MadMoMadMo's Profile

久唔久都有來ION 食飯。今次咁啱夠四個大人，可以用到佢哋網店買二送二嘅優惠。半自助晚餐buffet 款式貴精不貴多. 最緊要啱食。冷盤海鮮同魚生食咗少少，質素不錯。今晚反而想食好耐冇食過嘅potato salad 同埋cheese. 鍾意食芝士嘅朋友都知道買齊咁多款喺屋企都唔平。四個人主菜可以揀Tomahawk Steak. 臨上碟前用火鎗燒一燒, 令到件扒散發更多脂肪油香。扒質數唔錯。甜品有我最鍾意嘅Haagen Dazs 雪糕任食。生果款式幾特別，竟然有平時少見嘅熱情果 …Read More

見到有新鋪開，於是入來試試。坐低先見到有自家製飲品，於是叫咗揸龍眼元肉杞子水，味道幾好，唔太甜。店名顧名思義主打餃子，當然要試多幾款。蘿蔔絲煎餅足料，蘿蔔清甜。牛肉餅係成晚嘅驚喜，牛肉餡似乎用高質牛肉打成，一咬開充滿牛肉汁。大家食完都話要即刻encore. 小籠包皮薄但夾起唔會穿，完全顯出師傅嘅功架。要讚吓所有點心都係即叫即做，上枱時全部熱辣辣。相對起點心麵食就有點失色。擔擔面略淡，面亦都太淋。但係為咗啲點心我還是會再來的。…Read More

It’s been a long time since I’ve been here - just haven’t made an effort to come. Started lunch off with lemon ice tea. The refills is great deal for someone like me. Ordered the Rueben sandwich with sweet potato fries. Quality remains consistent - perfectly cooked and seasoned pastrami. Rye bread that’s strong enough to keep the sandwich intact. Sweet potatoes were crispy and hot. A very satisfying meal. …Read More

一早計劃早上喺附近做嘢，於是訂咗富豪酒家飲茶。首先上枱嘅係叉燒餐包（又唔記得咗相機食先 haha). 叉燒餐包有點失望 - 咬落去成口都係洋蔥，叉燒汁味道太重。蝦餃中規中矩，但以富豪酒家的reputation 來講係失望。蒸金錢肚反而唔錯，金錢肚淋得嚟仍然有口感，亦都唔需要好似普通酒樓咁用大量醬掩蓋嗰浸雪藏味。蒸鵝掌也不錯。叉燒腸豉油調得好好。灌湯餃係全日最好 - 高湯味道有層次：食得出有雞同金華火腿的味道。餃裡面的料亦足。…Read More

傳媒未講之前已經收到風話大榮華灣仔店將會結業。趁仲係容易book 枱時當然要來支持一下。椒絲腐乳通菜中規中矩。菜膽雞隻雞啱啱熟，骨裏面仲有少少血水。以廣東菜來講係perfect doneless, 不過唔係人人接受到。我就覺得冇問題。今晚嘅主角係龍躉兩味。炒球火候控制得非常好，裏面啱啱熟。另外夥計建議將啲骨用避風塘做法，好味到連平時唔肯食骨嘅朋友都食咗幾舊。嚟到大榮華當然唔少得嘅係豬油撈砵仔蒸飯。仲諗係第一次嚟到，淨係用豬油同頭抽撈食咗三碗飯…Read More

有朋友住呢一區。通常如果諗唔到晚飯食乜嘢都會落嚟打冷今晚事頭婆推介大頭蝦。用潮州凍蟹嘅做法。蝦頭有膏蝦肉夠爽甜。唔使點普寧豆醬或魚露都好好味。算係冇介紹錯。其他都係一般打冷會叫嘅菜。韭菜豬紅煮得夠入味。滷水牛雜亦都一樣炆得入味。潮州蠔烙乾身亦夠脆。要特別一讚而家嘅通脹環境啲碟頭份量依然咁多。叫咗咁多重口味嘅嘢，於是叫番碟白灼通菜中和一下。最後上枱嘅係方魚蠔仔肉碎粥。四個人眨吓眼就KO 所有食物。非常滿意的一餐。…Read More

自己一個食晚飯，但又唔想買外賣或食快餐店，於是決定去翡翠潮州小廚。翡翠潮州小廚同翡翠拉麵嘅分別係除咗有一般翡翠拉麵有嘅嘢食之外，另外仲有啲潮州菜可以選擇。一場嚟到梗係要玩下crossover. 叫咗一碗蔥油拌麵，再加一個滷水鵝片例牌。先上枱嘅竟然係蔥油拌麵。翡翠嘅手拉麵水準一直唔錯，不過嫌蔥油唔夠香，亦都唔夠多。跟面嘅清湯夠熱。滷水鵝片例牌份量都算幾多。鵝肉滷得入味亦夠淋。墊底的豆腐外皮吸收左滷水味，裏面非常嫩滑。…Read More

咁岩經過東港城，記起呢間鰻魚飯專門店喺呢度亦有分店，即刻入嚟試試睇吓質素如何，會唔會同其他分店唔同。鰻魚飯定食可以免費加大飯底。鰻魚不過不失，飯似乎落多咗水，比較濕。特登分開返比較乾嘅飯留來做茶漬飯，感覺清新，好食過用鰻魚汁撈的飯。另外叫咗原條烤鰻魚 - 鰻魚飯個區區幾件對我來講真係唔夠喉。原條鰻魚比鰻魚飯的鰻魚好食好多。近尾的位置烤得香脆，腩位肥美。食完非常滿足。Still one of the best eel shops in Hong Kong…Read More

