foodaroundijais's Profile

男朋友係軟曲奇嘅忠實粉絲🙂‍↔️間唔中會癮起🤣我呢個女朋友梗係要幫佢揾下邊度有好食嘅軟曲奇🧐之前食過呢個小店嘅蛋糕，見佢都有曲奇就一於買嚟慰勞下男朋友😆我一共買咗六塊曲奇，分別有三隻味道😬其實佢仲有好多唔同味道，買嗰陣真係會選擇困難🤣鋪頭好細心，用盒裝起，每塊曲奇都係獨立包裝，送俾朋友或者買嚟做散水餅都幾唔錯👍🏻入面仲有張卡仔，寫咗幾種加熱方法同注意事項，夠哂貼心😙開心果軟心麻糬($35)呢款我用咗氣炸鍋翻熱，超級香嘅開心果味！曲奇中間係開心果碎同醬，底下就係會拉絲嘅麻薯，食落就係牛奶麻薯嘅嗰種軟糯🤤加埋氣炸完嘅曲奇外層，簡直就係外脆內軟🫣特濃薄荷朱古力($30)薄朱控一定好鍾意🤣用咗andes 薄荷朱古力再加埋棉花糖，本來以為會好甜，但薄荷嘅清新令到曲奇食落唔會太膩~海鹽雙重朱古力($28)呢款一買完男朋友已經忍唔住話要試🤣朱古力味真係好濃，而且唔係好甜！一嚟佢用咗黑朱古力，二嚟面頭嘅海鹽亦都中和咗甜膩感，再加埋果仁，一人一啖好快就食晒😋呢間嘅曲奇全部都有朱古力同果仁~啱哂啲鍾意有咬口嘅朱古力控😙仲有最重要係low sugar low fat!!!!食完罪惡感都少啲🥸下次會想試更多味道！…Read More

朋友鍾意食中菜，所以今次佢生日就同咗佢去呢間位於佐敦，專食手工粵菜嘅酒家💡即燒伊比利亞叉燒王($258)叉燒燒得焦香，係半肥瘦嘅叉燒，食落好軟嫩多汁，食完叉燒仲有酸蘿蔔解膩👍🏻☺️💡蜜汁燒脆鱔($278)成餐飯最驚艷嘅一道菜！金黃色嘅燒鱔皮脆肉爽😋蜜汁調味啱啱好又食到滿滿嘅油香，係肥美嘅鱔肉🫡🤣💡金沙脆香魚皮 ($98)上枱超級香咸蛋黃味！每塊嘅魚皮都沾滿咸蛋黃，十分香脆，而且份量好多，配酒一流！啱哂一大班人一齊share🙈💡糯米炒膏蟹($588)掀開蟹蓋內有乾坤，超多嘅蟹膏🦀啖啖蟹膏嘅甘香味配埋糯米飯一齊食好香！糯米飯乾爽，食到底亦都有飯焦~💡啫啫芥蘭煲($118)上枱嘅時候冒哂煙，而且好香，不過食落略嫌唔夠味🥶呢間都係一間值得同長輩去食嘅餐廳呀，整體食物質素都好唔錯，不過有啲菜式就要提早預約，如果唔係就會望住隔離飯香🙈…Read More

