elephantV的個人專頁

呢一間既modos同葵廣都有既bove合併，所以呢間又有梳乎厘，又有雞蛋仔格仔餅，一個地方滿足兩個願望，而且呢間分店可以坐低食，同埋都幾乾淨！不過今次我就淨係叫左modos既積及橙朱古力雞蛋仔，以前食過旺中個間，今次又好想食！個皮邊係相見到都知好脆，雞蛋仔橙色，亦都有滿滿既朱古力。開頭食都仲脆，慢慢食落去開始淋，但佢係左邊仲脆，右邊淋淋地，吾知係咪吹涼個陣既問題呢⋯⋯咬開一半都有滿滿既橙蛋漿，基本上粒粒都有朱古力，分布算平均，而且吾會過甜，整體都好match。食完成個都好滿足，不錯…查看更多

呢間餐廳都幾特別，裡面有精品店，而外面就有位坐既，仲有Pizza、飲品，而雞蛋仔啲款都幾新潮，依家仲有髒髒雞蛋仔，而且雞蛋仔都有醬點黎食！睇評語話個軟心朱古力好食，一心想黎試，點知暫停供應，於是就叫左綠茶味+oreo，叫左朱古力醬。佢個雞蛋仔仲要有佢地品牌公仔既樣，都幾得意啊，初初食就都好脆，一粒粒雞蛋仔裡面都好滿綠茶漿，但啲oreo餅碎就放得吾太平均，外圍個啲基本上無既，中間就過多，但綠茶同oreo一齊食其實食吾出佢地本身既味，呢個有點失分！好彩佢有朱古力醬，叫做提到啲味啦！之後食到一半，下半既雞蛋仔開始變淋，亦都好難一粒粒met黎食，仲要愈met愈爛，直程食到上下分開左，食到呢個程度很失望呢，令我都吾想再試第二次⋯⋯尚有很多改善空間！…查看更多

因為是八哥主題，一直就很期待了，開業以來也有不少好評和報章介紹。終於約到朋友來試試，怎知失望而回⋯⋯約了飯局之後當然要book位，怕還是很多人要等呢，當日去到都full了一大半。去到就看看餐牌，價錢不算便宜，但幸好份量不算少。叫左野食之後，都等左大約廿分鐘都未黎，吹下佢先黎少少，因為叫左五六樣野，都黎到好慢，都無左相機食先呢回事，因為餓死啦！食品就無乜八哥元素，飲品就加入到小小啦，但叫左個綠茶latte，八哥隻耳仔無左，同埋有少少溶左，有點難睇得出是八哥。而味道真是不予置評，無咖啡味無奶味無綠茶味，即係乜味都無，是水味而且綠茶粉很苦，攪拌後還是無味，凍左更難飲！十分失望！另外叫左雞翼，係細隻版m記脆香雞。黑松露薯條就算吾錯，薯條食到最後都好脆，有黑松露醬，好惹味。德國香腸拼盤，無乜特別，同出面食到差吾多。卡邦尼意粉同黑松露飯算係比較好食，同埋大碟。叫左set叫左豬仔骨同西冷扒，兩種肉都好嫩好淋，吾錯！最後跟set有個甜品，本以為係簡單一件cake，但原來都幾特別，個底類似牛脷酥既野，上面有芒果雪糕，成個都幾特別，但吾知叫咩名，同埋等到吾耐煩都無影到相。整體：食物味道同外觀算吾錯，份量都算多，而飲品需要改善，價錢略貴。同埋餐廳音樂都幾大下，而且枱同枱之間都算近，完全聽到隔離講乜，所以如果想靜靜地黎食野傾計，呢到絕對吾適合。另外野食黎得好慢，吹左幾次令我地吾耐煩，但成個場都吾係多人吾係好忙，就算野食有幾好食都令到我地都無乜mood食野，需改善！…查看更多

已經好耐冇食過松記，估唔到一食就有新驚喜。今次試呢個叫「奇趣奶凍」，係曲奇既奇，即係oreo。下面係奶凍，好滑好軟，上面有滿滿既oreo餅碎同三塊mini oreo。雖然細細兜，女仔食岩岩好，吾會覺得heavy，同埋對於我呢啲好中意食oreo既人黎講係大滿足啊…查看更多

