Frank Yong's Profile

十分失望，本打支持下小店，見到門口幅餐牌，第一行幅圖係千層闊麵，旁邊是$38，都幾抵，再睇睇，原來唔係！第一行字係寫牛肉圈，千層麵低好多，是$78，差成倍價錢。算啦，始終是小店，試一試個千層麵啦，店員是南亞裔，我照問下點餐，佢問我能否講英文，好啦，講英文囉，佢態度係無問題既，問左佢份野幾大份，好似正正常常就算了，都係唔好叫咁多樣，試下先。佢行左入廚房15分鐘左右，可能都係佢整埋餐，都係佢奉餐出來，點知咁細份，如圖所示。隻叉一篤落去，立即就底，心知不妙，真係得3層，薄得緊要，係咪太少啊，老闆，又薄，隻叉睇到，只係得咁高！高度還不及一粒白魚蛋！正常一碟肉醬意粉都不用咁既價，分量就大得多了。而且呢個款，就好似係預裝拎出來加熱就俾人食，完全唔值咁既價。濃味得來多糖，多油，完全唔飽，我係大食，但近80元，係咪太過份？份量少，細，層數少，薄，貴，多糖多油，無下次。唉。仲有，呢個方餐既椅完全唔好坐真係好唔舒服。所以真係好低分。…Read More

以前唔多鍾意漢堡, 所以從未幫襯過, 今次因看了 youtube, 指這是日本公司, 才來試一試, 果然日本公司真係可靠~!第一次買,  太開心, 一開頭就食左個海鮮 rice burger , 個沙律和湯都忘記了影相 -_-||| 第一次食 rice burger, 感覺好好, 個質感好好, D 包裝好精美, 個 size 好啱口形, 好欣賞佢個 size, 明白唔係大就好, 啱口形也好重要, 張包裝紙都好啱形, 好好拎. 個飯造包OK 實淨, 拎住食唔散, 原來係 mos burger 引入, 實在是合理, 有創意, 亦有實際.海鮮 rice burger D 料好正, 蝦肉爽口, 顏亦靚, 比金平牛蒡色彩, 但各有特色. 和牛磨菇漢堡金平牛蒡$24 牛蒡爽口, 汁不太濃味,  很不錯, 又平. 本人比較大食, 原來都食到 $143…Read More

又係跟網上推介來試, 一放工就黎,  6點正, 第一個入坐, 任擇位, D 枱既 size 都幾好, 唔迫夾, 個個都話要試, 無得唔點, 的確好味呢個又掂, 好充實的口感三文魚肉好大塊, 放到成個碗邊都係, 留左一個位俾你可以拎到碗, 唔會整污糟個沙律都好好, 好豐富, 完全沒有厄稱的感覺, 78蚊就有蝦又魚肉, 好物有所值!想不到呢個都咁好食, 吞拿魚肉又多, 中拖羅手卷, 肉質正, 油脂平均這是最後用來飽肚的, 想不到, 普通一件, 料多, 一點不馬虎 才$25真係唔算貴…Read More

在網上看見有間特色野咁近, 一定要來試下, 見黃色, 更要支持, 一個人都叫3個野食.我本身都食牛角包, 因為欣賞酥皮, 夠香又有口感.這店主要是以牛角包當漢堡用, 中間橫切開, 加料夾中間, 料係足既, 亦唔貴, 但..... 我就覺得不太夾了, 不過用來造甜點, 卻是比較適合.左 屯門牛$45 ; 右 煙三文牛 $54食完2個包再加單, 甜品 鑽牛角尖 $39門面都幾靚新出了長通粉 看來挺不錯買完2個包再加甜點個景幾唔錯呢度門唔係入口, 店員辛苦去外面拎物資的.有刊物, 免費看, 唔知係咪經常有.…Read More

