jbyc的個人專頁

真係好耐冇試過打邊爐打得咁開心！平時主打牛肉火鍋店，啲配菜都係普普通通，但呢間真係由牛肉到湯底到配菜都高水準，唔怪之得平日夜晚都滿座。招牌豬骨蜆湯店員一開始會拎起啲豬骨先，然後幫你舀啲湯飲，第一啖已經覺得正，feel到係真材實料熬出嚟嘅鮮甜，唔係以前嗰啲味精湯底。睇返枱面張紙有介紹個湯文火慢熬12小時。湯起晒膠，入面啲蘿蔔粟米記得幾飽都要食埋佢，超級甜。蜆都好鮮甜，冇沙，同豬骨湯都好夾。豪牛拼盤（M）封門柳、牛頸脊、牛匙柄、牛小排全部都好高質。封門柳油脂分佈靚，牛頸脊啖啖肉又唔乾，牛匙柄有咬口但唔鞋，牛小排就最正，油香勁出，放落湯煮一陣已經入口即溶，超滿足。牛丸 + 花雕雞翼 + 珍寶蟹柳 + 鮮蝦韭菜餃花雕雞翼真係驚喜位，未試過打邊爐烚完都仲保留到咁香酒味，食落仲慢慢滲出甜味，大推必點！炸午餐肉 + 炸魚皮炸午餐肉一咬落去就勁香，係細個食開嗰隻味道！牛胸爽 + 牛心頂牛胸爽爽口又唔韌，吸湯力一流；牛心頂脆脆地幾特別。黑毛豬頸脊韮菜餃 珍寶蟹柳白鱔片雜菜拼盤最大驚喜係有豆苗，一般火鍋雜菜都唔會包，呢度居然有。仲有生菜、油麥菜、娃娃菜，湯底煮完仲好清甜。檸檬薏米水好好飲！足料夠味，清熱解膩。豬骨湯底配公仔麵，唔洗加味粉/麻油，直接吸晒湯精華。店員服務好貼心，不停幫你加湯，啲歌又啱聽，座位闊落。推推推！…查看更多

日本A4和牛壽喜燒餐我哋今次揀咗赤身部位，入口好嫩滑，油脂分布剛剛好，唔會膩。第一片牛由店員親自示範點樣煮，壽喜燒汁都處理得唔錯，唔會死鹹，帶少少甜味，就算落多咗都唔會搶味，反而更惹味。牛腸鍋套餐呢個牛腸鍋真係幾有驚喜，有三款湯底可以揀，我哋最後揀咗牛骨湯，味道夠濃郁又唔會太油膩。牛腸處理得非常乾淨，完全冇異味，質感煙韌得嚟又唔韌。店員會幫手先炒一炒牛腸，等佢出晒香味先再落湯，咁煮出嚟更入味又唔會腥。整體食落去好暖胃，特別啱秋冬天食。套餐可以自由揀配飯、烏冬或者拉麵，我哋就試咗烏冬同白飯。仲有一大籃蔬菜配料同埋甜品，份量十足，性價比高。巨峰提子梳打+白桃梳打其實份量已經夠食，不過心思思試埋北海道米豚腩，肉質鬆化。餐廳仲有吧枱，想一個人黎食都唔怕！…查看更多

今期討論度好高嘅 -86度髒髒咖啡 !4點左右已經見到超多人排緊隊，仲有唔少遊客黎朝聖。不過上菜速度都好快，等一陣就有位，亦可到鋪頭外面坐上石壆。負86度髒髒咖啡 有原味同開心果味揀，我地梗係兩款都要試晒啦～ 咖啡味超濃郁，香氣十足，入口仲帶微微苦味，啱晒鍾意重口味咖啡嘅人。奶滑又順口，飲到最底仲有啲似冰沙咁嘅奶結霜，記住唔好浪費，畢埋嚟食先至完整！ 不過記住要快手打卡影相，因為最佳品嚐時間係40秒內，拖太耐會影響口感！飲完仲送隻可愛杯仔，可以拎走做紀念🫶🏻Affogato我哋揀咗綠茶味同焙茶味～ 兩款都茶香十足，唔會太甜。雪糕係用北海道8.0牛奶雪糕，奶味勁香濃，軟滑到不得了，就咁食已經好滿足！成件事就係又睇得又食得，打卡一流，味道又唔會失望，絕對值得一試再試！…查看更多

