Food_stoppp's Profile

上個禮拜朋友帶咗我去銅鑼灣一間高質嘅日本菜食晚餐. 有新鮮嘅壽司 和牛壽喜先同埋串燒 再加埋 環境好適合打卡.首先我哋叫咗廚師發板手握壽司七貫. 有吞拿魚腩，赤身，油甘魚，真鯛，牡丹蝦，海膽，三文魚籽。 海膽同牡丹蝦非常鮮甜, 吞拿魚腩油脂分佈平均, 味蕾大爆發.而我哋亦都叫咗一啲小食同埋串燒 分別有雞全翼一夜干,雞軟骨, 月見免治雞肉棒,一瀧唐揚炸三瀨 雞.一瀧唐揚炸三瀨雞 唔好睇佢外表好似一舊炭咁 食落去炸粉唔多, 雞味濃郁. 而雞軟骨日都做到少少 嘅炭燒香味 ,十分惹味.最後隆重出場嘅係𝙰𝟺 宫崎和牛壽喜燒, a4和牛入口即溶,真係想叫多兩碟食. 烏冬配合埋壽喜燒嘅 湯 簡直係絕配.廚師發辦手握壽司𝟽貫($𝟹𝟺𝟾) 𝙰𝟺 宫崎和牛壽喜燒 ($𝟺𝟾𝟾) 棉花糖 (+$𝟺𝟶)烏冬 (+$𝟺𝟶)雞全翼一夜干 ($𝟽𝟾)雞軟骨 ($𝟹𝟾) 月見免治雞肉棒($𝟺𝟾) 一瀧唐揚炸三瀨雞($𝟽𝟾) 𝙱𝚞𝚋𝚋𝚕𝚎 𝙸𝚌𝚎𝚍 𝚃𝚎𝚊 ($𝟼𝟾)…Read More

難得嚟到九龍城今次竟然會食Omakase ，仲要意想不到咁好味😋。前菜係京都豆乳配小川海膽，食得出海膽非常之新鮮加上下面嘅蒸蛋好嫩滑。之後就係松葉蟹配桃啫喱，亦都十分之好食😋，個碟好打卡，配合埋佢嘅味道，集蟹肉蟹膏啫喱於一身，帶出鮮甜味。之後就嚟到一隻大大隻嘅北海道生蠔，隻生蠔成隻手掌咁大，一啖放晒入口，質感非常creamy ,唔太重海水味，超級推介。之後到岩手縣海膽，富山灣白蝦，兩款食物都非常新鮮，食得出佢哋嘅原味，同埋有埋個海膽殼裝住，非常特別！熟成拖羅同埋本鰹魚刺身魚味道比較濃郁 油分非常重😍之後就到炸金鯛配松露野菌汁，呢個絕對係全晚最好味😋，炸到魚皮勁香脆之餘，魚肉外脆內軟。之後就嚟到壽司嘅環節分別有目拔，北海道時之鮭，白魷魚，石垣貝，牡丹蝦，赤鯥。其中牡丹蝦帶出少少花雕酒味配合埋芝麻勁入味。跟住就上一個北海道只海膽手卷，海膽多到差啲流晒出嚟，好正呀！…Read More

Omakase- 菊 ($688)前菜係靜岡縣蕃茄，螺，同埋無花果無花果好新鮮 螺肉好清甜刺身大拖羅入口即溶，係必食。 帶子比較清甜。深海池魚好彈口，爽口。第一次食章紅魚覺得比較硬身啲，但口感都好正。焼物係鱈魚西京燒，表面少少油份，食落去有少少甜味，好好食，銀雪魚好滑。煮物有清酒煮蜆，味道清香加埋朔晒味嘅粉絲。揚げ物有天婦羅，天婦羅蝦配合埋醬汁非常好食😋，蝦味都幾濃郁食事鵝肝飯鵝肝煎得幾靚，配合埋燒汁加珍珠米，簡直要食多一碗飯。止椀麵豉湯，蟹味超級濃郁，再加少少蟹肉，非常清甜。甜品係豆腐雪糕，唔會太甜又有少少豆腐味🤩…Read More

