Jc kw's Profile

一直望到摩登堂門口有唔少人排隊，今日終於有機會去食啦。首先梗係叫好多人都嗌嘅摩天輪小食拼盤啦分別有五款小食，三款醬料：醬料設有泰式酸甜醬，泰式辣醬，酸瓜沙律醬小食方面:米網蝦春卷沙網外皮非常鬆脆蝦雖然不算大隻，但是有蝦味，口感彈牙香茅雞翼香茅味較淡，勝在雞翼多汁嫩滑班蘭包雞外觀似迷你糭雞肉方面有啲似係串燒雞肉，外脆內嫩。而斑斕香味突出，味道亦較濃郁真。榴槤酥球一咬落去，好似食緊流沙包咁，榴槤汁「必」晒出嚟，香味瞬間充斥住口腔。原來榴槤肉已經煮至液體狀，又香甜又軟滑，榴連愛好者必食咖喱角香料味十足，尤其喺香葉味最為突出，材料都豐富曼谷醉貓炒金邊粉金邊粉調味偏甜，並且炒得好有鑊氣但金邊粉和配料例如蝦、豆腐都夠味加上少見的藏紅花點綴，能夠中和甜味之餘，更帶出另一股清香紅咖喱安格斯牛坑腩煲附設火爐，可自行調校火力大小，但要注意可能會黐底紅咖喱少少辣，椰香味濃郁，偏甜配菜例如翠玉瓜、菇、茄子、薯仔等充分吸收了紅咖喱汁，非常惹味牛筋爽滑彈牙，滑捋捋牛肋條不會煮得太淋或太硬，剛剛好，保留了口感又入味…Read More

掌門雞近期有烤雞優惠，一於食即叫即烤的烤雞先。食肆空間非常大，座位又寬敞，適合一大班人聚會。望住個大焗爐整烤雞，即刻流晒口水啦依度只要用手機掃code就可以落單，非常方便。首先第一樣食物係泰式風味烤雞-半隻（即叫即烤）雞皮做到炸子雞般嘅香脆雞肉非常嫩滑多汁，熟度岩岩好。又有香茅等泰式香料的香味，就算不點醬也夠味另外附上嘅醬汁有香濃嘅芫荽味，酸酸甜甜幾特別。就算雞肉有較乾的位置，點醬後都即刻冇咁乾配菜係辣沙律，當中有比較少見的豆角，食落幾得意跟住係當日好多枱都叫的-軟殼蟹漢堡包，跟脆薯條漢堡size仲大過手掌而且材料十足，大大隻的軟殼蟹外脆內嫩漢堡中間佈滿色彩繽紛的蔬菜，大大增加口感當中有醃青辣椒，如果成個漢堡食的話係少少辣，係after taste 的辣。單獨食就幾辣架面包鬆軟，外面烘得香脆又有香濃嘅牛油味成個漢堡咬落去嘅感覺係軟、爽、脆、香每一個層次係一層一層咁出嚟配料方面，粗薯條係新鮮炸起，熱辣辣最好食😋甜甜地的黑醋醬沙律亦分外滋味麻辣口水雞撈拉麵口水雞辣度可自行選擇，今次叫小辣，麻比辣多嫩滑的雞件大大舊，份量十足。味道較淡，加上口水雞醬才好食日本拉麵爽滑有口感，撈面一流令人驚喜嘅係撈面用嘅上湯配料幾多，有冬菇、冬瓜粒等等最後都有叫飲品，一杯蔓越莓汁，一杯摩卡咖啡，正常發揮…Read More

