袁風's Profile

座落於黃大仙天馬苑商場，難得的高級中菜。看裝潢，已經看得出花了不少心思。先試了侍應介紹的口水西瓜。冇乜違和感。再介紹幾道美食茶燻雞香滑的雞肉散發著陣陣茶香，加一點醬油更美味可口。梨木煙燻熟成鴿皇👍不得不提這個炒米粉瑤柱桂花蟹肉炒新竹米粉👍👍👍必食好羨慕黃大仙的居民，就咁行落街就有這樣的美食。相比其他商場來來去去都係得啲連鎖食店，這份福氣得來不易。除了這幾道菜，還試了其他的海鮮。豉油皇蝦都做得不錯。…Read More

openrice講到明可以用openrice pay。連訂檯頁面都有連結。我不知什麼原因餐廳說沒有。可能是openrice弄錯，可能係餐廳因某些原因。我都不理會了，只講食物。19年時候來過，很多客人，坐得滿滿的。食物也很美味，價錢也偏貴。今次再來，午餐定食的價錢好像比之前便宜了，挺貼地的。但味道也大不如前。定食包括的頭盤味增湯冇乜味，茶碗蒸好普通，沙律一般豚肉定食都係普普通通角切魚生飯還可以啦這豆腐，這頭腐也是沒味消費滿150蚊，加50蚊就有份三文魚刺身，倒還可以啦。山葵都好食既。雖然食物很普通，但220蚊2個人埋到單。都算合格啦。…Read More

餐廳每天只供應早餐和午餐，平日下午3點就關門。晚上要預訂的，4位起。全晚只得我們一檯，不怕影響到其他客人。食物很精緻，很美味。用了很多不同食材制作醬汁，別出心裁。有青瓜汁，菠蘿汁，挺特別的。有機會會再帶埋小朋友來吃。那個意粉，簡直驚為天人。我個仔食完一碟肯定唔夠，令我想去偷師了。哈哈。忘記了試埋他們的咖啡，食到後期都醉了。我都忘記最後牛肉的味道了。（餐廳沒有酒賣的，可同店家商量，自己帶酒去。）最後甜品，半個菠蘿呈上，打卡就好。味道還可以啦！…Read More

上水已經冇乜好食，周街都係藥房。食肆難做。所以每次午餐時候來這裏，都坐滿人。收費雖然貴一點點，但食物質素保持得好。下午茶其實很抵食。黑椒牛扒蛋飯，黑椒味道剛剛好，不會太辣。牛扒也嫩。配上生啤，其實挺享受的。很喜歡一個人來，埋單都係100蚊多啲。…Read More

原來上一個好評已經係2020年，難怪差這樣遠。本來還以為是高級韓國餐廳，怎料限時90分鐘，快餐式做法，前菜冇樣岩食，連魚仔都冇。失望透頂，不推介，不會再來。唯一好食，水冷麵。…Read More

放工同同事一起來食宵夜，他們不喜歡食中菜，所以在openrice選擇了這間日式料理。位置鄰近火車站，食完趕尾班車走也很方便。大大杯生啤，飲落去把一日既工作壓力消除。餐廳12點才last order，2點才關門，十分適合我們這些夜收工人士。餐廳推介的鐵罐燒蠔，抵食又好味。魷魚天婦羅也很好，反而海老天婦羅就一般。還有一口芝士，串燒也很美味。羊架味道一般，但大大件很抵食。下次再來會試下火鍋，有啲二人套餐好像也不錯。…Read More

在openrice搜尋一下北區既私房菜，冇乜選擇，就見到呢間。餐廳在粉嶺圍的村屋3樓。下著兩冒著風下，其實也不是太難找。餐廳一般只經營星期一至五的午餐，要食晚餐就要一早預訂。所以基本上都會包場。優點女主人熱情招呼。食物也好味。還有隻活潑的狗狗。缺點冇乜氣氛。裝修係硬傷，民居冇可能同餐廳比我明白。但可控制既，如燈光太光。音樂是用手機播放夾著廣告的Spotify。俾58蚊月費或用mp3，駁上藍芽喇叭播放音樂，感覺會好很多吧！價錢也不太親民，我覺得係偏貴的。$800一位，成本控制得很好(可參考食材）。咁我都明白整晚只做兩位，價錢貴無可厚非的。但這個價錢，選擇都多的是。如果$650一位，我會再來。…Read More

朋友幾年沒見約出黎食飯。食物還好啦，冇特別好食，又唔係難食。普普通通既一餐。價錢還好啦，2百幾蚊1位。但主要想講既係，個場好嘈呀。左右兩檯講野都超大聲，好似去左party咁。我地3個面對面坐講野都可以聽唔到對方講乜既。仲嘈過酒樓。初頭全滿坐滿都算啦，後尾真係得返幾張都係咁。個場應聲，啲檯又近。絕對唔建議情侶去囉，真係咩氣氛都冇晒。與其說係西餐廳，我覺只係一間高級一點既茶記。唔會再去了。附近好的餐廳多的是。…Read More

來這裏食，其實也只有1個原因。大家心知就可。講返食物啦，我點了三碗麵。蕃茄濃湯湯底。一碗麵最緊要就係湯底，湯底真的很好味。配上日式拉麵，真的令人垂涎三尺。我點了招牌的一貝子蕃茄濃湯底拉麵。其實就係北海道帶子和大花蜆，再加了炒蛋。味道真的很好，蜆很新鮮，炒蛋雖未至於一級，但也做得不錯。美中不足就是太細碗，稍為不夠飽。我也幫小孩們點了個豚豚圓圓蕃茄烏冬，就是豬腩肉和豬頸肉。肉既份量很多，兩個小孩也吃不完。但烏冬不用一會就讓他們吃清光了。可想而知味道也不會差。最後不用多說，手足們自然懂得幫襯。…Read More

