Mag .foodstories's Profile

小曼谷充滿泰式街頭風設計的環境，另有室外卡位，性價比超高的大份量泰菜📍位置：近宋皇臺站 B2出口，步行約3分鐘，超方便～我同朋友2人點了幾款食物一齊share，咩都試下，好開心！泰式乾炒雞肉河，河粉質感軟綿，非常適合炒食泰式炒河嘅獨特之處在於豐富嘅調味料同香料，炒粉時加入泰式醬油、魚露同檸檬汁等調味料，微微嘅辣味真係好開胃～同時用料都好豐富，有好多雞肉，伴碟仲有芥蘭同蘿蔔片等配料，最鐘意食雞蛋絲，完全增添左口感上嘅層次感同香氣！燒雞扒有陣用炭爐燒嘅香味，雞皮燒得又香又脆，雞肉爽嫩多汁，點埋小曼谷特製嘅辣汁好正啊！香葉辣椒炒豬肉碎應該是無人不知嘅泰國菜之一，雖平凡但炒得惹味香口， 香噴噴熱辣辣，十分夠鑊氣， 濃郁香葉味道帶些辣勁， 賣相一流， 拌飯一流！推介！青咖哩豬選用加入新鮮香茅、檸檬葉及薑黃等香料提味，辛香青辣椒調和，椰漿味好濃，辣味溫和富有層次；豬五花肉，Q彈不油膩！呢個都係拌飯殺手啊！椰青大大個先$25，抵飲啊平日7點鐘去已滿座！！！想食好野一定要早啲黎，期待下次來會聽到music live！鄰近有九龍城廣場，泰國街，都幾就腳👍🏻難得來到可以行下而且每碟都超大份量性價比好高！…Read More

成日經過呢一間舖頭都未有機會食，終於等到今日朋友day Off一齊試！地方夠大夠乾淨，店員安排我哋坐卡位，好舒服！醬料同埋丸類飲品蔬菜即食麵都可以喺外面自己慢慢揀！見到有黑椒豬手煲同雞煲都係任食！另外火鍋配料都係任點！太吸引啦！香濃黑椒豬手煲份量唔算多，啱晒我哋兩個女仔食完仲可以有位食火鍋，黑椒味道惹味，有小小蜜糖味甜甜地，而且上枱嗰陣店員會再幫我哋爆炒一下，超香黑椒味！每一啖都軟軟滑滑，充滿着骨膠原，啱哂女仔啊❤️雞煲雞肉肉質細嫩，味道可選擇大、中、小、微和走辣，風味十足，雞煲又香又惹味！最驚喜係雞煲，原來可以有埋鳳爪，炆得好淋好入味！享受完雞煲之後，就可以有新煲食火鍋❤️色彩可以自己在移玉步去外面夾自己喜歡的，蔬菜、丸、菇類應有盡有，另外肉類就喺app裏面自己落，非常抵食！火鍋湯底，我哋揀咗越南牛肉湯，湯味濃郁夠清甜，用來淥招牌安格斯牛肉啱晒！完全唔會搶咗牛味！我哋食之前都飲咗一啖湯先，九層塔、香葉味道都好香，每一啖都品嚐到濃濃的牛湯精華！推介！安格斯牛版鍵同封門柳牛味都好濃，配埋呢個越南清湯越食越好味啊！飲品方面我地簡左檸檬紅茶同凍頂烏龍茶，味道相當清新，很易入口，解渴解膩一流！最後試咗呢一個奶茶雪糕，紅茶☕️有回甘味，唔係死甜，推介！…Read More

