…Read More
個個餐都有唔同既海鮮食，我地人多，最後食到勁飽飽咁走，介紹一下先，佢地餐廳環境分別有大廳同房仔，位置闊落就算一大班人聚埋都唔會覺得坐得迫迫夾
（當然我地個個身形都唔細下
），舉手一叫侍應都好快就過黎處理，反應都好好
介紹食物之前，打邊爐喎，最緊要係個鍋同爐，呢到用既係電磁爐，唔會感到好熱，個湯銅又大大個，就算一大班朋友個個都放野落去都唔會煮唔到，可能因為設計好，起碼唔駛成日不停叫加湯（其實可能因為侍應貼心，成日都有行開行埋幫我地睇埋夠唔夠，好多時未叫，佢地都會主動幫我地加湯，所以唔駛傾住計都要成日掛住驚滾濃）輪到介紹食物啦！
呢到既海鮮勁鮮甜
，蝦同龍蝦質感爽口，花甲同扇貝，鮑魚食落唔會有沙，最開心係食蠔（大細有如小朋友手掌）勁肥美，至於肉類（因為個個都係牛精
）所以叫左幾款唔同既牛肉，碟碟都勁新鮮有牛味，唔羶唔韌，鴨舌同椒鹽鮮魷冇得輸送啤酒一流手打蝦丸，墨魚丸，牛丸都彈牙，湯底又夠味，鮮魚刺身又鮮甜（唔會差過日式店）成班朋友一致好評，係聚會好地方
食飽飽埋單，仲有一大疊$100優惠券，下次又可以要黎食過啦！
…Read More
去到唔駛等好耐(大約5mins)就有位,可能我早掛11點幾到...坐底就開始睇點心紙,好快就選左6-7樣點心嫁...其中一樣就係"XO醬炒腸粉"...等左20mis到就拿黎啦!!睇個樣望落就真係麻麻地,冇乜色咁..
.一放落口直頭覺得同普通煎腸粉冇分別,梗係覺得勁奇怪,即刻叫左個部長過黎講...點知佢話處理唔到叫左個經理過黎...嘩...佢果種態度同面口真係差到爆呀...勁不屑咁接我個投訴,一開口就問"咩事呀?"
我咪就話比佢知個腸粉好淡,冇咩味...佢即刻拿起就話係用瑤柱,蝦米果種XO醬做既...但係我又真係唔覺得囉.跟住佢好晦氣咁話換過碟比我...一路行就一路對住碟野講"得...嫌淡呀"...大約過左10mis,個點手姐姐就拿左第二碟黎...未食睇到就深啡色...明明都唔係坐得好近,但係都嗅到勁重既豉油味...一食,正如所想超咸呀...即嘔!!梗係再叫過個經理啦...點知今次黎左第個,佢埋到黎好有禮貌咁問有咩幫到我...同佢講返個經過之後,仲叫佢自己親新試下...試落連佢個樣都有少少變左
...佢有提意話再換過碟比我,但係我冇要到啦...仲叫佢埋單添!!咁佢先肯幫我取消果個點心...如果下次再叫我去食既...真係要諗得好清楚囉...不過睇黎都未必會有下次啦!!…Read More
心諗死得啦一定有排等...點知道都唔駛10MINS就有檯啦...餐廳入面班姐姐仲有有禮貌咁唔好意思前...唔好意思後咁同我講要等咁耐...後尾唔夠15MINS,因為囡囡太心急攪到又倒瀉野,又玩到塊爐版燶晒...個姐姐見到即刻話幫我地換...個半鐘入面一共換左3次爐版...禮貌同態度都仲係十分好!!只係有少少唔好既就係菠蘿勁快賣晒...食左一轉就冇晒啦...…Read More上去等左一陣就可以入座(可能係最後一節,冇咩人)坐落唔夠10mins就覺得後悔,所有職員都勁冇禮貌,收單,上菜都係放低就算...有時有D係熱既又出聲,下下都要自己睇住...唔會出聲先,攪到有幾次差少少就淋落黎咁...就連旁邊果檯都係同我地一樣咁諗!!唯一讚既地方就係個收銀(少少肥果個)姐姐好好人咁知我地鐘意JELLY糖,比左成碟我地!!佢就係全公司唯一有禮貌既人啦!!不過下次就唔想再去啦...唔想食食下要去睇醫生!!
…Read More嬲到爆呀!食左個勁差既甜品，仲要遇到班咁既職員！邊有心太軟係凍冰冰嫁，同佢地講仲要聲大大勁惡咁！即刻打過去總店投訴，話可以取消張單，點知分店話唔得，聲稱一定要比錢，仲唔知搵個咩人(自稱老闆)勁大聲話冇得退！冇問題，九十八蚊我豪比佢，拿埋張單即刻打上寫字樓投訴！下一步就係消委會，決定以後都唔再食五代同糖呀!嬲嬲！ …Read More
