szeeee_e's Profile

之前跟朋友一起點了檸檬梳打、青檸奶昔加玉米片、芝士薯條、爆米花蜜糖香蕉煙肉pancake。本來只想點青檸奶昔，店員有推薦加玉米片，所以就加了試試看，喝了之後覺得真的很配，沒有加的話就少了一種口感。芝士薯條剛送到的時候吃了幾口，熱的時候吃更好吃。pancake的料雖然都是咸甜咸甜的，但也很配。…Read More

每次經過都見到好多人排隊，見今日經過冇咩人所以就一於試下係咩料😂除左杯裝仲有筒裝，另外仲有乳酪沙冰同其他飲品。見fro-yo係招牌所以就叫左杯裝，可以配3個toppings，分別揀左芒果、檸檬芝士蛋糕同埋海鹽焦糖脆脆，而source就揀咗熱情果。第一天啖已經有驚喜，好滑而且又唔太甜，果然好適合夏天食，配埋焦糖脆脆出奇地夾。除左以上三個toppings其實仲有好多款，等大家去慢慢發掘，順帶一提一樣好貼心就係可以冚蓋。…Read More

其實已經食過好多次，唔寫返個post會對唔住溫野菜。有一班好鍾意打邊爐嘅朋友真係好有幸福，而我地最愛嘅頭三一定有溫野菜。雖然唔可以話平，但佢真係值呢個價，我地每次都會叫和牛果個level，佢每一round都會上一樣質素嘅牛，品質有保證。配埋壽喜燒湯底真係perfect match！除左牛，其他菜都好好食，仲有好多出面打邊爐好少有嘅菜，特別推介紅心蘿蔔，好清甜，連我平時唔食蘿蔔都勁鍾意食。平時其他分店都要散嗌，但呢間可以任食其實已經好抵！…Read More

cafe黎講呢間都算係抵食，下午茶份量好似正餐咁，所以想介紹俾大家！我同朋友分別叫左熱狗同鱈魚漢堡，每一份查唔到會跟沙律同薯條。個包係加熱過，食落脆脆地又唔會太硬，魚柳都係新鮮炸起，食落十分之脆口但又唔會好乾。熱狗就正常發揮。薯條仲係我最愛嘅曲粗款。本來仲想試埋個brownie 可惜已經太飽，唯有下次😌…Read More

冇錯又係佢😂我就黎有一半食評都係呢間刨冰店，目標係試晒佢全部味！今次係聽到朋友講豆腐味返左黎，所以特登去食，但最後比呢個芒果椰子味吸引左，因為唔係淨豆腐味，係豆腐黃豆粉味，所以都係留返豆腐味comeback再食！今次呢個味好似食緊芒果西米露咁，上層係芒果味，底層有椰汁味。但今次有少少失望，因為食到最尾好水，唔係好夠味，係唔係變左喇🥺希望下次去可以有返平時個水準…Read More

久違同朋友晚市緊係要揀間特別騎餐廳CBD聽就聽得多，但真係未試過，朋友都想試吓。因為食量有限，我地淨係叫左一個主食一個小食同每人一杯野飲。主食就係廣島蠔闊條麵，小食就係白醬海鮮啤酒薯角。一開始見碟闊條麵仲驚唔夠食，但食食下原來都幾飽，加上碟薯角勁大碟仲有好多海鮮非常足料，飲埋杯蜜桃乳酪沙冰就啱啱好。味道方面都幾好食，至於cbd其實係冇味嘅，雖然食完冇即刻放鬆左，但朋友話果晚瞓得好好，雖然唔知關唔關事😂有興趣都可以試下。…Read More

唔知食咩好，經過K11 見到呢間韓國野就入去試下，點知都有驚喜。入到去發現原來係一間food court認識嘅餐廳，入面有唔同嘅韓國菜，如果你想食炸雞，又想食炸醬麵同埋燒肉，呢度就可以一次過滿足晒你三個願望。我地叫咗一個海陸空拼盤，包野飲，入面有辣炒雞，炒豬皮同埋魚糕湯，CP值都唔錯。另外再叫左泡菜煎餅，味道都幾好。下次可以再挑戰埋其他。…Read More

無錯！又係你啊 陳生lol 已經推介過無數次，但每次食都咁驚艷，希望有一日可以試晒所有味再出返個排名🤪超鍾意食開心果gelato嘅我，見到呢個開心果味即刻諗都唔諗就叫左。其實上年已經食過一次，果然，第一啖已經雙眼發光🤩，好濃郁嘅開心果味！！！底層係覆盆子味，本來都覺得開心果同覆盆子唔係好夾，但原來夾埋一齊食又幾好食。雖然我一向都麻麻地berries，但呢個係冇平時莓類嘅藥水味，就算唔鍾意食Berries都可以試吓～…Read More