荃灣一試, 果真驚喜黃店,  本身沒有期望, 純粹想坐得舒服, 唔好咁迫, 就找到這裡, 門口好簡單, 不花巧, 是我歡的類型。少出來食野, 所以不介意試貴少少, 結果每度菜賣相一流, 環境亦好, 食得出材料新鮮,  先叫2個主菜, 慢煮美國安格斯牛皮腱新奧爾良飯北海道刺身級帶子白松露意大利飯2個飯也沒有失望,  食材和飯的軟硬度十分好,  有牛味, 而帶子就正常水平, 始終帶子這類東西很難會有特別, 但沒有騙人, 吃得出不是雪房野. 既然合格, 就加2個沙律:慢煮雞胸溫泉蛋沙律配橙油醋劍魚腩醬油漬牛油果他他慢煮雞胸來講, 還不算很出色, 不過是整體是高分.至於 牛油果他他, 是頗為凍, 這是沒有預期, 大家要注意了. 魚肉頗有咬口, 本人很滿意.由於店內桌子不多, 所以有機會要等位, 這次純粹好彩有位可 walk-in, 也因為枱不多, 所以不會很擠迫. 以下是店內環境, 讓大家看看…Read More

食飯有時無乜特別要求, 但俾錢要俾得值得. 係無出面食 2 餸飯咁平, 但室內坐,有冷氣, 唔迫人, 店內就是幾位年青人, 裝修感覺就是同聲同氣。2餸飯都有多選擇, 亦無行貨, 足料,有跟湯, D 餸好食,蝦也靚, 牛腩夠焾,入味, Ｄ 汁撈飯好食，飯和餸的比例也很好。只有湯面略略多了些油份。食完都好飽。…Read More

這間第一次去, 發覺十分驚喜, 所以連去2次, 這裡一次過 post 晒2 日的相和 comment.門面是很普通, 本身沒有吸引我, 我是自己在 openrice 這裡看地圖看食物相找到這間小店的. 是意粉類, pizza, 漢堡也有, 所以來試試, 一來看見, 店內裝飾很有心思, 明明開了段日子, 但感覺仍是很新淨.好多玩具, 仲好新淨, 唔係污污糟糟既.坐低店長/ 老闆, 就俾左杯水我, 仲加冰, 堅係不求其, 有 heart, 我仲要求改要暖水, 他也樂意地幫我換, 實在很好服務. 第一次來, 一個人食, 也點了 2 款, 特價的煙三文魚 pizza 和牛肉漢堡, 這個pizza 我觀察應該是預製餅底, 但焗得唔錯, 餅邊很脆, 又不多油, 加火箭菜是幾好, 食上來感覺較豐富, 但三文魚就少左D. 扣少少分. 但只係$56, 是可以接受. 個牛肉漢堡是幾驚喜, 本身以為淨係得個包, 但原來跟住薯角和沙津, 個包唔細, 又預切了一刀, 食上來方便很多材料是令人滿意.還有, 餐牌上會有寫原價和特價 8折, 但其實全都都按特價賣, 我當晚是門口再有特價牌, $56 煙三文魚 pizza (10吋)13/8/2022 再去, 今次坐第二度, 看店環境較多其實仲有好多大型玩具盤, 但因為在其它大枱, 所以無影到. 今次叫意粉和 all day breakfast鵝肝黑松露意粉下方是西冷 all day breakfast, 上是吞拿魚all day.西冷仲幫你預切埋, 食得很方便, 2碟的炒蛋都加了黑松露, 都幾香, 才約 $80, 都係OK.上面個 吞拿魚碎是冷的,  這點我就估唔到, 我就唔鍾意, 但整體都是合格以上. 我仲見到有枱是6個都是小學生, 在玩玩具, 在笑, 稍稍吵, 但店長/ 老闆都不介意, 也有小朋友問點玩, 店長/ 老闆 又會用心講解, 實在是超現實的有 heart, 有家長和小孩結賬離開時, 還送她小禮物, 實在很有愛. 無得頂. …Read More

