or#ta67843533's Profile

好少去觀塘！今日去凱滙行吓，睇吓裕民市集，可能我晚上7:30先到，所以好多店舖都關了門，不再像以前裕民坊那時熱閙，亦冇左以前的氣氛！轉頭上左去商場，行左一個圈，復活節假期都吾多人流，將近8:00，好多商店都準備收工🙂又未肚餓，行過間叫「百里」的外賣店，叫左個豬頸肉檬粉，吾貴！吾駛$70😍返到屋企打開，聞吓都好香，跟著撈勻佢D檬粉同配菜，幾好食！豬頸肉夠入味，但食到最後剩返D配菜，發覺D花生有好多粒係好燶，都吾知剛剛食入肚的係吾係咁燶😌我寧願食少啲花生，都唔希望店主俾啲燶嘅花生我🙏…Read More

我哋兩個人叫左白咖喱海鮮湯油麵、高佬麵配豬軟骨、玻璃魷魚配通菜加杯桔仔話梅水，甜品係椰香咖央多士🥰友人食白咖喱海鮮湯油麵，見佢食得津津有味，相信佢好滿意，見到碗麵都有大蜆、青口、蝦…都係足料我就食高佬麵配豬軟骨，係撈即食麵。醬汁太稀,冇掛住在麵上面，反而好多汁在底！豬軟骨夠諗夠入味。玻璃鮮魷配通菜加左少少辣椒，味道可以，不過D通菜就好幼好幼，望見就似莧菜，睇真先知原來係通菜😅至於甜品都幾香，椰香咖央多士吾明點解夾住中間係綠色，幾好味👍不過吾知點解，每樣食品都吾覺好熱，只覺和暖…Read More

早兩日去灣仔搞D野，經過金鳳茶餐廳，好想食佢的雞批同奶茶，但係已經食咗午餐，個人仲未肚餓，咁點算！最後都扺擋吾到雞批的魔力，買左六件雞批，奶茶、鴛鴦同咖啡各一枝返屋企，第二日的早上可以同屋企人一齊享用、一齊回味。用焗爐將雞批焗番熱，已經傳出陣陣雞批的牛油酥香，一口咬下去，味道與兒時的回憶都一樣，酥皮好鬆化而雞肉夠嫩滑🥰再飲啖香濃的奶茶，人生一樂事😉從小時候到現在，都好鍾意去呢間餐廳食野，經過黑暴、新冠依然屹立不倒，希望佢可以繼續𠄘傳。…Read More

網上預約左12月10日早上去申請換回鄉証，九點半已經到達，一切手續辦完，十時許已經可以走得，肚仔餓！見到樓下有餐廳二話不說入去坐低，環境好優雅，見到個早餐餐牌好抵食！太肚餓，所以忘記影相，咖啡好👍多士等等都優質，看到這間小店用心做每樣食物😍…Read More

早幾日夜晚去機場接囝囝，佢班機21:40先登陸，但係佢返到香港已經好想食地道的腸粉同炸両，何洪記22:45截單，可以坐到23:20.佢在等行李時，就通知我攞位及落單，我點左雲吞水餃湯麵、炸醬麵、蝦腸粉、炸両及艇仔粥。蝦腸粉好好食，又滑又熱，豉油味道適中。炸両令我有點驚喜，因為油炸鬼很脆👏🏾水餃雲吞湯麵正常、炸醬麵好味、跟麵的韭黃湯好好味、夠火喉。最後艇仔粥、粥底好吾掂，好似係用攪拌機打碎白米再加一些粉漿㷛的！粥料都吾多、水晶尤、魚片、咸瘦肉。如此老字號，呢碗粥實在令人失望😵‍💫…Read More

如果本人在中環街市附近，下午茶時間，一定會去呢間食半肥瘦义燒湯瀨加杯奶茶。其他燒味都好靚，不過我鐘情义燒多D😍$39在中環出名貴租的地段、可以有一碗美味的义燒湯瀨，還有一杯凍飲，極端抵食，湯瀨還有一條菜心，相當窩心，只可惜沒有葱花。今日杯奶茶比平時淡左少少，我已經叫左少甜少冰，都仲係覺得有D淡。可能今早十時許先落左八號風球，可能師傅吾多夠時間做預備功夫🤨不過整體上已經滿足本人的食欲，希望下次黎杯奶茶會香濃D👍…Read More

