jan104的個人專頁

屋企人間唔中會去新港城街市嘅依間復興買粥同腸粉做下午茶，因為份量都多會好夠食。但係依幾次嘅服務態度都差，味道又越嚟越唔好，已經吸引唔到我哋繼續幫襯喇。今日買完艇仔豬紅粥外賣返屋企，發現無豬紅緊係打番去講啦，點知聽電話嘅員工態度惡劣，首先質疑有無落到單（如果聽錯無落到單咁應該員工都有責任啦？）表示有落到單之前繼續語氣唔耐煩咁話「咁下次俾番你囉！」成個電話對話一句「唔好意思」或者令人感受到歉意嘅語氣都無。因為已經唔係第一次俾漏野，咁嘅態度真係不敢恭維🙄加上個粥好鹹，味精味重，食完要飲好多水。咁嘅食物質素+服務態度，無下次喇👋🏻…查看更多

依間位處美食沙漠馬鞍山嘅甜品，算係我喺馬鞍山最鍾意嘅甜品舖。疫情前大約2-3星期就會食一次，只係疫情關係，已經好耐無去過食，難得今晚心血來潮，想去回味下，點知食外賣就出事😰叫咗焦糖香蕉窩夫，用外賣糖水碗分開窩夫 同 雪糕+香蕉🍌，依點都幾好，起碼雪糕無咁快融… 但發現2塊窩夫都燶咗，比以前食深色好多，無小麥香仲有燶味(懷疑係果3個店員掛住傾計無睇時間😢) 而且食落仲見到粒粒未融晒嘅白糖，咬到一粒粒咁..最後佢有2塊窩夫，而得上面果塊有醬，啲醬又唔係多，所以下面果塊係乾啃，又燶又乾，最後都食唔晒😕不過佢啲香蕉同雪糕仲係正常味，係件窩夫出晒事囉😟 可能有排都唔會想去再食喇… …查看更多

唔知幾時開始，興起左台灣嘅古早味蛋糕，香港嘅古早味蛋糕店越開越多😛 對於試新野都慢人幾拍嘅我，都終於一試古早味蛋糕喇🤣原味古早味蛋糕 $60要試新野，一開始緊係試原味啦。雖然我睇唔到佢出爐嗰一刻，但買完拎上手都係熱辣辣，超級香噴噴!!! 如果唔係疫情限制，我應該會即刻就摵啲嚟食喇🤤返到屋企即刻切開嚟食，雖然凍咗，但都仲有好香嘅蛋味，而且蛋糕亦都好鬆軟，只係我自己覺得甜咗少少😳 食完一片，記得店員同我講可以微波爐叮10秒翻熱嚟食，即刻又再試吓食過熱版~ 叮10秒令蛋糕微溫，蛋香更加突出😍😍 比較之下我鍾意熱食呀~ 諗番起應該出爐即刻食會更好食😋除咗原味，見到menu上有其他味，下次應該會買埋芝士味黎試😝…查看更多

今次叫咗兩個餐一個係吉列牛扒，另外一個呢係西冷，依家叫第二個餐係有半價架，加埋飲品除番開百幾蚊一個人，都算抵食丫~每個餐都有餐湯同埋一個配菜，佢啲餐湯正正常常嘅偏甜羅宋湯同粟米忌廉湯~ 不過個蒜蓉包就一個脆一個有啲淋，如果2個都脆卜卜會好啲🤔之後就係主菜喇，首先嚟嘅係西冷扒，佢係有個石板返俾我哋慢慢燒嘅，所以真係全生咁俾我地又生燒到熟。西冷扒好厚身，望落去都有成寸厚，係有啲驚喜。食落又幾淋，不過唔算係好重牛味。吉列牛佢都有幾多舊，不過就細舊咗少少，比起之前食過幾間都細舊🥺 鐵板燒落去真係香噴噴，肉質都唔錯幾淋，比起西冷，吉列牛牛味重啲，我覺得好味啲😎不過2個牛餐都有個石/鐵板嘅缺點，就係缺點鐵板好快唔熱/ 等左好耐都唔熱，都唔知係咪因為我坐正冷氣位😭如果鐵板快啲熱會更好囉。咁好彩依度嘅侍應好話頭醒尾，識得自己幫我自動自覺換鐵板，做野又好快手👌🏻所以可以自己動手燒係幾好玩嘅，而且第二份半價嘅優惠下又唔貴，特別係西冷大大份，食到好飽呀👍🏻…查看更多

