管兒's Profile

提起沙田食飯多數雞粥乳鴿,今日搵咗間意大利菜試下.喺沙田想食意菜應該少之又少.舖頭喺花園城十字路口大大隻(M3)一👀就望到,店內好有懷舊氣氛啊!地方寬敞.好采早到☺️坐底冇耐已經人頭湧湧要等位了,要去最好一早訂位👍.Order左個「安格斯西冷扒配露荀苗」肉質豐厚味濃,七成熟啱啱好!露荀苗香稔軟嫩.配埋美味薯條一個人食飽哂😜…Read More

好耐冇去三陂坊食飯,今晚揀咗間新式潮州菜試下,先來個「巨型脆香手打魚蛋」切片上的大魚蛋，可想而知佢原本真係幾咁「巨型」外皮脆口，魚肉彈牙，帶有香香的胡椒味，再點埋特配既類似泰式辣醬，一流。再黎「南瓜洛」精緻薄身炸得脆卜卜的南瓜入口甜而不膩.「豬油渣蒸水蛋」必食之選蛋味濃厚,肉碎清香撲鼻送飯一流👍.會再番食啊!因仲有好多嘢未食😉…Read More

來到這裏給人一種自然舒服的感覺,特色的茶壺冇番咁上下手力都幾難拿得住😊,叫了幾個招牌菜「冰鎭南非鮑魚」晶瑩剔透,入口爽甜,肉質夠厚.「荼香煙燻雞」咬落皮脆肉滑,煙燻火喉啱啱好,師傅好嘢👍!不得不提，「墨魚油炸鬼」外脆內嫩,金黃色的油炸鬼加上紥實廷身的墨魚肉一定要試.…Read More

朋友約入元朗食飯,記得呢間除咗韓燒仲有其他選擇.店長推介醬油蟹,唔係貴一隻$168,當然要試下,中size-,店長好好人用佢熟練手法幫我整埋👍蟹糕加落白飯再撈埋D醬油一齊食都幾新鮮,唔腥喎!蜜糖炸雞肉質外脆內嫩.再加個韓板粉紅撈飯幾得意啊!戴住手套張調味料自己撈勻食😉有得玩有得食,今晚冇㨂錯.正👍…Read More

放工約朋友去九龍城食泰菜，之後比個甜品胃叫食甜品，本來想去好出名果間合X , 但經過呢間甜品店，好光猛乾淨，於是入內一試，原來主打芝心系列，樣樣都好吸引,芝士蛋白流心吐司 - 創意之作，其實係蛋白雪山鋪係多士上面，好似好普通，但當你用刀切落去時，D蛋黃流心咁流出嚟，好得意，仲好好味，而且D味道好夾，仲有台灣鹽酥雞，炸漿唔厚，雞肉唔乾又滑，有辣，同唔辣，好鬼香脆，好有台灣feel ，個芒果脆脆亦都好特別，有D似芒果班戟, 將佢炸至脆脆，但入面就凍凍芒果肉, 幾得意, 如果加Cream 係裏面，唔知會唔會更加好食呢😁…Read More

每次路過聞到陣陣香味，好吸引，今晚終於忍唔住試下，環境唔錯，有Bar 枱，枱櫈都唔算迫，見到餐牌，咩都想食又肚餓，叫咗浜燒鮮活海鮮，佐賀A4和牛，野菜盛合. 都係二人份量，真係大食鬼上身，先黎苦瓜沙律，苦瓜加埋新鮮蔬菜，配以胡麻醬，好清新開胃，開始燒海鮮，有松葉蟹柳，鲍魚，生蠔，帆立貝，大蝦，先燒生蠔，店員提議燒一陣，但我就燒得耐咗，攪到D蠔乾哂, 跟住燒鮑魚, 帆立貝，鲍魚甜到呢，又彈牙，帆立貝好鮮嫩，好鬼鮮甜，店員不時為我們將海鮮在爐上反轉，並提意加上調味，可加海鹽，燒汁，非常好服務態度，跟住再黎佐賀A4 和牛，好肥呀，D紋分佈平均，又厚厚，輕輕燒一陣，嘩入口即溶，無得頂，最後仲有三文魚蟹子炒飯，三文魚切到細細粒，完全冇腥味，飯炒得好乾身，仲好大份，真係好鬼飽…Read More

好耐冇去過石硤尾,原來以改變了很多😄,仲記得有個熟食市場上去睇睇有冇好嘢食先!揀了間招牌幾搶眼的.雞煲就食得多有埋烤魚就好小食,老闆介紹「京式烤魚」同「水煮魚」佢話兩種食法各有不同再加個雞煲就啱啱好喇.「京式烤魚」肉質新鮮用火爐熱住食加上有麻辣味道調味得宜一個字👍,而「水煮魚」酸中帶甜爽滑可口味道濃郁又係一絕😊,「雞煲」老闆話用秘制配方奄制所以雞肉豐厚肉質紥實廷身,新鮮入味食完雞仲可以用湯底打邊爐真係別有一番味道.食哂三樣都飽到唔識行😂.老闆好好人還請我們飲啤酒tim😉埋單五人都係百多圓!真低食!!👍👍👍…Read More

又試下新野先，蒸氣石煱，朋友話呢間酒樓做推介,咁就試下呢閒, 原來類似打邊爐,  不同既係D食物放係蒸籠度蒸熟，係蒸既時候，食物D汁滴落最底層既粥底度，做緊龍蝦推廣，所以揀咗喜愛海鮮，估唔到個粥底咁鬼鮮甜既，冇得輸，掂👍，正到冇朋友，一定要介紹, 海鮮又新鮮，龍蝦做緊推廣，好扺食，亦係最正既，不過因為每種海鮮煑熟既時間唔同，有唔同既蒸煮時間，每枱都有個計時器，嘩，D員工就真係辛苦哂 ，手唔停，腳又唔停，今晚食到好飽，連個粥都清埋😋…Read More