如果想食雞煲,鴨煲,豬手煲或者火鍋,二鍋頭可以一次過滿足曬你嘅要求.只需要$218就試勻晒佢地嘅特色煲,性價比好高.二鍋頭惹味雞煲:首先我地試左佢地嘅雞煲. 個份量都幾多,兩個人食嘅話其實一個雞煲都已經會開始覺得有少少飽,所以如果你地去嘅話最好叫店員俾少啲分量你地,咁打邊爐嘅時候就可以食多啲啦! 雞煲到左之後,職員幫我地炒個雞煲嘅時候已經聞到濃烈嘅香味.雞肉都有幾多部位,例如鳳爪,雞胸.雞肉雞嫩口加埋啲醬汁真係好惹味火焰鴛鴦鴨煲:第二個煲就係鴨煲啦!我個人比較鍾意鴨煲嘅.佢地炒鴨煲嘅時候會加埋玫瑰露,所以添加左多一份酒香味.咬第一啖嘅鴨肉已經feel到,真係好正!佢地嘅鴨肉幾大嚿,份量都多,真係可以約埋啲朋友一齊黎食黑椒豬手煲:火鍋:終於到重頭戲啦!佢地提供8個湯底俾我地揀,最後我地係揀左正宗豬骨湯嘅.湯底清甜,食完咁多重口味嘅嘢,係時候試番啲清少少嘅湯.佢地有幾多嘅火鍋料揀.有啲驚訝嘅係佢地都有幾多海鮮揀.我地主要都係嗌左美國肥牛,美國黑豚肉,脆鯇魚片.個人覺得質數幾高,咁嘅價錢都有番咁嘅level真係好難得大家想打邊爐或者食雞煲嘅話都可以試下二鍋頭.真心覺得幾抵同埋價錢都好合理.…Read More

嚟到將軍澳海濱公園散步見到 原來urban coffee roaster喺呢度開咗分店，一於入去試一試。我哋叫咗日本燒牛腹肉配温泉蛋 ($178),牛油果配無花果多士 ($88) ,炸單骨雞翼配蛋黃醬 ($78).日本燒牛腹肉配温泉蛋,塊牛肉肥瘦均勻，入口牛味即刻湧出嚟，再加埋溫泉蛋撈埋d飯食，簡直想添多一碗飯。另外，我哋叫咗牛油果配無花果多士，有少少酸嘅無花果襯托着甜嘅牛油果，食落去好特別，口感唔錯，加埋下面嘅多士好脆😋我哋之後仲要多咗一個小食炸單骨雞翼配蛋黃醬。呢個小食絕對有驚喜，脆得黎好少炸粉，再點少少蛋黃醬，想唔肥都難😂…Read More

再次來臨滾得起宮廷火鍋小炒，上次叫咗好味嘅卜卜蜆湯底，今次一於試吓椰子藏雞濃湯鍋 ($298)，個鍋一嚟到勁多煙漂出嚟，勁興奮🤩。啲煙漂完之後，就見到入邊有有隻雞係中間，啲雞都好滑，雞湯越煲越濃郁。上次食過啲牛都幾好味😋，為咗食晒唔同款式嘅牛，叫咗御前一品 手切牛肉拼盤 ($528)有韓牛，和牛，本地牛同安格斯牛肉，每款牛都各有特色，本人就最鍾意安格斯牛肉，肥瘦均勻，啲肉味係個口爆出來🤩。仲有encore左我最愛嘅白鱔片 ($138)，竟然冇乜骨，又彈牙，簡直係驚喜之選！…Read More

首先黎既係餐包，仲係暖暖的，芝麻包好鬆軟，蒜蓉包勁香脆。蘑菇湯，入口有蘑菇味，打得非常軟滑，加上奶油飲落更Creamy而且夾雜了一些小粒狀的蘑菇粒，令湯有點咬口，味道唔錯，可以更濃。輪到野菌薯蓉，香濃既野菌配搭薯蓉味道剛剛好，唔會太漏，薯蓉非常好吃又軟滑，夾雜左小小薯粒增添口感。主菜蒜香蜆肉意粉，意粉硬度炒得岩岩好，帶有橄欖油，唔會好乾，而且蒜香味好濃！重點係蜆肉新鮮，完全冇沙，呢碟意粉高度推介。最後一碟T骨牛扒配薯菜，夠晒大塊，7成熟，味道唔錯，cp值高，另外薯角炸得十分好食。…Read More

