Captain Gourmet's Profile

終於都到last day的一天，遞左信之後就積極搵下平平地又不失禮嘅散水餅，落左訂無幾耐，點知又黎第五波疫情，公司好遲先決定WFH，每日得番一半人返工，好彩舖頭都肯比我改單，改番一半冬甩，一半花茶，過左假期先返嘅同事都可以收到散水茶。初時舖頭話下晝2-4先送到貨，但年廿九公司都收早⋯⋯4點先黎到我點夠時間派呀？好好彩，送貨提早上晝送到，同事見到我排緊餅都已經忍唔住拎黎食，個個都讚，話冬甩好鬆軟，又好colorful，成支波板糖，食得好開心。我要派成80人嘅散水餅，買貴價餅都好肉赤，呢間睇得又食得，絕對性價比高！…Read More

約左舊同事食飯，要就佢又要晏晝都有得訂檯，只有歌賦街附近可以選擇，佢話見到個流心牛角包好正，好想試，於是就訂檯食飯！因為用app訂檯有折，不過要散叫，我地一心係想試個包，於是叫左一咸一甜牛角包，另加一個意大利飯。講真，意大利飯就無乜特別，淡口味的，只想講下個牛角包，初時都擔心好細個，望下隔離檯果個size都ok，於是一叫就試晒咸同甜。話明流心，切開果下當然流晒出嚟先震撼，先講個咸的，切開暖暖既龍蝦湯流出黎，都聞到香味，牛角包浸左湯，當然唔好期望仲好鬆脆，不過索晒d湯就好好味，個湯又唔會太咸，正既！至於個甜的，似芒果味多過楊枝甘露，同埋無咸果個甘流心，比下去的。其實賣點只係個流心牛角包，如果想試，不妨下午茶先食，感覺悠閑一點。…Read More

有次同事請左我食一塊咸蛋黃蝴蝶酥，先知原來堅道有間甘好食既餅店，趁有屋企人生日，於是順便試埋佢d蛋糕。咸蛋黃蝴蝶酥一定會買，因為真係好香，加上佢既蝴蝶酥好鬆化，雖然肥死，但你會食到停唔到口！本身想買造型最得意既蘋果cheese cake，不過無大個whole cake版，局住買幾件細切餅；西瓜蛋糕、粟米蛋糕、朱古力蝴蝶酥餅，最好味係粟米蛋糕，因為好香粟米味，以為入口好古怪，又唔係喎，粟米mousse好似飲緊粟米湯甘；西瓜蛋糕就cream多得滯，甜左d，唔清爽；朱古力蝴蝶酥比人一啖食晒，隊長無份食⋯⋯蘋果cheese cake有點失望，兩種味唔夾，感覺入口兩種味係分開，好奇怪。如果佢唔係係半山，我諗我會成日去幫襯！…Read More

由於部門越嚟越多人，次次出街食飯經過都唔可能食到呢間長龍台灣野，有次可能落雨，無人排隊，終於可以試下呢間個個都話好食既台灣菜。隊長想食麵⋯⋯但款款湯麵都有隻辣椒，怕辣既我揀左個鹵肉乾拌麵，再加珍珠紅茶。如果怕食蔥，記得叫佢走蔥，因為成個面都係，鹵肉就一般，唔夠入味，至於個麵，真係好乾⋯⋯加上係粗麵，就算撈埋鹵肉，都係覺得好乾，食完覺得有點鞋口。最失望係D珍珠，話晒都要再加$5，但衰過街邊果d，珍珠煮唔淋，咬落除左硬，仲有點粉粉地，應該係煮唔熟既關係。其實一碗麵+飲品都要成舊水，佢話台灣人煮理，我食唔出台灣風味，有點失望，要我日曬雨淋去排隊食就咪搞我啦！…Read More

和同事係附近食完飯，咖啡精同事撩我飲咖啡，本來都唔係好想飲，但佢講到話係好出名，即刻雙眼發光！其實cafe既環境好正，可惜我唔可以坐低慢慢嘆，隊長唔係咖啡專家，只係知自己鍾意飲latte呢d多奶既咖啡，由於唔係好識，order時都有問下店員，佢地好nice甘介紹，聽到佢話Spanish latte係用煉奶，我又雙眼發光，即刻order杯熱既試下！由於太滿，我飲幾啖先cup番個蓋拎走，嘩！好好飲，杯咖啡好滑，同平時成日飲果d連鎖咖啡店係有好大分別，而且用煉奶有個好處，就係唔駛加糖，講真，有時用木棒攪完都未必攪得均勻，總會飲到底時先覺得勁甜，呢杯咖啡由頭到尾都會有甜味，唔怕唔均勻！…Read More