unlimited pork belly $108／位，最少兩位起超抵食無限量豬腩肉，每位$108，最少兩位起，限時 90 分鐘。豬腩肉一上枱就係滿滿一大碟，份量驚人，岩晒大胃王！更貼心嘅係，店員會主動幫你燒肉，燒完一輪之後仲會即刻換上新錫紙，咁樣可以保持爐面乾淨，食得更開心又衛生。牛舌牛舌切得厚薄適中，燒起上嚟口感煙韌又唔會太羶，就算平時唔太食牛內臟嘅人都會覺得接受到，值得一試！桃味燒酒最鍾意飲水果味燒酒！桃味燒酒，甜甜地好易入口，酒精味唔重，配埋燒肉一齊食真係一流，特別岩女仔或者唔太鍾意濃酒精味嘅人。小菜方面可以任添。餐廳環境寬敞，座位之間唔會太迫，坐得舒服，地點方便。最加分嘅係，韓國店員服務態度非常有禮貌又親切，令人感覺好舒服。整體用餐體驗非常滿意，性價比高，值得再黎。…查看更多

$298火鍋任食兩個鐘，最正係海鮮係即撈！鮑魚、蟹、蜆、大頭蝦都有。自己拎個桶出去魚缸撈，大頭蝦仲扎扎跳架，勁新鮮！出面仲有一大堆火鍋配料任你揀，掃個 code 落單，豬牛羊都有，連日本和牛都係任食，真係冇得輸！除咗鍋料，熟食、甜品、生果都包晒。竟然仲有：大閘蟹、榴槤撻、紅糖糍粑、冰粉，全部都試咗一啲，好滿足！我哋叫咗鴛鴦鍋，一邊係花膠雞湯底，另一邊係經典麻辣湯。麻辣夠辣夠惹味，花膠雞湯就超香濃，好啱煮海鮮同菜類。飲品選擇都好多，仲有啤酒任飲。地點超方便，以$298嚟講，任食海鮮+和牛+啤酒，真係性價比之選！…查看更多

今次我哋揀咗一個麻辣湯底＋一個傳統塞北口蘑湯底，一辣一唔辣。附上香辣醬，昆布豉油汁，內蒙沙蔥椒麻汁，芝麻醬。每一款都咁有特色，大推芝麻醬，超濃！錫盟草飼180日羔羊肉（大300g）
成碟超級長嘅羊肉，直情橫跨晒我哋兩個人張枱！放落湯輕輕灼15秒就得，羊羶味唔重，肉質超腍，好易入口，真心好食。鮮切寧夏滋羊梅花肉（150g）
呢款就比較實淨啲，脂肪分佈靚，鍾意有少少咬口嘅人可以選擇呢款。經典大片脆毛肚（150g）
煮8至10秒就啱啱好，食落又脆又爽，好有口感，完全唔韌！原產地蔬菜鮮菌拼盤（大份）
超豐富！有紅莧菜、菠菜、茼蒿、西洋菜、娃娃菜、金針菇、黑白木耳、豆腐、粉絲、響鈴⋯⋯ 多到你一定會搵到幾樣啱自己食嘅菜，健康又吸湯，好滿足。老北京糖油餅
一上枱我哋已經忍唔住食咗兩件～外脆內煙韌，微微甜香，熱辣辣食超正，有驚喜，必點！…查看更多

Pulpo 烤加利西亞章魚腿伴Rioja 辣椒醬及綠色香芹醬章魚爽口彈牙，食落好有咬口！辣椒醬都幾辣，啱晒鐘意辣嘅人，如果唔係太食得辣就唔好醮咁多，保持返章魚本身嘅鮮味。1862 Steak Tartare 牛肉他他比想像中仲要大份，有驚喜！紅蔥香味同牛肉超夾，食落層次好豐富，夾埋多直士一齊食，啱啱好中和返鹹味，一塊接一塊停唔到口。Gambas al Ajillo 蒜蓉油浸蝦選用原隻海蝦，蒜片香味超濃，好開胃！海蝦夠鮮，肉質彈牙，蝦身已經剝晒殼，食嘅時候超方便，入口滿滿蒜香、蝦鮮同油香，好滿足！Ojo Bife 肉眼扒配青胡椒汁及炸洋蔥叫咗 medium rare，肉質嫩滑，入口多汁。炸洋蔥夠脆，食落帶點微甜，同肉眼扒一齊食口感對比超正，完全係加分位。地點有啲難搵，但正因為咁，氣氛幾 chill，無咁多人聲雜音，成個 vibe 好舒服，好適合慢慢歎美食。…查看更多

