蕉戒指's Profile

香港有得食米通粉既地方唔多，快餐店都係間唔中先出，突然想食米通粉就上左開飯睇下啦，就發現左呢間旺角某巷仔既店鋪。入到去原本想叫米通粉配札肉（因為睇之前既食評叫），但係餐牌竟然冇左札肉，咁就轉左叫漢堡扒米通粉，同加左$3番茄啦，仲叫左涷檸茶添，原來杯涷檸茶佢會幫你篤埋架，佢首先篤好檸檬，之後倒d糖水落冰桶度，再倒番出黎加入檸檬度，再落茶同冰，每個步驟中間佢都好細心咁攪勻，睇得出店主好用心去製作食品，值得一讚！米通粉唔會好似快餐店咁，煮到唔均勻有硬條情況出現，湯底都唔錯冇咩味精味，又唔會好似圖咁睇落冇味。漢堡扒都係煎到岩岩好，叫番茄以為係湯底點知係一個番茄一開四，但個番茄都唔差，唔會酸而且幾新鮮下，整體係唔錯值得去食多次，係個到食仲感覺到好有人情味添，d客同店員係熟到一齊吹水，淨係一杯小小既凍檸茶都好比心機慢慢沖，今時今日香港好難搵到呢類小店，值得去支持一下！…Read More

試過左紅磡既蜂巢雪糕後就想試下另一間既又如何，聽講呢間係代理韓國出名既蜂巢雪糕店去到當然都係買原味試下比較下啦，一開始就梗係試個蜂巢啦，見到佢比較大啦，但個顏色就比較淡，不過就容易切好多，個香味就淡啲喇，甜左少少啦，食完舊渣都唔太硬既試完蜂巢試雪糕，咦！個雪糕幾有質感喎，又幾軟滑下，個奶味都幾香，配埋蜂巢就搶左佢既香味喇，幾好既就係個雪糕比較耐食冇咁快融到變奶昔整體黎講都唔差，可以值得一試既，但對於雪糕黎講呢個價錢偏貴，試過之後應該都唔會成日食…Read More

第一次食試下佢既原味蜂巢雪糕先$32 一杯雪糕，勁細杯，雪糕質地唔軟滑，幾分鐘已經溶左好多出黎，味道好普通主角蜂巢，得一細粒，瑞士糖咁上下size，我地嘗試跟佢所推介既食法，「取四分一塊蜂巢」配雪糕食，但蜂巢太韌分唔開。咬落去d蜂蜜咇出黎，都幾香蜂蜜味，但再食一啖雪糕落土就已經蓋過哂蜂蜜既香，加上口入面既蜂巢渣令人食得好唔爽，原來唔係想象中咁可以食埋落肚既蜂巢太細粒，食左幾啖就剩番雪糕（汁）如果$32淨係食一杯普通雪糕，不如食m記算啦建議：雪糕可以試下用希臘乳酪，蜂巢再大塊少少就最好…Read More