近排天氣太熱，胃口唔大，食面就最岩啦。今次黎湄南食船面。首先整杯熱泰式奶茶先侍應姐姐非常貼心，會提醒泰式奶茶本身有煉奶，可以先飲少少，再決定額外加糖。奶茶香濃又順滑，本身都夠甜，唔駛再額外加糖。燒豬頸肉豬頸肉燒至有少少焦香，又香又脆。唔駛點醬都已經夠味，加上自家製酸辣汁，味道昇華。醬汁有少少辣，又酸酸甜甜，幾惹味，而且會令豬頸肉食落冇咁油膩。另外，豬頸肉就算點炸物用的酸甜醬都好夾架。泰國特色小食拼盤蝦餅-外脆，內爽口彈牙魚餅-口感較腍，充滿各種泰式香料味，雖然有少少辣，但幾惹味春卷-材料以素為主，有粉絲、木耳絲、紅蘿蔔絲。味道不會太咸，配合酸甜醬食剛剛好。雞棗-即雞肉丸，同魚餅一樣有香料調味，而且仲有粉絲架重頭戲-湄南大船面啡色的湯底濃郁又香，八角味較突出，感覺師傳有用心機花時間烹調。就咁飲湯都好味🤤所以我就冇落其他調味料啦，大家可以自行加辣油、辣醋等等。令人驚喜的是，船面當中綠色的配料唔單止有蔥，仲有通菜粒，大大增加口感。選用的美國牛肉片幾有牛香味，但個人覺得有少少生，建議怕生的朋友可以浸一浸湯底先食。Anyway，我最欣賞工作人員友善的服務態度和貼心，例如會主動問小食嘅醬汁夠唔夠，手機落單有冇問題呀，又有禮貌，又有笑容，讚👍附上餐牌：…Read More

近排成日食茶記，總覺得冇新意，今次就食土耳其菜啦。食肆叫做土耳其小城，入面的裝橫非常有中東風格。而侍應應該係土耳其人，需要用英語同佢地溝通。不過餐牌有中文，點餐亦可以用QR code，簡單方便。首先叫左兩杯飲品：印度奶茶茶香特別且非常濃厚，而奶茶上方佈滿肉桂粉，增添香味芒果乳酸顏色，味道都似楊枝甘露，容易入口，口感順滑芝心炸雞件（土耳其版麥樂雞，非常配合枱上嘅3款醬料，紅色是辣醬，綠色是薄荷醬，白色是沙律醬）雞件外脆內嫩，入面充滿肉汁，又有滿滿的芝士，味道豐富多層次。浮雲沙律（雜菜沙律）沙律色彩繽紛，而且沙律醬酸酸甜甜，配上酸青瓜和橄欖，非常開胃。南印度馬薩拉雞（最欣賞菜式）未送上枱已聞到香濃嘅香料味，而且色澤鮮艷，配上綠色的芫荽碎，非常誘人。估唔到係香港可以食到辣得過癮嘅「紅咖哩」雞，又香又辣，令人食慾大增。雞件應該是燒烤過，帶有小小嘅焦香味，令人驚喜。雞件不會太乾身，好似食緊雞肉串燒咁，令人食指大動。蒜蓉烤餅烤餅非常新鮮，不會太油，又有口感。配上不同嘅香料，就算淨食烤餅都好味😋咖喱草原牛肉炒飯顏色豐富，第一次食到比較健康，即冇咁濃味嘅炒飯。不過有不同香料，所以清淡得黎都好味。最後，所用的飯粒較長較淋身，讓人感覺容易消化。附上餐牌：…Read More

有時熱辣辣唔知食咩好，食火鍋任食起碼可以邊食邊揀。今次黎到沙田中心的牛摩，夜晚6點30分已經要等位啦。今次坐二人位，要搭枱，中間有塊有特色嘅隔板。我地叫左港式蕃茄薯仔湯同麻辣鴨血湯。蕃茄湯有啲淡，加埋調味料都ok。而麻辣鴨血湯有少少辣，並附上幾塊鴨血。鴨血口感Q彈，配上辣湯幾好味。火鍋食材方面，主打的肉類有牛，豬，羊，雞。招牌美國安格斯牛頸脊性價比高，顏色紅潤，切得夠薄，方便烹調。雖然偏瘦，但勝在鮮甜，有牛味。特選牛肩肉，牛香味較濃，口感結實。牛板腱係最驚喜嘅，油脂分佈均勻，充滿牛油的香味，口感軟滑。火鍋配料方面，選擇有超過20款，主要以丸類和蔬菜為主，另設有壽司和甜品。麻吉燒，即係麻糬魚蛋，又甜又煙韌。海鮮三文治，即係兩層魚蛋夾層蛋。海鮮方面，每次點餐只可以點少量。我覺得帆立貝的鮮味大於魷魚同青口…Read More

