hkfoodnews's Profile

香港烤魚界嘅絕對神店！佢嘅夜店風格令佢成為最受歡迎嘅烤魚店之一。佢係香港最正宗、最地道、同埋最受香港年輕人歡迎嘅烤魚品牌店。佢嘅口味就係道地大陸烤魚，連續六年都排隊王！佢嘅烤魚更可以媲美深圳嘅探魚，用料新鮮，每一口都令人驚艷！唔使講，烤魚工房成為年輕人必打卡嘅網紅熱點店！一踏入烤魚工房，你就會被佢嘅夜店風吸引住。鮮豔嘅燈光、搖滾音樂同埋時尚裝潢，營造出一個年輕、活力嘅氛圍。佢嘅烤魚選用最新鮮嘅食材，令每一道菜都充滿驚艷嘅味道。佢嘅招牌烤魚，咬落去鮮嫩多汁，香氣四溢，令你欲罷不能。佢嘅烤魚更係繼承咗大陸嘅經典風味，每一口都帶你遨遊於美食的世界。烤魚工房嘅口味一直以來都深受香港年輕人嘅喜愛。佢嘅烤魚香辣可口，辣度剛剛好，讓你嘴巴上癮。如果你唔太受得住辣，佢都有其他口味選擇，例如酸菜等等，滿足不同口味嘅需求。佢嘅烤魚都有多種魚類選擇，保證新鮮美味。除咗烤魚，烤魚工房仲有其他美食可以選擇。佢嘅炸魷魚、同埋酥炸雞翼都係絕對的必試之選。仲有清爽爽口嘅魚皮平衡你嘅餐桌。最後，唔可以錯過佢嘅特色飲品。總括而言，烤魚工房絕對係香港烤魚界嘅一顆明星。夜店風格、正宗口味同新鮮食材，加埋年輕人必打卡嘅網紅風，絕對令你愛不釋手。如果你想嚐到最正宗、最地道嘅烤魚工房，係香港烤魚界嘅一顆明星！佢以夜店風格聞名，深受年輕人喜愛。佢係香港最正宗、最地道嘅烤魚品牌之一，香港嘅年輕人非常喜歡呢度。佢揀用地道大陸風味嘅烤魚，已經連續六年當排隊王！烤魚工房嘅烤魚可以媲美深圳嘅探魚，食材新鮮，口味驚艷到爆燈！再加上佢嘅網紅風，年輕人一定會打卡㗎！…Read More

新開勁抵食嘅銅鑼灣燒肉餐廳，最近周圍都開咗好多唔同嘅放題，不過我偏偏愛單點，質素好啲呀嘛。點左大阪城五點，師傅將肉類切得好靚，我同朋友都哇一聲然後即刻拎相機出嚟打卡。另外在點左和牛西冷，果然來自日本嘅A4和牛係好過澳洲。顏色同埋味道上都唔錯，油脂感比較重。旁邊仲有啲蔬菜南瓜青椒仔等等可以食。啲肉全部色澤都好靚，不過美中不足就係因為我哋點嘅全部都係和牛。所以令到個爐都幾大火。。另外點咗呢一個日本和牛 月見薄燒，反而覺得呢一款肉都幾有驚喜，所以問咗店員原來呢三 筋位置係一個和牛入邊罕有嘅部位，唔怪得同我平時食嗰啲牛肉唔一樣啦。另外仲有我最鍾意食嘅燒肉飯「殿堂玉子飯，」另外呢一個店員喺我哋面前用火槍燒冬天飲落去真係唔錯，尤其是而家天氣轉涼。另外，重點咗個好得意嘅辣有雪糕鍾意食辣嘅，我覺得呢一個好新奇一定要試吓。…Read More

一直都好鐘意食魚高蛋白又健康，係附近staycation 見到呢間魚做主題既餐廳，覺得好吸引，所以試左第一次，然後我發現一定會有第2/3/4….次！首先，真心高度推介佢個魚做既薯條，唔會好油膩，必點雙子醬（蟹子加明太子）好有提鮮既感覺，無形容詞，就係好食，同男朋友如果唔係飽到嘔係一定會叫多碟。怕熱氣要叫鬼佬涼茶-手工啤，好舒爽，好夾！跟住叫左燒鰻魚魚麵撈，好大塊又好肥大啊塊鰻魚，啖啖肉，而且個鰻魚燒汁甜甜地好夾撈麵，而魚麵口感原來好彈牙，好似食緊條狀魚蛋，正！最後跟餐叫左個牛油燒粟米粒同魚湯翡翠苗，兩樣都跟餐叫平d,份量就一人份，都非常唔錯，感覺呢餐好健康！…Read More

