Yan0402's Profile

粟米雲吞同蒜蓉娃娃菜都有曱甴🪳！極嘔心！！串燒亦燒到黑曬！如圖。雲吞一打開盒就見到有隻曱甴🪳🪳，串燒又黑曬，以為得份娃娃菜係食得，點知食咗幾條菜先見到又有隻曱甴🪳🪳，真係反胃🤢🤮！！！買外賣返到屋企全單唔食得，從未試過咁恐怖，千祈唔好幫襯！！！！！🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳🪳…Read More

唔好俾廣告呃咗！專程為咗試Tiramisu而來食，點知硬到好似石頭咁，餐具都吉唔落，同店員反應，店員表示因為未解凍，叫我等一陣先食，又唔俾取消。收七十幾蚊俾塊冰人食，簡直笑話，不如我入廚房幫你整埋？另外，薯條同薯餅都係翻炸，又硬又厚皮。burger塊乾芝士幾香，其他食物一般。服務麻麻，明顯唔夠人，無menu無餐具，唔主動搵人都唔會有人理，番茄醬都要自己摞，兩位lunch埋單五百幾，食外賣都無咁嬲。…Read More

服務好，食物質素高。一定要試下熱情果橙汁梳打，老闆娘用6個熱情果製作而成，好味又抵飲。美中不足就係鳳爪唔夠辣，但口感唔錯。其他食物有讚無彈。香茅豬扒同春卷都係必試👍🏻👍🏻…Read More

上網見到大部份食評都唔係咁好，但勝在環境一流，諗住去影下相訂檯時職員表示6:30到就有窗口位，我哋6:20就到咗，職員表示全部窗口位都俾人book咗（當時餐廳得另一檯到咗，我哋係第二個到），只安排一個冇窗又黑暗嘅角落，又冇蠟燭，十分失望。食物方面，唔洗多解釋，睇其它comments都知有幾差Book檯記得肯定佢真係留窗邊位俾你，否則千幾蚊埋單食劣質食物。另外，逢星期三係冇A la carte menu, 得一個steak night menu, 得五個扒你揀，小食每份另加$68，再加一，兩個人食未飽肚埋單都千幾蚊。…Read More

1. $38一碗撈麵，$50一碗湯麵，同行六人（女仔），每人食一個餐，全部唔夠飽，貴得來份量少。💸💸2. 食物種類選擇少。3. 收銀呀姐態度極差。🙅🏻🤷🏻‍♀️🤦🏻‍♀️4. 食物質素一般，唔算好食亦唔算差。奶茶得茶味及偏苦。5. 優點係人少地方大，坐得舒服。總結，幫襯過一次就知點解咁少人，唔會再有下次。如果趕時間+極細食+唔介意貴+想坐得舒服就揀呢間。😡😡😡😡😡😡😡😡😡😡…Read More

見到咁多人以為唔錯，好失望，幫襯完今次再無下次!!先唔講食物方面，我係外賣自取的，食物出曬係櫃台，等佐成十分鐘先有人幫我打包入膠袋。另外， 成碗皮蛋雞絲粥一d皮蛋都無，而且雞絲唔似雞絲，係一塊塊雞肉。食物的份量及賣相亦不討好，十分失望!!!…Read More