仕德福山景's Profile

都有一段時間沒有經過這裡了, 上星期再來幫襯, 但估唔到仲係咁便宜!今次我選了魚皮餃河和一碟菜芯, 魚皮餃有五隻, 味道唔錯, 但嫌湯底略油膩。 菜芯都唔算少, 抵讚的是蠔油和菜是分開上的, 要點幾多蠔油可視乎個人口味, GOOD 呀!魚皮餃河($11) + 油菜($6) , 這一餐真是經濟又實惠!…Read More

老闆話請飲下午茶, 選擇了京寶, 貪佢要等位喎! 吓! 要等位仲要去? 因為多數茶樓到下午茶時段都會得『小貓一兩隻』人客, 但這裡日日都要等位, 一定好抵食或者好好食啦..... 試試先!去到等了兩分鐘就可以入坐, 但真的坐無虛席!特價食物不多, 我們點了一些抵食夾大件的點心, 包括:煎餃 -- 好好味, 幾大隻, 一碟有三隻, 有肉汁, 餃子底煎得香口。糯米卷 -- 細細件, 但有四件, 味道都唔錯, 有口感又不會太硬。义燒包 -- 普通, 無乜特別, 可以啦。脆麻花 -- 好正, 好脆, 蜜糖味夠香甜, 又唔覺油膩, 真係好好食。肉片皮蛋粥 -- 豬肉片太大片, 如果細片一點會易入口一點, 肉質不夠滑, 皮蛋亦不夠靚, 臭臭地, 而粥底則很綿。燒肉飯 -- 大大碗, 燒肉比較肥, 但外皮很脆。這餐不過不失, 三人吃了約100元, 都算抵食吧! …Read More

星期六約了朋友行旺角, 但放學後時間尚早, 無處容身下, 雖然不太肚餓, 也食碗麵打發時間吧! 哈~入到去, 大部份食客都是叔叔伯伯, 感覺上有點不自然, 可能這區真是老化了! 我叫了一碗牛筋河粉, 當時人客不多, 但我竟然足足等了十五分鐘但食物還未到, 好彩我有的是時間, 那就無所謂啦....河粉份量勁少, 牛筋不像太牛筋, 碎牛腩似的, 還附上幾條生菜, 湯底較為肥膩, 味道尚算可接受, 一個餸的車仔麵, 12元一碗, 我想也不能要求過高, 所以我覺得:還算可以吧!…Read More

依家樣樣野都貴, 返學前去美心快餐諗住食個平平地的飯, 選擇實在少得很, 普普通通一個飯都要三十幾四十幾, 真係好貴呀! 最後我選擇了咖哩雞飯, 無餐飲又無湯, 亞姐給了我一杯清水, 嘩! 杯清水點解會咁臭架?! 飲了一口,真的想嘔呀!點可以俾人客飲o架! 咖哩雞好多油, 好肥膩, 雞皮多過雞肉, 而飯邊有兩條『凍』菜，唉! 真係唔掂!$28元的飯都不應該咁難食! 下次唔敢再幫襯了。…Read More

記得在杏花果飽餅店新張初期, 曾在這裡買過一磅方飽, 但就那次後, 一直不敢再幫襯, 因為新張期的飽都竟然是發霉的....但最近某天, 因為路程的關係, 為了方便, 於是抱著搏一搏的心態, 再幫襯一次, 今次買了一磅麥方飽$6.50, 價錢合理, 今次打開, 沒有異味, 而且沒有發霉, 味道算ok, 亦有很多麥粒。今次的幫襯令我對這店有少許改觀, 以後如果順路, 都可以再光顧的。…Read More

下午路過, 第一次到這裡, 叫了一碗牛腩河, 河粉份量唔多, 但煮得幾爽, 牛腩很焾, 味道唔錯, 原來只係$11元, 依家仲有咁平的食店, 真係喜出望外, 以後一定會再來幫襯!但... 有一點一定要提提大家, 這裡的地板很滑, 老人家特別要小心啊! 冷氣唔夠涼, 如可加以改善, 就更好了!…Read More