好日都唔會食一次Omakase，朋友話請客咁一定要去試吓啦！呢間位於旺角Ladder Dundas 21樓既初鮨，一出𨋢就喺間餐廳，空間感幾大。我叫左一個櫻套餐，前菜有甘草北寄貝，沙律和茶碗蒸。其中茶碗蒸，口感超滑又不失蛋香，配埋香菇同蟹肉，簡直想叫多一碗！八件壽司分別係深海池魚，金目鯛，活北寄貝，赤貝，甜蝦，赤身，中拖羅，帆立貝。第一件嘅深海池魚，魚滑，魚油多到流出黎。師傅用火燒金目鯛既表面，魚肉被燒香加表面熟入面少少生，口感一流！活北寄貝咬落去好爽清甜，口感極具層次！甜蝦食材超級新鮮，甜蝦既蝦子蝦膏入口初時爽口，入口即溶 ，三種野混合埋一齊簡直人間美食。赤身有少少酸味，同豉油味結合 魚味係嘴入面停留好耐，揮之不去。師傅將中拖羅嘅表面燒一燒，再加一啲芝麻喺表面，魚入口即溶，入口個時魚油滴緊，回味無窮！帆立貝亦都好鮮甜濃郁。吞拿魚腩蓉手卷，入口即溶，紫菜爽，咬落去sharp sharp 聲，魚同飯嘅比例啱啱好。最後奉送上薑味雪糕蜜瓜啫喱，鍾意薑味嘅朋友一定要試吓！最後都要讚一讚位師傅，會為你詳細解答壽司嘅問題，員工亦很有禮貌，不時為我哋加添綠茶。…Read More

咁啱路經荃灣，見到Pizza Maru 係荃新天地開左新分店，特登入去試下。我地叫左兩個lunch set，跟左一湯一沙律，加$20有自家製冰茶，另外我地叫左peach Lime iced tea($48)同Pineapple Flora Iced tea ($48)，全部味道都好特別，尤其是Pineapple Flora Iced tea既菠蘿味好重！朋友叫左牛油果烤肉薄餅 ($108) 忌廉醬底，試左一啖，果然唔錯勁多牛油果🥑好甜，值得一試！我當然叫左最愛既肉醬千層麵($118)，睇相就知道有幾多芝士，濃濃既芝士襯托着蕃茄肉醬，滋味十足，加埋少少焗燶咗既芝士脆邊，一試難忘！另外叫多咗兩個小食，蜜糖忌廉炸薯條 ($78)，炸得唔算太脆，但入邊有忌廉、蜜糖、帕馬森芝士粉，好邪惡，食完要開始減肥lu !黎到我最鍾意既炸雞🍗，叫左半半口味炸雞 ($218/12件)，揀咗蒜香甜辣秘製炸雞，蜂蜜牛油秘製炸雞，炸雞炸皮厚度適中，d雞油保存咁係入面，份外滋味。…Read More

放咗工同同事食燒肉，但又唔想食放題，搵咗呢間係尖沙咀嘅牛魔。我哋叫左牛香葱牛脷，美國prime原味牛肋骨，全天然豚肉五花腩黎燒。牛香葱牛脷 ($85)超有口感，加埋d薑蔥簡直係絕配。黎到我最鍾意食嘅肥牛，美國prime原味牛肋骨 ($198)當然係一個不能錯過嘅佳餚啦，食落香濃多汁，肥而不膩。平時唔鍾意食五花腩既我都試咗全天然豚肉五花腩 ($130)，令我喜出望外，燒完之後，肥豬肉同埋啲肉好夾，令我想叫多一碟。燒完之後叫咗日式炒烏冬 ($65)同櫻花蝦粟米餃子 ($65)，勁足料！烏冬控一定要試！呢度啲餃子勁大隻，一啖都咬唔晒，入邊有少少似小籠包啲餡料，會返食！…Read More

行銅鑼灣經過有一間食牛嘅店好多人排隊，原來係食石燒牛！見有時間咁就排隊試下🤣 全部都係自助形式，要自己喺自動售賣機嗰度買咗飛先～•牛肩胛 ($80/180g)•牛柳 ($110/200g)店員會將牛扒送上黎，用紙巾蓋住，但係都會聽到牛肉燒緊既聲，石頭高溫到牛肉一路燒，啲油一路彈出黎，要好小心唔好辣親🤣牛肉切開入面仲係好生，放係石上面燒幾秒就已經熟哂，肉汁仲鎖住係入面，牛味好濃好juicy，性價比幾高，外面仲有白飯，沙律，任食唔嬲🤪…Read More