N年無見過呢位舊同事，遷就佢係銅鑼灣返工，一於試下呢間想食好耐既樓上cafe，想訂檯點知full booking，由於得2個人，於是我早收工Walk in邊等位，邊等佢收工。店員話有位會打比我地，於是係附近行左一陣，終於有位就即刻上去，打開個menu，個個菜名都好好笑，我地叫左個「可能會失望溫泉蛋明太子扁麵」同「點解個個都叫軟殻蟹pizza」，個扁麵唔失望喎，個汁好creamy，而且加左木魚碎，個感覺有點似日式撈烏冬；至於個pizza，雖然唔係好大個，但d料係鋪到餅邊，濃濃千島醬底，味道唔錯，只嫌得一隻軟殻蟹唔係好夠分。不過佢都好多人幫襯，都唔能夠坐得太耐，但食物一啲都唔麻麻地，如果可以坐耐d就perfect!…Read More

有次行過，同事話見呢間食galette好出名，於是搵日趁人少少就同佢去食，餐廳要落地牢，樓底都有點矮，我地果日walkin去食，只有近廚房既bar檯/戶外位置⋯⋯熱到死當然坐番入去，不過就會成身油煙味。Galette選擇唔多，想飽肚d就揀左個Parisienne，貪佢有雞肉😬份量唔算大，但都ok夠飽的，galette帶住好香既麥香味，雞肉、磨菇、洋蔥都炒香，唔算好重芝士味，其他配料炒香過之後都蓋過左陣芝士味。香港可以食到galette/crepe既地方唔算多，呢間都係隊長食過最好味既一間，食完都仲回味緊果陣麥香味！如果有時間，都想試埋甜既crepe!…Read More

係山區返工，講真，lunch遲左出去去，唔駛旨意落去食南記果d平野，公司近soho，唯有係附近搵食。行過聞到好香，勁肚餓既隊長於是就拉埋同事衝左入去！隊長見到有個叫Hong Kong U既包有菠蘿，好愛菠蘿既隊長二話不說就落order！嗱！如果趕時間/大班人就要諗諗，因為佢人手好少，得一個人煮，逐個包整係勁耐，不過佢逐個新鮮整就真係香噴噴！包面有芝麻同埋都輕輕煎過，幾香，份量都大份，除左主角漢堡扒，仲有煙肉、煎蛋、菠蘿，同埋鴨油薯條，先讚下塊漢堡扒同煙肉，漢堡扒好juicy，肉質都鬆軟，至於點解要讚塊煙肉呢？因為佢唔會煎到變肉乾，好怕食到呢種煙肉，同埋少一點肥羔，似食火腿多一點，食漢堡包肥、油就一定架啦，夾塊菠蘿感覺會好一點。至於鴨油薯條，比平時食既香好多，而且乾身唔油，食到停唔到口！如果唔係lunch time食，配埋啤酒更一流！…Read More

呢一陣子話勝香園、九記無晒遊客去食⋯⋯事實係仲有大把中環打工仔排隊去食囉！點樣都係食唔到，反而隊長經過呢間食蕃茄沾麵既新店試業，因為趕時間又係人排，於是就衝入去，麵既選擇唔多，幾款蕃茄沾麵外，只有2款撈麵，不過就有辣度選擇，但最辣就要加錢，好似隊長勁怕辣既就要諗諗，佢無不辣的選擇，只可以有1度微辣⋯⋯但我覺得都有點辣；至於麵既份量，佢有3個份量選擇，但就算揀到最大份都無額外收費，幾有良心，當然，大家唔好做大嘥鬼，要就番自己食量order！隊長因爲勁怕辣，佢話湯底set好晒，我只可以揀1度微辣，而又係冷麵既撈麵（沾麵碗湯都係熱熱地，我驚熱的話會仲辣），我order完250g麵都擔心太細份，好彩份量都唔少，而且比我想像中既叉燒份量為多，加上半隻糖心蛋，正常食量既女士都一定夠食。食麵當然要試下個麵底得唔得，都幾好味，無鹼水味，呢個好重要，要落甘多鹼水既麵，新鮮極都有限，麵身都幾彈牙，雖然撈麵要等耐d，不過都值，因為都明要煮熟麵，然後要cool down，但麵都無話仲有點暖暖地，係真係冷麵。同事雖然食沾麵，不過佢好食得辣，叫左10度，我嚇到一滴湯底都唔敢試，不過佢話無佢想像中既辣，佢話頂多係譚仔中辣再辣少少（佢平時去譚仔食大辣的，各位自行調節）隊長覺得新店既製作都認真，不過可以有不辣既選擇會好一點！…Read More

