jason902287's Profile

一般人嘅印象鐵板燒都係好重油煙嘅地方，今日黎開銅鑼灣見到有間新開嘅餐廳一於試一試，環境舒適同埋完全冇油煙味超讚！ 1）頭盤沙律沙律菜非常新鮮我哋叫咗蕃茄蒜味汁，配搭唔錯，好適合做開胃小食 2.）帶子配菠菜汁同意大利黃瓜帶子兩邊煎得焦香，仲有菠菜汁同埋旁邊伴咗菠菜青檸泡沫，感覺新鮮同優雅！ 3）澳洲龍蝦配龍蝦膏醬我哋係二人餐，所以每人有半邊龍蝦肉，龍蝦新鮮喺魚缸捉出嚟，肉質爽甜，配埋creamy嘅龍蝦膏醬，簡直就係海鮮盛宴，好想再食多半邊！ 4）美國牛肉薄燒配大啡菇、蕃茄、意大利黃瓜、日本小青椒牛肉薄燒入面捲咗少少炸蒜同埋蔥，非常惹味，唔會煎得乾身，肉質保持鮮嫩，點少少竹炭鹽，令牛味即刻出曬黎！ 5）西班牙黑毛豬柳呢一度嘅黑毛豬柳係可以用一個豬肉仲係保持住少少先鮮嫩粉紅色咁樣上碟！上碟前再用櫻桃木煙燻一下，別有一番風味，豬柳亦都非常厚身，有咬口得嚟又唔會難以咀嚼，非常正嘅享受！ 最後有油揚昆布湯同埋甜品，為整個鐵板燒旅程畫上圓滿句號，真係一間唔錯嘅鐵板燒！…Read More

今日出開街去銅鑼灣一於試下呢一間串燒好出名嘅舖頭，第一度菜想清清地所以叫咗一個池魚刺身，呢一種質感嘅魚就好似一塊薄嘅三文魚但係更加有咬口。跟住就試咗雞軟骨，啱啱燒好真係零舍好味！和牛他他，呢一個真係不得了呀非常嫩滑，好juicy...!跟住就是咗平時出面串燒店少有嘅黑豚肉，佢嘅黑豚肉油脂比例分佈平均，就算成擔脂肪食咗落後口都唔覺！再叫咗廣島蠔同白鱔，廣島蠔都幾大隻不過白鱔就更加令我喜歡！因為燒咗出嚟塊皮仲係超級香脆但係魚肉仲留住喺非常嫩滑嘅狀態！雖然開始有啲飽但都叫咗呢度嘅必點名菜，咸牛肉飯卷，鍾意食飯焦嘅朋友可以試下呢個，面頭脆卜卜，配埋燒香咗嘅鹹牛肉食感覺一流。之後就嚟咗一個牛拼盤，有牛舌、牛沙瓜、牛肚，三個都燒得好惹味，不過跟住仲有最好味嘅重頭戲！叫咗一個我鍾意去居酒屋必點既蟹甲燒，呢度嘅蟹甲燒價錢相宜而且仲有海膽！！！！再來就係平時出面通常都係免治雞肉棒嘅免治牛肉棒，感覺其實同食雞肉差唔多但係就多咗一份牛香。最後喺好飽嘅狀態食咗一碟非常好味嘅牛橫隔肌燒，有齊四款口味，真係幾飽都要叫呀！…Read More

行過旺角一田都好多次下，次次經過呢間專食牛既鋪頭都好想試，但成日都坐滿所以都冇食到，今次好彩一經過就有兩個吉位，咁我一定唔會放過呢個機會啦！我地黎到已經比較晏，好可惜餐牌上有一半既野都賣晒，而我一直最想試既牛小排都好不幸地賣晒，最後我地就叫左美國特選肉眼同埋牛板鍵，分別係200g同150g呢個就係200g既美國特選肉眼，一上台，滿滿既肉味即刻散出黎，然後食落油脂同肉既比例岩岩好，唔會話太油膩或者太乾，非常推薦大家食呢款！另外呢個牛板鍵都非常高質，但比較之下就冇肉眼咁多脂肪，肉味非常突出，適合唔中意食咁肥既朋友另外都有個小提示比大家，就係可以叫師傅煎生少少，因為佢係熱鐵板上，基本上食到尾舊牛會偏熟，所以叫師傅可能三成上會最好！…Read More

今日老死生日，就約埋成班朋友黎到彩福呢間佐敦分店食龍蝦慶下佢生日，88蚊斤既龍蝦我真係食極都唔會厭，佢地仲要唔會hea你隻隻都足料又整得好食。今次我地整左佢個上湯既整法，效果都唔錯不過個人都係最中意芝士，芝士焗龍蝦再加佢個伊麵底，真係完美既組合黎，不過上湯其實都高質，只係同芝士比就會比下去咁解！除左個龍蝦之外，我地仲嗌左個炒通菜，平時炒通菜最驚佢就係落好多油，佢地係控制油量方面算係一流，食落唔會成口油。最後仲叫左隻炸子雞，皮脆多肉汁，下次黎到一定一定會再叫左隻黎食！…Read More