團年飯吃了個套餐乳豬皮不脆。然後就上發財好巿大利，珍菌時蔬，糯米飯都黎埋。最後才上龍虾和魚。上菜次序亂晒龍。上菜速度又慢。食物又差。得個糯米飯夠味。其他都唔好食，又唔熱。蒜蓉蒸龍虾都可以冇味既。又唔新鮮 啲肉一啲都唔彈牙，仲要過熟。龍虾後就上脆皮雞，凍既。究竟整完放左幾耐先上菜?食物衛生惹人質疑。如果唔係屋企人揀都唔會黎。食完隻凍既雞，魚才上。都唔知點做中菜，衰過茶餐廳。蒸魚又係凍既。做唔住就執左佢啦，都未試過食團年飯食得咁勞氣。…Read More

昨日先就到時間，一家人食父親節晚飯。今次提議來三聖食海鮮。見食評寫這間不錯，就來試下啦。在樓下買了4款海鮮，盛惠2千1蚊。分別有法國藍龍蝦，鮑魚，東星斑和花螺。藍龍蝦是檔主介紹的，見就見得多，但未食過，所以就試下啦。煮法如下芝士焗藍龍蝦伊面 - 伊面都好好食既，但偏咸。最嬲就係2斤半藍龍蝦都冇肉食。檔主仲話好好食，我屁。脆皮鮑魚 - 本來打算叫豉油王鮑魚既。但酒樓職員話唔好食，佢地脆皮鮑魚好出名。咁咪又試下囉。唉，又係失望。清蒸東星班 - 這個做得最好，不太生又不太熟，美味辣酒煮花螺 - 只辣但不入味。然後還叫了4個小菜。叉燒太咸了。燒鵝卻又好好味，皮脆肉嫰。但明明叫半隻卻很小。金銀蛋莧菜 - 一般。啫啫通菜煲 - 漏單了，要追單才有。8個菜，最後要俾多千6蚊埋單。海鮮煮出來還算可以啦。相比上次在樓下間泰字頭係好啲既。希望下次揾到間真的煮得好好食啦。…Read More

和一班兄弟眾舊，飲飲酒聊聊天。當然也要揾點合適的食物配一下酒。見到這裏有個45oz斧頭扒套餐，好似幾抵食。所以就來了。頭盤，沙律和湯沒什麼特別。黑糖麵包就太甜了。個人口味，不太喜歡。然後還有個炸雞薯條，這個不錯，雞很好味。海鮮意大利飯也值得推介。我很喜歡吃意大利飯，這裏也做得不錯。薄餅也很好，但沒什麼驚喜。再來就是主菜了。斧頭扒，足足一隻手掌咁大。可惜，沒什麼味道，還有太韌。是有點兒失望的。跟餐沒有飲品和甜品。要自己另叫。好在openrice訂檯時見到食物推介，要預訂的黑松露酥皮焗雞。這個真心好味，皮脆肉嫰。完全彌補了我們對牛扒的失落感。絕對要試。…Read More

這天跟一班同學春茗聚會。一大班人食中菜就最適合，所以選擇了這裏。位置其實挺方便，我搭978巴士直接在樓下下車。好了，閒話少說，講返食物先。頭盤三小碟，味道有爽口的，有脆的又有辣的。燉湯也是一流。一位位分開上。魚米之鄉，我食咁多次中菜，第一次見可以這樣食魚。還有個牛肉，相比之下就變得沒有特色了。最後還有個西施泡飯沒影相。但這個絕對是推介。原全是魚米之鄉的升級版。我食飽了還要添多滿滿一大碗才滿足。最後一班同學，喝了7大瓶酒。個個飲飽食醉，非常滿足。…Read More

難得來到青衣城，食餐好少少啦。饅魚飯，一大條饅魚覆蓋碟飯。饅魚控就最開心啦。價錢都唔平架。成150蚊碟。好唔好食？好食既，不過咪又係果啲味，冇特別。雞扒煎飯，最驚喜就係呢碟lu。雞扒炸得黎好好味。最特別係個飯，點樣能整到pizza咁樣？原來係用左芝士。芝士將一粒粒飯「痴」住了，再煎香個飯餅，配埋伴碟既菜黎食，一流。棒子咖啡，其實就冇乜特別。龍蝦湯，也是例牌貨色。可能我跟餐叫，就同餐牌的圖不一樣。總括來說，味道不錯，但價錢也不算便宜。…Read More

本來是專程來試西班牙膏蟹飯的。但想不到原來還有咁多精美美食。紅米腸粉真的很好食，必試。沙田乳鴿就同出面冇乜分別，都好食既。有雞先定有蛋先，呃小朋友野，我個女話好好味囉。口水雞，不太辣，味道還可。水煮魚，佢有3種辣度選擇。因家中長輩不太吃辣，所以只選了最少的辣。結果真係好少辣，連小朋友都唔怕食。但唔辣既水煮魚，就變得不好吃了。輪到主菜，西班牙膏蟹飯。失望!其實其他菜式都好平，唔過200蚊。但呢個飯就要680蚊，多多少少都會有啲期望。店員先將蟹膏和飯攪混。蟹和隻碟都熱辣辣，可惜個飯就唔夠熱，扣晒分。而且飯又唔香，又濕。食落又少少似意大利飯咁。其實簡簡單單的羔蟹蒸飯仲好食。最驚喜係兩杯特飲，如圖般上桌，真係嘩一聲。不過要等左好耐就真。…Read More