書展登記做Channel C會員時收到一張唇茶優惠券，正好今日有事去銅鑼灣，落大雨人又多，行到累累地，一於換一杯黎試下啦~換咗一杯中杯「大紀圓」，轉黑糖桃膠，怕有黑糖會太甜所以轉咗微糖，果然甜度剛剛好，一入口就有非常香嘅桂圓紅棗味🤤！軟滑嘅桃膠有成半杯咁多，多到根本唔係桃膠飲品而係桃膠糖水，份量大約有普通珍奶D珍珠嘅double咁多桃膠入面仲有桂圓、紅棗同少少杞子，桂圓同紅棗都軟身但係無煮到無曬味，食落好香甜有咬口，有微微普洱茶香味唔會苦今次免費試到咁足料又好飲嘅桃膠飲品，下次一定一定會自己俾錢支持！！多謝Channel C！！😋飲之前唔記得影相，只好影下個空杯🤣…Read More