係中環返工，要lunch hour食到IFC果間kiki應該要等到2046，好彩而家九龍都開多一間，我又未行過K11 Musea呢個新場，終於有機會試下！行完一轉food court無野岩食，於是去水牌睇下有咩食，見到有得遙距攞位，雖然商場唔多人，都手痕去㩒下⋯⋯當然去到kiki係無乜人，其實都唔駛理我果張遙距飛，小店形式，選擇唔算多，怕辣既人就有點頭痕，因為大部分食物都係辣的，所以怕辣既隊長只可選擇2款K11限定的素菜麵，黎到kiki當然要食麵食，隊長叫左紅白丸子千層腐皮蕃茄湯麵，老公叫左辣雞拌麵，隊長覺得拌麵勝過湯麵，因為拌麵好食過湯麵，因為麵身彈牙好多，湯麵可能浸得耐，麵身淋左唔彈牙，但d餸就素菜麵出色d，素菜丸好彈牙，而且串起2串，賣相唔錯，最好食係個千層腐皮，有別於出面的素鵝，佢有炸過，但唔會炸到油淋淋，而且吸左蕃茄湯，入晒味好正！由於隊長想去第二到飲野，無試到佢既茶飲，總結而言，味道唔差，但成舊水一碗麵就未必令我好有衝動再去食第二次。…Read More

朋友問我生完BB第一時間想食咩，我諗都唔諗就答珍珠奶茶，忍左成年，觀塘開左春水堂，真係要去試下！因為只有堂食，無淨外賣飲品，所以只想飲珍珠奶茶都要排隊入座，weekend 12點左右去等都要排到第二節既隊，還ok的，都唔算等好耐。食物、飲品唔算多，如果想食埋甜品，記住要留肚。隊長原本諗住食完再食甜品，於是叫左個魯肉飯同菜⋯⋯飯既size都似平時係屋企食果隻飯碗甘大，加埋魯肉都夠飽，D魯肉都唔係鹵到死死實實，帶少少肥糕都香軟，至於個菜，勁多油，好似油浸甘，食完真心帶點滯，飲埋杯珍奶已經飽到上心口，話雖如此，重點都係杯珍奶，隊長喜歡飲熱珍奶，貪佢茶香味重d，春水堂既珍奶無令我失望，有茶香，珍珠唔會放耐左就癡埋一舊舊，而且細粒珍珠會易入口，特別係飲凍飲。其實觀塘店都幫襯過2次，2次服務都好貼心，其中一次我孭住BB，又孭住個大尿片袋，但我講明BB不佔位的，店長好細心安排左個梳化位（其實可以坐3個人）比我，佢話方便我放野，我無諗過地方細細既餐廳都甘好，係peak hour都比張大d既檯我！…Read More

隊長進化成為港媽，出街食飯真係選擇唔多，因為一定要方便出入，又容納到BB車，最近娘家就只有新城市可選擇，但weekend間間都爆棚，訂左檯都要係門口等一陣，好彩臨時臨急都訂到7樓呢間餐廳，訂位時已講明有BB車，侍應都醒目地比左一張近門口，無甘嘈，又有空間放BB車既位置，呢個要讚多年前食過中環果間（已經執左😅）都幾好味，經過甘多年，當然轉晒menu，先點左個拼盤，貪佢咩都有，仲要有炸豬皮，呢到都整得唔差，咸咸地，又唔係乾到條柴，佐酒一流，拼盤仲有Mini burger、炸魷魚圈、炸蛋、雞翼，食完都已經飽左一半；唔少得當然係食燒乳豬，但有d失望，因為燒得唔夠脆，同埋隻豬太肥，好油膩。Ribs就不過不失，西班牙海鮮飯就好淡，可能其他菜式咸，令我覺得呢個飯好淡卦。味道未必有以前中環果間甘好食，不過係沙田難得weekend都仲有得比你訂檯，坐得舒舒服服，仲要服務都唔差！…Read More

