左右，應該只有兩至三條香腸。但係味道亦都吸引，不過不失。總結你間台灣野都幾吸引，同好食👍🏻。下次我會試吓呢個鹽酥雞拌麵！應該會食過返尋味😋😋…Read More

見近排深水埗開咗咁多間咖啡店，諗住星期日去同朋友飲杯咖啡傾吓計。上網見到coffee a day ，於是就揀咗呢間。咖啡店入面嘅座位唔算好多，所以等位都等咗一陣，而且等位途中都見到幾多人買外賣。鋪入面多數都係單人同雙人座，如果3人或以上就要選擇近門口位置。餐廳顏色好柔和同日，裝修都以簡約為主，而且餐牌貼咗喺個電子磅，好有特色！雖然店舖範圍較細，但都唔少得有打卡位📸呢間舖頭有儲分優惠買滿$50就一個印今次我就嗌左杯matcha latte 。佢個拉花仲好靚！佢抹茶味好濃郁而且牛奶都好濃厚👅同朋友傾吓計飲下咖啡咁就過咗一個下午，得閒比自己放鬆吓都何嘗唔係一件壞事😆…Read More

今日晏晝出咗旺角諗住搵間Cafe食下，經過朗豪坊就諗住去euro gogo食。佢嗰陣時大約一點半至兩點到，都幾唔係好多人見到都有幾張空枱。可能好耐冇黎一入到去見到個餐牌變咗做電子版，都幾清晰同埋方便睇。叫完之後服務員會俾個牌你，佢哋會送埋嘢食，唔使自己拎好方便。👍🏻見有啲肚餓就叫咗個辣肉腸火腿煙肉意粉加咗杯蜜桃茶飲。個意粉係忌廉底，帶有少少芝士味，如果食晒成個意粉都幾濟。，辣肉腸同埋啲煙肉煎得好香，啲火腿偏鹹鹹度，全部加埋個意粉一齊食啱啱好。個杯凍嘅蜜桃茶唔會過甜而且好清新，茶底唔會好苦澀，解渴一流👍🏻而且杯茶入面都有五至六片嘅罐頭蜜桃果肉。整體來講環境同食物價錢都唔錯😆經過可以入嚟食下。…Read More

今日星期五咁岩出開沙田，經過見到simplylife 冇咩人排隊，見又好耐冇食就行咗入去食啦。我哋大約七點入去，雖然冇咩人排隊但入面其實full house 咁濟。好食過我哋嗌左個安格斯牛扒dinner set 加咗餐湯同水果冰茶。佢個餐湯係南瓜甘筍湯，上面有啲蔥同埋芝士加左d層次感，而且啲湯唔會係好水嗰啲，飲落好足料，同埋好濃郁。個水果冰茶係帶少少酸嘅，唔會太甜。入面好似有啲熱情果同埋好似奇亞籽，增加口感。個牛扒份量適中，我哋要咗七成熟，煎得好好，冇過生或者過熟👍🏻肉質好淋，冇咩根，牛味都好重。另外都背左個牛油醬，不過我哋就冇點，齋食牛已經好好味。side dish蘆筍番茄都燒得好好，薯條好脆👅睇嚟講CP值都幾高！…Read More

今天我和朋友放學後在晚上享用晚餐。大約7時半進入餐廳用餐，雖然不用排隊入座，但可見大部份的座位都有人進餐。可惜坐近窗口位置能看到維港景色的座位已經爆滿，只能下次早點入座。我們點了兩份拉麵其中一份是湯面一份是拌麵，餐廳著名的湯底是有濃郁的鮮蝦熬製而成，鮮味十足！而且濃蝦拌麵更是香港餐單特有，用餐過後仍然有濃郁的鮮蝦味道在口中徘徊😋。叉燒亦口感柔軟，糖心蛋更是入口即溶。此外我們還叫了兩個消息其中一個是甜酸蝦椰菜沙律及餃子，甜酸蝦乾味道醒胃，加入椰菜後沙拉增加口感層次。餃子亦附上醬汁給客人點用，可惜味道沒有什麼特別。在桌面上餐廳亦提供不同的調味料供給客人調製自己喜愛的湯底例如蒜蓉醬七味粉及拉麵胡椒等等。…Read More