jclchan116's Profile

網上看了兩位youtuber介紹，好似多野食，特別係鰻魚海膽飯，龍蝦湯，燉花膠湯等等較名貴食物。令人心動，而且睇落都幾美味，所以訂了位與家人嚐嚐。希望有個開心既晚餐。當日下著雨，不過亦無損心情，上到去安排比較差，6點開始得晚餐真係6點正先安排入座，有點混亂。不過好在過程都算快。咁好啦，一開始就去左凍海鮮區，龍蝦非常搶手，食落都幾爽都有羔，係全場最好食既一樣野，之後食左魚生同壽司，除左甜下不過不失，其他都強差人意點，特別壽司的飯硬到可以扔死人...而再巡過一週之後，發現我最初提到幾樣較名貴菜式一樣都無，本身就係為以上幾樣重點菜而來，竟然一樣都搵唔到！實在令人驚訝同失望，其他食物種類亦比片中少。覺得有被欺騙之嫌，實屬名不符實，敗興而回的一餐。怪不得大家都北上消費了，香港自助餐質素竟淪落至此。…Read More

與同事lunch一起叫了外賣，一心想試下拉絲菠蘿包。點知外賣等到無哂影，12點30分落單1點半先有得拎。實在令人無語。仲要個拉絲菠蘿包一d都唔拉絲，仲要好樣衰，入面一灘水咁，叫拉屎菠蘿包就差唔多…Read More

12月23日, 聖誕假期開始,打算提早食餐好少少嘅輕鬆下, 女朋友想鋸扒, 上黎openrice搵下, 見呢間個環境同食評都ok, 咁就試一試佢啦.咁我地準時到, 亦順利安排入座, 張檯有問題亦安排到換檯, 都幾好. 正式坐低左咁就叫野食, 叫左兩個set餐, 湯幾濃, 前菜亦有特色, 兩樣都滿意.主菜我地點左份牛柳(7成熟)同加錢點左份M7和牛(5成熟), 上到黎賣相都幾靚仔, 不過一食問題就黎啦~兩份都係靱到入唔到口, 每一啖都好似食緊香口膠咁, 同個侍應講話好靱, 佢都只係一笑置之.....最後我地半趙半吐既情況底下勉強食左D.....最後甜品都好食, 不過由於心情己被影響, 心裡面都打左折扣.總括而言, 間野如果唔係主打鋸扒, 其實食其他野係ok, 服務質素亦唔錯, 最弊佢地主打鋸扒, 但係主菜完全唔掂, 真係無下次.....好失望!…Read More