chancy813's Profile

認識「兩草」係因為據說是Chilam兩公婆經常去食，既然附近有分店所以來試吓。叫了兩碗飲+1枝飲品，埋單$100算幾抵食。飯的份量女生吃剛好，男生可能要加點其他小吃。香煎脆邊蛋肉餅飯$42（+$18檸檬意米水）燶邊蛋煎得非常香脆，肉餅也是煎得有點脆，好味！肉餅略嫌薄了點份量不足，淋上醬油很好味。剛好有飲品推廣，叫了原價$25的檸檬薏米水，甜度不高適合我口味，推薦滑蛋叉燒飯 $40賣相唔錯，蛋夠滑，叉燒切成幼幼的絲略嫌口感不足，醬汁偏甜一點，我還是比較喜歡肉餅飯的整體味道。…Read More

北角地鐵站出口的「嚮」，之前已經食過一次覺得唔錯，這次再來依然是點了咖喱飯（據說是招牌菜），這個椰香烤雞飯，首先椰香不突出，咖哩汁是好味的，野菜有豆角、西蘭花、紅蘿蔔、翠玉瓜都冇問題，唯有薯仔係未熟叉都叉唔入，敗筆！不過以$68來說整體水準也算是合格吧。其實如果薯仔換茄子也是不錯的。…Read More

這家米線真的很好吃，經常來反而未寫過食評🤣我最喜歡它的金湯，我不吃辣所以選走辣，但本身湯底是有少許辣的，還是在可接受的程度。招牌豬軟骨是必吃推介，炆得夠腍和入味；蘿蔔夠清甜但是這天吃的時候可能太早？蘿蔔未夠腍，扣少少分🤣它的酸齋是另外用小碗裝上，很方便和人share。這次看到出了期間限定的糕點，居然有我喜歡的椰汁斑斕千層糕，所以叫了一客試試，好處是甜度低，感覺椰子味比斑斕味突出，味道算不錯，可以一試。…Read More

這家挽肉と米，開業以來都是排隊長龍店，要吃的話先付款預約或現場排隊，我怕麻煩一直未去試，之前復活節假期很多人出遊，就趁着假期最後一天來尖沙咀店試試。當天11:15到排隊，11；40左右入座。牛肉漢堡多汁，味道ok，原味、加蛋、加蘿白茸三種不同食法食落冇咁寡，唔錯👍🏻飯可以追加，三件漢堡份量對女生足夠，飽飽！但是個人覺得不至於好味到要等超過1個鐘，如果等候人少可以一試無妨。…Read More

最近在社交平台經常刷到北角一間新開的日本料理店叫知延屋，最吸引我的是湯咖喱（我在北海道札幌吃過一次就愛上湯咖哩），不過因為前一個星期先在別處吃過湯咖喱，所以我們二人就分別叫了炙燒牛肉飯$108和慢煮豬軟骨飯$88套餐。味道是幾好的，牛肉不會太肥，加了蛋拌飯更好味，M size份量也足夠；豬軟骨炆得夠淋，味道也不錯。但是最大問題是不夠熱，入口只係暖暖地，就算幾好味都要夠熱先至得，希望店主看到我這個食評然後改善，因為我住附近仲想試下湯咖哩，希望到時候飯同餸都夠熱吧！P.S. 餐前配菜可以免費添一次，泡菜略鹹，其他2款都好味。…Read More

星期六早上12點多，剛好有座位（需要搭枱）不用等，叫了2個午市套餐，分別叫了豬肉餃子和泡菜餃子，牛骨湯刀削麵和雞髀刀削麵：（1）牛骨湯刀削麵+大豬肉餃子（$88）牛骨湯底味道濃厚，牛肉片較淡，相對比較清，可以加點泡菜調味會好吃些。（2）雞髀刀削麵+ 大泡菜餃子（$88）餐牌備注了含有牛骨湯，又有雞湯味，味道相對比較濃，好味！雞髀肉不會太柴、味道可以，個人比較喜歡這個湯底，喝了不少！泡菜餃子比豬肉好吃，推薦！至於主角～自家製韓國刀削麵，我覺得麵條太粗，口感亦太煙靭，不是太喜歡，個人比較喜歡扁身麵條，掛湯多點入味點比較好吃。午市$88還有支裝水或罐裝汽水算是性價比高的，吃完出來門外已經有接近20人排隊，就不知道是電視效應還是回頭客了。…Read More

點解呢間米芝蓮推介的食店，咁近我屋企反而少幫襯呢？主要因為多數去舊店買外賣。這天終於來新店堂食，兩個人叫咗雞扒擔擔麵、嫩雞煨麵、小籠包。雞扒擔擔麵$57雞扒煎得很香，擔擔麵很好吃，推薦👍🏻嫩雞煨麵$51味道偏淡，我本身口味比較清淡都覺得偏淡，好像忘記放鹽一樣，一般。小籠包$32小籠包充滿湯汁，好味！平時買外賣只會買鍋貼生煎包，堂食才吃到熱辣辣出爐嘅小籠包。麵食都係大大碗份量十足，人均70元的午餐性價比也可以。…Read More