隊長自細係大圍長大，睇住一路發展，起埋「豪宅」之後，小店、平價茶餐廳都陸續執笠，可以選擇的小店都唔多，難得可以放低BB一陣，享受一下短暫的me time，即刻search下大圍有咩好食，見到呢間叫「白羊座」，同星座既隊長即刻心心眼😍話明小店，唔會係大街，當然入面亦都好細，如果帶住BB就一定坐唔落，睇下menu，午餐平均都係$50-60，去大型快餐店都可能唔止呢個價錢，見到黑松露炒蛋牛角包+紫薯餅都係$45，又再心心眼😍，雖然都驚份量唔夠飽，不過都好想試。炒蛋炒得好滑，只係個飽差少少，可能炒蛋d濕氣令到個包有少少「林」左，至於個紫薯餅就炸得唔夠乾身，食落好大陣油味，不過真係用足料，薄炸漿包住滿滿既紫薯蓉，真材實料！雖然未至於話勁好食，不過甘既價錢，係大圍已經買少見少，得閒真係要幫襯多d，支持一下呢d小店！…Read More

隊長記得細個上家政堂，整過一個綿花糖可可米既甜品，真係好好食⋯⋯但返到屋企阿媽肯定唔比我整，因為洗鑊都洗到傻！後尾係美國買過成箱類似energy bar既Rice Krispies食，好快就被我KO，真係對呢種甜品念念不忘！行過中環，見到有d美少女拎住個「龐然巨cone」行出黎，8卦既我就貢入去睇下⋯⋯嘩！竟然有我好掛住既Rice Krispies既cone揀，雖然呢隻特別cone要加錢，不過真係好想食，貴d都要試！雪糕我就揀左焦糖花生醬，呢種美式口味真係肥爆，不過勝在出面少見。講真，雪糕就無乜花生醬味，同埋好夠凍，食起上黎就無乜味，但勝在唔怕佢好快溶，個cone已經好大個，仲要溶晒滴到周圍都係就麻煩。至於個cone，食起上黎都有點論盡，不過真係無敵，童年回憶即刻返晒黎！唔鍾意食可可米，仲有其他加料cone揀既，就甘朱古力脆皮cone都有，當然加得錢食就梗係食d多功夫既，貪佢抵d麻！$60食杯雪糕係貴左d既，不過間唔中食一次，搵番d童年回憶返黎，都幾治癒！…Read More

自從屋企人搬離荔枝角，都好少專登走去果一帶搵食，D2 Place而家開到二期都唔知，因為要去附近聽講座，所以專登搵下附近有咩新野食！之前都想試niji的蛋包飯，但次次去尖沙咀都總有其他選擇而放棄，長沙灣呢間轉左做社企，見到蛋包飯價錢相對平好多，所以趁經開都去試下，望住個menu都諗左好耐，因為諗緊究竟食超可愛的熊仔飯（一定唔夠飽！），定係正常蛋包飯（一定夠飽！）⋯⋯最終都係向熊仔飯低頭，因為出面真係好少見，熊仔飯寫到明係用常溫飯，可能要時間砌個樣啦，所以唔可能keep到熱辣辣上碟，上檯果下真係唔好蝕，要狂影相，因為真係整得好有心思，好可愛呢！⋯⋯不過真係好細碟，似兒童餐多d，除非你係勁細食，否則你食完都要再搵野食。熊仔飯係茄汁飯，但都有個暖白汁可以比你淋落個飯到，個飯未至於凍冰冰，伴碟會有幾舊火腿，叫做有d肉食下，無甘齋，不過留意到佢既餐具都幾特別，一邊係匙，一邊有叉，應該係方便你一支餐具去食晒成碟蛋包飯。講真，可愛熊仔飯味道就無咩特別，專登去食都係想扼like，如果要飽肚/想食到蛋包飯的味道，甘就要食番普通蛋包飯勒！…Read More