今日同老公周年紀念，所以獎勵吓佢食放題先，沙田友梗係去返沙田食飯！住咁耐先至發覺，原來喺沙田有間大喜屋放題❤️🫶🏻❤️室內環境乾淨光猛，下午時段去都好多客人，牆上面有好多掛畫好有特色，店員安排我哋坐卡位可以慢慢食。下單方式係以QR code，望到有好多唔同種類嘅食物，已經流晒口水，第一round決定出去攞熟食試吓先！食物種類都好多，熱食油炸蝦餅丸子，仲有凍熟蜆、凍熟蝦，椰汁燕窩值得一試！真係啖啖燕窩，又唔會太甜～飲品種類都有好多，唔鍾意飲甜嘅有解茶，鍾意飲甜嘅有凍有熱，又有清酒！雪糕種類都有幾個唔同牌子任君選擇第一輪嗌咗最鍾意食嘅芝麻雞翼！次次來食都必叫！外皮金黃酥脆配上香辣味道，咬開內裡藏著雪白嫩滑的雞肉，非常香口！鰻魚肉質厚實，口感Q彈帶有嚼勁，南瓜天婦羅外脆內軟，超級甜😍🔥❤️‍🔥燒玉子同埋牛油果三文魚，壽司就不過不失壽喜燒牛肉鍋一啲都唔馬虎，新鮮雞蛋，大白菜、豆腐、日本冬菇、金針菇、粉絲、茼蒿，牛肉樣樣齊，湯頭又夠甜，好好食！熱食我哋仲嗌咗大頭蝦伊麵，同埋蜜糖薯仔牛肉粒，兩樣都好好食！白汁大蝦伊麵，絕對拍得住同外面西餐大廚手勢！必食！全部刺身都好新鮮，識落冇雪味！最後同老公食咗兩個榴槤甜品作結！呢款大推介啊！個榴槤椰皇奶凍一啲都唔慳皮，啖啖榴槤肉～榴槤粉絲一定要嗌！配埋個奶凍同旁邊嘅椰肉一齊食100分🔥😍💫烤榴槤外脆內軟，因為上枱嘅時候仲係熱辣辣，所以食落好似流心咁樣！太出色啦！另外都要讚吓員工上菜速度都好快，仲要keep住幫我哋勤換餐具❤️用餐期間，店員對答有禮貌，好開心嘅用餐體驗！…Read More

今日收工後老公兩個去大圍新商場——圍方行下，想揀間西餐食吓，就位於港鐵大圍站上蓋，一出站就係，好方便啊！我地住沙田的街坊唔使去沙田都有好嘢食啦！今晚就同老公試Mr.Crab house ，呢間大圍店好闊落，以船艙作裝修做主題，主打美國新奧爾良海鮮。我哋安排坐喺落地玻璃旁邊，可以望到戶外花園，好舒服！店員介紹招牌菜是「海鮮袋」，即管試試！一共叫咗幾款海鮮，翡翠螺，鮑魚，海蝦，青口同魷魚🔥原來大廚先將海鮮以香料和檸檬水烚熟，再放入膠袋內，加入辣椒粉、番椒粉及美式香料，在即前猛力搖勻，配埋獨特醬汁CAJUN GARLIC SAUCE鮮香又惹味啊！海膽帶子闊條麵一上枱，已經超級好吸睛，又金黃又甜美的海膽好正！肉結實不會太過水旺旺，意粉軟腍入味，醬汁十分creamy😋💫而且扁意粉滑身煙韌，海膽量不算十分多勝在好香！今餐性價比好高，下次會再同老公過嚟撐枱腳❤️🫶🏻…Read More

朋友見到尖沙咀的川味辣蟹·串燒·烤魚·雞煲·專門店每位消費滿$150，即可用$1蚊食到餐廳的豬骨煲/招牌雞煲 / 花膠雞湯 /椰子雞湯，及避風塘炒大肉蟹$288，好抵食，所以約了 一齊去試下。 避風塘炒大肉蟹288 坐下當然是先揀個避風塘炒大肉蟹， 這裏的避風塘炒大肉蟹與平時見到的不同，除了有炸蒜外，還有很多干辣椒，令食得出的蟹肉鮮甜外，多了一種特色的川式香辣感，好味！！金銀蒜燒廣島蠔$48 餐廳的燒物也不錯哦，金銀蒜燒廣島蠔，面上滿滿的金銀蒜，令多汁的廣島蠔好惹味！！招牌金銀蒜燒原條茄子$48 燒物中的招牌金銀蒜燒原條茄子也是不鍇，辣度還可選擇，又軟又滑又香辣~~砂鍋粥$38，可任選不同配料，要了龍江雞半隻$168，及脆鯇片$68，非常清甜的砂鍋粥！一蚊優惠4選一中選擇了花膠雞湯， 飲完感覺清甜滋寶！…Read More

