玫瑰粉絲's Profile

朋友住粉嶺，約佢食飯就找個方便嘅地方，竟然找到蓬𤅗仙館齋廚，太開心啦！結果原來係初一，只有套餐及粥粉麵飯選擇。3個人點咗2人套餐、鮮菇豆腐窩麵。加個齋鹵味。套餐都唔使5分鐘就全部上枱，估計係大堆頭制作，味道當然一般一般啦。估唔到齋鹵味也是一般一般。最好味嘅係現煮嘅豆腐窩麵，不過麵身有鹼水，彈牙爽口。而豆腐係全場焦點，讓我們一再吃完全部豆腐。鮮菇就太失望啦，只係用草菇 好就好在初一係星期一，大量位置任坐，同朋友傾計都係一件樂事，我們傾咗兩個幾鐘，企圖盡量完成所有食物，都係搞唔掂，食唔落 補充一句，周圍環境好優美，係個悠閑生活嘅地方…Read More

做完嘢肚餓，近近地就大家樂啦記得大家樂有提供素食選擇，入去見到有焗素肉醬意粉，試吓先，水準都唔錯打開個錫紙包裝盒，係舖滿晒素肉醬及芝士，配搭幾好，熱騰騰的，意粉雖然冧咗啲，都可以用义匙卷起嚟食，芝士素肉醬味道適中，最好嘅係唔會鹹，最開心係食到最後個錫紙盒底係無乜油，呢個真係好讚。雖然好肚餓，食咗大半已經開始透氣，份量對我個人來說，都好飽肚。有時候食吓呢個意粉都幾好 感恩大家樂保持提供素食選擇，好讓我有得食，唔使周圍搵…Read More

去完菲臘牙科醫院做初步檢查，搜尋素食餐廳，咁就行落嚟食飯啦揀咗單人客飯：素肉豆腐扒時菜，仲加咗芝麻糊諗住今朝一早起身食咗輕盈早餐，好肚餓應該可以食得落。結果都係前快後慢慢嘆，先至處理完成個小菜好大份，豆腐多、冬菇足料，配了馬蹄、甘筍，仲有白菜打底，真係份量不得了整體來說是一般，值得稱讚係少鹽少油，似乎無味精。冬菇已經處理好入味，爽口鮮甜。特別喜歡馬蹄，令口感提升起來。豆腐輕處理也不油膩。白菜好新鮮。青紅蘿蔔湯，味道啱啱好挺著肚都吃完個芝麻糊，太甜，有啲未溶嘅塊狀，芝麻味香濃。可是第一口太甜感受已經唔好啫。適逢12點前進來，見到老友記排隊取免費派飯，好幸福🥰…Read More

12月去咗兩次天賜，竟然都係齋期（上次係十五及昨晚係初一）🥳🥳🥳昨晚除夕夜，又係初一，例牌全店爆滿。我同老公7點零到達，等咗十分鐘就可以入座，當然要搭枱（已經習慣咗）昨晚點了咸魚雞粒炒飯，xo 醬蜜糖豆炒雲耳花枝，一碟細齋，再嚟一盅名廚燉湯，好豐盛啊（唔記得影全家福添）最近嚟多咗天賜食飯，事關有泊車優惠，又可以去超市入貨咁就發現天賜嘅食物質素及水準年輕化咗，非常開心現在的炒粉炒麵炒飯等等，明顯好乾身少油少茨。大喜訊呀我哋唔使就住就住啦老闆介紹咗蜜糖豆，好吖就落單。在不知道什麼小菜的前提下，有驚喜啊，xo醬好刺激味蕾 又好夾飯，真係好介紹最讚嘅係個燉湯，材料滿晒，原汁原味，清甜到入心，老公好少會自動飲湯都會添湯，可想而知幾好味 齋鹵味係鎮店之寶，不容錯過老闆們及同事們都年輕化咗，見唔到㕑師就唔知道喇，服務態度越嚟越好，大家好有默契，見到佢哋做得好開心…Read More