諗住係附近食啲野，無意中見到呢間鋪頭，又對芋圓糖水有興趣，就買一碗試下啦！鋪頭無特別裝修，同埋無得坐既，裡面主要都係放材料，而且有日光時無開燈，十分簡單既鋪頭，但好有台灣味道。叫左碗粉果綜合凍，有粉果、抹茶凍、仙草凍、紅豆、綠豆、珍珠仲有芋圓，都好足料，滿滿的一碗。粉果好煙韌，抹茶凍幾好食同好滑，仙草凍就無乜味，紅豆綠豆正常啦，珍珠都好好咬口，芋圓都好食都有芋頭番薯味。但係個糖水底建議可以用黑糖底，甘就多啲台灣風味。整體黎講吾貴又足料，可以一試…查看更多

難得黎到黃埔，當然又要黎食媽咪雞蛋仔。通常食開銅鑼灣個間，感覺上好似黃埔呢間既款式多過銅鑼灣，仲有飲品添！但咁多野揀都有個缺點，就係吾個揀乜好！咁岩見到佢行店長推介，見到鳳凰卷雞蛋仔，即刻心心眼啦等左十分鐘左右，拎上手熱辣辣，但就吾算好脆。但一搣落黎感覺粒雞蛋仔好足料，滿滿的，裡面滿左蛋漿，仲有紫菜好肉鬆，但係好match，好好食，但略嫌肉鬆有啲少，吾係粒粒都有，但食完好滿足啊…查看更多

新開咗無耐既糖水舖，成日七八點就見到已經好多人，今次食完飯又想食下甜品，就試吓新野啦。鋪頭裝潢都好中式好懷舊，感覺好好，裡面唔算好大但係坐到好多人，但又唔會坐得好迫好唔舒服。今次叫左個芝麻湯圓同埋冰花燉鮮蛋。芝麻湯圓係薑汁糖水底，如果係冬天食就一流啦，好暖胃，而湯圓裏面有滿滿嘅芝麻流沙，個皮都好好食。冰花燉鮮蛋都係熱辣辣，記得吹下先食吾好辣親個咀。好香既蛋味，而且整得好滑好靚仔。…查看更多

梳乎厘都興左一排，今次黎到葵廣就試下。其實佢既口感有啲似蛋糕，但係比蛋糕軟熟。今次叫左鹹蛋黃吉士。梳乎厘裡面有一粒粒既蛋黃粒，鹹鹹地，但個感覺同口感都好得意。而面個啲就係吉士醬，但吾算好甜，所以吾會話又甜又鹹好奇怪，都夾既。價錢吾算貴，不過味道就未算好特出，未必會食第二次。…查看更多

食過幾次，都係覺得麵好食啲，麵質同湯底都吾錯，滷肉飯就較為普通。今次揀左紅燒湯滷水雞翼麵，雞翼同麵係分開既，麵條幾特別吾係到到食到，湯底好濃味但又吾算係味精湯，吾錯！但個雞翼就有啲普通同埋無咩滷水味。酥炸排骨滷肉飯，都係分開兩碟既。個酥炸排骨同平時見到既炸皮有啲吾一樣，比較似煎排骨，但肉質吾韌既，個滷肉飯就好一般，滷肉無味又無蛋⋯⋯另外加左個小食：鹽酥花枝丸，呢個就幾好食，無出面食到既甘咸，而且炸得幾脆又吾油，個丸都好食叫左杯珍珠伯爵拿鐵，叫左就冰，但黎到既時候無走冰，比反佢，佢最後只係倒走左啲冰⋯⋯⋯…查看更多