本身對薩利亞都無太大期望同要求，始終都只係廿幾三十蚊份食品。但係今時今日，疫情嚴重嘅情況下係咪需要更注重衛生呢? 單單一個多小時嘅用餐時間，已經發現以下嘅問題...1. 地板有積水2. 餐具有污漬3. 枱面有上一枱客嘅食物碎屑4. 自助飲品bar 10隻杯有9隻都有漬，其中有2隻仲要有食物殘渣😨5. 自助飲品bar上有用過嘅濕紙巾但超過半個鐘都無人清理另外其實唔係好接受到疫情下開放自助飲品bar嘅汽水機，始終好多食客會用同一隻杯續杯，即係將自己飲過水嘅杯口放埋去個汽水機出水口，下一個食客又去斟汽水...😰😰😰雖然衛生情況真係咁差，但薩利亞的確有啲野性價比幾好，特別係焗意粉/ 飯類，多汁又熱辣辣，三十幾蚊一個又係對得住個價錢... 但佢嘅衛生情況咁，我應該都唔會再去住喇🤦🏻‍♀️…查看更多

自從疫情越發嚴重，我都比以往少左好多機會外出食飯，難得食飯當日我同男朋友都唔使OT，可以好好享受一個悠閒晚餐~ 記得將軍澳海濱新開左好多餐廳，環境望落都好唔錯，就決定一試啦!! 🍽首先頭盤係酸辣椰奶雞湯，材料好豐富呀，除咗有雞肉🐔、蕃茄啊🍅、秀珍菇啊🍄之類呢，仲有好多蔥！我其實最鍾意就係食蔥㗎喇哈哈😜酸味同埋辣味都唔係好重手，算係比較簡單，如果酸味再出啲就更加鍾意喇😗　因為我唔係好食得辣，辣味就覺得啱啱好嘅，如果係重口味朋友就應該覺得唔夠味喇🧐跟住就係小食，係洋蔥秋葵炸圈呀😍　配一個疑似薄荷醬~~ 一上枱已經見到好大盤好夠食。洋蔥同埋秋葵並唔係話炸到好香脆，但係又唔係淋晒架喎，咁樣嘅口感反而覺得仲好食，而且仲冇咁熱氣添✌🏻越式牛尾咖喱飯，除左有最常見嘅咖哩配菜薯仔🥔同洋蔥，居然仲有栗子🌰!! 而咖哩亦超級香，奶味好重又滑，攞嚟送飯簡直係一流very good呀🍚除左白飯，我地仲有叫到烤餅呀，依款烤餅係比較乾身，唔係印度果種牛油酥餅，如果個餅再油啲再香啲就更加好喇😋因為依間餐廳有啲bar feel, 所以我地有叫飲品Chill下，分別叫左Refresh My Mind 同 Virgin Mojito🍸Refresh My Mind真係好清新醒神，飲品有蘋果汁🍎同青檸汁🍋加埋啲薄荷葉🌿 雖然味道有啲似牙膏😜 不過唔係貶義，真係好岩配咖哩飲👍🏻最後不得不提餐廳嘅裝修，無論枱櫈定裝飾都充滿東南亞風情，特別喜歡餐廳嘅波波燈💡係天花板吊落黎一個個嘅波波燈為餐廳加添浪漫氣氛同異國風情，令依排令人緊張嘅心情可以得到一刻喘息😇 🚗再加上MONTEREY PLACE嘅泊車優惠非常抵玩，星期一至五只需消費$50就可以免費泊車一小時🅿️果晚免費泊到4個鐘，食飽飯仲可以慢步海濱，欣賞下夜景放鬆心情添🌃…查看更多

