tptp89's Profile

岩岩搞成左張單，同事突然話想食泰國野慶慶佢，咁岩又見到有間新野寫到百零蚊食到明爐魚又有海南雞，果然冇令我地失望。 圖001 早鳥優惠，早開飯148 包兩個小菜，加30蚊可以轉明爐魚，包埋飯同野飲先兩舊水，同事話有野煲煲下先夠過癮，所以一於加埋佢。 圖002 平時食泰國野就食冬陰公同咖喱，不過lee 排熱氣，辣野就下次先 圖003 其實鋪面唔大，但野食好多款式，同埋係地鋪轉角位，好開揚，坐得好舒服。 圖004泰式凍奶茶（後），泰式啡噢靚（前）同事叫左泰式凍奶茶，我見有個叫泰式啡噢靚，問職員咩黎，佢同我講係有糖齋啡，係幾過癮既，冇茶記果d 酸味。 圖005泰式小食併盤（細） 食泰國野又無理由唔叫併盤既，職員話兩個人叫個泰式小食併盤（細）已經夠，叫細但其實都好大碟，春卷炸得好脆，食落完全唔油，蝦餅同有個肉丸都好香口，唔係要揸車其實好應該啤啤佢，串燒有分豬同雞，我地叫左豬肉就合格，蝦片就是蝦片。 圖006泰式海南雞（半隻） 其實我都唔知海南雞係咪泰國野，不過lee 隻雞真係好滑，個皮好爽，就算雞胸d好厚肉既位都唔鞋，同事話應該要慢煮好耐先做到。 圖007泰式明爐烏頭魚 鋪仔細細有明爐魚玩其實又幾開心既，好快就滾起，所以配落多碗湯可以比你慢慢加。因為keep 住煲所以其實都好鮮，就要加錢都值得玩下。 本來想叫埋芒果糯米飯，但真係食唔落。埋單先三舊水，下次一定要再黎試埋佢同冬陰公。 同埋佢話有d 抗疫餐，38 包餐飲，睇落抵到爛，下次試埋佢。…Read More

放工落荃灣食返一餐韓式燒烤，校長燒肉放題係一個唔錯選擇，好多食物俾你揀，又可以順便打個邊爐，飲品選擇都幾多仲帶啤酒俾你揀。岩晒我地哩D食肉獸，無限肉肉，我覺得店鋪提供肉類及質素都唔錯，醃製味道都幾好，朋友都覺得哩間韓燒質素對得起價錢，店員補充超快，又有日本刺生提供，又有熟食和沙律，一個價錢享受幾種放題，正呀！次次都揀到坐卡位，食到飽飽地又抖下，望住外面荃灣境一路燒一路同朋友吹水，大家去荃灣不仿去試下，唔錯選擇，記住要book位，都幾多人等位。…Read More

收工落大雨，同朋友係尖沙咀想搵間西餐食牛扒嘆下啤酒、朋友介紹去哩間The Grill Room，環境唔錯和地點方便就腳。我地去到餐眼見都9成滿座，等多15分鐘終於到我地用膳，我點左一份燒美國安格斯肉眼扒配黑松露薯蓉，飲品揀左一杯凍拿鐵，另外，朋友點左一份燒美國安格斯西冷扒配黑松露薯蓉，飲品揀左一杯Peroni生啤。我覺得佢間餐廳的肉眼扒唔錯，好多汁，5成熟令牛味出晒黎，仲有兩款醬汁跟埋，綠色個隻汁係好特別似廿芫荽之類味道，食落唔錯。薯蓉個黑松露搭配幾適合，食完塊牛扒又可以飲杯野飲抖一抖，仲有甜品食添…Read More

放左工約左朋友食韓燒放題，主打牛肉類韓燒，有牛扒、一口牛、牛小排，精選五花腩肉、時令海鮮、蔬菜瓜類、韓式飲品和其他雪糕任點任食。我地order左所有牛肉類，上碟睇到餐廳嘅心思和肉類好高質，燒完之後點少少鹽粒就可以食，牛味好重，肉質幾正，厚度切到幾適中，燒上黎又快熟，燒肉推薦必食（牛小扒、肉眼扒、一口牛）侍應幾好禮貌經常同客人換吸肉紙。熟食、小食，我點左泡菜、芝士雞翼同埋一口牛都好好食，值得推薦。餐廳有3個價錢俾客人選擇，我揀左中間個個價錢。…Read More