同老公慶祝一週年我揀左間食日本野,位於尖東地點都方便。去到餐廳就充滿濃濃嘅日本風，內裡嘅裝潢完全係日式居酒屋嘅風格由於大家都想唔想諗，店員推介咗幾個set俾我哋，我哋幾個朋友睇過都覺得幾好，啲嘢都幾啱食，所以直接選擇左和牛Dinner Set ,價錢方面都合理，幾百蚊咩都有得食算係咁啦。一開始先來前菜，雞泡魚乾同鱈魚乾水準不錯，好夠乾身，都好醒到胃，煙韌軟身係最佳前菜。嚟緊嘅係幾款刺身，4款刺身款款都好新鮮，內裡有日本魷魚，拖羅，平政，全部刺身都係即日新鮮嘅，特別鍾意鯛魚，切得非常之厚，魚脂又夠香夠鮮甜，食刺身真係好棹忌唔新鮮。再嚟就食埋馬糞海膽配魚子杯，海水味濃又鮮甜，一啖放晒落口真係冇得輸，的確令人回味無窮食日本菜點少得燒物，呢間野個燒物師傅都幾好，當中食左幾款燒物都值得推介, 雞翼,豚肉串都好好食，完全唔油膩，我老公就最鍾意食過燒蘆筍，露荀唔會燒得太乾又唔熟,入口爽口彈牙,好鮮甜。特別A4和牛吃下去帶著濃濃的牛肉香味，卻一點都不帶油膩感最後食埋炒雜菜好夠鑊氣味道又濃，最後你個清新啲嘅中和下都幾好，裡面再配埋椰菜、菇等，再加埋最尾個炒飯，炒飯很有驚喜，夠乾身，全部一粒粒分明 So far 全部新鮮製作,熱辣辣,非常美味！…Read More

諗住去動漫節，所以係灣仔搵下好嘢食再入場。呢間之前食過dinner,反而lunch未食過wo,所以又試下先。一人叫左一個餐，我簡左路易斯安娜寶石,我個口唔夠大，分開左一層層食，第一層兩個蛋黃仲係流心架，第二層係兩塊煙三文魚，第三層係生菜，配酸酸地既汁，最後個層絕對係重點！係蟹餅啊！煎得金黃色，而且好香，切開係一絲絲蟹肉，好夠料，好食呀！而旁邊係牛油果芝士沙律，有d墨西哥既味道，好清新食完都飽左就無叫甜品，叫左杯冰朱古力，奶味比較濃，面頭d忌兼正wo!朋友叫左西班牙蛋餅，兩塊都幾厚，一樣配沙律，蛋餅入面有薯仔同西班牙腸仔，食落都好飽肚，唔錯唔錯。朋友加$38叫左杯moctail,味道似西柚梳打，夏天飲解渴一流！題外話，餐廳裝修好有心，好海洋感覺，大人小朋友都會中意呢到！…Read More

蜀客K11 Muses好多高質素餐廳,不得不提今次去一間食川菜-蜀客,一諗起川菜就會聯想起酸菜魚,十分期待呀 一進入餐廳員工很好,安排我們坐近窗口望住維港景色,我同朋友都影左幾張相片添 不過唯一唔好就係餐廳較暗,要自己調一調色。我地選擇左4人Set 食物種類好多,有我鐘意乳鴿,有我朋友鐘意既酸菜魚前菜有蒜泥白肉,鮮椒黑木耳,撈汁小黃瓜, 帶有少少微辣 3款,唔洗一分鐘已經清曬前菜,十分開胃! 套餐當中有瑤柱蟹肉豆花羹每人一碗,豆花勁滑,而且每食一口都有蟹肉係入面再黎紅燒皇子鴿皮肉質嫩滑皮炸得很香脆,真係色香味俱全重頭戲酸菜桂魚黎啦,第一眼望落去好似好辣有d 嚇親,點知一放入口完全係有幾重感覺,開頭唔辣慢慢d 辣及酸味先出,真係好好味!總結在蜀客食飯價錢每人都係3百幾,仲要望住個維港景真係好抵🤑🤑…Read More