政府語出驚人咁要禁食肆人群聚集，好好彩趕得及禁令前去支持下喜愛嘅拉麵店🍜 雖然別天神拉麵唔算係小店，因為佢的確有好幾間分店... 之前試過尖沙咀同旺角，今次就去黃埔店支持下，分散投資丫嘛😜。別天神全線都採用「先購票後入坐」嘅方式招待，就好似日本~另外都係用一條長bar枱去招呼客人，大家都乖乖面壁食快麵🍜依種方式反而係疫情下令人最安心🤝 黃埔店內依舊貼滿香港人嘅祝福、祈願同支持💪🏻睇到都覺得好窩心❤️。再次食"別天神套餐" 同 "蝦拉麵套餐"🍤 發現雖然都係同一個品牌，分店唔同味道都真係有少少分別🤔 不過整體味道係差不多，只係湯底濃啲啲淡啲啲嘅分別😛 但係果個豬骨湯嘅味道都係咁濃郁😍 所以真係每一次都可以飲晒碗湯架😝😝😝 另外就係覺得黃埔店嘅餃子做得比旺角店好🥟 邊皮會再脆啲啲😌其實別天神仲有教你自製隱藏拉麵湯底，例如加拉麵汁或者蒜蓉咁，不過次次都食到最後先記得呀😩 唔知加左料係咪真係好味啲呢?。最近食店禁制令🈲出左，相信小店嘅生存難度又再提升🔝🔝🔝 希望大家多多支持有心食店，等佢地都可以繼續整好味食物俾大家啦😇…查看更多

同閏蜜好耐無見，就約出黎行街食飯，最主要係傾下心事抒發下👭 行到咁上下就去食野，但因為我地都唔係太肚餓所以只係叫左啲小食同飲品，因為重點係傾計嘛;) 我地叫左八爪魚丸子、玉子卷、餃子雞翼同燒雞皮餃子🥟老實講餃子我食得多，餃子雞翼同燒雞皮餃子就真係無食過 見個名咁得意，一於試下啦！燒雞皮餃子又真心出色！如果鍾意食雞皮就千其唔好錯過喇，依度嘅雞皮煎得又香又脆，加埋餃子嘅組合竟然出奇地夾，而且又幾好食，外脆內軟！玉子卷同小丸子都好好食！食小丸子最緊要超多醬汁同有紫菜，依點係滿意嘅 佢賣相同味道都一樣出色！一杯屋仲有好多飲品同酒水選擇，岩哂黎依度邊食邊傾計啦👍🏼…查看更多

今日去咗食新麻浦BBQ，貪佢星期二有得任食燒肉，第一次食點知就中伏啦…😓😓😓首先講佢嘅環境已經不能接受，我地坐最埋邊位置卡位，一路行已經覺得地下油淋淋要行得好小心🛢🛢🛢一行到入去就煙霧離漫，點知燒燒下仲簡直就猶如仙境一樣🌫😒 個抽風機根本無力，一路燒啲煙一路攻埋個身度😐 攻到眼都開唔到囉😵😵😵 問咗職員佢哋淨係識答話開咗抽風機🙄 仲有個燒肉夾又係彎左，問職員拎多一個而居然答案係啲夾用晒... 啲肉嘅質素就好一般，腌料令到啲肉全部同一個味... 好彩仲有豬扒好食啲，同埋無腌過嘅牛肉好少少😐 仲有就係汽水係唔凍架... 叫左幾罐都係咁☹️☹️☹️如果想貪平任食但不求高質，依間係可以滿足食肉獸，但對環境同食物質素有要求就絕對唔建議喇...…查看更多