香港人四季都鍾意食火鍋，我同另一半都唔例外，今日離開西環就食616！ 之前試過九龍區幾間唔同分店，都好好味，唔知而家仲保唔保持到水準呢？💗616 專門店提供刁鑽牛肉部位，食盡各種刁鑽牛部位！平時好小機會係連鎖火鍋店食到嘅如牛頸脊、牛肩心等～都有！仲有封門柳、金花趾、牛心腚等選擇，坊間少見，每碟份量唔算多，但勝在價錢唔貴每碟都係$48-78，多試幾款都唔肉痛，小食多滋味。西環店舖寛闊，都好適合一班朋友過來食，又多卡位，仲有啤酒🍻飲。外面有自助醬料區，可以自己調配，我就揀咗秘製牛肉汁配蔥花，老公就試咗秘製牛肉汁加柑桔。湯底我地叫左牛骨湯，最能吃出原味呢！大大舊牛骨！裏面仲有唔少嘅牛筋腩～好正！洛神玫瑰茶，烏梅汁2款都唔會太甜，酸酸地好開胃今次見到有日本🇯🇵長野縣直接運到香港🇭🇰嘅信州和牛，用$78就食到！即刻點左一份牛肩胛試試！雖然肉片本身都有d厚度，但淥完後依然保留細膩、綿密口感，一d都唔乾柴，牛脂味香濃！牛駝峰帶有脂肪，肉質軟腍，肉味濃！同一般外面打邊爐d牛好唔同，真係本地新鮮牛切出來的~肩胛翼板脂肪相對較少。這是頗有嚼頭的牛肉!牛朴肉都好出色，肥瘦比例剛好，牛味濃！牛肉餃啖啖肉，咬一口爆汁手打牛滑唔係爽彈，而係柔軟順滑嘅口感，味道不錯且有肉汁，我同老公都覺得係必食之選牛丸我地叫左半打，牛筋有咬口，好彈牙滑尾龍鑊仔上，仲加隻蛋，撈勻之後再下鍋，蛋汁包住牛肉好滑溜，配稻庭烏冬食好正啊~！鮮制手打烏冬，提供嘅係是「稻庭烏冬」，偏平麵身彈牙爽口，重點係掛在烏冬上香濃嘅牛肉湯！吸收唒濃湯的精華！侍應都是快手快腳，有求必應的，見到佢地門口有張牌寫住fist order等候時間唔超過20分鐘真係做到！最鐘意呢度每碟火鍋配料都係細細碟又收得平，每樣都可以試d，食完唔夠先再叫~！下次期待同朋友過來食！…Read More

最近天氣急降，梗係同老公去打邊爐，今次第一次去朋友推介嘅呢一間旺角任食究極牛肉火鍋放題！啱晒我同老公呢一款牛魔王，朋友食完都大贊牛肉種類多，價錢都非常合理！一於就試試佢！店舖面積唔算大，但都簡潔乾淨，平日晚上人多記住要book位。坐低後先叫湯底，再揀自己喜歡嘅肉類，種類都非常多，有澳洲M7和牛，Prime牛板腱，安格斯牛肩胛，一級肥牛，平時好少食到嘅封門柳同埋澳洲和牛金錢展，另外仲有牛脷片同埋鮮牛肉～ 我同老公每樣都揀咗啲來試！湯底方面，我哋就揀咗個沙嗲併豬骨粟米鴛鴦湯。自助區都有丸類，蔬菜類，同少量肉類提供，好驚喜有豬腩片鴨胸同埋青口！飲品方面，除咗有韓國汽水之外，仲有啱晒我嘅無糖茶類，又有啱晒老公嘅清熱解毒鴻福堂支裝飲品，覺得今餐絕對值回票價🧡🫶🏻職員服務質素都好好，會自動幫你不停加湯，加分！我自己最鍾意澳洲M7和牛，牛脂均勻，油味甘香，食到停唔到口，另外仲有手切封門柳，牛微算濃郁，質地軟滑，但記住唔好滾太耐！老公就最鍾意澳洲和牛金錢展，好濃牛味，細細塊又易入口，配稻庭烏冬一流，另外我哋兩個好鍾意嘅一款就係鮮牛肉，除咗超級滑溜又薄切之外仲好濃牛味！之後我地都order左多轉！好推薦！甜品方面，我同老公揀咗朱古力味雪糕，士多啤梨雪糕同海鹽牛奶雪糕，為兩小時嘅火鍋盛宴畫上完美嘅句號。今餐絕對值回票價，下次想食牛一定來呢間。服務質素：8.5/10環境舒適度：7/10食物口味評分： 8.5/10 …Read More