之前係觀塘食過一次，一知道係灣仔都開左就急不及待想食多次，感覺呢間環境更高級，仲有靚靚海景，正啊！同同事一人叫左一個鐵板Set$1080加一，有十道菜，睇翻食材黎講價錢合理！前菜&季節沙律兩者係一齊上，店員仲會細心介紹，有煙三文魚沙律、溫室番茄、鮟鱇魚肝同枝豆，個人最中意溫室番茄，真係好甜！之後店員會介紹今日嘅食材，好新鮮仲識郁，急不及待想食個龍蝦！雖然我哋同鐵板有啲距離，但其實佢哋都好歡迎我哋行前去睇。師傅炒野嘅手勢非常純熟，好俐落，見佢一下就切咗個龍蝦頭，話陣間會用嚟煮湯，唔會浪費。D蝦膏就用嚟炒個龍蝦肉，成件事好吸引，亦會配啲季節蔬菜，擺盤又有心思，重點係好食呀！白鱈魚剪得好靚，完全唔會散，味道有啲似西京燒，比我想像中滑，又香。A5和牛薄燒，我哋揀咗五成熟，個牛嘅花紋好靚，相對脂肪比例高，但亦都因為咁入口即溶，入邊包左啲炸蒜同聰，好夾，齒頰留香。之後仲用咗啲牛肉黎炒咗個飯，基本上食到呢part已經勁飽，但都因為味道太好而食晒。之後就係剛才個龍蝦頭嘅麵豉湯，入邊仲有少少龍蝦肉，而且令到個湯增添左鮮味，又係飲晒。最後有個超濃嘅牛奶布甸做結尾，我哋兩個都食得好滿意，而且不得不提店員會是不是幫你加水，細心介紹食材，真係好加分，令你感覺好尊貴。…Read More

試咗香港咁多間之後都係覺得渝味曉宇最出色。以下呢幾款都係我每次嚟食必定會叫，不過今次嘅朋友唔食內臟，所以冇叫到黃喉鵝腸之類，而且最好嘅係可以叫半份，就算兩個人嚟食都唔會驚浪費。食之前嘅滋潤糖水，雪耳紅棗。今次叫咗鴛鴦鍋，一邊係豬骨一邊係麻辣，因為海鮮之類我比較鍾意食唔辣，海鮮叫咗鮑魚、珊瑚蚌、魚卜同蝦滑。啲鮑魚大大隻，就算放落火鍋都唔會縮到變迷你，仲有窩心提示煮30秒就OK。珊瑚蚌半份份量都幾多，而且好鮮味好爽口，至於魚卜都係爽口嘢，值得一試。蝦滑真係一定要叫，感覺係好多隻蝦打成，加上蟹籽非常之夾。打邊爐點可以冇牛肉，叫咗一份安格斯牛肉，份量都幾多，睇啲花紋都覺得佢靚，食落口唔會有雪藏味都幾濃牛味。今次仲叫咗特色手打四寶丸、芝士丸同廣味小臘腸，因為從來未試過打邊爐加臘腸，味道竟然可以咁夾，而且佢細細條唔會好油膩，自然冇咩罪惡感。特色手打四寶丸非常出色，如果唔係太飽，應該會再叫多半份，我食咗蝦丸同墨魚丸，超真材實料！…Read More

夜晚10:00都竟然可以爆滿嘅燒肉店！好有日本嘅特色雖然個場有少少煙煙地，但充滿日式風味勁似去咗日本嗰啲燒肉酒場。一定要點佢哋嘅九宮格燒牛拼盤，每樣各色各款嘅牛都有哂。例如和牛、牛舌、牛仔骨、牛小排、小牛排、牛肋骨、一口漬、護心肉。而且佢哋仲有生啤買一送一嘅優惠。$48我有兩杯啤酒就超級抵。另外再點埋特色嘅冰鎮鮑魚，見係限量推介。再點左啲蔬菜，仲有一定要食既雞脯魚，另外佢啲串燒都非常唔錯。而且每一樣都勁大串，10幾蚊超級抵食。…Read More

