Fucdie的个人专页

人到中年就會想生活得比較養生，清清淡淡又一餐，今日就去食原條叉燒、南澳龍蝦炒奶奶🦞、片皮鴨(原隻)同茶香雞除咗肉肉，要飲食均衡，梗係要有菜 - 炒白蘆筍同肉碎炒生菜中同碳水 - 蟹肉炸米湯飯，甜品就以芝麻糕終結，但係餐廳好窩心驚我哋唔夠飽，所以送咗兩碗桃膠糖水，利申返呢四個人嘅份量😗原條叉燒好好味，切好上，肥瘦均勻，一啖肥膏一啖肉，就好比一啖砂糖一啖屎，正👍燶邊仲有好濃郁嘅蜜糖味，震驚味蕾🍯 南澳龍蝦炒奶奶係最好味嘅菜，下單之後佢會show俾你睇佢捉咗邊隻龍蝦 (等我哋為龍蝦佳麗默哀1分鐘🦞🥺🙇‍♀️)佢係一個中西合璧嘅fusion菜，佢有少少似大良炒鮮奶嗰啲鮮奶，奶味濃郁非常嫩滑，完全冇蘇味，炒埋爽脆新鮮嘅南澳龍蝦，一拍即合😋其實佢仲有另一個整法係跟淮山麵，但係我就想特別啲試吓侍應提議嘅炒「奶奶」做法😋片皮鴨原隻上，侍應好貼心俾我哋影相先至「行刑」，留意番原隻片皮鴨只係包鴨皮，而肉佢會係拎返走。片皮鴨非常酥脆，奈何由於油脂太多，所以食落好漏，食幾塊個腸胃已經頂唔順，所以最好有多啲人share一齊食會比較好，片皮鴨一定要新鮮食，如果唔想晒留返聽日叮返嚟食就會出晒油，最後又送入垃圾桶㗎啦🦆茶香雞🐓非常出色，遠遠已經聞到茶香嘅味道，成道菜好有心思，打開個蓋嘅時候有一道煙出來，好有迷離嘅感覺簡直係藝術與食物嘅融合，蘋果木香已經滲入雞皮，雖然我平時唔食雞皮，但係我今次都破例將雞皮全部食晒，而且佢口感清爽，一啲都唔油膩👍我反而覺得肉碎炒生菜比鑊仔炒白蘆筍好食，白蘆筍平時好少喺中菜裏面見到，呢個fusion算係做得幾好味，佢冇啲肉粒吊味，識落有啲寡。但肉碎炒生菜更出色，佢用平時食煲仔飯嘅煲仔裝住，好有鑊氣，而且肉碎將生菜味道提升，色香味俱全👍蟹肉脆米湯飯🦀稍為普通少少，中規中矩好似平時嘅湯飯咁加少少新鮮蟹肉，個湯味道濃郁，而且食完之後都冇特別口渴，但係脆米比較少，四個人只有一小瓶share，有少少到喉唔到肺😶‍🌫️芝麻糕好有特色，佢嘅形狀係兩隻石獅子🦁，好多時出面啲甜品好睇唔好食，但今次唔係，睇得又食得，石獅子非常精緻，食落亦有淡淡芝麻香🤤值得一讚喺呢度嘅服務好殷勤，第一次食唔係好熟架步，侍應好耐心咁介紹菜式，而且亦會推介啲特色嘅Fusion煮法，如果香港間間嘅餐廳都有咁嘅服務態度，我諗應該唔會好似而家咁「生意好啊！」最後餐廳亦好貼心地為我哋送上桃膠糖水作為總結，材料亦唔馬虎，淡淡桃膠之餘亦有桂元、紅棗點綴，只係甜咗少少🤏餐廳裝修高雅，配合專業嘅侍應同高質素嘅食物，簡直係我哋香港餐廳嘅榜樣整體質素：9.5/10 （其實想比滿分💯）…查看更多

