anniechoi00's Profile

今晚同朋友慶祝生日，book 咗呢間泰國餐廳！訂枱7pm 不用等，呢間餐廳冇限時，帶蛋糕又唔洗收切餅費，非常適合慶祝生日，唔怕趕頭趕命食👍我哋叫咗嘅嘢食都味道唔錯▪️冬陰功👉酸辣適中▪️燒牛柳👉煮得啱啱好，仲見到中間粉紅▪️火焰烤雞👉真係好睇又好食，睇之前啲人食評話雞肉嫩滑都半信半疑，點知真係好滑，好驚喜。點火嗰下又可以驚喜一下，去食一定要點呢個試呢👍👍▪️馬拉盞椰菜苗👉夠野味▪️三色咖哩配蒜蓉包👉一次過食到三款咖哩，有帶子，魚，軟殼蟹、蝦、魷魚、薯仔夠林夠入味，食晒啲海鮮又可以點麵包，值得叫嚟一齊食▪️媽媽麵👉份量都唔小，6個人都夠食，味道都唔錯職員都好有善，服務態度好好，不時會幫忙倒水，執枱，切蛋糕(唔收切餅費)又會清乾淨枱面並提供餐具～讚！會有下次嘅餐廳！…Read More

呢間小店係九龍城，一直都想試下，今次終於搵到個慶祝姐夫生日嘅借口嚟試下啦！話明小店，餐廳枱唔算好多，但晚飯時間都8成滿，我哋冇叫set dinner, 叫咗評語話好味嘅• 焗田螺$108 ~ 正常味道• 意大利雲吞 ～ 真係好好味！皮薄，味道濃郁• 蘑菇湯$78 ～ 正常味道• 龍蝦湯$78～ 正常味道• 南瓜蟹肉湯$68 ～ 偏淡咗小小• 香煎帶子意大利飯$288～ 份量小咗啲• 香蒜意粉$128 ～ 真係好香口乾身，好味！• 牛扒$530 ～ 份量足夠，但有輕微韌• 黑毛豬$388～ 驚喜好味！配埋個醬汁好正！• 甜品送咗個Tiramisu• 另外叫咗個Apple Combo $78埋單$2147 6位…Read More

呢間舖仔細細，其實一啲都唔顯眼嘅，但串燒用心製作👍今日晚餐時間經過呢間舖仔，被啲香味吸引到添，可能我又好肚餓啦😄😄最初都本來只係諗住叫少少嘢食吓頂住肚架啫⋯⋯ 點知食落好好味，叫完一串又一串，叫到越食越多囉🤣👉錫紙焗芝士蘆筍，芝士濃郁、蘆筍青甜爽口👉串燒安格斯牛柳粒同埋串燒牛舌正常表現，係正常好味嘅！👉招牌燒茄子、燒羊肉串都好正！P.S. 可能本人比較鐘意食羊肉串，無試過覺得唔好味嘅～嘻嘻😅😅👉老闆之後推介我食燒聖子話好新鮮，果然味道更正😋聖子超鮮甜，好好味😋👍👉燒雞扒都夠香口，又仲有好多肉汁，比起平時出街食的乾柴，都算幾驚喜👍👉錫紙焗芝士西蘭花🥦就一般般，都係唔夠”林”另外，舖仔老闆同啲職員都好nice，環境對於街邊檔嚟講算幾乾淨企理，職員亦都好勤快清枱(因為我食完又叫，叫完又食，職員要係咁清...哈哈)🤣🤣老闆仲會走埋嚟問吓啲食物 ok 唔 ok咁添，睇得出佢係好用心製作，想食客比多啲意見，有乜可以再改良吓咁呢！總括嚟講，呢間串燒舖仔，一定會下次再幫襯佢的，希望佢越做越好😊唔洗食親都集團經營嗰啲！…Read More

食物味道係幾好嘅，環境都舒適闊落嘅！但上菜時間係慢到一個點.......隔離枱一家4口，等了廿幾30分鐘都無上主菜後就嬲嬲豬埋單走啦！而我嗰枱係朋友生日飯，當時連埋我哋嗰枱，都只有3-4枱客，枱枱都係上咗前菜後就係度等.........上菜咁慢都真係好掃興 (前菜、主菜、湯連甜品都係6-7樣嘢啫，但就食咗兩個半鐘，當中有1個鐘頭係等上菜嘅)不過咁，如果情侶想談心都不防可以選擇嘅，因為可以坐耐啲吖嘛😂…Read More