每次去時代廣場，都去呢間車仔麵食個下午茶。我通常叫三餸湯麵-豬皮、豬紅、豬大腸粗麵，豬紅爽脆，豬皮夠腍，豬大腸好有風味。因為個粗麵都好大個。我老公就會叫五餸湯米-炸魚角、雞腳、蘿蔔、牛腩、墨魚春卷。炸魚角彈牙、雞腳夠諗、蘿蔔又諗又甜、牛腩夠諗又入味、墨魚春卷又正😙每次我哋都互相交換餸，因為每款餸都有幾舊，該店吾會因為價錢就將貨就價👏🏾加杯凍檸檬可樂又吾貴😍舖面的裝修好懷舊，令我想起兒時的味道🥰…Read More

星期二買左戲票9:55‘破地獄’，8:30在六樓的食店已經沒有客人排隊，唯獨是元氣仲有一大排客人等位。約十五分鐘後入座，本人有幾年冇去過元氣幫襯，所以都吾知有咩食。老公點左壽司、軍艦、湯同啤酒，佢食曬所有佢點的食物，份量剛剛好，品質亦好好。我點左腐皮湯烏冬、炸雞件、炸芝士年糕同天婦羅野菜，湯烏冬好熱、又煙靭，炸雞件外皮好脆內軟有肉汁，炸芝士年糕-外皮好脆、內𥚃係年糕包著芝士軟軟的。我冇點飲品，因為有綠茶粉，可以加入熱水，濃淡自己控制👍依家元氣價錢相宜，每款菜式吾會好大，相當適合兩口之家😄…Read More

有一排冇嚟啦，突然之間想食佢嘅XO醬黃喉，好少地方有黃喉（豬的喉嚨）食。香港好多食店都話人人北上冇生意，但偏偏每次嚟到東寶都高朋滿座，一半係中國人，一半係外國人，現場氣氛熱鬧到根本都聽唔到佢播嘅音樂🤫☺️坐低第一時間就叫XO醬炒黃喉、炸蝦丸墨魚丸同啤酒，用雪凍咗嘅戰鬥碗嚟飲啤酒別有一番風味🤪老細Ruby話今日醉乳鴿👍佢冇講錯，乳鴿有陣陣的酒香，不太濃，恰到好處。大大粒嘅炸蝦丸墨魚丸，香脆可口。大大碟的XO醬炒黃喉用料豐富-有黃喉、菜甫、香脆腰果、薄薄的蓮藕片、新鮮馬蹄粒、爽脆嘅翠玉瓜，唯一可惜XO醬吾夠蝦米同埋瑤柱味。二個人飲左五枝啤酒，又食飽，但時間尚早，坐多一陣享受吓現場嘅熱鬧氣氛🥰…Read More

本人不嬲好喜歡食墨魚丸，剛剛下午茶時間，行開中上環走咗入去呢一間潮州麵店，唔係第一次幫襯㗎啦，二話不說就點咗墨魚丸湯粗麵同埋凍奶茶。凍奶茶好快嚟到，有茶味唔會太甜、但係我唔記得叫小冰真可惜！👍轉頭墨魚丸粗麵又到咗喇，墨魚丸入口彈牙，又唔會太實，有少少墨魚粒喺𥚃面，保持一貫嘅水準，冇令人失望。而粗麵相當之煙韌丶有口感，略為多咗啲，加上蔥花、芫荽少少辣椒油,真係絕配😙下次如果再經過，一定會嚟幫襯！有時候我都會買一啲貢丸牛丸魚片…返屋企自己煮😍…Read More