依排食過最好食既上海菜應該係依間！ 幾適合同一班同事或者朋友食 😆😆 坐得舒服又乾净！店名336原來是上海話「謝謝儂」的諧音，廚師於烹調每道菜式的時候，均堅持少油、少鹽、絕不含味精的三大原則，的確係啊！餐廳裝潢設計以工業風為主，再加入中式元素，夠晒特別🤓而且地方非常寬敞，坐得好舒服😌如果喺ISquare可以同朋友睇埋戲tim~！醉雞雞肉皮薄，肉質嫩滑😙好香花雕味，酒味唔會太重😌份量都好多下，啖啖肉架😝冰涼涼又充滿濃郁酒香鮮嫩雞腿，超級適合做前菜！必食小籠包！一上檯已經冒哂煙lu！輕輕一夾頂部，成粒小籠包大大粒😍食落皮厚薄適中，吃起來皮薄Q彈口感很不錯👍🏻內餡調味剛剛好，不用沾醬就蠻有味道了！帶豬肉鮮味又唔會太油膩😚正！吃起來很爽口開胃，而且好Juicy！重頭戲就係酸菜魚啦！即刻試一試佢個湯先，飲落去酸酸地好開胃，最重要係唔油膩，我叫中辣都唔係好辣，而且麻香味好重，魚片好滑，份量都好夠👍🏻👍🏻入面仲有薯粉，萵筍，酸菜！我最中意食吸收嗮湯汁ge薯粉~ 整體黎講唔算好重口味，酸酸辣辣好開胃！雪糕好香榴槤味，係真榴槤味道，味道唔假~上面乾果粒，好好咬口，重點係，個雪糕下面有冰粉！ 撈埋d雪糕，不得了！我本身唔係太熱愛榴槤，但呢個雪糕真係正！朋友都話好好食，已經話要再黎。 榴槤fans 必食推薦！…Read More

觀塘最近新開了不少高質餐廳，今次朋友就介紹我嚟呢一間試吓！大部分都是工廈樓上cafe，要試勻全部都有排架，今次就同老公提早訂位來到近牛頭角的Non Kitchen ，支持下本土餐廳！喺入口度行兩層樓梯就到，我哋訂左7:30，餐廳已經有好多人啦，環境相當寬敞，室內設計型格，餐牌仲好有心思，模仿左外國報紙嘅排版，座位與座位之間唔會相隔太近，在呢個情況下令食客食得又舒服又安心。我同老公揀咗個二人餐，Set最抵同埋最好， 比起單點仲有餐湯、沙律🥗飲品同埋甜品，咩都可以試吓好開心。原來餐廳會附上餐飽及脆麵包條，黑松露醬令到呢道菜好有驚喜！沙律份量十足！沙律醬汁另外上，唔似出邊嗰啲一美靠沙律醬吊味，食得出生菜嘅爽脆同埋新鮮，芝士碎亦都落得適中。是日餐湯亦非常出色，今晚的餐湯為西蘭花菠菜忌廉湯，確實能夠飲出濃厚菠菜味道，好暖胃，我同老公一路飲一路點麵包食，真係好正啊！煙三文魚pizza食落批底鬆脆，係薄批來架，鋪滿挪威煙三文魚同埋火箭菜，仲有蜜糖芥末醬，酸酸甜甜超級開胃！炭燒安格斯西冷牛扒。我哋叫左5成熟，西冷切落內裡肉質顏色剛好。西冷富有牛肉嘅香味，牛味濃郁，牛扒炭烤味好香！牛扒仲配有經醃製過的烤薯及蘆筍，好有心思，有蒜蓉味道好有層次！呢個真係必點！下次希望可以同朋友嚟食斧頭扒！提早預訂可以有折扣優惠！最後一道就係我哋最期待嘅甜品！意大利雪糕泡芙！鬆脆可口嘅泡芙，配埋香滑雲呢拿雪糕同榛子夾心加埋一齊真係無得輸！旁邊仲有雜果配焦糖醬～口感一流！不論係賣相或者都10分出眾！為圓滿嘅一晚畫上句號！…Read More