作為一個叉燒迷，一聽到朋友話灣仔開咗呢間新燒味店，而且叉燒好好食，就急不及待黎試，同朋友一人叫咗個暗然銷魂飯同叉燒雞扒飯，仲有鼓椒炒蜆。先講個叉燒基本上如果冇特別講明，一定會係半肥瘦，佢做得好適中，唔會太肥唔會太瘦，咬落去啲肉汁即刻咇入口，夠淋仲有啲油脂香，又吾會乾，真係好出色，尤其係太陽蛋嘅蛋汁加埋落去，個叉燒即刻甜到減少，但係又會好滑，形容吾到，好行一句，好好食啊。相比來講朋友嘅雞扒比起叉燒就失色左，唔係佢唔好食係叉燒太出色，但係我朋友又話佢覺得雞扒更好食，所以口味呢啲真係人夾人，但我哋都同意個叉燒真係好味！至於個豉汁炒蜆，份量係多嘅，唔會有沙，好適合送飯，好少係燒味店食到啲熱炒，見佢仲有好多款可以選擇，我相信呢到會做左我既飯堂。…Read More

台式火鍋🍲唔靠gimmick🤯靠食材🐂🦐🦑🐟🦆🥬🥟食得四川麻辣火鍋多，今日經過見到一間台式火鍋，諗住清新下入去試吓🤘入去覺得地方真係好寛堂，一般來講好多火鍋店就算地方大，都會令人感覺好擠迫，枱與枱之間好容易有碰撞，但呢間寬躺得來之餘坐得都真係幾舒服👍坐落咗，職員就比我揀套餐類型，有少少似日式嘅火鍋咁，會根據張檯選擇既套餐而供應唔同肉類，今日我就揀咗安格斯嘅set😍😍😍我哋叫左鴛鴦鍋，一邊濃香蕃茄，一邊阿嬤養生鍋，個人覺得湯底唔算濃🙈自己可以多加加食材「濃化」佢😂我哋兩邊都放左肉試下，肉質鮮味重，感覺唔係凍肉櫃攞出黎，對比唔濃既湯底，更加食到牛肉本身既鮮味👍👍睇相片已經feel到食材既新鮮 同 誠意👍👍👍必點既有牛板鍵、牛小排、鱸魚片、肩胛牛肉、沙白、海蝦、鯛魚片、墨魚漿同干貝鮮魚漿，仲有佢好多台式嘅水餃同雲吞，太多款真係太難記到名啦🙈但真係幾有特色、材料充足 飽滿，絕對可以一試！雖然食到有啲飽，但係見到有滷肉飯樣子唔差，整咗碗嚟幾份人分享，絕對唔失望🥰香濃嘅香菇味醬汁配上濃烈嘅肉味淋上軟熟Q口嘅珍珠飯，就算幾飽都忍唔住食多兩啖🙈🙈🙈冬天來講實在太溫暖啦🥰🥰重點一提就係，除咗set內嘅肉類之外，好多食材都係以QR code去點菜嘅，可以睇到落過咩單，唔會怕重點、漏單同非常環保👍 佢仲設有自助區去揀蔬菜同肉丸類等等，好多款式都係由台灣送來😍😍超有誠意！有好幾款我都真係未見過，但因為自助形式，又可以趁機一試！開心🥰 嘢飲方面亦有自助區同埋落單點既，一支支嘅泡茶好有心思，亦可以同時消脂，仲有冬瓜茶同 黑糖珍珠奶茶等等添😵👍真係包羅萬有都非常佩服🙈…Read More

這台灣品牌幾年前就聽過了，但一直沒有試過，亦不敢代購😂始終是新鮮食物不是包裝食物，如果第一印象不好🙈更不會試新鮮啦～終於台灣正式來港發展！🤭它而家係觀塘工業大廈入面，即製架，遲啲仲會係呢度即場賣，而家暫時就電話訂購🥪🥪佢地真係好著緊保鮮架，因為要食就食最好💁‍♀️ 例如室溫存放不多於3小時，❄️放雪櫃可以耐啲，但要比啲耐性室溫解凍，面包先可回復更好的鬆軟口感我一共買左5款：招牌火腿、招牌起司🧀️、招牌滿漢、藍莓起司💙、草莓起司🍓招牌起司和滿漢就比爸媽試，菓醬系就一齊分享，超牌火腿就獨享爸媽都話好食幾特別，下次要試其他味道，好似花生醬、芝麻醬咁火腿起司包裝內的它一點都不普通，有薄薄的兩層蛋、薄薄火腿和特製沙拉醬，和四層超鬆軟麵包，火腿亦不油膩，有驚喜菓醬配起司我是第一次試，感覺有點神秘，它們味道會夾嗎？一試喜出望外，而且比例剛剛好💁‍♀️菓醬不會太突出/太甜，藍莓起司、士多啤梨起司都不錯🥰很期待實體餅店，也想試試麥包，我最喜歡這種濕潤的麵包🥪💛～…Read More