將軍澳新餐廳不停開，雖然係附近居民，但真係好多都未試得晒，但呢間係會令你想試晒佢成個menu，推介住附近嘅大家可以試。餐廳係一家人自己經營，去果日因爲唔太多客人，老闆aka主廚主動過黎同我地傾計分享自己理念，透過佢介紹完感覺到佢對煮野食嘅熱情，同埋真心想客人食得舒服/好好享受每一樣佢整嘅野食。重點果餐飯每一樣嘢食包括野飲都係好好食。開胃小食雖然下係開胃小食但一啲都唔馬虎，自家製脆片配蟹肉沙律加三文魚子，平時我都唔太鍾意三文魚子，因爲怕食到唔新鮮好腥，但呢個真係新鮮，唔腥同個蟹肉好夾。龍蝦意粉 CP值極高因爲我唔食龍蝦，所以冇試過個龍蝦，但朋友不同話好彈牙，唔會出面果啲係冇晒龍蝦味，意粉軟硬度適中，每一條都比人汁包住，老闆話可以加辣椒乾令層次更豐富，但我覺得就咁已經好好食，而且價錢好抵，出面好難搵到呢個價錢係咁高質炸雞配蜜糖芥末醬首先炸漿係自己調配已經好有誠意，炸漿唔會只係薄薄一層，即叫即炸。炸雞仲保留住肉汁， 配埋蜜糖芥末醬真係好夾。中島放耐左都唔會係淋晒，隔一陣食仲係好脆！香蕉奶昔/特濃朱古力/芒果乳酪三杯都好好飲，飲完係會飽，因為好足料。香蕉奶昔杯係係加咗燕麥，其實係我平時一個早餐😂😂飲完真係會飽晒。朱古力再加cream，好邪惡，個朱古力味真係好濃，好少可凍朱古力會做到咁濃郁嘅味道。芒果乳酪，酸酸甜甜，好開胃，但加左乳酪所以都係會飽肚lol西冷牛扒老闆話呢個係黎自澳洲嘅和牛，食落個牛肉味真係比較濃，但煮得啱啱好，一啲都唔靭，雖然配左汁，但我覺得唔係點，食個原味都已經好足夠自家製朱古力老闆娘自己整朱古力作為餐飯完美句號，朱古力唔係死甜，非常幼滑，連朱古力都自己整埋，真心誠意十足！…Read More

經過廣東道唔知食咩咁啱見到呢間樓上cafe/bar，決定去試一試。因爲2/3點去所以唔洗等位，分別叫左pizza，risotto同burger~~最有驚喜就係個內外兼備嘅Burger！黑色麵包加上咁多層配料😍塊漢堡好厚厚但又唔太乾 重點食到最後一啖都仲係好脆 所以好滿意 ps薯條都係重點🤩risotto因為係牛油果，但我唔太好牛油果，所以淨係試左少少，好重忌廉味，朋友話加埋牛油果一齊食就啱晒。pizza都有驚喜，唔係一般餅皮，薄薄地啱晒我呢啲唔鍾意食麵包嘅人，個邊仲係脆脆地，不錯👍🏼值得一提係餐廳見到餐廳有各式各樣酒，適合夜晚大家食飯飲野傾計。另外店員服務一流，食完野仲叫我地慢慢傾，仲自動幫你加水，唔會趕你走。👍🏼…Read More

雖然食得唔多野，但久唔久都會想食下放題，呢間放題夠晒就腳，環境都幾乾淨，而且唔貴，款式又多，所以值得encore！首先係野飲，除左汽水之外，呢度有各式各樣嘅茶類飲品，另外仲有平時放題都未必有嘅清酒，如果鍾意飲酒就啱晒😂 野飲夠晒凍都係加分之處，另有仲有熱飲可以揀。而我最欣賞就係呢度嘅湯，有人蔘雞湯同花膠湯。人參雞湯味道都幾濃，但一啲都唔味精，可以係我最推介之一。另外仲有多款前菜可以自己任拎，有蝦、青口、螺肉、雲耳、蟹子沙律、泰式鳳爪等等。刺身款都有好多，樣樣都幾新鮮，啲赤蝦真係幾大隻，當然仲有我最鍾意食嘅帶子同甜蝦。😍😍🤤炸物天婦羅，都係新鮮炸，一拎出黎果陣真係會辣口，粉漿又唔會太多，都值得推介。其他料理期實都十分之唔錯，但因為太肚餓關係，相都唔係影得好多，下次再去先補返😂😂最後緊係要食甜品，雪條有好多款，仲有豆腐花，蛋糕咁，食晒就真係好滿足🥰🥰…Read More

