na211's Profile

今日同男朋友試下新開印度餐廳，雖然鋪頭有啲細，但乾淨企理，啲staff 服務態度又好好。Menu 上的食物item數量一般，我哋叫左奶油肉醬咖喱配蒜蓉烤餅（可以免費配白飯）再加瑪格麗塔pizza (可以拉絲)，另外仲送左份神秘小食(btw我唔知咩嚟😂)。而味道方面十分之好好食，唔會有一啲好重香料味，容易入口。價錢方面，都可以接受。今次食左$260倒。總括然而，整體味道環境係幾好，十分之推介大家去試下。…Read More

琴日同屋企人去食，事於屋企人到左先，我就後到。一入到去餐牌未睇夠3秒已經吹我快啲落單，叫佢落住兩樣野先，個啊姐就話「快啲一次過落啦，轉頭唔得閒落單架啦，你諗好就話我知。」真心搞笑喎🤷🏽‍♀️。我哋埋頭苦幹食緊其他餸是，個蒸飯到左而另外個姐姐就大大聲講：「拎住啦。」其實枱位置已經細，加上已經同左其他人撘枱，所以係冇乜位置可以放。我哋一家人叫左黃鱔蒸飯、咕嚕肉、菜同埋花膠螺頭老雞湯。食物上完全冇問題，價錢方面都可以接受到，但服務態度真係唔得了，入去食飯好似一定要受氣甘。…Read More

成日經過見到，今日終於有機會食，所以自己上左去。見到Menu 有串燒，雞煲，烤魚，石碢米線同埋普通麵餐，價錢就大概$40-$200不等。今次就叫左自選米線(普通麵餐) 幼薯粉+雞肉+萵荀/火腿瑤柱肉骨湯底。首先，一定會試左湯底先，聞落去係有金華火腿味道，但飲落係偏向較淡，令到成碗野就用辣椒油（謀一個內地牌子）撈嚟食先至入到口，而薯粉有啲未熟得晒仲會癡埋一舊舊，整體嚟講就麻麻地。🥲只係會食一次就夠了，應該唔會有第二次。…Read More

經過見到佢啲嘢食好似好靚又正，諗住入去食。一坐低，又冇姐姐理我哋。嘢食嚟到見個款好似幾靚，一食落去就畢生難忘。叫咗一個燒鵝飯，腩仔瀨粉同埋一隻乳鴿。一嚟到好似道具乳鴿甘（被欺騙了），肉質完全唔似乳鴿，柴皮無味，落左調味都搞唔掂。又冇嘢飲，只係得汽水（因為水吧冇翻工？），淨係送湯。燒鵝同樣難食甜酸醬都冇，真心從未食過甘難食既燒味。建議食燒腩仔同飯，瀨粉太粉又碎。從此以後都唔會再食，人生中未食過咁難食嘅燒味飯。…Read More