🙆🏻‍♂️成日都話情人節係一場商業詐騙！但係今年又冇喇喇book咗間餐廳同🙆🏻‍♀️食飯🤣(小插曲: 🙆🏻‍♂️book咗幾間餐廳但我哋一直都揀唔落食邊間，最後因為其餘幾間都要收deposit就冇食到，交咗俾餐廳幫我哋決定😂)呢間位於朗豪坊嘅美式扒房，專食煙燻烤肉嘅🍖🔥Steak Tartare 牛肉他他 ($178)口感好好，有時食牛肉他他好怕咬到筋，但呢個冇咁嘅情況，蛋黃令牛肉食落好順滑，調味亦都好開胃🤓🔥Chili Cheese Fries 香辣芝士薯條($88)係Lays燒烤味嘅薯條😂😂面頭有芝士醬同洋蔥，薯條本身都有Cajun粉調味，所以就算食到底都唔會冇味😗食下食下就食哂成碟🔥Smokehouse Platter 肉類盛宴 ($498)值得推介嘅招牌！啱哂心思思想試下唔同肉類嘅你🤓裏面有煙燻牛胸肉、燒豬肋骨、手撕豬肉、墨西哥辣椒芝士腸、圖林根腸同兩款配菜🙆🏻‍♀️牛胸肉勁軟淋，連同脂肪食，牛香爆發😋辣椒芝士腸同樣出色！爆芝而且好香口🥰豬肋骨就正正常常都好食嘅😗圖林根腸就麻麻哋，食完前面較濃味嘅肉之後更顯普通🙈手撕豬肉都好惹味，如果有多士配埋一齊食就好🤣椰菜沙律同燒粟米都冇hea!調味適中之餘都解到膩，值得一讚👍🏻🔥Mango and Passion Punch ($78)🔥 Hula Hoop ($78)兩杯嘢飲都好refreshing，飲落酸酸甜甜，幾啱解膩☺️當日有漏單同埋上菜有啲慢嘅情況，都睇得出人手唔夠🥶但係客滿嘅情況下，店員都好helpful，餐廳都好有儀式感地情人節每枱都送咗玫瑰花🌹馬卡龍同埋頭皮深層清潔嘅coupon🤣…Read More

地茂館嘅糖細細個已經食，由九龍城食到佢愈開愈多分店，糖水嘅款式亦都唔只得中式，芒果類嘅糖水款亦比以前多🥭😍今次我就食芒果豆花小丸子($33)，而男朋友就食豆腐雪糕芒果椰青凍小丸子($40)~芒果汁味香甜，唔會太酸，食完飯食都唔會太滯😙小丸子煙煙韌韌，食到糯米香，俾嘅份量亦唔會太少。我嘅豆腐花食落都好滑，而男朋友都大讚佢嘅椰青凍好清新，豆腐雪糕亦都唔hea，食到濃濃豆腐味，相信夏天食消暑一流呀😍…Read More

脆友推介大角嘴台灣菜 飽滿蚵仔魯肉飯真係咁好食？📍好吃吃光大角咀博文街4號地舖———————————————-最近係脆見到有人推介大角嘴呢間台灣嘢，決定去試下係咪真係咁好食👀當日去係星期五嘅夜晚，餐廳出面都有條小人龍，我哋兩個人大概等咗20分鐘就有得坐低～餐廳比較細所以入面嘅座位都比較迫🙈🌙月見蚵仔鮭魚蝦卵魯肉飯 ($108)🌙月見海老鮭魚蝦卵魯肉飯($108)蚵仔魯肉飯係餐廳嘅招牌，幾乎見到每一枱都有人食，蚵仔份量的確好多，而且大部分都好飽滿，不過就咁食蚵仔偏冇味，有幾隻更加有啲腥🙈所以同魯肉飯一齊食嘅時候俾魯肉汁蓋過，鮭魚卵同樣被魯肉蓋過，變相只係增加口感😬另外魯肉汁雖然油香足夠但偏稀～所以令到啲飯偏濕🫣另一款海老魯肉飯，蝦有煎香過，個人認為比蚵仔更食到鮮味，但整體兩款都係過譽🥶🌙起司雞排蛋餅+粟米 ($42+8)蛋餅皮偏厚🥲雞扒都有厚度但較乾同冇乜味，蛋餅入面除咗有自選嘅配料，亦都有生菜同少量花生醬(聞落去有花生味但食落冇乜，所以I 仔小編都唔太肯定，如果對花生敏感嘅朋友最好問店員確定下🫣）🌙無冰芋泥鮮奶 （熱）($34)呢個真係有啲失望🥹佢頂盡叫微暖芋泥鮮奶🥲係熱飲攤凍咗嘅感覺🥲芋泥份量的確係多嘅，而且都綿滑，唯一值得讚嘅係佢冇再額外落糖，飲到芋頭本身嘅甜味🥛我哋兩個都一致覺得呢間餐廳係有啲overrated🫠試一次就夠，更加唔使突登去排隊食🥲🙈…Read More