今天我們來到位於旺角的韓式料理Outdark ， 店面環境同燈光如同店名一樣比較昏暗，營造神秘感。我們一行四人點了六款食物。其中重點推介韓式炸雞 ($192)，今晚我們選擇雙拼了原味炸雞同埋香蒜蜜糖炸雞，另外再配上幾款醬油，我比較推薦原味炸雞加上蜜糖芥茉醬，令炸雞口感更加豐富，點點辣味刺激味蕾更加開胃，此外還有三種不同的薯條和薯格，整個炸雞加小食份量非常足夠，唔洗擔心唔夠食！芝士豬肋骨 ($338)韓國雞蛋捲，水牛車打芝士，香炒泡菜，香甜菠蘿粒，紫菜飯。店員服務很好，親自幫我們把芝士捲到豬肋骨上面，再分配到碟上，仿似置身於五星級酒店，不過芝士的份量真的很多，所以我地都食唔完其他配菜，個人感覺芝士有點膩，但喜愛芝士跟豬肋骨的值得一試。炸醬麵 ($98)個人最愛的韓式料理，今次的炸醬麵沒有令我失望，味道很濃但又不會很膩，質感看上去很重，吃下去反而很輕很清，很適合在吃完芝士等等肥膩的東西後再淺嚐。東萊海鮮煎餅 ($118)原本對於這小食無咩期待，結果入口都幾有驚喜，口感非常豐富，可以食得出入面很足料，雖然是煎餅，但也不會很油，炭豚飯捲 ($88)很喜歡這個飯捲，好味，很好味，非常好味，幾乎個人包辦一碟，必點之選！！！…Read More

今日又來到旺角覓食，俾我發現左一間好食嘅日本餐廳。地方細細估唔到臥虎藏龍。首先登場嘅就係清酒生蠔，估唔到清酒同生蠔可以咁夾！將生蠔浸入清酒幾秒，然後豪爽地放入口中。生蠔嘅鮮甜同清酒齒頰留香嘅香味渾然天成，但仍然有生蠔嘅海水味。口感唔單一之餘又唔會有任何一種味道會喧賓奪主。絕對忍唔住大叫一句：好好味呀！最簡單嘅食物往往係最顯真功夫！呢個壽喜燒正正顯示到呢間鋪嘅真功夫，牛肉上乘湯底又足料。正呀！另外不得不提就係鐵板牛肉，店主好用心咁幫我我哋燒埋。牛肉好香，油脂又豐富！而且生熟程度啱啱好，原主將牛肉嘅美味發揮得淋漓盡致！其餘嘅食物都好好食，可以一試！…Read More

今日嚟到泰象館食飯，雖然等佢時間長咗啲 但係係值得㗎！呢度嘅嘢食都好有質素，亦都好有泰國風味。主菜我哋叫咗芒果蟹肉炒飯，本來以為芒果同飯會唔夾，點知原來配合得天衣無縫，芒果唔會搶咗蟹肉嘅風頭，反而更加突顯蟹肉嘅鮮甜。我哋仲叫咗胡椒粉絲大蜆煲，蜆肉超級鮮甜，又大大粒。粉絲吸晒所有鮮味，食落夠乾身之餘，又食到精華嘅味道。呢個煲食到人回味無窮。串燒三拼雖然係好普通嘅泰國小食，但整得好食都係唔容易㗎。呢度嘅串燒燒得啱啱好，食完都唔會喉嚨痛，而且沙嗲醬非常之香。甜品方面我哋叫咗芒果糯米飯，可以話係為今晚嘅晚餐畫龍點睛，芒果200分甜，糯米飯香糯軟熟，芒果嘅鮮甜同椰奶嘅香甜相映成趣，就形成咗高質嘅芒果糯米飯！…Read More

今日黎到阿四車仔麵，又唔錯喎！配菜好多選擇，店員服務又幾好！我就叫左呢度既招牌車仔麵，有豬大腸，魷魚，魚蛋，豬紅，豬皮等等嘅招牌菜式係入面。面底呢就叫咗米線。呢度嘅份量都幾適合女仔，唔算太多但又唔會食唔飽，可以話係啱啱好，仲可以叫多幾款小食添！個湯好好味，濃濃嘅沙嗲味充斥你每一寸口腔！小食方面，墨魚卷絕對冇得輸。外面吹口入面有幾足料，浸一浸湯就好似魚皮咁，脆得黎又不失風味！ 另外炸雞都好好食，唔會又乾又柴！…Read More