尖沙咀食肆林立，唔知食邊間好，呢間門口既佈置幾特別，感覺良好，就試下，入到內面，柔和燈光，未致昏暗，好浪漫，同女朋友黎就情調一流，地方唔算大，裝修獨特，枱細細的，都密密地，但坐得都算舒服，用iPad 睇菜式，D相鬼咁吸引，先叫杯朱古力㗎啡，拉哂花，見到靚野心情都靚D，好滑喎，又唔苦甜度適中，店員推介話，沙律醬，pasta ，pizza 都係自家製，揀咗香草包，配牛油，包都係自家製，無咩特別，煙三文魚沙律，沙律醬又真係好唔同，好清新，令我對沙律令眼相看，可惜食唔出點調制，白菌露荀蕃茄闊麵，麵條好煙韌，同埋濃濃蕃茄醬夾到不得了，慢煑牛面額配紅酒汁，無得頂，煑得好林好入紅酒味，正👍，燒雞薄餅，就有D膩，可能太多雞肉，甜品就叫咗青檸芝士餅，無咩特別，鮮果奶凍就好驚喜，賣相普通，但好味到不得了，其實都唔知係咩，又似乳酪，但甜甜地，又似奶凍，就係咁味道新奇，好想食多杯添😁 下次必再encore…Read More

韓式打邊爐放題，繼續韓風繼續吹先，D枱擺放得唔迫，最重要冇油煙味，嘩8個湯底揀, 4種牛肉放題選擇，前菜有泡菜，黃蘿白，任添架，我選擇左牛骨湯貪佢湯底味濃，嚴選牛肉放題,大大塊中意食牛既一定要試, 還有飯團，泡菜青瓜壽司任食喎，其他配料有豆腐，粟米，各種蔬菜，芝士丸，韓式魚蛋，墨汁墨魚丸，喜出望外既，有salad bar ，爆谷，乳酪，雪糕，精美糕點，細細件😋實在太多野食，但我地只添咗一次牛肉咋，因為實在太飽，下次要餓D黎先抵食😉.…Read More

好怕飲茶坐得迫，D枱密麻麻，又嘈咁，呢間酒樓唔同喎，好光猛，D枱擺得唔迫，坐得好舒服，三兩知己，傾偈一流👍 我地叫至愛既燒味，义燒併雞，賣相一流，食落都正，义燒半肥瘦，正，仲有燒賣皇，有好大隻蝦，好爽口無梅，亦冇肥肉，好味，仲有碟XO醬煎腸粉好鬼唔同，砌得好靚，唔同其他酒樓，亂放上碟，煎得亦剛剛好，外面好香口，仲有個八味豆腐都唔錯，炸得啱啱好…Read More

又試下新野先，蒸氣石煱，朋友話呢間酒樓做推介,咁就試下呢閒, 原來類似打邊爐,  不同既係D食物放係蒸籠度蒸熟，係蒸既時候，食物D汁滴落最底層既粥底度，做緊龍蝦推廣，所以揀咗喜愛海鮮，估唔到個粥底咁鬼鮮甜既，冇得輸，掂👍，正到冇朋友，一定要介紹, 海鮮又新鮮，龍蝦做緊推廣，好扺食，亦係最正既，不過因為每種海鮮煑熟既時間唔同，有唔同既蒸煮時間，每枱都有個計時器，嘩，D員工就真係辛苦哂 ，手唔停，腳又唔停，今晚食到好飽，連個粥都清埋😋…Read More

今日係元朗收工，見到呢間韓國燒肉，門口裝修幾韓喎，一於入去試試，我呢個牛魔王，叫咗和牛粒同牛肉片, 仲有海鹽梅豚肉，D和牛粒size 啱啱好，一啖入口，不過四四方方，都幾厚身，所以燒個陣要燒耐啲，好多肉汁，又唔un ,估唔到海鹽豚肉又幾好食，好大塊，燒完冇柴皮又冇咬唔開，另外試咗個韓國shake shake飯，其實係飯盒，D餸同飯Shake完之後就食得，冇咩特別，如果熱D就好，鬼咁多野食，只得90分鐘用餐時間，似乎有D趕呢，唯有再等下次…Read More

經過辛勞的OT後, 真的咩胃口都冇, 唔知吃什麼好, 和幾個同事啱啱經過, 呢間舖頭名咁搞笑 - 王子麵, 望落去裡面都乾乾淨淨又食魚蛋粉, 咪入去試吓囉! 王子就搵唔到啦，幾個過氣王子就有好幾個，不過好彩仲有兩個後生仔，加班攰攰地有個笑容滿面後生仔嚟招呼你，都幾好呀！ 我諗最雀躍都係我隔離個兩位女同事囉！經過王子推介後, 我要了份王子豬扒肉燥飯! 三爬兩撥, 已經被我徹底KO咗啦！估唔到又幾好味喎！豬扒煎得唔會太淋，又唔會太硬，加上d肉燥汁，我直頭覺得有台式風味！ 最後埋單，每人都係50幾元，一百元都仲有得找，晚飯直係抵到嘔！睇嚟，我下星期lunch，都可以嚟試吓我同事猛讚好味嘅咖哩豬扒飯！…Read More