平日嚟到大澳，好多小店都冇開，本來都好擔心大澳餅店會冇開，點知有開仲要唔使排隊！必食嘅沙翁拎上身熱辣辣，係新鮮炸起(就算冇乜人排隊都keep住炸!) 咬落去第一啖外酥內軟，同埋蛋味超級出，雖然裏滿砂糖，但整體甜度適中，食完都唔會覺得膩，反而會想食多個添！😭💖…Read More

朋友帶咗我拎試灣仔名物😎脆皮燒春雞！即管睇下佢咩料😌見到餐廳大部份人都係帶住手套食緊燒雞，我哋一行四個人都嗌咗四份燒春雞🍗🍗配菜可以揀飯/意粉/薯仔沙律/薯條，我就揀咗薯條🍟燒春雞一上枱超震撼，大家都急不及待帶手套搣嚟食，不過超級熱，熱到會焫親手嘅程度🤣搣開雞嘅同時，雞油同汁keep住流出嚟🤤咬落去的確皮脆肉嫩，尤其係雞髀！超級Juicy！薯條食落有粟米湯零食嘅味🤣就算好飽都忍唔住係咁食🌽🤤至於朋友叫嘅茄汁意粉同沙律就好普通，係舊式茶記會食到嘅味道🙈…Read More

嚟到利園二期嘅NINETYS，諗到同男朋友嘆下咖啡食下嘢，不過食物質素失望到食唔落😖我哋嗌咗杯Dirty同Milk Chocolate，兩杯都正正常常，另外嘢食就嗌咗 Signature嘅Chicken Waffle，份量都幾足料，不過一望到塊窩夫上面嘅醬汁多到有啲泛濫就開始覺得唔對路🙈炸雞一切開皮肉已經分離，而炸衣亦十分之厚，一路食啲炸衣就一路跌出嚟🤧窩夫唔知係咪被醬汁浸到淋哂，食落同炸雞嘅口感唔算太夾。而最大嘅敗筆位係佢個汁，見menu寫係homemade嘅pineapple jam，本身諗住食落酸酸甜甜會係好開胃，但因為太多汁而且味道好甜，食落好唔夾🤧我哋都冇食哂就埋咗單🥲的確係有啲失望…Read More