知道好朋友即將離開香港一段時間，相約放題盡擦一番相聚🥲平時見要排隊今次決定早少少去入到去有咁多食物已經好興奮, 醬汁自助想要邊種調味料自己話事.. 有放題例行必有嘅餐前冷盤同沙律，刺身同壽司比想像中新鮮，仲有熟食炸物熱食。見職員都會勤補充食物，感覺非常良好😊先來燒烤部分，肉類好多都已經醃好去燒，蜜蜂雞翼，紅酒西冷，黑椒牛扒, 全部都無雪味質量過關👏🏻比左錢當然不能錯過火鍋啦！配料都應有盡有，款式多到離譜，而且井井有條咁非常衞生令人非常放心。飲品放題除左有罐裝汽水仲有紙包茶，唔怕甜份超標又消濟！唯甜品區種類唔算太多, 不過又可以打邊爐又可以燒嘢食仲有咁多其他食物，咁抵都好值得一去…Read More

星期日晚行完西九龍見閨家好好生意決定試下，排左近十五分鐘先有得入座，應該口碑不錯吧！主打無味精老火湯，今日係雪梨紅蘿蔔瘦肉湯。飲開湯嘅我一試就試岀果然真係無味精，足料好味，一碗其實唔夠我飲 😅咖哩豬扒飯~ 小辣 $50想講個豬扒好好食，難怪附近幾枱都係叫咖哩！咬落軟身無骨，咖哩唔係巴基斯坦嗰啲而係香濃幼滑，又唔算好甜，好好送飯。棒棒糖滷鴨飯 $52甜甜地又無骨，鴨肉嫩滑唔韌，好岩女仔斯文食最後仲叫左滷得入味嘅小食~ 滷水鳳爪 $30…Read More

荃灣一日遊，食足全日，今晚係荃灣揀左一間韓式任飲任食燒肉店（校長燒肉），好多年輕人同三五知己聚餐好地方，飲品選擇又多，一定有一款岩你口味，燒烤方面材料都唔少選擇，有五花腩、魷魚、牛肉、牛脷、海鮮、菇類、菠蘿塊、仲有已煮熟的食物提供、冷盤食物提供、有炸雞及其他炸物、爆谷機炸爆谷、手動雪糕機俾你整雪糕都幾有創意，岩晒一家大小來食燒肉，服務員的都幾好客，又主動同你換燒烤紙和收拾枱上垃圾，整個餐廳環境都乾淨衛生，非常滿意…Read More

今日放假又打風，商場飲茶最好。揀左間係荃新天地「唐宮小聚」飲茶，環境幾好，坐得寬闊，都幾多枱，唔洗點等位，好快可以份座。我地點左一份麻辣乳鴿（$39），一份沙田燒乳鴿（$39），兩個都係堂食價錢真係幾抵食，一份得意小豬，一份黑金流沙，一份非常山竹，一份肉鬆抓餅，一份蠟味煲仔飯，一份咸雞煲仔飯，點心味道幾好，包點款式比較少同其他地方相似，影相一流，煲仔飯都幾正，有飯蕉，唔洗加醬油都夠味道，堂食價都係$69抵食推介…Read More

又到食中午飯時候，係尖沙咀東港晶中心搵左間「富華冰室」茶餐廳食野，間餐廳幾大好多人幫親，又多枱，我點左一碟招牌燒味四寶飯和一杯凍奶茶，d燒鴨味道好正仲係暖嫁，成碟份量都幾多，岩晒大食人士，杯凍奶茶都幾大杯，飲唔晒。快，靚，正…Read More

假期落深水埗周圍行街，見到蘇媽馬來西亞茶餐廳唔洗排隊就衝入去食返個午飯先，我們點左一個百吉爹肉骨茶（一字排），份量足夠兩個人食用，湯味濃郁，肉質爽脆，仲有豆卜金菇鋪底、辣死你嗎配咖哩雞肉（咖哩味道特別，唔似一般港式咖哩），辣死你嗎配仁噹牛肉（牛肉味道有d似燒牛肉乾，係幾正），兩個飯都係斑蘭葉飯，和有半飯蛋，魚乾，花生等、一杯凍馬來西亞拉茶（都幾大杯，茶味濃厚），叫飯餐仲有免費肉骨茶添飲，味道幾正宗，絕對唔差，餐廳裝潢偏向馬來西亞舊屋設計甘，幾舒服。…Read More