難得喺附近運動完，就即刻去搵返間Cafe補充體力😤😋作為熊啤啤嘅忠實fans，見到FLIPPER‘S同Classic Teddy 聯成推出甜品系列，就即刻狗衝去試吓，最緊要嘅係想拎到佢個限量版啤啤鎖匙扣😍打算拎去俄羅斯送俾Stepan 🐻 ，佢一定會好鍾意拎住來玩😍講返正題，運動完梗係要嚟返個海鮮大餐補充吓蛋白質，今次叫咗清酒煮蜆，龍蝦risotto 同泰迪熊疏乎厘pancake。清酒煮蜆$188嚟講都幾足料，一鍋有成20隻，全部大大隻同埋開晒蓋，牛油同蒜蓉味好足，熱辣辣，值得一讚，只係鹹咗少少，而且佢係附送一客薯條，等如麥當勞中薯條嘅size ，而且脆口有皮唔敷衍👍龍蝦Rissoto🦞$288 一人份量就略為貴少少，成道菜嘅重點係佢個個用espresso 杯裝嘅蟹膏精華，簡直係令我高潮！feel到龍蝦嘅精華入晒去，熱辣辣，味道非常濃郁上面配有白色嘅cream做點綴，簡直完美🤤反而個飯比較失色，個汁嘅味唔係好出，有少少淡，可能加少少胡椒會比較好。龍蝦肉整體都爽脆嫩滑😚反而甜品有啲失望，本身嚟呢度為咗試熊啤啤疏乎厘pancake，但係真係太甜喇😩😩甜到好似糖尿病嗰種甜。啤啤隻耳係棉花糖，啤啤塊面係無花果啫喱蛋糕，疏乎厘pancake隔離係朱古力cream同雪糕。送來嘅時候雪糕已經有少少溶，而且pancake唔熱，塊皮有少少韌，不過成餐飯都係莫過於隻啤啤鎖匙扣😍佢隻公仔都做得幾用心，而且用過扭蛋殼裝住，好有神秘感，雖然係送嘅，但見到充滿心思😌佢啲細節位都做得幾仔細，而且啤啤着咗Flipper’s工人褲好可愛😙飲品叫咗 Earl Grey 同Ice Americano，Earl Grey 個樽唔user friendly，熱辣辣冇耳仔好難倒😞成餐飯食咗八百幾蚊，雖然有少少偏貴，但係整體質素唔差，我個人會比較推介喺度食熱食我會再返焯架！…查看更多

成日都以為食韓國嘢份量好大，嘢食好漏，要一大班人先食到，呢間餐廳顛覆咗我嘅想像，4個人都叫到好多嘢食，而且樣樣嘢都好正😋裝修大體寬敞，枱與枱嘅隔離比較疏，好啱朋友/情侶密密針，摸吓手仔傾吓偈而家晏晝OpenRice booking 有八五折，好抵食👍坐低叫咗嘢食冇耐就附送前菜，芽菜爽口，菠菜新鮮，豆皮煙靭👍今次叫咗烤1++韓牛，講真有少少失望，雖然有人幫手烤，但似乎牛肉熟，包住嘅菜仲係凍，火候控制得唔夠好，可能咁樣有少少浪費咗成個味道😿肉質整體冇和牛咁鮮嫩，比較鞋口，而且完全冇入口即溶嘅感覺，和牛粉可能會有少少失望，不過最尾附送個泡菜炒飯(韓牛飯)非常震撼，佢係用返烤韓牛個鑊上面炒，所有牛肉嘅油香精粹都可以係飯裏面，真係好好味😋烤泡菜五花肉有驚喜，上嘅時候係成條肉肉，之後再即席烤好，皮脆肉嫩，非常Juicy烤半半雞 (辣+醬油)，炸粉薄，皮脆肉嫩，調味適宜，蓮藕最好食😋講真，喺香港好少食韓國嘢以呢個價錢有咁穩定嘅質素，性價比算高，可以翻啅…查看更多