疫情放寬了，我同老公都可疫情外出去晚餐拍下拖！之前朋有推介這裡音樂和食物都好正，終於有機會來試試！呢度主打老板Godwine 學廚嘅美國南部地方菜，美國菜偏大份，絕對食得滿足。見到原來呢度有個DJ打碟枱，但今日無event就無緣睇到～一如門口已經見到有嘅DJ區同埋有部黑膠唱片機，周圍充滿音樂原素，牆上面又有歌手海報、掛畫等，氣氛好正啊！餐廳裝修十分有格調，燈光好moody， 全場滿座,，有彩有book到位! 同老公見到有二人餐超正所以直接叫二人餐唔洗煩哈哈！二人套餐 $628套餐有湯，煮蜆， 意粉，牛扒，飲品，甜品新英倫周打蜆湯（2客）湯面上有爆炒至焦香脆卜卜的煙肉， 這個湯用忌廉作為湯底，令整個周打蜆湯味道更濃郁，入口更順滑～新鮮的蜆肉，粒粒都食得出鮮嫩無沙！配埋蒜蓉包一路食好正啊。香蒜牛油煮蜆牛油香蒜牛忌廉煮蜆，牛油蒜蓉味香濃，蜆肉鮮甜，很適合愛吃海鮮的朋友！檸檬和蕃茜味道好香，蜆肉好有誠意，我地足足食左一大盤殼！鵝肝松露意大利粉這家餐廳最正的是每款意大利粉都可改配扁意粉或長通粉，煎的香脆嘅鵝肝，仲有少許鵝油沾到意粉配上松露意大利粉，松露忌廉汁與雜菌味到好夾，口感豐富！草飼澳洲肉眼牛扒牛扒size正常，切開見到嫩嫩嘅粉紅色，已經覺得好吸引！牛肉咬落十分嫩滑 & juicy!! 可以保持到牛肉原汁原味，要完美控制好牛扒生熟程度都唔簡單，依方面餐廳控制得好好，果然係對得住餐廳個名！精選蛋糕2件甜品係New York Cheesecake，藍莓和芝士本身很夾，甜都適中，味道很平和，食落舒服，奶味香！符合我同老公期望，整體味道都好好😛餐廳環境幾chill，二人餐抵食，值回票價！可以一試，期待下次來會聽到DJ 表演啦~餐廳：The Musicbox Grill House & Bar 地址：銅鑼灣駱克道459-461號The L. Square8樓…Read More

今日經過炮台山蜆殼街見到有間日本野裝修好似幾好, 突然思鄉病發作想食拉麵~🍜 一行入去就受到店員既熱情款待, 加上聽住日本音樂👘, 我真係好掛住日本T_T 好有feel🇯🇵我order左期間限定既北海道極濃蟹湯拉麵, 醬油拉麵, 唐揚炸赤雞👯‍♂️北海道極濃蟹湯拉麵: 有好多蟹肉碎, 加上勁creamy既蟹湯, 口感濃郁= 100分!🍽️ 呢碗拉麵配有少少木耳絲, 紫菜, 筍, 叉燒, 香蔥 所有配料都好夾, 力推!醬油拉麵: 個湯底係甘甘地, 醬油味好重, 但不會太濃味, 👍🏻塊白雞肉真係好高分, 大塊, 鮮嫰, 滑! 🤗呢款拉麵適合喜歡口味清淡既朋友, 佢唔會好似上一個拉麵咁濃味唐揚炸赤雞有3舊, 岩岩炸起加上少量檸檬汁同岩鹽👀真係好惹味好脆好多汁😜, 不過好似細舊左🥲~ 下次要叫2份,因為好味到一個人都可以食哂😬…Read More