對我而言，要食一揀穩陣有質素又舒服乾淨嘅中菜，我真係第一時間諗起彩福皇宴。今日係尖沙咀想食中菜，所以又去左佢度食。今次就試左佢嘅蒜蓉蒸扇貝同埋一條蒸魚。個蒜蓉蒸扇貝都算幾大粒，如圖中所見蒜蓉份量超足，啱哂我咁重口味，同時又唔會蓋過左扇貝嘅鮮味，而下面嘅粉絲就吸晒扇貝啲汁，係超新鮮！一個人食翻四五隻都得呀！而個蒸魚都係好有水準，熟到啱啱好，絕對無蒸過頭，條魚本身都都好鮮甜，豉油調味都幾好，幾配合條魚，同埋撈飯係一流！食左幾次彩福都係咁有水準，真係唔怪得自己一食再食，相信好快又有下次去食！…Read More

今日係銅鑼灣行到夜晚，食飯想食中菜，諗起彩福皇宴，就同朋友去左食。去到都到左食飯時間，所以都幾多人，但我地都算好彩，唔洗等位就坐底左。呢間裝修都好靚，以藍色為主，望落感覺好清新乾凈。我地2個人叫左一個炒四季豆，一份叉燒，每人一個飯。個四季豆係炒得超野味，超香，蝦乾都好入味，送飯一流。平時食四季豆都會驚好油，但呢個真係唔油，食哂成碟都無罪惡感！而個叉燒又係好岀色，叉燒個汁好夠，入哂味，叉燒肥瘦剛剛好，唔會流。個叉燒汁用嚟撈飯真係食十碗都得呀！彩福皇宴唔係第一次食，都幾肯定佢食物嘅質素有翻咁上下，想食中菜小炒嘅又想坐得舒服，真係可以考慮呢間！…Read More

今日又翻到嚟我最愛嘅打邊爐鋪，就係養心殿！又係因為對佢個美人鍋念念不忘所以又返咗去食。其實食咁多次，我都冇試過佢個麻辣湯底，今次就終於都叫左嚟試，我地揀左大辣。佢個麻辣湯底會自動幫你追加一份免費鴨血，鴨配麻辣湯底係一流，反而擺落美人鍋度食就唔好咁夾。佢個麻辣湯底係會越煲越濃，但其實都唔算太辣。今次個牛就叫左大份，都係好新鮮好滑。仲有個食咁多次都係咁正嘅黑松露丸，淨係侍應擺上台個下啲黑松露味都已經出哂嚟，佢嘅黑松露味係濃到放落麻辣湯底都唔會蓋過左，真係超好食。仲有呢個係水蓮，先其實建議煮幾秒就可以食，因為咁樣先可以保存着營養價值，但係反而我地覺得草青味太濃，中意煮耐d先好食！養心殿定係食幾多次都唔會厭，係一定一定打邊爐嘅首選！…Read More

因為女朋友中意粉紅色嘅關係，上網見到呢間慢煮工業裝修係粉紅色又幾靚，所以就去左試。我地2個人叫左蒜香芝士排包，美國安格斯肉眼牛扒，煙燻豬仔骨，芝士流心大啡菇，甜番薯條同朱古力brownie。個蒜香芝士排包係烘到好脆，超香牛油味同蒜味，同埋份量都幾大。甜番薯條條都勁粗勁脆，食落甜甜地，完全停唔到口。而個大啡菇個蛋黃同d菇汁係好夾，全部食到乾乾淨淨。至於兩個肉，我個人就中意個豬多d。個bbq汁好香濃，個肉都整得好淋。而個牛都好香肉味同幾大塊。最尾我地就食左個brownie，個甜品都好食，仲配左個earl grey茶。呢間餐廳整體係好岀色，每樣野都好好食，選擇又多，環境都乾淨舒服，一定會再翻嚟食！…Read More

因為爸爸媽媽都好中意食龍蝦，之前又試左佢地個芝士龍蝦伊麵好出色，所以就帶左佢地嚟試！本身其實見到條龍躉都好吸引好想叫，不過因為我地叫左3隻龍蝦，再去配個芝士伊面底，驚會飽得制，所以就無叫到。龍蝦上嘅時候其實燒唔係好夠燶，但因為我地三個都中意飽燶啲，食落會香啲。所以我地都問左侍應可唔可以叫廚房再燒燶，侍應都話可以，就幫我地整好左，無嫌我地麻煩，服務態度一流呀！再上枱嘅時候就燶咗好多，啱哂我地心水，今次食同上次一樣咁好食，我屋企人都讚不絕口，話無介紹錯，我地食到乾乾淨淨！爸爸仲話想趁住佢仲有個優惠再嚟食過。下次嚟一定會試埋條龍躉！…Read More