經濟咁差，為咗全港市民嘅福祉，我今日就去Airside消費，振興經濟🖖聽講Airside進駐左一間日本歷史悠久性價比高嘅過江龍嘅壽司，OpenRice啲食評又話幾抵食，梗係去挑機啦😈冇諗過Airside星期六人流會咁少，周圍餐廳都小貓三四隻，唔使等位已經入座環境有啲狹窄，啲凳要吊腳坐，小朋友或者老人家未必適合🤧裝修都幾靚，好有和式風格，彷彿置身於日本小店中🇯🇵雖然見到好多客人叫$398 10貫廚師發辦set，而且食評都係主要講呢個set，但我係浪子，不嬲都嚮往自由，鍾意食乜就叫乜，所以就決定散叫🤙🏻可惜浪子變傻仔，如果用散叫嘅價錢食就真係好唔抵，原來廚師發辦嘅壽司都唔差，有海膽、拖羅同白身魚，我哋本身想叫嘅魚都係齊晒度散叫壽司起碼一件$50以上，飯比較細而且魚比較薄身，食完都好肚餓，好似冇食過嘢咁，唯有即刻落去麵包店買兩個鬆餅醫肚如果以$398 10貫質素嚟講，我覺得係性價比高，但散叫就。。。所以奉勸大家都係帶返set，唔好散叫我地叫咗前菜、16貫壽司、玉子、生和牛刺身，埋單要$1200🫣玉子非常普通不推介，又凍又硬冇蛋味推介生牛肉刺身、白子壽司、海膽壽司、大拖羅壽司🍣白子同海膽壽司不時不食，有鮮甜味，振奮味蕾🥹生牛肉刺身肉質嫩滑，油花靚解凍做得好好如果可以入口即溶會更加分總結: 做浪子係要付出代價係你悲觀姐，我睇到交智商稅嘅樂趣😌…查看更多

為什麼會「失望」? 為什麼會「心痛」? 在我們生活周遭裡，會令人失望的事情往往是，我們對他人/事物有了「錯誤的期待」。。。而今次呢個故事就發生係我身上，是咁的難得放假，去完按摩之後特別想食肉肉🥩😋，就特登過海嚟尖沙咀朝聖呢間黑樺牛 🐄 本身見佢有證書，而且網上有好多好評，所以對佢都有啲期望🥹佢個放題有兩個選擇💁🏻‍♀️一個係$438 食和牛一個係$338 食美國牛兩個放題都包雞煲、海鮮、火鍋及冇酒精飲品講真，如果你對肉質冇要求，只想選擇多就可以考慮吓，始終佢選擇係比連鎖嘅多一律以QR code落單我哋今次揀左食和牛🐄一坐低就上咗前菜及蟹籽油炸鬼前菜係麻辣汁牛舌、牛腱、皮蛋及魚皮質素中規中矩雞煲就比較鞋，唔建議叫🥲我哋今次叫咗壽喜燒湯底，壽喜燒個湯都幾濃郁，而且都附送好多蔬菜，值得一讚👍🥘海鮮一般般，唔太新鮮，蠔🦪比較鹹，蟶子有少少腥味，但係附送嘅就唔好太要求高啦🙆🏻‍♀️和牛嘅肉質就真係好失望，所有肉質都係好鞋身，而且都係未解凍就放出嚟，所以非常痴碟，要自行解凍，否則所有肉都會散晒😵‍💫雖然和牛選擇起碼有四五款，但只有一款牛小排係比較易入口，冇咁鞋身其餘嘅牛肉嘅質地真係似煲完湯嘅牛肉，而且一定要點醬料，否則非常臊🤢🤦🏻‍♀️可能係因為我哋下午三點先用餐，所以只有我哋一台客，但係上菜都比較慢，食到最尾本身點咗兩碟牛小排，等咗15分鐘都未嚟我哋就賣單算。「沒有期望，就不會失望」#期望與落差🤦🏻‍♀️🤡整體質素 3.5/10 …查看更多