燒肉迷嘅我更係絕對唔會放過任何食燒肉嘅機會～今次係第一次食炑八嘅晚餐～今次喺太子呢間分店，入到去有一刻覺得自己喺韓國燒肉舖，好想去旅行啊🧳！之前一直都好想食佢嘅配菜，特別係圍住嘅烤盤隔離嘅芝士同埋烤蛋🤩果然不負眾望，佢嘅芝士同粟米一啲都唔濟，仲令我忍唔住添多次芝士～～～而今次我哋就食咗熱炙月見和牛套餐～上台時嘅牛盤已經令燒肉迷十分興奮！分別有一碟和牛肩肉扒同埋一盤牛、鰻魚同魷魚嘅拼盤！每一款都係令我流曬口水嘅燒物！喺燒肉前，食咗一個麻醬沙律，係燒肉前的Fresh Start！首先我哋由燒牛前胸肉開始～淹得啱啱好又好夠味道嘅牛前胸肉 入口軟滑 絕對係享受～跟著我哋就食魷魚🦑同埋鰻魚，魷魚一啲都唔un！仲係淹得入味，有口感！我本身以為魷魚可能會好難燒得合乎中道，點知佢哋預備嘅呢個size好容易燒，所以一啲都唔會覺得有負擔～然後我哋燒牛舌，牛舌薄薄哋好容易熟，牛舌都係每逢燒肉必點，所以也是我的推介之一！係我哋食食下燒肉之際，店員就送上一份芝士熔岩泡菜紫菜包飯，真係每道都精彩！！紫菜包飯係每逢食韓式料理必點，而呢個套餐就係會額外送埋，超開心！超滿足！而且又唔會多得濟，食唔曬～份量絕對可觀但又剛好～飲品就有兩杯🍑桃味特飲～一杯係沙冰，一杯係梳打。兩杯嘅甜度適中，都唔會過甜，係燒肉中間有生果新鮮感的衝擊，清一清喉嚨，繼續燒！！我哋喺燒和牛扒之前都把牛小扒燒一燒，飲完一啖桃味，食返啖啖肉～好食，再加佢配菜嘅生菜🥬完全不膩！牛小扒都好食，令我好期待跟著嘅和牛扒啊！重頭戲！！！和牛扒🥩出場！！旁邊有一碟溫泉蛋醬汁調好比我哋沾牛肉食！見到呢個組合，已經垂延三尺！🔥🔥牛肉size豪華，然後食落肉質鮮嫩多汁，肉的油脂分配好好，入口融化，完全是最後一道菜應該有的水準！最後總結今次喺炑八嘅晚餐體驗，我覺得好圓滿！環境令我感覺置身韓國，食物味道都值得加分！所以大推薦大家去太子呢間分店試下～…Read More

行過銅鑼灣見到小有茶餐廳入面竟然有咁少女心既花牆，即刻加唔小分，我同朋友都話一於試下入去食。而且我同朋友兩個人待應安排了一個寛落既卡位比我地，坐得舒服好似好似去左食西餐咁。打開個餐牌，又真係有西餐，有扒食，有意粉，有中式⋯仲有甜品。餐牌既圖片都好吸引，我地都對d西餐有興趣，見到只係百幾一個套餐好豐富。頂級美國封門柳$138呢個價錢已經有齊前菜，餐湯，主菜同飲品，晚餐來講已經相當抵食。7成熟既封門柳，唔會太熟，肉味同肉質會比西冷容易入口，而且封門柳會幫你切好一粒粒，對於我地無男朋友在場既港女會更加方便食😆😆食到牛扒之餘切都唔洗切。而且沙律🥗前菜一啲都唔細分，個是日餐湯仲好好飲一啲都唔會比西餐廳差。香草白酒龍利魚配蕃茄沙沙醬$78呢個價錢都係同封門柳個餐一樣有齊前菜，主菜，餐湯同飲品，真係超級平。一來到仲要唔細份，龍利魚都有成三大塊，而且成個賣相都好靚，一d都唔hea，正以為係好睇唔好食既時候，點知一入口勁好食，龍利魚一d都唔會腥而且好滑，我覺得性價比勁高。由於佢價錢唔貴，我地決定食得豐富d食埋個小食拼盤同甜品。小食拼盤$128（水牛雞翼、香草腸，檸檬雞槌、洋蔥圈、炸薯角）一來到大份到嚇親，雞翼以為得1、2隻，點知有成4隻，其他既數量都唔小，雞翼好好食，辣辣地好惹味。香草腸係勁肥美，唔係平時all day breakfast 個種size🤣🤣，好足料。精選蛋糕$38最後甜品本身每人一個但係太飽既關係只係點左一個一齊share食，待應問我地要咩味既雪糕，我仲問e.我地唔係叫蛋糕咩，待應話蛋糕仲會送一球雪糕的。咁就岩哂了兩個人一齊share食，甜品味道同賣相都唔錯。食到咁飽咁豐富賣單只係一人百幾。…Read More