見到呢間brick lane新開左一段時間，今日又約左朋友係沙田食飯，終於有個機會試。餐廳嘅環境雖然係open area，但係都好舒服，位置都幾多，我地當日都唔洗排隊就有得坐底。同朋友2個人叫左一個黑松露蘑菇天使意粉同一個藍蟹班尼迪配菠菜荷蘭醬。個黑松露蘑菇天使意粉可以話係食過最好嘅黑松露意粉。黑松露味十分濃，一擺上枱啲香味已經傳哂過嚟，天使意粉煮得都好適中，加埋蘑菇一齊食，口感揀直係一流！至於個藍蟹班尼迪配菠菜荷蘭醬，都係一樣咁岀色。個醬入面係有啲蘋果粒，配個蛋食係估唔到咁夾，個蟹肉都好鮮甜！呢間整體都好唔錯，經開沙田都會再食！…Read More

今日終於嚟左呢間想試好耐嘅串Grill，因為見佢嘅賣點好有趣，串燒擺上個爐會自轉，好似好方便！一坐底 店員就會俾一大碗沙律，同埋一set精選嘅串燒等你可以試幾樣先，同時都會教埋我地點用個爐同介紹調味料、醬料。串燒種類好多，我地最中意嘅係牛類嘅串燒，牛味好重，肉質都好淋。食得太多肉同丸覺得膩都唔洗驚，因為有好多蔬菜嘅選擇，我地試左菇、翠玉瓜，我最中意就係菠蘿，酸酸甜甜解肥膩又解口渴。提起口渴，鋪頭提供任幾款飲品俾大家任飲。唔好以為食串燒會無甜品，呢度仲有得食燒棉花糖同雞蛋仔，唔夠喉嘅話like facebook仲有雪糕一杯送！…Read More

今日番學校搞少少野，完左之後就同朋友黎左呢間平時番學會食lunch既酒家食野晚飯，本來都怕貴點知原來佢地個龍蝦做緊優惠，仲要只係88蚊折。一坐低二話不說就叫左斤龍蝦，極力推薦要加佢個伊麵底，因為佢個芝士汁真係好好好好食，十個讚！有得揀我仲想問佢可唔可以加兩份！龍蝦都非常大舊，完全冇hea你！除左佢個龍蝦之外，我地仲叫左佢個原隻片皮鴨，值得一提既係佢係新鮮整出黎之後係我地面前切，夠晒誠意！唔洗多講，睇個樣咁吸引都知有幾好食！皮脆肉多汁最後埋單只係一人二百幾蚊，抵到爛，下次再番黎呢邊一定會再食！…Read More

今日同舊朋友聚舊，見天氣開始無咁凍又有風，所以就想去燒下野食，又可以坐下吹下水。呢度個場好大好又舒服，對住個海，又有海風吹下。我地5個人，叫左個5人海鮮餐，份量好足夠，食物仲要全部都係真空左，感覺非常衛生。如果有其他野想食，都可以再另外俾錢買，我地有朋友想食棉花糖、燒賣，所以就有另外買。海鮮入面，個人認為最好食就係扇貝，粉絲好入味，想食淋身少少嘅朋友可以加多小小水燒耐啲。其他奄肉都好入面，丸類都好多，夠哂5個人食。我最中意就係個甜番薯仔，可以擺係最尾當埋甜品食！如果下次再多啲朋友去嘅話，下次會試下食燒乳豬，望到人地成隻咁整感覺好過引。…Read More

已經數唔清第幾次黎，我發現佢地個湯底真係好似有魔力咁款，格一排唔番黎食就會好掛住個味道同樣地，今次都係揀佢地個美人鍋，唔想再多講，粗略估計我前前後後都飲左十幾碗野食方面呢，今次就冇嗌得太多，手切牛基本次次都必嗌而今次我地選擇左單點佢一款丸，就係黑松露蝦丸，夠香夠彈牙，少少地人建議單點呢隻個湯頭咁靚當然唔可以晒左佢，除左叫左上次都有嗌既寬粉條去吸湯之外，今次仲試叫左佢地個白蘿蔔同埋水蓮菜。之前未聽過水蓮菜呢種菜，第一次食，食落其實冇咩特別味，反而呢隻菜就好吸個湯味，姐係食起上黎就好似飲緊一啖湯咁，超正。…Read More

今日同一位讀poly既朋友reu，佢就帶左我黎呢間係佢學校附近既拉麵鋪食野。店鋪入面用左傳統日本拉麵鋪既設計，幾有特色！而拉麵選擇方面雖然唔多，但每一樣都非常吸引，朋友就叫左個黑天王，而我就叫左佢地個限定天王入面既胡椒天王。朋友個黑天王先到，黑蒜油味超超超香，我試左一啖個湯底，超濃！之後到我個胡椒天王，一放上台已經聞到好香既胡椒味，再飲一飲啖湯，食咩都要落胡椒既我真係好中意個味，雖然佢同黑天王都係咁高質，但兩個要揀一定揀我呢個胡椒天王！除左兩個拉麵之外，我地仲叫多左個炸餃子做小食，水準不錯，皮脆多汁。…Read More