去咗幾日學習，真係好掛住香港的美食。，過去三天高度專注的學習令我今日搭高鐵返港都可以全程瞓覺😴！落車就飛奔過嚟滿足一下慾望先。一個人拎住個大行李喼，5點多啲啲嚟到大自然，已經進入晚飯時段。好多日無飲湯水，先來一盅黃耳素翅燉椰皇。每次飲都覺得好好味大大粒黃耳，吸收下膠原蛋白靚靚先 味道清清地，椰皇肉好軟熟，好有椰皇香。仲要係超級熱，可以慢慢享受。想食啲濕濕地嘅小菜，服務員推介了鮮竹粒班腩豆腐煲。既然有推介，咁就好啦 老式師傅炒嘅小菜一定多油多獻汁 自己要識得去油啊。味道方面都有改善呀，鹹淡適中。最後又有小驚喜，熱騰騰的減甜版紫米露，煲得好綿。一向都係大自然嘅特色，十分喜愛。妥妥的滿足感…Read More

去完朋友公司大型開張儀式，玩咗幾個鐘好高能量好攰，唔想返屋企煮飯，陪朋友返馬鞍山，梗係首選至愛飯堂大自然啦！星期六晚未夠7點，唔使等位。好肚餓，先叫一客法式牛油果焗多士。跟住叫咗魚香肉醬焗棉花茄子及原隻金瓜焗飯。等咗約5分鐘，好開心有嘢食啦 今晚嘅多士味道不變，幾香，只係烘得唔夠脆。第一次食焗茄子及金瓜焗飯，保持茄子滑嘅秘密就係油浸，魚香肉醬有驚喜，好咸香，配茄子中和咗咸味，好夾。仲有4條菜芯伴碟，簡直兩眼發光，有菜食 至於金瓜焗飯，南瓜夠冧，炒飯幾香，比較淡味，加上魚香茄子一齊食，正 終於都係食唔晒，打包回家。最後，送來綠豆沙，熱辣辣上枱，好新鮮，有豆味，有陳皮碎，又起沙，唔會甜到漏好滿足…Read More

自從早幾個月前去咗新蒲崗返工，好開心發現咗McCafe有素食嘅新吞拿意大利包可以食。仲要配埋燕麥朱古力，個種滿足感覺太豐盛了 🥳🥳🥳新吞拿意大利包，外脆內軟，好有口感。饀料充足，味道啱啱好，不咸不淡。一樂也！講到燕麥朱古力，完全係一個驚喜，非常濃郁朱古力，口感濃濃，正呀 🎉🎉🎉近期至愛😘😘😘 最緊要係個餐出得快，午餐時間趕，食完仲可以坐陣睇手機，覆埋訊息，先至慢慢返上公司 🤩🤩🤩是忙𥚃偷閒的好選擇 😌😌…Read More

🌷🌷🌷結婚周年慶，一定要食餐好嘅素食來慶祝🎊🎊🎊 仲要地方濶落，客人人數比較少，可以享受一個寧靜晚餐的環境 🌷🌷🌷自從去咗新蒲崗返工，非常開心周圍有咁多素食餐廳。好自然就會揀志蓮素齋之龍門樓😘😘收工行過去，途經黃昏時份嘅志蓮淨園，景色優美怡人，在繁囂鬧市中的綠洲，一舒日間工作的無形壓力 😆😆😆 每棵羅漢松也花上心思及時間做修剪，十分齊整，自然是拍攝熱點 👍🏻👍🏻來到龍門樓，敵不過它的小瀑布設計，好像進入了小山洞中吃晚飯 😄看到其他食評，點咗啲熱門菜式：五福拼盤1）紅菜頭沙律2）醬燒菌3）紫甘藍醋粉皮4）風味碧玉5）香麻海苔麵根合掌瓜紅腰豆湯翡翠百福袋 2件菠蘿咕嚕麥纖香草芝士卷 4件招牌陳皮紅豆沙吃得好開心好滿足😌下次吃啲我喜歡的食物 😆😆…Read More