喺銅鑼灣做完Facial，口痕想食辣嘢，係OpenRice 發掘到呢間泰式小店🇹🇭位置喺百樂中心，幾方便，喺時代廣場附近轉入去嘅小路，就會搵到🧏🏻‍♀️小店裝修簡潔，麻雀雖小五臟俱全，乾淨企理唔使等一入去已經有位，店舖用二維碼點餐，餸菜大約15分鐘內已經送到❤️我哋兩個人食點咗一個火山排骨、鳳爪沙律、生蝦苦瓜沙律同馬拉盞炒通菜火山排骨真係比想像中大好多，有四大舊，都係二百幾蚊，講真兩個人真係食唔晒，我覺得四個人share食就差唔多啖啖肉，鍾意食肉肉嘅人會好鍾意，肉質嫩滑好多軟骨，味道酸酸辣辣咁，好開胃🥩🌋店舖亦好細心咁準備咗即棄手套同濕紙巾，俾你盡情撕咬火山排骨，我終於可以還原原始生活，非常過癮，如果可以一路食一路狼嚎就正啦🐺 如同碟上所寫，Enjoy the little things ❤️鳳爪沙律冇乜驚喜唔夠辣唔夠惹味🥺生蝦唔夠凍，但係夠辣，鍾意食辣嘅朋友，建議連埋上面片辣椒一齊食🔥🌶️苦瓜好脆，同埋冇想像中咁苦，好易入口馬拉盞通菜炒得幾香好夠蝦膏味👍大家記住叫多碟菜，食咁多肉陣間屙唔到屎💩 🥬食咗四樣嘢，埋單都係六百幾蚊，抵食性價比高👍下次會再返啅😋…查看更多

科學園比想像中多餐廳，中西日式都有環境幽靜，有時做嘢做得攰去附近嘅白石角海濱長廊行個圈都心曠神怡科學園附近有好多住宅，應該就係傳說中嘅白石角講真如果比較白石角同康城，我一定揀白石角言歸正傳，今日去咗一間法國🇫🇷過江龍嘅餐廳本身滿心期待米芝蓮一星嘅質素一定好有驚喜，點知天氣不似預期🫣(BriKetenia Hong Kong 源於蓋塔里，法國南西部的巴克斯地區。餐廳門外貼咗佢拎咗米芝蓮一星，但原來佢嗰粒米芝蓮星係喺法國嗰邊嘅餐廳擁有，唔喺香港)裝修中規中矩，係啲枱比較近有少少迫夾，不過冇辦法香港地小人多，租金貴都理解佢嘅價錢比想像中親民，人均$200包主菜+餐飲(沙律或者湯+20，甜品+40，咁樣拆開收費其實幾好，可以控制飲食唔使咁肥)今次我叫咗 低温慢煮豬肉眼,薯蓉燒汁，肉質有少少鞋同硬，啲汁唔太夾，反而如果係燒汁配雞扒會啱啲🧐薯蓉幾滑，反而算係主菜裏面比較出色嘅配菜伴碟蔬菜👉🏻燈籠椒同西蘭花都幾新鮮脆口🫑當然服務質素都係普通西餐嘅招呼，只有簡單西式擺枱，亦無任何法式餐飲程序，呢個就略為同佢嘅Gimmick 有啲落差🧐🥦$168其實喺中環價，呢個質素呢個地點係略為偏貴啦🥺…查看更多