TGIF~!!! TGIF!!! TGIF~!!!!!! Finally it comes to Friday night, hanging out with friend to get relaxing dinner become the most excited activity for the week. Understanding the stressful working environment and virus makes us crazy, but, the life could be more tough if you keep yourself under high pressure. So, why dont you come out and have bit fun with your beloved one? Of coz we picked the restaurant carefully, which we found Shahrazad Lebanese Dining Lounge & Bar finally. The environment of Shahrazad Lebanese Dining Lounge & Bar is pretty good, having enough spacing between each table, and if you want, you can also take the seat at the balcony which provides you more space and fresh air.Mix Hot Mezze PlatterTo be honest, it is my first time to have Mid-eastern, most of the food were new and interesting to me, therefore we picked some signature food for trial. This mezze platter is one of the more malleable snack trays for starting the meal, which we got Falafel, Kibbeh, Cheese Sambusek, Potato Harra. I liked Falafel the most which is a deep-fried ball patty, made from ground chickpeas, fava beans, its taste is difficult to find the similar one in other dishes, that's pretty good The bread serving with the mezze platter was soft and nice, its good to have it with the sauce! Lamp ChokThe portion of lamp chok is big enough for sharing for two, and it was soft and juicy. I really appreciated the sauce serving with map chok which is so matchhhh! The mashed potato was amazing with cheesssssssse mixed inside, love it so much!Chicken Tajineguessing it means chicken curry in coconut flavor? Chicken chopped in suitable size for serving with curry sauce. I can't handle spicy but its not spicy at all, even with bit sweet with coconut. The rice are good partner with the sauce when fully absorbed, I can finish alllllll …查看更多

依家唔多會出街食晚飯，所以每次出去都精挑細選🤔諗清諗楚想食咩先去，唔好浪費左個quota🙈今次好想食burger, 近近地就去番觀塘食啦🍔 MOO MOO burger 唔係第一次食，記得上次食過幾唔錯就去多次啦👍🏻白菌之堡🍄食burger 唔少得塊扒，依度用優質安格斯牛扒，加上白蘑菇🍄芝士🧀蕃茄🍅生菜🥬 同松露美玉... 但其實松露美玉係咩呢🤔 真係唔知呀🤣 不過唔緊要啦，好味就得啦，塊扒好juicy，加埋烤左嘅蘑菇係好香嘅 鹹蛋黃雞堡🥚比較之下，鹹蛋黃雞堡有睇頭啲，大大塊雞扒🐔 加埋啲鹹蛋黃醬好鬼香🤤 但係我覺得今次個鹹蛋黃醬重手左🤔 當然身邊人重口味就覺得岩岩好😅 所以依啲真係好睇個人口味🙈 我會鍾意白菌之堡多啲呀❤芝士肉汁薯條🍟本身想食肉醬薯條，不過無晒肉醬😭 唯有食肉汁啦... 不過其實肉汁都好食架！首先芝士有拉絲已經好開心🥳感覺似牛肉汁，幼身薯條🍟浸晒啲薯條好有味👍🏻MOO MOO啲位坐得鬆動，有埋室外位坐，其實都做到每枱客有自己嘅空間🧍‍♂🧍🏻🧍🏻‍♀如果觀塘區想食burger，去MOO MOO都好唔錯❤…查看更多

依家疫情咁唔樂觀，落街食飯嘅機會都少左...😓所以有時如果咁岩要出街，都會心思思去揀啲小店去食下野，支持下佢地嘅生意啦!!! 今次嘅小店係黃大仙嘅山上，相信係做街坊生意為主~~ 當日去到小店都只得我地一枱客 但係小店好有心❤佢提供俾醫護人員有優惠，一齊支持醫護抗疫💪🏻推介肉燥雞脾飯🍗 雞脾煎到皮脆肉多汁，真係好好味喎!! 仲係大大隻架喎，估唔到依度嘅脾係咁有驚喜👍🏻 咁比較之下就覺得個肉燥一般，少左台式肉燥果一份油香。台式牛肉麵個湯好清，有少少蔥嘅味道所以都唔錯🍜 牛肉牛筋唔嚡口絕對係可以嘅質素，如果牛筋可以再淋啲就更加好啦😜😋　不過另一方面想講下佢係用油麵，個人覺得同台式牛肉唔係好夾，都係會prefer用台灣麵呀🤔台式香腸份量又幾多喎，差啲食唔晒🙈 煎到少少香口，又隔走啲油，所以唔會食到成口都係油🛢　最後想讚下個龍眼蜜唔會死甜，依家咁嘅天氣真係要好好保護喉嚨，要飲多啲清潤野呀🍯…查看更多