約咗舊同事為她慶生🎉，同事個肚仔唔舒服，選了雅悠蔬食，地點適中，裝修尚好 😄 大方得體 😍點了晚市套餐，有前菜：四喜烤夫、藜麥沙律；有手卷：香芒牛油果手卷；羊肚菌燉湯；紅咖哩野菜𤠣頭菇；千層班㦸；及 藍蝶花雪梨汁。追加鹹桔柑蜜；露筍手卷；土匪腐皮卷；黑松露粆粉終於都係眼濶肚窄，食到要打包炒飯 😊😊 超級充實 💪🏻💪🏻💪🏻一如既往，前菜味道吸引，手卷清新，燉湯?一直係至愛； 紅咖哩連汁都撈埋，飲品無得輸，呢個甜品一般般…Read More

進入新工作的第二周，到處找素食餐廳。今日來試 Air Coffee 😉😉好悠閑的咖啡店，怎麼可以在工業區出現的呢！太幸幸福了😍素食午餐有兩個選擇，沙律或螺絲粉 😊🌱🌱🌱，太棒了🌟今日肚餓，點了螺絲粉 Pasta Green，淋上意大利油醋汁 😘😘，加上一杯 Hazelnut latte with oat milk 🤩🤩不油不膩的 pasta🥙，開始吃時看到份量唔多，以為只係好少會食唔飽，吃完就發現好有充實感。💪🏻💪🏻💪🏻不甜不漏嘅咖啡☕️☕️，慢慢品嚐，稱心如意 🌷🌷🌷呢個檔次，在工商區算係好有質素，所以，顧客唔多，又夠靜，坐得好舒服。仲有一個大玻璃窗，看到外面熙來攘往的街道，享受人生 💖💖💖…Read More

老闆喜歡吃甜品，今日請我哋食小正大福 Mochi。佢話食大福餅，我即刻回應：好甜嘅喎。好彩，原來係小正大福餅我揀咗「開心」，大年初七，人人生日，齊齊開心！打開來睇，嘩，好得意呀！肥嘟嘟咁，上面擺咗一塊開心果餅，好似小玩意。先嚟食咗塊餅，甜咗啲好多開心果仁，脆卜卜。個福餅好厚好有質感兼有啲重量，真材實料。個皮好薄，超多餡料，中甜。食到中間嗰層忌廉芝士味，適合慢慢品嚐。食咗隻餅都可以頂肚一兩個鐘 😂😂 …Read More

新年將至，睇到蝴蝶酥餅做推廣活動，立即打電話去問有冇訂購啦。師傅已經收爐啦，現場有存貨，仲要限量發售 😍😍 ，立即飛奔去買咗6盒。我嘅親朋好友收到我送嘅新年手信應該好開心 😁我呢個甜品控，經過甜品櫃，就立即被吸引住 😂😂一於買兩件甜品返屋企同老公撐枱腳 💪🏻💪🏻揀咗 Sacher all’Italiana 意式蕯赫蛋糕 及 Castagna 栗子蛋糕。賣相已經好吸引。切開一半睇吓先，嘩，真材實料啊！先吃栗子蛋糕，比較起來，味道會清淡啲。果然，甜度適中，栗子蓉好香，中間夾住嘅蛋糕穩打穩扎，唔會輕飄飄。然後就食薩赫蛋糕，切落去就感覺到好實正👍🏻👍🏻 有輕微酒味（Rhum）唔會好重。甜甜蜜蜜嘅朱古力蛋糕。個人覺得，以呢個價錢，食到呢個水準嘅蛋糕，簡直係超值呀 💪🏻💪🏻💪🏻備註：事關廚房唔開得，尖沙咀分店可能要維修幾個月 😢😢…Read More

自從工人姐姐回家鄉，我哋自己煮飯食煮到儍。今日比自己放下假 😄諗住出去西貢某超市補返食材返屋企，順便去食晚飯。隨便揀一間茶餐廳食啦。見到全記小店裝修企理，地方亦闊落，係門口睇咗餐牌有素食選擇，一於就呢間啦。老公食煲仔飯。我就揀咗紅燒豆腐，同亞姐講少汁走蠔油，佢話可以走汁，嘩，立即話要走汁啦。真係有驚喜，可以走汁，雖然睇落無咁靚，食落肚都係咁消化啫。慳返啲能量去減走啲汁醬添 😄😄食落幾好味㗎，鹹鹹地👍🏻，少少味粉啩 🤔豆腐軟熟，冬菇又厚又入味，又有西蘭花🥦，又有紅黃椒，睇落都幾靚 😘話時話，點解要食紅燒豆腐呢？我哋素食人士，一定要補充足夠蛋白質，唔可以淨係食蔬菜。豆腐就係蛋白質來源。所以，食多啲豆腐就唔使擔心唔夠蛋白質啦 💪🏻💪🏻💪🏻…Read More