今日黎到尖東依頭揾朋友食晏, 朋友推介半島中心依間i cafe, 話平時幫襯開幾有水準。位置比較隱蔽應該係做熟客仔生意多。餐牌款式多元化, 有別於一般餐廳係除左飯麵餐之外，想輕盈點仲可以選擇墨西哥卷/Pizza/沙律。跟餐有湯同飲品非常正路。紅湯中規中矩, 最緊要唔死咸同唔會水汪汪, 味道飲落幾開胃。我點左馬來咖哩雞球飯($50)，平時叫親咖哩飯都抱住戰戰兢兢嘅心情因為好驚中伏，今次咖哩唔辣調味恰宜好好下飯。而朋友的點牛油果醬雞肉墨西哥卷($58)初頭見得4小舊以為份量好少, 原來頗為飽肚, 饀料足個皮唔會韌滿意！雖然唔係來吃裝修, 不過大碟抵食性價比高絕對岩哂放飯嘅朋友仔黎幫櫬…Read More

今日黎到尖東依頭揾朋友食晏, 朋友推介半島中心依間i cafe, 話平時幫襯開幾有水準。位置比較隱蔽應該係做熟客仔生意多。餐牌款式多元化, 有別於一般餐廳係除左飯麵餐之外，想輕盈點仲可以選擇墨西哥卷/Pizza/沙律。跟餐有湯同飲品非常正路。紅湯中規中矩, 最緊要唔死咸同唔會水汪汪, 味道飲落幾開胃。我點左馬來咖哩雞球飯($50)，平時叫親咖哩飯都抱住戰戰兢兢嘅心情因為好驚中伏，今次咖哩唔辣調味恰宜好好下飯。而朋友的點牛油果醬雞肉墨西哥卷($58)初頭見得4小舊以為份量好少, 原來頗為飽肚, 饀料足個皮唔會韌滿意！雖然唔係來吃裝修, 不過大碟抵食性價比高絕對岩哂放飯嘅朋友仔黎幫櫬…Read More

今日入大埔郊遊完，同朋友搵到平靚正雞煲任飲任食，地方近廣凍橋，$168一位任飲任食即叫即煮正宗重慶麻辣雞煲，又香又麻又辣，汁香、配料又多，食完麻辣雞煲可以叫職員加湯轉打邊爐，肥牛、牛栢葉、牛肚、各種丸類、蔬菜任你叫，汽水及紙包飲品任飲，啤酒任飲要加$15，我自己加左兩份收費食物，一個手切安格斯肥牛，一份廣島生蠔6隻，肥牛牛味濃郁，直得推薦，另外廣島生蠔都幾正，滾完唔縮水，大大隻，任食2個鐘，同朋友聚餐好地方…Read More

環境舒適又乾淨，職員態度熱情，主打西式食物，我揀左兩份扒餐，一份16安士燒安格斯肉眼扒配黑松露薯蓉，價錢$368，另外一份12安士燒安格西冷扒配松露薯蓉，價錢$308，扒餐係無套餐。7成熟扒質素都幾好，好有牛味又，特別推薦肉眼好大塊又好味，每份牛扒都有兩個汁跟，一個係薄荷汁，一個係燒汁，另外薯蓉好重黑松露的味道，餐廳有提供酒精同無酒精飲品，叫左薑啤$38同可樂$28飲，餐廳有音樂播放，氣氛輕鬆岩晒同朋友食飯暢談好地方，現在都幾多年輕人用膳。…Read More

走肉朋友（大角咀）父親節食返健康素食，哩間走肉朋友餐廳是自助餐型式，亦有提供外賣飯盒，位置交通方便。餐廳裝修比較年輕化，枱同座位比較闊落，適合家庭及朋友聚會，每節自助餐時間90分鐘，先購票後進食型式。食物方面都有十幾廿款菜式提供選擇，有凍盤（凍豆腐、西式沙律、川式中華沙律、口水素雞、手撕素雞、菜卷、水果），熱盤（素叉燒、炒時菜、炆冬瓜，炒雜姑），炸物（素pizza、炸番薯、炸南瓜、炸姑），鍋物（冬瓜雜豆沙、素豪仔粥、白飯），糖水（自制豆腐花，綠豆爽），熱茶、凍飲（竹蔗茅根、紫天葵）每樣食物都是細盤，職員補充速度快和保持食物新鮮總結每樣食物味道都幾好，不太咸和甜，老少咸宜，價錢都幾抵，最後用完膳離開要自行清理枱面，分類碗碟用具。…Read More