3件混合漢堡套餐（原味＋芝士+蕃茄）2件混搭漢堡套餐（芝士+蕃茄）每次只會放一款漢堡上鐵板，本身已經7-8成熟，自己鍾意燒幾熟再食都得。個人最鍾意食芝士嗰款，本身塊肉上面已經有一塊芝士，放上鐵板之後店員仲會刨好多芝士落去，芝士同漢堡嘅份量有1:2咁多，芝士控必點！原味可以配生雞蛋食，仲有九款醬料，可以按照個人口味加配。期間限定蕃茄味，會用一個小鐵碗上，超濃蕃茄味，令漢堡保持好濕潤。白飯，湯，西蘭花都係無限追加，絕對唔洗驚唔夠飽。順帶一提，個水好好飲，入面有檸檬、菠蘿同薄荷葉，超解膩。…查看更多

我地揀左「日本黑毛A3和牛/日本米豚肉/海鮮盛盆」放題套餐，另外仲用$1 加購左A5 十勝和牛一份。麻辣仙鍋唔會太辣又有麻香。芝士湯鮮茄鍋一上台蕃茄湯味超香濃，真係好少食到蕃茄湯會咁濃味，通常用蕃茄湯淥完之後食物都唔會特別有蕃茄味，但呢度係錄完之後食落去仲有好濃郁嘅蕃茄味。海鮮盛盆睇個樣就知好新鮮！有蟹、魚、帶子、大大隻蠔、蝦、蜆。配上蕃茄湯一流。無論豬定牛肉都好嫩好滑，當然A5口感最好，而且冇好膩嘅感覺。每碟肉上面都有隻湯底公仔好可愛。A5 十勝和牛日本黑毛A3和牛日本米豚肉每碟肉仲附上一隻卡通造型嘅雞湯。配料種類超多，而且好多出面放題都冇嘅材料，例如青瓜花、豆苗、墨魚腸、鵝腸。丸類雖然都係嗰啲款，但食得出係同平時自己去街市買嘅唔同。仲有好多魚、蝦、青口、墨魚仔、青口等。飲品方面，有多款自家製零添加飲品。有豆漿、海底椰竹蔗水、土茯苓茶、酸梅湯。另外都有汽水提供。一入門口有個大魚缸裝晒啲龍蝦，蟹同魚，全部都仲游緊水架，食材真係好新鮮。如果食最貴個套餐，仲可以用$1加購龍蝦😱仲有即用即棄濕毛巾提供。…查看更多

炸雞咖哩飯有半隻半熟蛋，咖喱汁同白飯比例剛剛好。炸雞外皮炸得夠脆之餘，入面肉質仍然保持到好嫩滑。豚骨拉麵 原味有叉燒同半隻半熟蛋。仲有配料可以任加：胡椒、芝麻粉、大蒜及超辣高菜超辣高菜，真係唔係講笑，以為冇咩嘢一啖擺落口，辣到要即刻飲嘢（利申平時係算食得辣），鍾意食辣嘅人記得唔好錯過！加$28三隻餃子皮薄餡靚，煎得夠脆。套餐仲有飲品送。餐廳位於Apita B1層food court入面，方便就腳，性價比之選👍🏻…查看更多

哩間壽喜燒銅鑼灣長期都full booking, 終於開分店!一去到門口就見到大大塊牛肉做logo，非常搶眼。每個人都有自己嘅壽喜燒爐，仲有一支壽喜燒湯一支昆布湯，如果食食吓覺得鹹可以加昆布湯。牛板腱雪花分布均勻，脂肪比赤身多少少，所以入口會腍身啲。赤身比較冇咁肥，有咬口，但牛味會比牛板腱出眾。兩款各有特色，每個set都包咗野菜盛盒，重點係有蘭王蛋，令到啲牛再好食啲，日本嘅味道返晒嚟🤤做齊以下步驟即可免費獲得生啤一杯（白/黑）或 40g 和牛赤身一客！1. 讚好或追蹤「Sukikansai壽喜·關西」社交平台2. 拍攝食物照上傳至 社交平台3. 於 Post / Story 內 Tag 壽喜·關西哩份就係40g赤身啦烏冬索晒壽喜燒汁超入味最後甜品仲有蕨餅食👍🏻👍🏻周圍仲不停播住日本靚景…查看更多

天氣凍原來真係會想特別想食雪糕凍野牛角杯抹茶麻糬+朱古力麻糬+脆皮朱古力醬 加左繽紛樂+ 脆卜卜焦糖脆脆壓扁牛角包咬落去好似食薯片咁香脆😋仲有脆皮朱古力醬係必點，好味又提升到整體口感。黃金寶啖啖肉芒果+麻糬要食+野生蜂蜜+停唔到口杏仁脆片加左荔枝+蘆薈麻糬真係真係要食，因為真係好煙韌😍野生蜂蜜都係必點，蜂蜜配froyo冇得輸杏仁脆片係自家製，果然又脆又好味froyo唔會太酸，配料選擇非常多，價錢又唔貴，值得一試！仲有免費狗狗口水杯🫶🏻…查看更多