餐廳嘅環境都唔錯，樓底高空間感好足夠，枱同枱之間嘅距離都唔會好接近。可惜嘅係因為工廠嘅關係，回音都有時有啲大 但係食物質素就可以補救到依個環境嘅問題喇! 我真係好鍾意食銀雪魚西京燒!! Non Kitchen 嘅魚做得好有驚喜呀!!😍首先個擺盤已經好靚仔，魚大大份咁放係豆角上面，隔離嘅檸檬好似花咁~ 魚肉又非常滑，而皮就烤得脆脆的，仲有西京燒醬果種淡淡嘅甜味❤️ 估唔到西餐廳都做到銀雪魚西京燒咁出色👍🏻同行朋友揀左豬腩肉，個擺盤突顯左舊豬腩肉嘅肥美，唔好睇佢細細舊咁，又夠飽喎! 可惜就係皮硬左啲，如果有用叉吉多幾下再燒應該更好依2個主食仲係set, 有跟餐湯/ 沙律，飲品同甜品~沙律係牛油油鮮蝦沙律🥗 將牛油果同鮮蝦切粒撈勻，呢頭再舖上靚靚鮮蝦，個擺盤非常得體👍🏻話時話，配麵包嘅牛油好creamy，牛油味唔濃但好滑呀! 而羅宋湯就正常表現，因為試過沙律之後，就覺得湯嘅味道唔係好特別哈哈...不得不提，餐廳有個細心位👍🏻 我同朋友食完準備埋單時，餐廳提醒我地仲有甜品未食，好彩佢地提我地、完全唔記得呀哈哈🤣 差啲又唔記得食呢個好好味嘅乳酪喇! 乳酪酸酸地，將頭先食過嘅肉嘅油膩完全一掃而空，真係一個好好嘅總結❤️…查看更多

八方麵屋係一間台式食店，睇個名會以為係日本野😂。全間鋪嘅嘢食都唔錯，特別推薦係個麵真係好好食👏🏻 台式雲吞麵有幾粒小雲吞，麵比較淋身但係個湯又好好味。而且最鍾意係佢啲紫菜，甜甜地好好味😋滷肉飯係偏鹹啲嘅，但係都唔算太油，因為出面好多滷肉飯都超油架😫初初望落去好似滷肉汁唔多，以為比較乾，但其實個底都有好多汁，食到尾都唔會乾爭爭👍🏻紅油雲吞真係有啲辣，唔係講笑架，見到一粒粒辣椒籽。我自己唔太食得辣就唔會太okay辣咗少少，當然鍾意食辣嘅朋友應該鍾意~鹽酥雞真係好鬆脆啊，而且亦都好惹味，不過我唔鍾意芫荽架...佢放咗唔少喺底就有少少重味啦！如果下次冇見唔使喺底就好啦！黑糖珍珠鮮奶真係好有黑糖味，珍珠好煙韌，細細粒都好易食。❤️冷泡桂花烏龍茶茶香味較淡，不過大大樽清清地好好味。唯一要挑剔係個樽口太大，個蓋唔係好好扭呀🤔 希望有改善啦~…查看更多

間唔中都想同屋企人去啲中式私房菜，食得好少少又可以成家人坐埋一齊開開心心食飯，實在難得👍🏻麻辣鹵水拼盤拼盤嘅麻辣味好足呀，真係會有啲麻麻地嘅感覺！唔食得辣嘅我唯有淺嘗😭 不過鍾意食辣嘅朋友超開心👍🏻花菇拼鵝掌一上枱見到大大粒又擺盤擺得咁靚，真係開胃啲！花菇厚厚有菇味，最鍾意食落啖啖肉嘅花菇！鵝掌就好入味，覺得自己食緊啖啖骨膠元落肚😆蒜片牛柳粒其實炒餸落蒜真係會加分，香左好多。牛柳粒數量都唔少架，炒落又唔老嫩滑，不錯不錯！蒜蓉粉絲蒸蟶子皇成餐飯都最鍾意嘅餸❤️ 蒜蓉粉絲依個組合放落貝殼類海鮮真係number one!!! ☝🏻 蟶子皇仲要無沙又大隻，鮮甜肥美，食得好滿足呀！蟹油銀芽炒麵食左咁多海鮮，都係時候要食番啲澱粉質喇 第一次食到用蟹油炒嘅麵，估唔到有驚喜！炒麵大大碟，加左蟹油香味陪增，不過又唔會太油淋淋，當然如果再多啲蟹油再香啲就更好喇🤤…查看更多