Cinderella_Lee的個人專頁

是日得閒無聊就同細妹去左銅鑼灣行下，一到埗就已經周圍搵有乜好野食打算醫下肚。無意間就比我地發現到金田家拉麵店，望望餐牌見到雖然得三款麵揀，但睇落都幾吸引，於是就揀左食呢間。一坐底就有位店員向我地介紹餐單上既食物 見到個至尊拉麵就覺得好吸引，因為見到餐單相中有好多片肉，於是揀左呢個，另外就揀左豆芽叉燒拉麵。我同細妹都鍾意食溏心蛋，所以我地兩個都有加，另外仲加左兩客豬腩肉，同一支雪碧、一支綠茶。食物一到，未食都已經覺得好吸引 最重要既係樣貌真係同餐單上既相一模一樣，絕冇誇張。我同細妹都係揀硬麵，軟硬對我地黎講剛剛好，鍾意食軟身麵既人可以自己揀返唔同軟硬度。 至尊拉麵-用既係豬肩肉，所以比較瘦，但唔會鞋；湯既味道濃郁而唔會過鹹，而且感覺係充滿左骨膠原，因為湯底完全唔稀！ 豆芽叉燒拉麵-用既係豬腩肉，肥豬肉同瘦肉層層相隔，食起黎唔覺油膩；湯既味道同至尊拉麵既一樣；芽菜同木耳同食增加左口感，亦係拉麵既絕佳配菜 另外叫既豬腩肉-係同荳芽拉麵入面既同一種部位既豬肉，但就冇拉麵裏面既咁'林'身 溏心蛋-好正！細妹至愛！非常入味另外枱上有凍水可以隨意飲用，亦有芝蔴同一罌辣既配料可以隨個人口味加落麵度。我就鍾意加好多芝蔴，令成碗麵更香！…查看更多

平日甚少會去灣仔，但呢日陪朋友去整啲野，於是就係灣仔逗留左大半日。當處理好晒啲野既時候天色已晚，而我個肚亦都開始打鼓，行下行下見到嚐越，個名熟口熟面，望下個餐牌見食物款式幾多而且吸引，於是就決定試試呢間。點餐既時候遇到一大難題 就係得兩個人，但又樣樣都想試，好難揀！揀左一大輪之後，我地最後揀左以下呢幾款 網絲春卷籃－份量唔錯，一碟有5件，春卷炸得非常香脆而唔覺油膩，外層網絲皮好酥脆，而且真材實料，每件裏面都包有一隻完整既蝦 牛肉串－串燒另外有得揀雞肉串等等，但我地偏好牛所以就選擇左要牛肉串。串燒非常惹味！牛肉好入味，外層仲燒到有少少脆既感覺，而且完全唔覺燒到好乾，另外隨碟仲有碟汁，我覺得點同唔點汁都一樣咁好味！係必叫既一款小食。 安南炒金邊粉－炒金邊粉既配料有兩隻大蝦、扎肉條、紅蘿蔔絲等等，蝦頗爽口，金邊粉炒得好夠味，又唔會炒得過"淋"，令人食完仲想再食！ 香茅豬扒撈檬－豬扒比我想像中大件，檬粉既份量都幾多下，粉係撈枱上放係度支魚露，食起上黎清清地，可以中和番其他濃味既食物 軟殼蟹米紙卷－軟殼蟹雖然包係米紙內，但只要一上枱就食，都會食到裏面係脆口既，裏面仲包住粉絲同菜咁幾特別至於環境都幾好，幾有格調，位置鬆動，令食客們都有較有既空間進食同傾計。…查看更多

今日同朋友閒逛旺角，行到肚餓餓但又唔想成日食黎食去都係個啲野，於是就開始四圍搜索下有冇特別既餐廳。行到瓊華，見到Pancake colour既廣告牌，見個餐廳名咁特別於是上去睇下有咩食。開頭以為會係一間甜品舖，但上到去發現呢間餐廳既食物種類有好多，所以決定入去試試。餐廳內裝修亦好特別，擺左好多唔同款式既坐椅，有別於其他普通西餐廳。望下個餐牌發現有好多野都想試，雖然我地得兩個人，但都叫左好多野食。羅宋湯-酸酸地好開胃，而且湯有好多雜菜，可以中和番全肉既主菜西冷牛扒配薯菜-薯條份量好多，我地揀左黑椒汁，薯條點黑椒汁好好味；牛扒叫左8成熟，剛剛好，唔會太韌亦唔會太'林'芝士肉醬焗薯條-肉醬份量足，可以點晒所有薯條，最愛係食上面層芝士鐵板豚肉飯-醬汁同豚肉味道挺夾炸魷魚鬚-炸粉唔會話好厚，咸淡適中，魷魚鬚既份量多，yummy!德國芝士腸-本身有配一個醬汁，但我覺得唔點都可以法國芒果班戟-芒果唔係直接包係班戟內，而係另放碟上，芒果幾甜，班戟伴雪糕簡直係絕配，為今餐畫上左個完美既句號至於飲品方面，我地叫左一杯凍檸茶同一杯曲奇脆米朱古力，味道不錯，可惜我地實在食得太飽啦，飲左半杯左右就無飲 …查看更多