想靜靜地一個人食野, 原來都幾好, 連叫餐都唔洗, 自己拎黎食, 係個幾好選擇爭鮮, 講真我沒什麼要求, 也沒有期望, 上次來食, 普普通無, 但今次去, 就覺得幾抵食. 一坐低就見到單件D 魚肉好大塊, 仲好靚仔油甘魚 $12甜蝦刺身, 分量都唔少, $16吞拿魚 拖羅 $16都係好好款, 好大塊, 好長身, 甜品唔算好多, 但選擇都唔錯, 仲有呢D 獨立包裝, 我一個人食左咁既份量, 完全無理價錢19碟, 埋單 $251, 好滿意. 食完先發覺桌左上角有個黑色圓桶, 用來俾我放D 小垃圾, 例包鮑魚殼, 其實幾貼心. …Read More

慕名而來, 失望而去.總結來講, 我感覺是間野無打算做落去. 服務就是無服務, 結賬自己走, D 杯想換又無人可以搵, 點餐 pad 亦無call 人服務,  人手又少.大家看看張相, 桌上物品, 1. 左邊黑色膠板,  竟然塊板有明顯破爛, 第一樣給我的東西是爛成咁.2. 個點餐pad 係無抹過, 有D 位按時感覺到粘粘的. 完全不像日本食肆的要求.3 . 無小型垃圾杯筒, 唔知係好事定壞事, 加完wasabi 後, 個膠就唔知掉去邊, 唯有掉在桌上. 然後是以下2張相: 黑色茶杯, 竟然係咁, D 吸索膠明顯脫落, 照用, 仲要唔止一隻. 令我好懷疑個衞生情況. 個杯身原本是白色膠, 一甩膠是好明顯.跟住點餐, 50蚊一件既海大拖羅, 送到來咁樣. 味道就無乜野, 但就感覺好差. 仲有一點好重要, 所有壽司的飯, 都好重醋, 我覺得唔好, 因為食多了覺得重味, 想食淡係做唔到, 件魚生想點下醬油和 wasabi 又太重味, 總之就係重味. 佢係重到每舊飯都見到有色, 好明顯.我重點左2次 中拖羅, 都係有根既, 感覺就唔掂了. 荼壼, 桌上最完好的東西. 但個水掣都幾實, 用個壼推其實都好不便, 用個耳仔推, 個咀又頂住, 唯有用壼身, 但又會熱到手, 尤其是沖完2杯即加水, 是好熱, 水又出得慢, 又耐又易流到桌濕晒, 如圖所見. 同埋千萬 不要加滿水, 一來壼身燙手, 二來一滿個壼咀就會流返出來. 面前 2 層運輸軌, 上前係一定要站著才拎到, 其實幾不便wasabi 最值得讚, 因為一包分量不少, 不用開好多包就夠用. 側看就見到好厚身.現在暫停了迴轉, 只有點餐.款唔多, 只好有D 重覆叫, 甜品也很少選擇, 無野好叫.重申返個總結, 我感覺是間野無打算做落去. …Read More