星期六有事到上環，想吃煎餃就試吓呢間「餃掂」，兩個人叫了兩款煎餃、一碗湯、一支雪梨水，分量剛好。香煎軟心芝士餃（7隻，$58）有粟米粒，少少甜味加芝士咸香，幾特別，可以一試。壽喜燒牛肉煎餃（7隻，$58）牛肉有肉汁，壽喜燒調味很好吃，幾有特色，兩款我比較喜歡這款。狀元九鼎湯（$22/碗）見係去濕湯先叫，粉葛味淡，魚略腥，不推薦。自家制山楂雪梨水（$28/細支）店員自動拿2個杯，加分！細支足夠2人分，味道唔錯，推薦！除咗主角煎餃之外，佢嘅菜脯辣椒醬亦都係必試！我本身唔係食得辣，但係呢個真係好惹味只係小小辣，正！仲有酸蘿蔔都好好味！這家是連鎖店，味道唔錯，如果路過其他分店應該會再去食煎餃的。…Read More

會來吃這個雞湯麵，主要是看了小紅書一個博主吃過（應該在別的分店）說88元有半隻雞而且好味⋯剛好屋企附近有分店就來了，一看餐牌發現加價了⋯變成98元一碗，仲要收加一真係有啲貴⋯看到實物才發現物有所值，半隻雞幾大件下，仲有一小碗飯+ 2小碟泡菜/蘿蔔，雞湯好好味，雞肉不夠「淋」拆肉吃比較費力，點那個酸汁幾開胃，不錯！麵條幾彈牙，泡菜很好味，可以問店員免費追加。有機會會再來，下次想試蜆湯麵。題外話，坐我們附近都是韓國人，應該頗為正宗吧。…Read More

我是斑斕控，看網上推介過這家的斑斕糕點，星期日去銅鑼灣路經就買了班蘭蛋糕（$25/件）和斑斕千層糕（$25/一盒三件）斑蘭蛋糕$25不甜，顏色也不像連鎖店賣的那麼綠，有啖淡的斑斕葉香，蛋糕鬆鬆軟軟很好吃。斑斕千層糕$25一打開就聞到超香的斑斕味，甜度也是適中，煙煙韌韌的很好吃。一定會回購。…Read More

工作後路過，買了芝麻糕和椰汁紅豆糕，兩款都唔甜，其實冇咩味，芝麻糕質感硬，椰汁紅豆糕味道好一點，唔甜但係紅豆味也不突出；21元3件比同區另一間我食開的貴1元，味道非常普通，不會回購了。…Read More

一直想試袁記的水餃/雲吞，炮台山這間有座位可以堂食，終於來試了，點了一碗玉米鮮肉雲吞（$45）冬菇馬蹄鮮肉煎餃（$50）+$9玉米汁x2 玉米汁非常熱，味道ok嘅（跟餐+9）冬菇馬蹄鮮肉煎餃（$50）粒頭較細，鮮味十足，不油膩，加辣椒油（只係香不辣的）和醋好味！然後剩返玉米鮮肉雲吞$45（12隻）味道幾鮮，食到粟米甜味，係幾好食嘅，但係⋯等35分鐘先到，離譜！我出去拿醬料時聽到好似係外賣單有問題，冇諗過等咁耐囉，希望店家睇到改善下流程，唔好掛住做外賣平台單忽略堂食客，我想再來㗎希望下次唔使再等咁耐啦！…Read More

上次吃過下午茶，這次來是因為看完網上平台見人食蝦籽撈麵好好味咁所以突然想食蝦籽撈麵，搜尋北角區結果又是這家哈哈😆豬扒蝦籽撈麵 $63選的是幼麵，蝦籽份量十足，麵身彈牙；除咗豬扒仲有幾款選，標配炸墨魚片頭，麵份量足，定價略高不過好味搭夠，食過返尋味！…Read More

星期日去觀塘工廈買梳化，路經原本想試同層另一家米線，點知原來星期日休息⋯路經此家價錢合理環境也ok就試吓1）沙茶吊龍炒河$40味道ok，不辣，略乾，不過不失，性價比高2）大老闆河粉$46有吊龍、蝦棗、墨丸，收這個價算係抵，但係吊龍煮得太熟好靭，牛味淡，嘥咗！蝦棗同墨丸反而都幾鮮味，蝦棗係食到蝦肉嘅，感覺買番去自己煮粉食或者放氣炸鍋都會幾好食；結論係幾抵食，路過可以試吓，唔需要專程過來覓食。…Read More

第一次來Airside，商場店舖和食肆都不是那種熟口熟面的連鎖店，頗有特色，選了這家日式洋食餐廳吃午餐，點了和牛漢堡午餐（$158)是日餐湯，店員說是粟米忌廉湯，我覺得甘荀味比粟米更突出，而且偏甜，我覺得有啲漏。主菜：漢堡，田園沙律，甜蕃薯條（松露醬）漢堡扒份量十足，牛味濃，好味！我食量都算大都吃不完，超滿足。最欣賞這個甜蕃薯條，配上松露出醬很有特色，食到停唔到😆以平日午餐來講價錢偏貴，用openrice訂位有88折就抵啲，不過食物質素、環境，服務都唔錯，係值嘅！…Read More