作為食家嘅我，好鍾意捐窿捐罅周圍發掘餐廳👩🏻‍🍳經過星街發現一幢住宅隔離有一間隱世意大利🇮🇹Fusion 餐廳🍽️就膽粗粗約咗個客入去試吓裏面環境氣氛好舒服，充滿歐陸式色彩，侍應好有禮貌，擺枱亦跟足歐式規矩 🍽️餐廳裏面有cheese trolley，放咗唔同種類嘅芝士，可惜我對奶類敏感與芝士無緣 🧀 今次叫咗3 Courses Set Lunch。一開始已經有三款麵包on aside🥨🥖🥐意外地+28 已經可以任飲sparkling / distill water (通常酒店或者高級小小嘅西餐廳都起碼收$50以上)第一道菜係PROSCIUTTO DI PARMA E MELONE 🍈 24 Months “Devodier” Parma Ham, Italian melon蜜瓜好爽甜，唯獨風乾火腿比較淡味第二道菜係CAVATELLI ALLO SCOGLIOCavatelli, Fresh Mixed Seafood, Tomato Sauce呢度菜要額外 +38 upgradeCavatelli 質地煙靭，細細粒易食，個蕃茄醬汁唔夠濃厚，配合海鮮一齊煮有啲腥，唯有自己加pepper，呢度有啲失色食完之後侍應會主動過嚟幫你清潔枱面，9成跟足傳統歐式餐飲程序甜品TIRAMISU 亦都要額外+38 upgrade 意外冇乜芝士味，而且質感好滑，咖啡粉好足夠味道好濃郁，呢個真係好值得試👍有驚喜人均$500 以內，食物質素、裝修及環境氣氛，大體唔失禮好適合交際應酬、商務午餐🥣情侶浪漫吓都好ok靜靜地，摸吓手仔，摸吓酒杯仔，荷包又唔赤，不亦樂乎大家去食之前可以去佢哋嘅網站望吓個Menu，同了解吓佢哋嘅背景返去睇完個介紹先知道原來呢間餐廳好勁除咗拎咗2023 年 Gambero Rosso 的「Tre Bicchieri」三杯獎；仲係50 家頂級意大利餐廳評選為“2023 年全球 50 家最佳意大利餐廳”在全球 50 家餐廳中排名第 22 名。👏🏻呢個價錢，呢個名氣質素真係冇得輸…查看更多

本身諗住去九龍城買葡撻，落車經過太子道西巧遇呢間小店，被佢裝修吸引咗就入咗黎做個文青小店係以日式風格為主題，有好多木嘅原素，燈光暗暗地，好啱小情侶嚟拍拖服務員都好親切同我地介紹menu，拎水比我地我點咗焦精布丁燒。長琦蛋糕，一嚟因係服務員話係剛出爐，二嚟見到menu張圖咁靚，對佢個燉蛋好有期望😎說時遲那時快，3分鐘就有布丁燒但一嚟到 個布丁燒只係微暖，上面個長琦蛋糕好食過燉蛋，長琦蛋糕甜甜地有蜜糖清香味，個燉蛋個味好似平時去日式餐廳食嘅蒸蛋，而且偏硬好甜，真係有啲難食，食咗一半唔夠就放棄咗叫左Americano，豆偏酸，個人就麻麻整體只可用話食裝修為主，Feel 呢啲嘢我真係識條鐵咩，但如果認真L想食好西就要諗諗🤔️…查看更多

汕頭八合里海記牛肉店可謂名店，於深圳約有二十間分店。出名源自於佢有好多牛刁鑽嘅部位，而且新鮮，性價比高係香港打邊爐有牛嘅刁鑽部位嘅餐廳真係好少天氣凍凍地梗係要邊一邊佢🥘616都算係香港唯一幾間可以食到牛刁鑽部位嘅打邊爐連鎖餐廳🥩🍖🐂今次叫咗清湯湯底有啲後悔，講真好大味精而且冇乜鮮味，食到後面有啲蘇味今日可能比較晏所以好多都好快賣晒講真佢啲價錢唔貴都係$48到$65一碟，當然份量比較少，一碟大約八片，食落都算新鮮但係同八合里都有段距離🧐有吊龍伴、牛駝峰、金腳趾、黃喉等等佢新鮮牛肉同外國嘅牛肉，個人比較鍾意食新鮮牛肉多啲佢係用QR code落單嘅，非常方便小食就完全賣晒食到最尾嘅時候連唐山菜都冇埋(嗰時都係大約八點鬆)牛駝峰幾好食，肉味比較濃推薦可能我比較大食，兩個人食咗$1000…查看更多