首先絕對要一提的是自己要上網訂位!! 打個店名就很易找到, 他們訂座是很認真的, 訂了枱還在一日前 SMS 我 confirm 個booking , 不回會被取消的, 相當嚴格!! 大家一定要做足, 因為都多人來食。 講講個場先,  係幾靚既, 有室內和室外.bar 枱上掛著很多酒, 格調很好.原來我上到訪問片中的行政總廚原來是註場親手造菜的. 這點我感到很放心和欣賞.這些是枱上的餐具和架, 隻匙都幾硬, 幾厚, 所以有點重.右邊冷水(本身有), 左邊是自己要求的熱水看我的手, 就我這張餐枱就有點細, 大過譚仔D 枱少少. 但似乎係不會狂上菜令你好迫, 會一樣到一樣.  而每樣菜都會講解. 係好有服務既. 第一次覺得個10% 服務費唔係白收. 同埋室內有 bar 枱 有長枱, 張張不同的.1. 前菜餐包 , 應該左邊是酸種包, 但可能我還未夠料, 食不到酸味, 但2個也夠熱夠軟, 右邊的更像法包, 硬少少. 右邊花形小碟是自家制黑糖牛油, 但老實我也食不到黑糖和牛油味. 2. 個板夾都好靚, 係銅質咁. 紙就用得多, 少少殘.3.焦糖鳳梨羅勒葉醃漬聖女茄圖中見到我隻手可見, 唔係好大碗, 但其實都幾多粒, 且茄有去皮, 食落有食提子的感覺, 同埋成碗都好凍, 亦唔係咁酸, 我就覺得沙津應該好D.但一場來到就試新野. 4. 手造意大利幼麵配西班牙紅蝦, 紅蝦膏濃汁這個意粉係同出面的確不同, 我看不是圓形的, 而是正方形的, 口感和一般意粉完全不同, 在意粉角度是神奇的, 也是好嚼, 但類似口感我食其他類型麵卻不是很罕有, 相信 個汁 係重點, 但當中的味道其實不簡單,  我舌不是太利, 未能一一道出. 就感覺味道不是很出. 以前食過另一店的 蝦油闊麵, 反而更清析, 令我印象更深.5. 是店的招牌 傳統卡邦尼手造意大利麵 和  6. 松葉蟹甲羅燒蟹膏意大利飯, 都因為掛住食, 忘記影低, 但不重要, 因為這裡看其他人相片都一樣, 一樣咁靚和工整.5的 傳統卡邦尼手造意大利麵 對我來說最好味, 味道最香, 最出, 麵條是圓形, 有嚼口, 汁也好味, 竟然是最平的 168.6的 松葉蟹甲羅燒蟹膏意大利飯 , 同行指很正宗, 不是全熟飯, 令你一定會嚼一會才吞, 我個人就覺得沒有想像中咁香, 但料是很足的. 這個飯是很飽肚.7. 甜品 紅酒燴梨, 自家製冰糕 有去皮, 也入味, 賣相也好. 不過我食時就覺得可能用山楂燴更好味, 可能因為我喜歡酸.切開的內部是這樣, 然後自己加紅酒.8. 法式焦糖燉蛋(花斑茶社桂花烏龍), 自家製冰糕原來所講的 花斑茶社 是另一家食店的 crossover, 有些透明軟粒, 幾好食. 我喜歡布甸, 這個燉蛋很像布甸, 所以很OK. 所謂的冰糕我就沒有特別, 比雪糕快熔, 較易散, 而味道沒有很出. …Read More

難得咁有決心坐咁遠車去觀塘探朋友, 希望坐下傾計, 開開心心, 上到呢間野個樣見得人, 價錢百幾蚊一個, 叫唔太差吧, 就坐低了, Menu 都幾靚, 看上來幾高級的, 選擇亦好多, 一人一個主餐, 結果個扒超老, 入少少都咀唔到, 不知所謂;個大蝦意粉已算最好, 只係多油和唔知做咩咁辣, 本身又話少少辣, 個魚就鹹到喊, 好似食鹹魚咁, 離晒譜, 結果3人同時都食唔飽, 面都黑晒, 點解可以咁差架, 臨走我在紙巾上寫上"超鹹, 難食", 唔知經理知唔知, 差D 想拍枱, 但難得朋友聚下見面唔想搞到咁核突, 所以無咁做. 希望間野反醒下, 無人識廚野就唔好開門. 當日是星期日, 平日唔知係咪無咁衰, 如果咁衰應該到摺左, 大家唔會再見到. …Read More