覺得幾時都咁適合打邊爐嘅我，經過見到呢間火鍋店好似幾吸引喎，於是就約埋朋友一齊去試下，果然無令我失望啊！😋😋😋入到去見到個環境都幾闊落，如果一班朋友黎仲可以有卡位，每卡仲有一部小電視，如果又朋友係電視迷就啱晒😂😂湯底都有好多選擇，因為想要鴛鴦鍋嘅關係，我同朋友就揀左麻辣同清湯，下次有機會想試下燉湯湯底好似都幾吸引。 麻辣湯底都幾出色，一開似以為唔係好辣冇咩味，點知愈食愈有味，同肉類非常夾。醬料值得推介係個麻油，真係好香，太辣都可以點，點左會冇咁辣終於到主菜，由於太肚餓關係，本來慣左相機食先嘅我都忍唔住食左先影😂😂 我同朋友兩個人分別叫左手切牛，手打四寶丸，白菜苗，響鈴，同埋紐西蘭托托蛽。牛肉係好新鮮，而且唔會太肥，本來唔食牛嘅我都食多左幾塊！四寶丸分別係牛丸、墨魚丸，蝦丸同豬肉丸，四款都好彈牙。我最鐘意就係個蝦丸，仲食到細細粒蝦肉，口感好夠。響鈴係我打邊爐最愛之一，炸得非常脆，唔會一陣油味，一放落個湯底3秒再夾返上黎，有吸到湯，有仲有少少脆口，真係好正😋😋最後就係個蜆，個殼大，估唔到肉都好大粒，仲好彈牙，證明都係幾新鮮，講起又想食！！最後兩個人食左700，都差唔多，起碼呢度d野食真係幾新鮮，而且服務態度都幾好，冇晒水，我地未叫就自動波。下次我會再黎架！🤩…Read More

期待左好耐嘅喜茶，終於係香港開分店啦！終於唔使返大陸先飲到喇！！之前沙田開咗一直都冇試，因為好多人有冇得用Apps買，銅鑼灣呢間終於有啦！雖然款式冇大陸咁多。用app買真係好方便，又唔使排隊等，買左自己再找時間去拎就得。本來想飲芝士桂花烏龍，可惜已經賣晒，所以就飲咗芝士四季春，芝士奶蓋個味同大陸一樣咁好飲，不過價錢就比大陸貴少少，不過可以慳返車錢，計落差唔多喇😂…Read More

其實呢間cafe我已經食過好多次，非常唔錯，所以我覺得一直差佢一篇食評，今次終於的起心肝打返一篇俾佢。旺角其實有好多樓上Cafe，但呢間係值得你一去再去。首先環境都算幾舒服同襟坐，無限時，就算坐成晚，staff都唔會比面色你睇，仲會自動幫你refill水，俾你慢慢傾慢慢玩。另外野食都非常有水準，仲要個樣都係睇得。最值得推介係佢地嘅小食拼盤，有薯波又有薯格，全部都係即整，新鮮熱辣。煙三文魚天使麵都十分出色，用料都幾足，有唔會太膩。👍🏻👍🏻👍🏻飲品都係值得推介，份量抵，又唔會太甜，其實我已經飲過好多種，暫時都無飲過係伏，最值得推介係荔枝紅茶😍😍…Read More

見到佢裝修已經想試左好耐，平時經過又見到佢嘅珍珠係人手每日自己整，都已經好吸引。但因為一開張太多人，次次都排長龍，所以等到今時今日先試。我同朋友分別試左波霸珍珠奶茶，洛神花沙冰同埋黃金珍珠鮮奶茶。最有驚喜一定係黃金珍珠鮮奶茶，朋友係叫左微糖， 但原來黃金珍珠即係焦糖珍珠， 兩者加埋就啱啱好，唔會太甜，又有少少焦糖味都真係幾唔錯。波霸珍珠奶茶就一般茶味唔係太濃，啲冰溶左就會冇乜味，不過珍珠都幾煙韌👍🏻👍🏻至於我杯洛神花沙冰就有啲甜，我已經叫左一半糖，但都係太甜，可能係驚冰溶左之後會淡，但對於我黎講就太甜。下次再飲我一定會揀黃金珍珠奶茶😋可惜唔記得影相，下次飲補返🤣🤣🤣…Read More