科學園開咗咁耐，都係第一次去今日因為要見客，所以就踏足左呢個園區，講真科學園都幾大，有分東西兩翼，但係指示就唔係好清楚而且兩邊距離都幾遠🥲周圍環境都幾Chill，返工有時take 個break 行吓海邊都幾心曠神怡😎🏝大家如果搭的士去Harbourview記得話俾司機聽去東翼🚗餐廳環境好舒服，有分室外同室內區域，由於今日太陽好猛烈我哋就揀咗室內，如果冬天同秋天去其實坐室外幾正🌞Set lunch價錢唔算貴由$98到$138🍽有前菜，主食同甜品$138就有個牛扒配薯條🍴🥩🍟仲有得揀熟成程度真係冇得輸，今次我揀咗medium rare，講真牛肉算係幾柔軟，而且都做到糖心嘅效果，呢個價錢算係性價比幾高前菜可以揀沙律🥗或者餐湯🫕，我揀咗餐湯，而今次個餐湯係Carrot Soup，味道中規中矩甜品就認真麻麻酸酸地，就唔特別講🧁如果係科學園返工、或者見客，Harbourview算係幾唔錯嘅選擇，枱與枱之間都隔得幾開，可以靜靜地地傾吓計，嘢食又唔差，裝修唔錯仲有個Bar可以飲酒🍻，價錢相宜又唔失禮👍整體體驗: 7.5/10…查看更多

同朋友聚會完就諗住轉場食甜品🍮我哋就去咗油麻地黑布街嗰邊睇吓，嗰度甜品店林立，中、西式都有🐒今日係星期五而且臨近農曆新年所以間間甜品店都好多人，我哋分頭去攞飛排隊，等咗大約15分鐘，小方糖就有位裏面啲位置都幾迫，難得有張枱俾我哋五個坐埋一齊都算唔錯我地叫咗番薯芋頭薑湯圓 - 薑湯超級辣，唔食得辣嘅朋友就真係唔建議嗌啦椰皇杏汁布丁 $58 - 杏汁加埋椰汁味道好濃郁，而且布丁好軟滑，推介拿破崙- $48大大嚿，有三舊，雖然裏面冇餡但非常抵食，聽侍應講超好賣，我哋咁啱就係嗌埋最後一份🙊真幸運👍🍀蛋白燉鮮奶 - 奶味濃郁，鮮奶挺身食到尾聲侍應就即刻收枱，想坐多一陣都唔得，眼神已經有少少想趕你走，冇辦法可能出面真係太多人等位，我哋前後都只係用咗30分鐘🐿有興趣食嘅朋友要練習食得快啲💨整體體驗: 7/10中規中矩唔算太有驚喜，但係如果唔使排太耐都係一個唔錯嘅選擇…查看更多

今日難得約齊5個小妹，就去5%cafe chill 下5% cafe polyu 學生有6折 好抵啊Cafe 係油麻地A2 出口行幾個街口就到，好方便Cafe 環境好大，好寬躺好乾淨，而且備有好多款card games 啱哂同朋友聚會服務都好好，好有禮貌，餐廳有一個細鐘仔俾我哋叫侍應，好方便我哋除咗一齊share一個小食拼盤之外，主食同飲品各自散嗌今日蒜片白酒蜆肉意粉咁啱賣晒，唔食芝士嘅我唯有嗌咗雞扒巨腸薯條(佢可以揀意粉)我啲朋友嗌咗松露芝士Burger同明太子意粉味道中規中矩，百幾蚊算係幾抵食手調飲品一定要叫少甜，因為本身preset係偏甜咗少少甜品仲有2個蛋糕🍰，我哋叫咗朱古力芝士蛋糕同榛子蛋糕芝士味好濃郁，榛子蛋糕反而就冇榛子味，tiramisu 多啲我就唔鍾意食芝士所以就麻麻哋6折咗後，每人唔使$150，咁嘅環境咁嘅食物質素同服務態度，真係冇得輸唯一一樣美中不足嘅地方就係cafe 10點就關門，玩遊戲的話會有少少趕同唔夠喉，大家要預返時間早啲去💨整體體驗: 9/10 (性價比高)…查看更多