麻布茶房本身既形象就係貴得黎食物又一般，但當係吾知食咩好，又甘岩見到個火鍋大割引，就再試下啦。叫左個A+B既套餐，揀左壽喜燒湯底、豚肉火鍋(轉烏冬)+抹茶雪糕窩夫。個火鍋一到左就見到啲料好港式，菜、獅子狗、龍蝦丸、冬菇、金菇，當然仲有豚肉，不過得三塊等鍋滾既期間好肚餓就試下個烏冬，個烏冬上菜時已經係熱既可以食得，好彈牙好好食而個鍋就普普通通，佢無出面壽喜燒湯底甘咸，而啲餸都普通到吾駛講，個豚肉都有少少韌。反而期待個甜品，紅豆好甜，個雪糕好濃抹茶味，但可能雪糕溶左，令到窩夫苦苦地。因為有50%off又有甜品先叫抵食啲，但味道一般。反而要提既係員工服務，覺得真係留意到客人需要同真心幫忙上菜時個鍋咩咩地，自己用紙巾整但都怕熱，有員工主動走過黎幫手，再比返啲紙巾…查看更多

Food court既優點係有各種類型既野食，但缺點係太多野食揀啦！行左個圈都諗吾到揀咩食好，但再行多個圈，見到有人捧住碟好靚既蛋包飯，就即刻決定左食蛋包飯叫左吉列豬扒蛋包飯連串燒，仲附送一碗湯，價錢吾係好記得，大約五十零蚊。外觀滿分，個蛋仲有少少蛋漿，未熟哂，色水都好靚。吉列豬扒都炸得幾靚。味道方面，啲豬扒炸得脆，但係就好韌好難咬。串燒一段啦而個蛋就薄薄一層，少少蛋漿，食落吾會甘乾，加少少蕃茄醬同芝麻醬更惹味，而飯應該係日本米黎既整體都好食，係個豬扒扣左分…查看更多

本身諗住去大三巴附近行下搵下野食，但落左車無幾耐就聞到陣香味，行多幾步就見到個攤檔，係炭燒既味道。叫左一隻燒雞脾，雞脾仲搽左蜜糖，食落口好香燒烤味同蜜糖甜味，而肉質好嫩滑，整體黎講幾好食，如果再熱啲就好啦。佢另外仲有腸仔、雞翼同雞柳。…查看更多

黎到澳門都吾知食咩早餐好，又吾想食茶記，搵下搵下就搵到呢間盛記白粥，簡單既早餐之前搵資料既時候，因為比較少鋪面相，以為係小店，但黎到又覺得幾大間幾乾淨，雖然張枱吾算好大，但成個感覺都坐得好舒服我地幾個人叫左白粥、皮蛋瘦肉粥、咸煎餅、油條、甜煎堆、牛脷酥、炒麵、蘿蔔糕、腸粉一齊share，因為見好多人推薦綠茶豆腐花，最後都係想試下白粥會有啲稀，但係有淡淡豆味。皮蛋瘦肉粥好足料，有蠔仔、皮蛋、瘦肉，好食，又吾係味精味油條浸左落粥到食甜煎堆裡面係椰絲，但煎堆好油啊，一拎起個煎堆，隻碟有成層油咸煎餅同牛脷酥就普普通通，炒麵都較為一般，吾夠入味。蘿蔔糕都幾好食，吾會好粉，但就係乜料。腸粉都一般，都算滑，但整得比較厚。綠茶豆腐花：都幾驚喜，豆腐花本身應該都加入左綠茶粉去整，可見有啲綠綠地色，食落都有好香既綠茶味，值得一試…查看更多

自從第一次食過之後，就每次黎親澳門都好想食。之前都食過厚蛋豬扒包，好食過以「正宗」馳名既店鋪。世記既蛋真係厚，而且豬扒大塊多汁，好好食。今次就試下鹹牛肉多士，蛋依然好厚，鹹牛肉既顏色仲係偏紅，不過吾算生，同埋好出肉味。因為今次偏晏先黎到，就廢事飲奶茶夜晚訓吾著，不過我之前都似過，真係好滑好有奶茶味都十分推薦…查看更多

menu有寫哂所有既餸，個個鍋都至少十幾樣餸。一人食算係幾大鍋，火鍋料幾齊，我地食完係飽到上心口。如果係女仔食吾到甘多野，可以叫一個鍋，再加餸/飯麵share。我地叫左泰式海鮮同韓國泡菜鍋，辣度可以揀，本身食得辣，叫左小辣都覺得好辣，但好好味，最後辣到要叫多一碗飯黎送不過餐廳空氣有啲吾流通，成個場火鍋氣又熱，搞到個人好吾舒服，但整體食物質素係okay既，算係平價多野食抵食既。…查看更多