Heylo18's Profile

雙倍芝味奶蓋？個份量仲少過其他出奶蓋既鋪頭。人哋廿蚊都多奶蓋又濃味過呢杯野。做左水魚，唔會再幫襯，已以身試伏。完全冇人企店面，行到過去問有冇人至出黎。其實都幾犀利，完全唔休做。…Read More

次次行開都會買黎食，但係為咗個包忍辱負重真係覺得自己奴性好重，如果可以請返啲正常人做收銀就好。差唔多$50買個芝士火腿牛角包，比個細紙袋裝，袋口摺都摺唔到。明明有個大啲既都唔用。見佢準備入時已經請佢轉大啲既袋入，同我講完「好啊」之後趁我比錢就入返細袋。洗唔洗呀😂😂收銀機得一部，企足4個員工，一個禁機，一個發號施令，一個入袋，一個企係度唔知做咩。發號施令負責講禁咩，禁機個個都可以收完錢至發現自己禁錯，係度同個客磨。終於明白點解條隊可以長時間都長成咁。…Read More

今日好想好想食日式Bino，近近地去咗呢間。本身冇join呢間會員，問侍應點join同有咩折。點知佢話：有冇都差唔多，多個9折囉。問多聲至話：仲有咩我背唔到俾你聽嫁喎。咁咪同個侍應講唔緊要，俾張牌我睇就得。佢就話，不如你哋落左單先，依家計緊時嫁啦喎。可能因為佢全程勁自大既態度，我完全冇晒食慾。走咗。😔😔😔如果大家唔介意服務態度/想受一肚氣可以黎食😌。不過我建議去其他分店/呢個價位，可以試吓其他集團。呢間不了。…Read More