和朋友來尖沙咀行街，經國呢間船河餐聽lunch hour次次大排長龍，今日夜晚終於有機會試試！！餐廳入面座位其實都算多，枱與枱之間夠鬆動，有卡位，又又圓枱，decorations擺設都以泰國懷舊風格為主，牆上面有好多太多泰國船河水上市場相片，感覺已經似去左泰國街邊食船麵禁樣啊～！見到頂級安格斯牛肉船金邊粉個湯咁深色，再聞到個湯既味道就知道係泰國既船麵呀，大廚每日精心熬製， 放了多種材料同食材，再試一啖湯，味道層次豐富，好好飲～安格斯牛肉食落好淋身好有牛味，肉味特別濃，又唔會過肥，灼到啱啱好熟，食落幾嫩滑，白魚蛋好彈牙好爽，咬落口感豐富。泰式豬皮炸到脆卜卜，不過一浸左湯就無左脆既口味，蘿蔔燜得好淋，吸收湯的精華！船麵質感偏幼，夠爽夠彈牙，非常吸湯！卜卜蜆冬陰公湯金邊粉蜆肉鮮甜，爽口彈牙小食炸豬皮很鬆脆，充分吸收了湯底！海鮮有蜆，青口和蝦，食落夠新鮮，唔會有雪味！蝦原隻上，原汁原味，配合小辣嘅冬陰功湯底，酸酸辣辣真係越食越開胃！香茅味超香啊！泰式鳳爪酸甜開胃～再加埋新鮮嘅洋蔥絲、木瓜，蔥絲等新鮮蔬菜一齊食，非常清新！龍眼冰超大杯又夠凍，食完辣野飲番啖真係無懈可擊！泰式蝶豆花特飲顏色好特別，酸酸甜甜同樣好消暑！打卡一流～！總括而言，係尖沙咀街頭食道正宗泰國船河，坐低飲番杯冰涼嘅龍顏冰就已經覺得好值得了～！CP值高的泰船河餐廳！餐廳：泰濃麵 (尖沙咀) 地址：尖沙咀樂道7號嘉樂大廈地下A舖…Read More

今日和媽媽去飲茶，因為媽媽一直想我和她飲茶，就看看在荃灣家附近有沒有點心小店，原來在沙咀道新開了一間點心店，可說是很易找，店裏寬敞光猛，一到下午lunch時間就大排長龍！好彩我們是11:30左右到💕也避開了神運的公公婆婆人潮。茗茶每位$5，好香濃的鐵觀音茶，用鐵壺裝起，保温一流，可叫店員無限添加水，點心即點即做需要等候，一邊飲住熱茶慢慢等就啱晒！齒頰留香脆蘿蔔腸，腸粉皮白滑，夠薄，通透，餡料有鮮炸脆口的油炸鬼，裏面包着彈牙的下粒和蒸得剛好的蘿蔔，條條分明！配上甜豉油，食完一舊接着一舊😍百吃不厭鹹水角，外脆內軟裏面的豬肉很有咬口，值得一試！熱呼呼香噴噴的咱家秘製叉燒包也上枱了！一定要趁熱食，叉燒包口感鬆軟，麥汁味道香甜，豬肉肥瘦比例剛好，連平時不吃叉燒包的媽媽也很喜歡！紫金名醬蒸鳳爪非常入味雞腳炆得很軟身配上招牌花生🥜一流啊！飲茶必點的都定是燒賣！黑松露北菇燒賣王大大粒，熱辣辣，口感爽彈，黑松露味道剛剛好，讓蝦味更鮮甜。鮮蝦菜苗餃，晶瑩剔透的餃皮口感十足，爽口的蝦肉鮮味又大有豆苗清新的味道。這家點心店CP值高，價錢親民，一定會再幫襯！…Read More