位於尖沙咀美麗華商場的Burgeroom的範圍幾大，有數十張枱，有鐵凳和皮製梳化，方便大家共聚一堂，一邊飲酒一邊食小食，傾下偈。今次叫了食肆的招牌菜，第一份是大烤菇芝士牛肉漢堡。廚師非常貼心，將漢堡包切開一半，以及用長竹簽固定burger,方便進食烘好的的芝麻和麵包帶有焦香味，balance了偏甜的面包。橙色的沙律千島醬偏酸，少少甜，感覺清新。而牛肉漢堡的熟度剛剛好，見到微量的粉紅色。漢堡帶少少筋，口感較結實，充滿濃郁的牛肉香味。而且味道適中 ，不會太淡，有很香嘅黑椒味。最後，大烤菇菇味香濃，軟淋淋得嚟又有少少煙靭，非常有口感，與牛肉的「實」有鮮明的對比。特量芝士牛肉漢堡和上一個漢堡包相比，特量芝士可以做到少少拉絲的效果：外觀都較色彩繽紛：而且牛肉漢堡好厚，有一節手指咁厚，好有口感。香辣單骨雞翼配蜜糖芥末醬沾上薄薄炸粉的雞翼外皮非常香脆，裏面的肉則夠晒juicy。調味方面,雞翼的味道較濃，偏辣，但是加上了黃色的蜜糖芥茉醬之後，有一個很好的平衡，少少甜，多多辣，十分開胃，令人想不斷繼續再食下一件最後附上餐牌：…Read More

一向中意食魚的我又黎食好西啦今次黎到荃灣的川花烤魚，食肆有少量室外和大量室內座位，而室內座位尚算闊落，有4人枱或6人枱。2人入座的話可能有需要搭枱。食肆提供自助點餐，如果飲品都有圖片就更好啦，可能可以避免叫錯size……我叫左一支200mL的自家製冰鎮酸梅湯。平時夾糖對100g的份量都有印象，但去到飲品的mL就真係冇咩概念啦。開頭見到咁細支，真係o晒嘴。唔止我係咁諗，隔離枱的客人都好驚訝。不過好在服務員姨姨非常友善，見到我地覺得太細支，即刻主動幫我地改單，換支1L的。1L的話，兩個人都夠飲。自製酸梅湯，不會太甜或太酸，飲落幾開胃又清新。涼拌魚皮（加辣版）建議食之前自己撈一撈先。魚皮切成條狀，非常爽口，配上少少辣的辣醬，非常惹味。食到咁上下會見到青瓜，有蔬菜類balance下，唔會覺得太「漏」。食完涼拌小菜，條魚都到啦，時間岩岩好。香辣烤原條魽魚（中辣）條魚目測有一斤幾，兩個人食真係好充實，好滿足。配上一大支的魚湯，當湯底愈來愈少時可加上，又或者轉火鍋時用。因為即烤的關係，香料的香味更加濃郁，火爐未開火已經聞到一陣陣的香料味，有豆豉的咸香味，不同的乾辣椒和辣油的辣香。撥開乾辣椒就是密麻麻的豆豉，豆豉不辣，所以食得辣的朋友可以叫大辣。今次係我第一次食魽魚，估唔到佢比一般魚更加少骨，啖啖肉，隨便一夾就是一大塊魚扒。魚肉質感較實，魚油令魚肉更香滑，而且感覺好有營養。咁大舊面珠墩肉大家又見過未呢？另外，魚皮因為烤過的關係，所以有焦香味，而且吸收晒d濃湯，非常入味。與涼拌魚皮口感截然不同，涼拌魚皮爽口而清新,而烤魚魚皮則較濃味及軟身。附上餐牌：…Read More

今次叫左兩份晚餐。是日濃湯是南瓜忌廉湯，口感幼滑，南瓜味香濃。大虎蝦北海道帶子海膽汁手打意粉海膽汁非常濃郁惹味，食到堅海膽的味道，蝦和帶子爽滑，手打意粉爽身，大推！慢煮加拿大保濕豬鞍烤雜菜配蘋果醬一般厚切豬鞍都容易overcook,變「鞋」身。但係依到的豬鞍充滿肉汁又軟淋，配上極酸的蘋果蓉，非常滋味。甜品及飲品ok…Read More

望落本menu的相真係好吸引架，可惜現實同圖片是兩回事。價錢並不低，而質素平平無奇。Spicy mix seafood glass沙律汁是普通越南撈檬粉的汁，帶少少酸味，味道麻麻。海鮮只有蝦有醃過，其他冇咩味道。Spaghetti cha cha cha 依碟是食肆的signature, 外觀不錯，用料豐富。可惜味道偏咸。雖然有收加一服務費，但當我想搵侍應落單或加水的時候，多數唔見人。比個自助落單app 我算啦…Read More