今日係同3位男士來吃午飯傾生意，係內廳，隔音系統做得好好，完全唔會嘈親隔離 👍🏻👍🏻👍🏻4個人都點咗5道菜，每人一盅燉湯。燉椰皇簡直係皇牌，杞子黃芪黨參素翅燉湯，好香椰香，燉湯超級甜 🥳🥳🥳一向都係必選嘅陳皮骨，猴頭菇啖啖肉，鬆脆鹹香又有甜甜嘅陳皮碎伴住，不能抗拒 🤩🤩🤩叉燒也是必吃，今日跟咗荷葉包，自製了叉燒包，暖暖的包配上乾身甜脆邊嘅味道適中叉燒，無得輸 😘😘😘避風塘一口豆腐也是出乎意料之外的美食，尖沙咀店嘅豆腐比較大件，避風塘炒料舖曬上豆腐面，有點兒怪怪。之不過，豆腐外鬆化內軟熱，配上鹹香炒料，又要比返個 like 佢 😅😅😅服務員介紹咗黃魚，造型真係好似條魚 😅😅 炸得夠曬香脆，配上甜酸汁醬，都幾好味😋 不過就唔係我杯茶 🤣🤣最後係上湯鮮竹浸菜芯，老公唔鍾意食翡翠苗，改咗菜芯。嘩，今日嘅菜芯甜爽到不得了，超級正。我最愛鮮竹 👍🏻👍🏻所有食物嘅味道，與及質素都係好讚，約嘅生意人嚟食飯都好有信心 😘😘😘玄米茶係唯一嘅茶，無得揀，我哋就習慣咗好耐啦 👍🏻👍🏻👍🏻服務態度專業，環境衛生皆好 😅😅😅…Read More

約咗3位靚女會友，其中一位純素食嘅會友介紹了木原。起初聽到個名，以為係中高檔餐廳。來到木原，原來係好親民嘅樓上店。裝修有獨特之處，走年輕潮人路線 👍🏻👍🏻👍🏻我們一行四人👭🏻👭🏻，點了兩個前菜、兩個主菜、兩個甜品。先來一個前菜，七色彩虹🌈沙律🥗碗，彩色繽紛，望到已經好興奮😆 嘩，有比較少用嘅天貝，目蓿，海藻。。。配上甜甜地嘅橙汁醋，甜甜酸酸，絕配！😘😘然後另一個前菜，鹽酥蔬菜綜合併盤，有脆脆羽衣甘藍🥬，雞髀菇🍄。。。一致讚好，第一次品嚐香脆鹽酥蔬菜🥬，好特別，鹹香鹹香，一定要試吓。記得要快吃 🤩主菜選了麻婆豆腐天貝椰菜飯，夜晚唔好食咁多澱粉質，椰菜飯係非常好嘅選擇 👍🏻 豆腐挺身，煎香配上濃醬，友人吃了一口立即讚好😘😘 椰菜飯切得好細，仿真可以呃到愛吃飯嘅食客💪🏻💪🏻💪🏻另一道主菜係紅白腰豆羽衣甘藍貓耳麵，都好大碟，另一位友人吃一口就瞪大眼睛👁️話好味道🤩🤩 用椰漿煮，另一番風味。貓耳麵軟度剛好，煙煙韌韌，有咬口。其實已經吃得好飽，女士總有一個胃空間來消化甜品😅😅 點了lemon cake （鬆化）& crème burlee （有保留）。要讚美所有服務態度非常認真，由我們進門，直至到完成，有禮貌，又夠 yea 😌 仲有時不時斟水💦💦💦，開心🥳洗手間在後樓梯，光猛乾淨 😅😅打咗卡，大快朵頤，bye bye 先 😘 …Read More