屋企附近甚少茶餐廳，於是今日一行4人係紅墈行行下就入左呢間茶餐廳食晚飯。餐牌上既菜式款式勁多!於是叫左最最最想食既幾款。生抄排骨－酸酸甜甜非常開胃，排骨份量多，又唔會好多肥豬肉，又夠穫氣牛仔骨－好正!牛仔骨件數頗多，好入味，D汁咸淡適中粟米魚塊－魚塊幾新鮮，D粟米汁又唔會太稀，下面有菜，可以緩和番多肉少菜既一餐星州炒貴刁－配料好多，有蝦仁、火腿、肉、芽菜、蛋碎、青椒等等，味道好似平時食既星州炒米，有D沙嗲味豬頸肉炒芥蘭－豬頸肉幾爽口，芥蘭亦炒得好好，唔會炒到'林'晒，幾脆口鐵板西冷牛扒配大蝦－塊牛扒幾大塊，我地揀左要洋蔥汁，同塊牛扒好夾，用黎點薯條仲正金菇肥牛煲－香噴噴!肥牛唔會有太多肥肉，除左有金菇粉絲之外，仲有D洋蔥粒、青紅椒粒，但味道又唔覺怪，反而好夾，食極都仲想食，食到停唔到口!遲下一定會再黎食，試埋其他菜式!…查看更多

兩點鐘左右打算飲下午茶，便慕名黎呢度飲茶。可能因為新開張沒多久，加上地方很細，足足等左一個多小時先有位 :( 三個人叫左8碟點心，最好食既就係酥皮叉燒包，新鮮焗起，熱辣辣，皮好鬆脆，包亦軟熟，叉燒料多，令人食過番尋味。至於其他點心，如糯米雞，腸粉，蝦餃，牛肉球等都非常普通，同普通茶樓既質素差不多。糯米雞既味道偏淡，比唔上普通茶樓既好食。另外點左較特別既豬潤燒賣，豬潤唔老，挺好，但味道一般。總括黎講，唯一好食同值得試既得酥皮叉燒包，其他無論賣相定味道都好一般，加上地方窄小，令人坐得不太舒服，絕唔值得花咁長時間等位！…查看更多

行街行到超級攰，未到7點已經想搵間餐廳坐底食DINNER，見到呢間啲食物賣相好吸引，恰巧又想食意粉，所以就揀左食呢間。店內坐位闊敞，坐得都幾舒服。食物款式多，而且特別，二人揀了兩款。由於芝士一向係我既至愛，所以即使其他款式有幾特別我都無揀，而揀左煙雞肉雜芝士意大利麵同蕃茄海鮮意大利麵。煙雞肉雜芝士意大利麵－果然無令人失望，濃濃既芝士味令人想一食再食！煙雞肉份量亦很足，食落有啲似煙肉。意大利麵雖然幼，但卻不失煙韌感。芝士同煙雞肉味道非常夾，而且鹹淡適中，汁亦多，足以撈晒整碟意粉，食到"LAM LAM利"！蕃茄海鮮意大利麵－海鮮份量夠多，印象較深既就係個炸魷魚，香脆可口！上面既海鮮全部都炸過，特別香口，但又唔覺得油膩。美中不足既就係蕃茄汁略酸。甜品方面叫左個雜莓酥皮批，雜莓微酸，但挺好食。酥皮是即叫即焗，所以要等起碼10分鐘。由於是即焗，所以批好脆，就是食起上黎會好狼狽，跌到周圍都係…查看更多

想食好耐，今日終於買左黎食，我揀既係芒果乳酪PUFF，微酸既乳酪好好食，可以減輕PUFF原來既HEAVY感，PUFF脆脆地，芒果亦夠新鮮，起碼都有芒果味，唔會咩味都無。另外仲買左北海道牛奶布丁PUFF同士多啤梨乳酪PUFF，北海道牛奶布丁PUFF中間係CREAM，所以食落感覺會較為油膩，但牛奶味都頗重，可以一試。但最推介既都係芒果乳酪PUFF…查看更多

由於係聖誕節既關係，所以有設人均消費最低要＄180.基於一直都好想試食呢間既米PIZZA，而且又係聖誕，所以決定食豪D！一行三人，起初都擔心叫唔到加食唔晒咁多野，但最後當然有全部食清光食物款式多，米PIZZA都已經有好多款，見到MENU上既食物圖片就樣樣都想食最後幾經辛苦先揀到食物味道不錯，米PIZZA批底略脆，配上芝士／醬汁味道好MATCH，而且PIZZA上既配料份量很足，單是賣相都已經非常吸引，天婦羅蝦米PIZZA絕對是必叫！野菌墨汁意大利飯菇味非常濃郁，飯亦夠煙韌，要注意既就係會食到個嘴同牙都黑埋XD至於個燒餅就可以不用嘗試，價錢貴而不值，我叫既係鰻魚燒餅，但鰻魚份量極少，而且完全食唔到鰻魚味！我會寧願多叫一個米PIZZA來取代個燒餅。甜品方面價錢同外面差不遠，賣相吸引，個軟雪糕好好味，紅豆亦夠甜。…查看更多