欣賞homeland的食材外觀不錯，很適合打卡！就連一碗湯都有不同的圖案！有心心呀～依碗是蘑菇湯，飲到好香濃的菇味，仲有一粒粒的蘑菇，口感豐富。冬陰功赤蝦闊條面最吸睛的係依碟闊條面！採用不同的鮮花和香草伴碟，色彩繽紛。闊條面口感煙煙韌韌，又吸收了冬陰功的醬汁，不錯😋…Read More

今次同朋友黎到食晚飯。餐廳入面燈光不多，比較暗，加上餐牌底色是黑色，所以睇餐牌時都要開手機的電筒燈食物方面。叫左個晚餐and 小食。跟餐沙律外觀不錯，顏色和材料都豐富，最欣賞柚子汁非常鮮甜清新！小食是脆皮德國咸豬手。豬手皮脆而不硬，豬手肉有肉汁，配上甜甜地的芥辣醬，感覺清新不油膩。晚餐是燒澳洲頂級牛肉眼扒。我叫左5成，廚師成功整出5成的熟度，非常專業。美中不足是牛扒筋多，但整體好味。…Read More

上次讚完冇耐，今次就中伏啦⋯⋯（有圖有真相）唔講味道，只講雞下髀的size，大隻過雞翼少少🤏咁大把，變相加價！講真，入面有一大條骨，仲剩番幾多肉比我食呢？肉量好似同雞翼差唔多，價錢就差幾遠下…Read More

第一次食13少，我朋友怕菜式辣過頭，保守起見叫左少辣。點知最後所有餸都食唔出辣味。之後問店員加辣，加左一碟辣油，冇咩幫助。所以，我覺得平時食得少少辣的朋友都可以問下店員菜式大概有幾辣，咁就容易d選擇辣度啦。今次店員教落，可以叫中辣，但依個辣度，我當日見手機落單程式入面係冇既……Anyway, 比相大家參考下算啦- -筷子用花生long起又幾有趣喎椒麻皮蛋酸菜魚乾煸四季豆PS, 四季豆勁多渣….…Read More

和風食堂的分店一向都多人光顧，我覺得可能是因為佢出菜速度快，食物又大大碟的關係。而且座位又闊落，就算食日本菜有好幾碟野，都唔怕冇位擺啦。食堂又有不少日本酒選擇，等我下次搵埋朋友一齊飲先～第一道菜是火焰左口魚邊牛油果和風沙律。左口魚油脂豐富，非常香滑，食落好似食緊魚腩咁好食。原來魚可以咁好食架！配上黑松露，味道濃郁，而且會減輕油膩的感覺，怕食太油的朋友都可以try try!最後，和風沙律醬感覺清新，令到沙律食材鮮味更加出7味河豚乾雞泡魚本身肉質有口感，製成魚乾後鮮甜度更突出，再配上7味粉千島醬，味道多元化，食下原味又食下千島醬味，幾過癮架北海三色丼海膽鮮甜新鮮；吞拿魚平時好易覺得腥，但依度的吞拿魚蓉一d都唔腥；三文魚籽粒粒晶凝通透，新鮮到爆所有的食材都撈飯一流！我覺得d飯是靚的日本米, 食落甜甜地，好味🤤火炙黑松露3點黑松露分別放在鵝肝、帶子和左口魚壽司上面，是高級的食法！大大塊的鵝肝好creamy，加上少少燶，有乾身的焦香味半熟的帶子鮮甜多汁而左口魚就不用我提有幾好食吧韓式泡菜豚肉鍋好欣賞泡菜鍋的材料多元化，均衡營養泡菜不會太辣加上湯底鮮甜，令到每樣食材都好入味材料亦都幾豐富，有金針菇，冬菇，娃娃菜，芋絲，豚肉，泡菜，感覺好健康Reference:…Read More

本身李xx XO醬的味道不差，所以有興趣挑戰KFC新推出的XO醬錫紙焗雞。錫紙包住的雞熱辣辣，打開包裝已經見到入面有好多汁。雞肉非常淋，d肉輕輕一撕已經分開，可以變成手撕雞。食落去十分惹味，XO醬不會太咸，反而有種咸香的享受。雞肉下面有蘿蔔片，吸收晒醬汁，咸咸地，幾得意。…Read More