聽朋友介紹呢間係上環soho區嘅Kuro Shabu好好食，就約埋男朋友book位嚟食下。呢到主打係食和牛同黑豚，就緊係要食下啦。一叫完好快就上左個鍋同蔬菜，昆布湯底好日式，蔬菜店員suggest我地最後先食。店員好好服務，特別同我哋介紹佢哋嘅醬汁有柚子醋同芝麻醬，兩個醬都好出色。A4A5和牛都有唔同部位，店員話放落湯到3秒就食得，食落真係好嫩滑，點少少醬汁調下味已經好好食。手打烏冬好滑好好食，五穀米好香，煙煙靭靭好有口感。黑豚原來都可以咁滑，唔同部位都咁好食，非常impressed。最後甜品有好香濃綠茶味嘅雪糕，唔會太甜，配隔離啲木糠食脆脆地，有口感又好食。好滿足！…Read More

終於食到啦！！今次早經過見人唔多就即刻唔諗入咗去食。餐廳有室外同室內位，出面有食煙位置，我同朋友都唔食煙，所以坐咗室內。打開Menu好多選擇，亦有啲港式fusion嘢。快手落完單就等食。餐廳環境比較暗，都幾有氣氛，同情人嚟食一流！第一道菜係帕馬臣芝士蒜香松露油薯條。啲芝士刨成一片片薄片舖滿表面，個松油好香，唔會太重蒜香蓋住其他味道，加埋薯條炸得脆一脆，做前菜小食好正！然後就到烤西班牙黑毛豬！因為係豬腩關係，所以比較肥，我鍾意食肥肉所以啱曬～ 怕太肥可以沾下隻焦糖蘋果汁，甜甜地中和下個肥膩感。烤澳洲M5和牛肉眼扒。佢有幾個size揀，兩個細食嘅人嗌10安士好了。扒厚但係都做到Medium好厲害。肉眼扒好嫩好食，啲肉汁滲落下面嘅蔬菜。所以啲菜都好有味道。飲品方面我哋叫咗兩杯。第一杯係Flower Fizz。係桂花香味嘅Mocktail，另外仲有淡淡椰味，好香唔太甜勁解渴！ 另外仲有一杯Dr. Kitty。見好多人都嗌呢杯，原來係荔枝加芒果加菠蘿加Yogurt。所以飲落好Fruity好Fresh好爽口！！我哋仲嗌咗焗酥皮香蕉卷配自家製開心果雪糕做甜品完場。新鮮出爐酥皮好香，焗起嘅香蕉唔會太過甜，同酥皮一齊食啱啱好！仲有少見嘅開心果雪糕，好新鮮好食！…Read More

本身行過，見有啲口乾就買杯嘢飲，冇乜期望之下，反而令我喜出望外，好耐未飲過咁出色嘅茶飲店，尤其係我哋香港人，自己開嘅就更加要支持啦。我叫咗個奶蓋烏龍茶，個奶蓋好厚身，一啲都唔hea,而且份量都唔少,飲落去好重奶味,啲泡打得好滑，加上烏龍茶本身就有啲苦澀味，兩者中和之下，好出色，價錢仲好實惠添！亞女就叫咗杯芒果厚奶，入邊係勁多芒果肉，而且好甜，未飲嘅時候一層白一層黃咁層次分明，飲落有啲似楊枝甘露，但係再重奶味啲嘅，亞女勁鍾意，我叫佢唔好加甜，老闆話佢哋冇加甜㗎，佢哋注重健康所以都真係令我幾驚喜，雖然冇加甜，但因為佢個芒果本身甜，所以其實成杯野好夠味好Flash！呢間野會再回購呀…Read More