因為有同事嚟緊會移民加拿大🇨🇦，所以我哋成班同事就搞咗個歡送聚會🍻我哋有成12人，要係港島區搵一個價錢相宜又有私隱度嘅地方真係好難我哋其中一位同事好有心，幫手周圍search然後就搵到Zeng我哋好好彩book到房，私隱度非常高，又可以唱K，環境非常乾淨，一張long table 坐哂12個人，圍埋一齊傾偈真係好有氣氛講真 $548 5 course dinner 真係好抵！而且味道唔差，我哋有同事係素食者廚師特別為佢安排獨立嘅菜式，非常flexible同貼心前菜: 加拿大珍寶蟹蟹肉沙律配自家製柚子醬汁🥗👉🏻蟹肉鮮甜，沙律菜新鮮，再配上柚子醬汁更加清新餐湯: 波士頓龍蝦湯🫕👉🏻反而呢個比較普通，龍蝦粒都比較少麵條: 傳統意大利香蒜橄欖油夭使麵伴鮑魚及櫻花蝦🍝👉🏻鮑魚絲同櫻花蝦幾夾，加埋啲炒香左嘅蒜蓉，好開胃主菜：鹿兒島 A4 和牛肉眼牛排配岩鹽及香脆蒜片🥩👉🏻雖然食落唔似A4 和牛咁多脂肪同入口即溶，但佢做到糖心都唔錯甜品: 焦糖燉蛋慕絲蛋糕伴雪葩🍮🍧👉🏻雪葩味道清新，焦糖燉蛋幾嫩滑而且好有蛋香，兩者加埋一齊食好夾P.S. 佢哋有追加優惠$88 6隻生蠔，味道新鮮，質感爽甜，好好食，我哋追加左3次聽餐廳講好似係愛爾蘭生蠔，大家如果見到有得追加生蠔千祈唔好錯過啊！🤩🤩可以點歌唱K🎤，雖然啲歌有啲舊，但一大班朋友聚會唱吓歌、玩吓遊戲、relax吓真係好適合🎸🎼🎲呢個價錢，呢個質素，真係冇得輸整體體驗: 9/10…查看更多

見到食評嗰個叫蟹，我就偏偏試吓蟹以外嘅泰國菜難得有$500 coupon，我就叫咗泰式菠蘿炒飯豬頸肉炒乾河蝦球炒金邊粉(Pad Thai)椰子雞湯芒果糯米飯因為有三個人食，以為份量好少就嗌多咗澱粉質一嚟到真係領悟到咩叫眼闊肚窄，份量大到呢，真係見識到何謂足料，我覺得四至五個人都夠食🤰今次都唔錯嚟到熱辣辣，所以味道都keep到水準泰式菠蘿炒飯雖然啲飯多到㵼出嚟，啱晒新年有意頭「盤滿缽滿」，但味道有少少失望，菠蘿好少，啲薑黃飯無乜味，有腰果提子乾同小小肉鬆同海鮮，啲飯可能係絲苗所以比較乾身、鞋同無米香豬頸肉炒河其實就係平時茶餐廳啲乾炒牛河咁，豬頸肉比較少，而且味道冇乜驚喜反而三個主食裏面，蝦仁炒金邊粉算係比較好，味道酸酸甜甜，有啲花生同辣椒半碟，開胃容易入口椰子雞湯值得一讚裏面好多雞粒而且椰香味好足叫兩至三人份量每個人都飲到兩碗芒果糯米飯啲糯米飯就比較硬，用匙羹切都要好大力先切開，配埋椰汁同芒果味道都唔差，芒果都算新鮮唔酸講真如果唔係有八五折同$500 coupon都幾貴($626)，呢啲澱粉質完全唔值咁貴，可能只能sell份量下次有機會一定要試個招牌蟹💁🏻‍♀️，希望有驚喜整體體驗:5/10 …查看更多