平時同朋友都好鍾食西班牙菜，估唔到今次係長沙灣都揾到間高水準餐廳！餐廳星期五晚坐滿哂人，問過店員佢哋話成日都好full booking，想食記得要早啲book枱！🙈我哋幾個女仔都嗌咗唔少嘢食🤣一開始都有少少嚇親店員，好好彩嘢食都好有水準，大家都食得好開心🥳我哋叫咗幾款Tapas:松露蘑菇可樂餅($20)蟹肉可樂餅($20)墨汁魷魚可樂餅($20)每款Croquetas我哋都嗌咗一個，大家一致覺得蟹肉最出色🤤裏面一絲絲嘅蟹肉勁鮮而且加好creamy🦀另外兩款同樣足料㗎~不過比較之下就相對遜色炸曼切戈芝士($78)呢個炸芝士好出色！熱辣辣嘅芝士有拉絲嘅效果，芝士面頭有少少嘅蜜糖點綴，細細塊食落都唔會太漏🧀🙂‍↔️辣味薯角($68)就咁聽個名會以為係來貨嘢🤣但原來係千層薯角，再加上蒜蓉蛋黃醬同辣蕃茄醬😆都係一款好惹味好啱送酒嘅tapas!海鮮都嗌咗三款:蒜油蝦($108)🧄🦐蝦食落彈牙，而且鮮味十足，蒜油同樣好濃郁，調味亦啱啱好，配埋酸種多士食超級滋味😝慢煮八爪魚($168)🐙用慢煮嘅方法令到八爪魚食落唔會韌，配埋底下嘅薯仔一齊食，調味上都好清新唔會太重，食得出八爪魚嘅鮮味🙆🏻‍♀️青口配蕃茄醬($208)青口正正常常，不過蕃茄汁好惹味，忍唔住叫多咗個酸種多士點個汁食🙈Main就嗌咗~封門柳($168)火候控制得好好，既食到外皮嘅焦香，肉入面依然保持到好好嘅生熟程度😆一人食得一塊有啲唔夠🤣魷魚墨汁飯($258)🦑🥘個人係超鍾意食墨汁飯！🤣呢個亦冇令我失望🤤魷魚鮮味十足，飯都有焦香，蒜味蛋黃醬更加將個飯帶咗去另一個層次😍Special - 紅蝦西班牙海鮮飯($328)紅蝦嘅蝦膏好濃郁，店員幫我哋撈埋落個飯度，啖啖都裏滿蝦膏香，不過呢個價錢淨係得紅蝦一款海鮮，有少少進取🙈下次可能會想嗌返正常嘅paella～Special- Lamb Shoulder ($588)呢個就相對失色，大家都有啲失望🤧羊嘅騷味有啲太重，肉質都有啲嚡，連同羊肩上嘅羊肉湯調味都有少少重手🥶當日因為係慶祝朋友生日，店員好好咁送咗幾杯酒俾我哋，仲同我哋一齊飲，超好氣氛！我哋坐到過哂閂鋪時間都冇趕我哋走🤣同店員傾計都feel到佢哋好有心同對自己嘅出品好有信心，係值得推介嘅小店！…Read More

今次嚟到位於大澳文物酒店嘅西餐廳✨餐廳環境幾寫意，空間感大，係度食飯好舒服☺️今次嗌咗Carbonara，炒得都幾香，不過忌廉汁較杰，所以食咗三分一就開始膩，除咗煙肉之外，亦有蘑菇同蝦仁作為配料。另外嗌咗蝦多士配大澳蝦醬蛋黃醬🍤蝦多士炸得香口，入面嘅蝦肉亦飽滿彈牙，不過蛋黃醬唔係好食得出蝦醬嘅味道，略為失色🥲去親大澳都會飲紫貝天葵，呢度亦有紅樹林特飲，係由紫貝天葵，蘋果汁同檸檬汁調製而成，飲落酸酸甜甜，十分開胃😆…Read More

I仔小編好鍾意weekend去啲少人嘅cafe chill下，靜靜地傾下計🙂‍↔️今次去嘅呢間cafe都算出名，尤其係佢哋嘅黑松露炒蛋貝果🙈的確好好食㗎！不過今次想介紹下佢其他嘢食，同樣冇令我哋失望🤤🪐海苔雞卷($88)啱啱炸起嘅雞肉卷爆哂汁，充滿肉香，一份都有~10件㗎，唔係hea你嘅份量，啱哂一班人一齊share🙈🪐意式茄汁肉丸意粉($118)意粉係鮮蛋意粉，食落好煙韌又有咬口，茄汁係偏酸甜嘅，掛到落意粉～份量同樣都唔吝嗇，意粉同肉丸都好多😆🪐墨汁魷魚意粉($118)墨汁意粉調味好香蒜味，忍唔住一啖接一啖，魷魚嘅份量同樣好多！差唔多每啖都食到🦑🪐Deluxe All Day Breakfast ($178)本身都諗呢個價錢嘅all day breakfast會唔會係交智商稅😂不過上枱大大份，所有嘢都好足料，果然係重量級🤣黑松露炒蛋一如既往嘅出色，又滑又香！配埋半個牛油果多士食一流🤤燒牛肉都好出色😍其他肉類同腸都煎得好香~煙三文魚同巴馬火腿都食得出係新鮮嘅🙂‍↔️🪐凍西班牙咖啡($52)店員一擺低杯咖啡，🙆🏻‍♂️已經急不及待飲咗，所以冇影到相🤣🙆🏻‍♂️大讚話會為咗呢杯咖啡再嚟！Weekend都keep住有人排隊等位~🙈店員都好好服務，等緊位嘅時候會主動keep住update我哋大概仲要等幾耐～我哋都有試過平日去食☺️人流就少啲，主要都係附近嘅街坊，店員都唔會趕我哋交枱🥸…Read More