平時去開嗰間日本餐廳滿座，於是試吓呢度。侍應建議食omakase - 好多餐廳都好似將 omakase 同套餐畫上等號。睇完佢omakase menu 最後叫咗a la carte先上枱嘅係炸蟹餅。味道不錯不過好油膩 - 可能同控制油溫有關，冇用高溫再炸多次迫返啲油份出嚟。反而炸軟殼蟹沙律嘅炸軟殼蟹冇呢個問題。特上魚生飯係全晚最滿意嘅食物。材料豐富亦新鮮。飯本身亦有調味。串燒牛舌同雞軟骨都燒得唔錯，調味亦冇落得太多而影響本身食物的味道。…Read More

終於有得夜晚堂食，Happy Friday 同朋友揀咗Sawali Club 食泰菜。一坐低非常肚餓所以叫咗幾款小食。泰式黃金炸魚皮除咗邪惡嘅鹹蛋黃之外，仲加咗泰式香料。一上台好快已經被K.O.左另外叫咗個細嘅小食拼盤同埋豬仔肉串燒。小食拼盤最欣賞嘅係有釀雞翼。豬仔肉唔係度度有，比起普通豬肉肉質比較淋，唔會擔心有燒到柴皮嘅情況。朋友話要留肚食甜品，於是主菜只係叫咗Pad Thai 同埋馬拉盞通菜. Pad Thai 料足。馬拉盞通菜唔會炒到水汪汪。食泰菜當然甜品要叫芒果糯米飯啦。今日啲芒果新鮮夠甜。另外叫咗椰汁糕，一咬落去發現甜味全部來自椰青水的味道，非常清新！同其他地方食這椰汁糕完全唔同。有啲驚喜…Read More

下午咁啱經過 Hyson Place 有少少肚餓，朋友建議上去呢間燒鰻魚專門店試試。 Menu 很簡單。作為燒鰻魚專門店當然叫返招牌菜。見到原條燒鰻魚都只賣$208即刻叫左一條。一上枱就聞到一陣陣炭燒味。 再夾起鰻魚便知道叫原條鰻魚呢個決定係冇錯。鰻魚外脆內軟，肉厚，食落有難得嘅鰻魚香。夾吓夾吓就好快KO 左成條鰻魚。Easily one of the best grilled eels I’ve had in Hong Kong. Nice charcoal smell when presented on the table. Eel is meaty, crispy on the outside but tender on the inside. Sauce doesn’t overwhelm eel’s own flavor. …Read More

約咗喺柴灣工作嘅朋友食飯，終於有機會嚟到呢間燒味舖試吓。見到鋪內有幾張摺檯，於是決定堂食 - 外賣始終都打咗折扣。堂食嘅好處係唔使排隊，仲可以慢慢欣賞燒味師傅斬料嘅手勢。師傅好細心咁問想食什麼類型的叉燒，然後幫我揀咗一條比較肥燒得較燶嘅叉燒。叉燒燒得均勻，入口鬆化，梅頭肉係靚貨，腌得啱啱好。 但係老實講我比較喜歡舊式比較硬身有咬口冇汁伴上碟嘅叉燒。 純粹個人喜好。坐低食另一好處就係可以慢慢睇吓燒味舖仲有咩好嘢。見到有平時較少見嘅生腸即刻叫咗一碟。生腸爽口，從顏色嚟睇冇其他燒味舖染得咁紅，同叉燒一樣咁好。…Read More

Lian 尚蓮有泰式菜有越式菜，但今次只係叫咗泰國菜。一共叫咗三樣嘢：馬拉盞炒通菜炒得比較濕，不過味道還可以。蛋包海鮮炒金邊粉贏在presentation. 大頭蝦炸得夠脆，香脆嘅蝦頭好食過蝦肉。金邊粉比較淡口。最後上枱嘅係小食拼盤，亦係成餐最好食嘅菜。串燒用不鏽鋼串起，都算係環保。食得出係用grill 烤而不是炸，都算幾有誠意。蝦餅春卷新鮮炸起熱辣辣。柚子沙律比較甜。米紙卷用料新鮮。食得飽飽，可以繼續去shopping …Read More

一般台式料理看似很簡單，但係喺香港做得好嘅其實冇幾間。剛剛路過，於是試試呢間戀上台式料理。午餐叫咗個台式香腸肉燥飯同埋鰻魚飯。每個套餐都包一杯飲品。台式香腸肉燥飯先上枱，食落冇乜驚喜，不好也不壞吧。一路食一路諗緊究竟啲肉燥係自家製還是現成買的。過咗一陣鰻魚飯上枱。分量非常的骰珍珠米落得太多水，令到啲飯太淋，吸收唔到鰻魚汁嘅味道。鰻魚味道同一般係日式超市買的差不多，不過咁，相信香港大部份餐廳都唔會有自家燒嘅鰻魚。…Read More

Had bad cravings for pizza - one of those times where you can eat a whole pizza and not feel guilty afterwards. Tried Dough bros for the first time and ordered the Pepperoni Supreme, which includes both pepperoni and Italian sausage. The sourdough crust was nice and chewy. Some might find it dry but that’s the way it should be. Besides, the drier crust goes well with the garlic dip (which I’m happy to do without). The pizza hits the spot. Cheese was gooey and sufficient; toppings were of quality. Very satisfying …Read More