壽喜燒御膳鹿兒島縣產 黑毛和牛和牛雪花均勻，入口即化。有配埋生雞蛋沾。涮涮鍋日本国産牛＆北海道夢之大地豚國產牛油脂係周邊，雖然冇和牛咁腍，但牛味好香濃 大地豚肉質鮮嫩，脂肪分布均勻，口感滑嫩，豬味濃郁。赤味噌湯底聞落好似拉麵湯底咁，食落唔會好咸，係好香濃嘅味噌味前菜有：鮟鱇魚肝/昆布卷/馬刀貝豆腐沙律2個餐都包左蔬菜，索晒啲湯汁好好食可以揀飯或者烏冬，我地要左各一份，烏冬吸晒湯汁好正。最後仲有任食雪糕，今日係焙茶味，茶味濃得黎仲有少少奶香味。蘋果汁 柑橘檸檬梳打環境舒適優美，午市可以食到3:00 。…查看更多

鐵盒燒廣島生蠔 半打記住一定要追加芝士 ！之前食過同集團嘅炭兔，發現佢地嘅蠔真係好新鮮好好食，所以今次嚟到再encore👍🏻芝士本身一直熱住保持半溶狀態，蒸熟咗之後就即刻加芝士落去蠔㗎啦和牛卡爾帕喬生和牛肉見到都流晒口水，有大量嘅蔥同洋蔥夾埋一齊食，非常清新，作為開胃菜一流。白姜醋鯖魚昆布昆布外型非常特別，配埋白姜有種清新嘅味道。蒜香辣椒牡蠣.八爪魚意粉啲蠔隻隻都係漲卜卜架，辣椒恰到好處令到個意粉食落冇咁膩。燒原隻魷魚筒聞到燒魷魚味都忍唔住會想叫黎食，燒得剛剛好，魷魚非常彈牙。10件拼盤壽司石鯛/魷魚/金目鯛 /草鯖魚 /北海道帆立貝/鰹魚/池魚/左口魚邊/赤牡丹蝦/拖羅Salt & Lemon shochu SODA最舒服就係一路可以飲燒酒梳打解膩啦！後面有一個榻榻米區域，啱晒一大班朋友聚會。…查看更多

💭鴛鴦鍋：紅顏花膠雞鍋 拼臺式麻辣鍋花膠雞窩超濃，湯底仲有鮑魚仔。店員建議飲左湯先再落其他嘢煮。臺式麻辣鍋唔會太辣，入面有鴨血同豆腐，食晒可以再添架！而家只要包間訂座仲送鴨血，食完仲可以再帶一份新嘅鴨血返屋企食，好抵食！💭肉肉聖誕樹其中一款聖誕menu，將兩款唔同嘅牛肉砌成聖誕樹，非常適合打卡，兩款肉都係咁好味，牛味比較重。💭頂級美國牛小排肉質非常腍💭新鮮活撈蚵仔一上枱已經聞到海嘅味道，好新鮮。老公唔食蚵仔，但係我自己都食得晒，因為實在太鮮味。店員仲派左炸蚵仔小食試，一樣咁好味，果然食材新鮮點煮都係咁好味。💭手工蝦滑用匙羹一刮起已經好黏，食落果然非常彈牙，入面好多原粒蝦肉好足料。💭可愛企鵝丸啱晒打卡，企鵝仔跳落水，墨魚漿製造。💭萵筍💭四川小酥肉新鮮炸，鬆脆香口，可以即食。💭貴妃烏龍珍珠奶茶 濃香茶味，係鋪外面個間茶米茶提供。食到咁上下，仲會送一小杯蜜桃沙冰解膩，好清爽，絕對有助消化。出面仲有自助吧，提供多款醬料之餘，仲有飯，水果同埋小食提供。最後仲有甜品送。而家仲有以下優惠：💭火鍋分享有獎 湊湊滋味體驗 贏取豐富獎賞高達$1200💭早鳥85折夜貓8折 由朝到晚特別折扣💭聯乘合作 消費即減優惠$1000減$200💭午市台式湯鍋麵飯 每天一款85折$66起💭午市小火鍋新推廣價 日本 A4 和牛小火鍋73折$138起💭火鍋單點送寶寶餐（價值$128） 大人細路齊開心💭一卡兩用印花獎賞 全天候享受滋味時光…查看更多