下午四點，想食格仔餅！聽講呢間做得好出色，又有幾款主食，所以一行三人去試吓。我叫左個迷你餐有飯圈四片、炸雞四片、炸薯條、沙律、一格格仔餅同一小杯鮮榨橙汁。另外朋友點左海鮮年糕、黑毛豬腩肉飯、芒果格仔餅。當套餐在餐枱上，我一看就好似一個兒童餐，雖然每款份量不多，但已經足夠我果腹。炸雞外皮好香脆，但雞肉仍然有肉汁👍格仔餅外脆內軟😘無令我失望。看圖片，以為黑毛豬腩肉飯係脆皮，亦以為的飯係煎炸至薄片。原來黑毛豬係滷水腩肉，而飯就處理好後將飯在碟上壓扁🤪海鮮年糕又軟又煙韌，醬汁就多左少少，有蝦，有墨魚BB⋯⋯跟住就食主打，芒果格仔餅擺放得好特別，將三格疊起，但每疊中間都有少少芒果同忌廉，另外一格就放在側！但好不幸，比薩斜塔可能疊得太斜已經跌到在枱上，後來店長幫我地換咗另外一個，相當窩心👏🏾又熱又脆，真好食！埋單都吾貴，下次想食格仔餅就一定再黎😍…Read More

東涌的茶木已經存在好多年，有時經開時間啱，一定會去食番個下午茶😄今日叫左個$38的茶餐，有紫菜餃子湯米、流心蛋、凍芋味芋泥芋圓奶茶加$8、加左半粉鹽酥雞$24。湯米有兩粒餃子，味道清香👍流心蛋係室溫，可以接受。凍飲好足料，有濃濃的芋味，芋圓又軟又有煙韌口感👏🏾鹽酥雞份量足，外皮好脆，只欠少少鹽酥味，但內𥚃的雞肉有點乾，真可惜！埋單連加一$77好抵食…Read More

想食個快啲早餐！就快11:00、所以就腳立即走左入去棋哥燒鵝，因為早前去過食下午茶，佢杯奶茶幾好飲，所以就衝入去食早餐。店員話早餐只得一款$58都啱食所以即刻坐低，避免過左早餐時段！熱奶茶吾多夠熱，但保持水準。义燒湯意粉-义燒太瘦，份量足夠。厚油多士正常，炒蛋火腿-炒得幾好，蛋都好涓，但再睇真啲，足足一匙油在碟底，真是太誇張🥹整體來說係可以，如果少D油會更理想，只係自己吾記得同店員講要肥义燒有點失策😵‍💫…Read More

同朋友喺打完邊爐，只係晚上九時許，有點早！聽聞朱敏記日日排長龍，所以搭的士去試吓😄去到未夠10點，已經唔使等位，但店內客人有九成滿。店內燈光似夜店，又播着勁歌，頗有氣氛！因為剛剛食飽，所以淨係點咗兩瓶啤酒同一個凍檸茶，啤酒夠凍，又有冰桶。凍檸茶夠大杯，成個檸檬喺裏面，但係唔係切片，相信係渣爛個檸檬，用飲管飲時，經常有檸檬碎攝入飲管內，要處理完先可以再飲，有點麻煩🥹朋友叫咗個小炒皇，份量同味道都正常，但美中不足，啲腰果冇炒過，凍冰冰放咗喺碟菜嘅上邊。隔咗一陣叫咗碟黃金茄子，蛋黃醬同炸粉恰到好處的包着茄子，熱辣辣的幾好食。最後叫咗碟豉油王炒麵，份量同味道都可以，淨係嫌佢多咗少少油！可能店內音樂太嘈，侍應聽唔到我哋的要求🤔…Read More

見到門外餐牌嘅展示，好多款式，包括有拉麵、麵包、甜品、冷熱飲品、雪糕等等，價錢又唔貴！烈日當空，我兩立即走入店內。翻看餐牌後，點左冬陰功湯麵、瑞士雞翼、綠茶格仔餅、凍珍珠奶茶。綠茶格仔餅淡淡的綠茶味戴滿甜甜的紅豆，格仔餅外脆內軟、不肥不膩！恰到好處😄加上一杯冰凍香滑的珍珠奶茶，奶茶濃一點更好。坐的環境整潔乾淨又舒適，服務員態度友善！食物很快就到👍冬陰功湯麵變咗喇沙味，好香又惹味！瑞士雞翼有三隻，好入味！我地點的食物份量剛剛好！又可以再去附近的食店再試😘…Read More