的確幫親了很多次, 所以一次過 upload 咁多相, 大至每次都保持水準, 首先是賣相都很好, 飲品和食物都很美觀, 令我每次都記得先影相, 不過飲品本身都係偏甜, 但可接受.All day breakfast 都比較高熱量,  煙肉和腸仔都重味, 令味覺變遲鈍, 比較出色是個蛋, 幾滑身.意粉就幾次都覺得比較多油, 而熱狗就食最多次, 因為鍾意多菜, 但熱狗本身係難切來食, 很易令汁流到周圍係, 很難一啖好似食漢堡咁食晒每一樣野, 而最差係個包, 每次都覺得唔好咬, 無彈性, 係無改善過, 但D 配料就明顯係新鮮整, 好比心機, 所以我還是會再叫. 沙津係最有水準, 份量感覺亦好. 但上面的面包粒我就唔鍾意, 好痴牙.飲品方面比較鍾意佢既橙皮朱古力, 橙味原來都幾夾到, 又突出, 又醒神, 且最後係可以食埋, 做得好好. 拉花方面亦係唔錯, 大部分都拉得好靚, 一見到心情都好D. 另一題就係D 餐具真係唔好用, 又長又重又圓柄, 就係好難用. 仲有就係油煙好嚴重, 好似抽唔到氣咁, 而張枱好細, 又短, D 櫈係唔好坐. 只係看上來是很靚. 所以要扣D 分. …Read More

行經尖咀搵野食, 一搵見到有貓店, 立即walk-in 試下.入面的清潔做得很好, 一入去要除鞋, 要清毒雙手, 就坐後店員仲好耐心逐隻貓介紹, 貓貓都好乖, 怕人的都在籠中, 其他都可以摸, 只會俾D 時間, 溫柔摸, 隻隻都摸得. 最近門口的貓貓更是名種貓, 還是領養的, 真想不到. 講返食物,  個 日式蕃茄雞柳燴飯是一種水平,  香草海鮮意粉配磨菇醬就有驚喜, 食得到D 醬汁不是普通汁, 一問之下果然是自家製, 怪不得有咁多菇肉, 和罐頭開出來的完全不同, 且仲落唔少, 令我覺得個食物物值呢個價($108).至於個茶就有 D 怪, 蘋果薑果粒茶 飲不到 蘋果味, 薑味也很弱, 店員指是因為試過薑味重顧客接受不到, 但我就不太接受這個講法, 2個主要味道都無, 實在是是扣些分數.至於個水蜜桃果粒茶就好少少, 但都是很淡, 果香薄弱, 希望改善吧. 店裡沒有限時, 還加了我當會員, 感覺頗親切. …Read More

一試小店, 原來是一人小店, 叫完店員就自己一個走入去整一大輪, 然後包得靚靚又整齊咁俾人, 是個年輕女仔, 等了一會時, 再加了2個小食, 她也默默地入去煮食, 雖然只是炸物, 平時我都不當一回事, 覺得炸物只是些求求其其的煮法, 但結果回到家後食時, 才發覺炸得好好, 味道沒有太甜, 令人滿意.包裝本身都幾精美, 有個特整紙盒, 包向上凸出, 最尾還會在頂加一張薄薄的牛油紙, 再貼上膠紙, 感覺十分用心體貼, 真是間服務良好的小店. 個包用料很足, 包的底端沒有切斷, 令汁流到四圍係, 反而全吸了醬汁, 沒有浪費, 食了 2 次, 最尾食完都係覺得個包有點兒偏甜, 若可以減少會甜的汁, 相信會更好.…Read More

當日人不多, 好多位可選, 店內環境吸引, 佈置一流, 一看心情好. 不過野食的確是頗失望, 牛丸的味精太勁, 所以食了2 已頂唔順氣棄不吃. 雞肉又很重味, 完全和本身個蕃茄湯不夾, 我情願佢用白雞塊落湯煮熟就好了, 湯是OK 的, 味也鮮, 最抵讚是湯, 所以我都盡量飲. 同時叫了一個小食, 是炸燒賣, 的確是炸到皮很脆, 但此外就無特別, 又係味精貨. 或者有下次, 就試下佢個莞茜湯, 當日都見到有人叫, 真係成碗都係, 高到凸起, 相信個料好足. …Read More