同同事出咗荔枝角做嘢~嚟到D2 place入咗呢間食lunch😼我嗌咗炸雞定食，大概等咗10分鐘就有喇~定食包咗麵豉湯，沙律菜同兩款漬物，至於主菜炸雞有四舊，都幾大舊，配埋佢哋嘅他他醬🙆🏻‍♀️炸雞新鮮炸起，熱辣辣，咬落去肉汁流哂出嚟😆炸衣亦唔會好厚，薄薄地，所以食落唔會好油膩！配埋白飯食一流！😍🤤…Read More

D2 place不嬲都好多小店😆今次去行市集嘅時候見到有間麵包店即刻忍唔住去睇！見到佢有好多特色嘅麵包，薄荷朱古力乳酪軟包，開心果系列等等，不過最吸引我嘅係玻璃櫃入邊擺滿好多唔同口味嘅麻糬波波，有啲係布丁餡，有啲係流心，同平時見到嘅唔同😆苦惱緊食邊隻味嘅時候，成盆焦糖芝士麻糬波波出爐，二話不說揀咗呢隻味！焦糖芝士麻糬波波($16)表面嘅焦糖好脆，咬落口係好creamy感覺，忌廉芝士好幼滑，而麻糬雖然唔係超級煙靭嗰種，但唔會好硬，同忌廉芝士個平衡做得好好！重點係食完成粒都唔會太膩🥹❤️下次會想試其他包類！…Read More

Bakehouse開到去東涌！今次俾佢個Tiramisu 雪糕🍦($58)吸引咗去😙 雪糕係牛奶base，面頭灑上可可粉，配埋焦糖杏仁脆片。本來以為只係得雪糕同杏仁片，但食到底有咖啡浸住手指餅，而且食得出有少少酒味🤤即刻加咗分，不過定價上始終有啲貴🫣試一次都夠當日除咗雪糕之外，都買咗另一東涌限定— 奶茶蜂蜜丹麥多士~因為外面裹滿焦糖，所以夜晚食嘅時候都仲係好脆，不過焦糖嘅味同甜蓋過多士裏面嘅奶茶醬，整體好甜🫥…Read More

今次去咗荃灣廣場嘅Homeland食lunch🤓估唔到都幾有驚喜😗Weekend佢哋都有lunch set～前菜包咗沙律同蕃茄湯仲有提子酥😙個提子酥烘得好酥脆，牛油味好香，單食都好好食😋主菜嗌咗明太子海鮮意粉 同埋 墨西哥芝士雞肉餡餅🫶🏻明太子意粉嘅海鮮都足料，有珍寶蟹柳，魷魚，蜆同青口，再加上有櫻花蝦個意粉都幾香，略嫌明太子嘅味道唔夠勁🙈口感上有蟹籽嘅卜卜脆🤣墨西哥芝士雞肉餡餅有四件，配咗牛油果醬同忌廉芝士醬。每件都爆哂芝，超級惹味！😋😋本身以為會好漏，但加埋兩個醬食又啱啱好！餐廳佈置色彩繽紛，見到當日同場有班小朋友搞緊生日party，下次同朋友慶生都可以考慮呢一間😆…Read More