星期一返學前行過砵蘭街, 見到鍚記雲吞麵食舖外寫著12元一碗粉麵, 咁平? 肚子有點餓, 試試無妨!入到去, 都差不多滿座, 地方都唔算迫, 搭枱坐都坐得很舒服; 我要了一碗雲吞河, 三粒雲吞, 雖然細細碗, 但粉都算多, 好過有d 食店得個碗大; 味道都唔錯, 好有舊式雲吞河的味道, 雲吞內的蝦和肉也很彈牙頗新鮮, 真係又平又好食! 我這個大食皇, 食一碗真係唔夠, 本來想食多碗, 但返學時間到了, 要下星期先來幫襯了!值得推介給大家!…Read More

今日要見客, 所以去到紅磡馬頭圍道。入了銀浠麵包西餅專門店買了半磅麥方飽, 回到公司快快食完就繼續開工, 嘩! 點解食飽食到一口沙o架? 真係很不明白點解d 飽會咁, 究竟係麥飽定係沙飽呀?? 真係好唔掂囉~ 雖然係好平, $2.9元就有半磅, 但唔好食就算幾平都無用啊!!…Read More

一直都好讚山景閣的下午茶自助餐, 不但平, 仲好多o野食, 食物質素一直都保持到水準。5月1日假期, 又同家人來食下午茶自助餐, 傾偈食o野一樂也!! 今次係最近加價後第一次來, 現在每位72元再加一服務費, 即是每人$79.2元, 依然好平, 我諗想找另一間酒店有咁平都幾難!今次的食物方面, 很喜歡芋頭春卷, 好香脆, 味道o岩o岩好! 雞翼都炸得唔會過火, 小籠飽也不錯啊! 我每次都會食這裡的即煮麵, 今次有兩種選擇, 包括: 甘菇牛肉卷拉麵和叉燒拉麵, 我兩款都試過, 兩款都咁好味! yummy~~~在這裡食過這麼多次的下午茶自助餐, 今次第一次有芝士蛋糕, 唔算太濃的芝士味, 但都算夠味, good呀!!!我實在好推介這裡的自助下午茶餐, 平、靚、正!…Read More

星期一晚, 約了老朋友見面,想找一處靜靜地、又可以坐幾個鐘都不會給人趕走的地方食飯傾心事。今次選擇了華美達酒店吃半自助晚餐。價錢平之外, 地方清靜, 可以坐足三個半鐘頭, 除主菜外,生果、甜品、糖水、湯、壽司、沙津全部任食幾個鐘,要幾飽就有幾飽啦, 仲有生蠔喎!我要的主菜是蒜蓉蜆炒意粉, 估唔到都幾好食,很香的蒜味, 熱騰騰的意粉, 非常『得』呀!這晚我們傾偈傾了幾個鐘, 心靈和肚子也很滿足! ^_^…Read More

幫襯這裡的麵包已很久, 原因是地點就腳, 而且這裡的麵包的確算幾好食, 但對這店舖有很多不滿的地方。就如其他食客說這裡的收銀員態度欠佳外, 食物衞生也不太理想,我經常看見他們在收鋪前,在麵包沒有遮掩的情況下, 在麵包附近噴清潔劑, 我真的不明白, 這些麵包還可以賣給人客嗎!?新年後, 到處都加價, 當然這裡也不會例外。我平時會在晚上買麥方包作為明天的早餐。記得以前這裡的半磅裝麥方包是$3.5, 而一磅裝是$7元, 我以前想買半磅時,經常都買不到, 而收銀員又不肯將一磅裝的麵包分拆再賣給我, 我便被迫要買一磅了, 我想他們的目的是想賣多點吧。但現在加價後, 半磅是$4.5,而一磅是$8, 現在我有時想買一磅裝的麥方包, 就永遠都買不到的, 因為全部都被他們包裝成半磅裝, 而我又被迫要買兩包半磅裝, 本來8元一磅的, 現在要收9元, 我覺得很不合理, 我覺得『多多』正一奸商, 為了賣多點錢,根本無理會人客的需要。現在我為了慳錢,有時會買半磅麥方包($4.5)和半磅白方包($3.5), 做家中的早餐。…Read More

星期日想食餐勁o既, 所以來景福宮食自助晚餐, 燒烤+龜背火鍋再加壽司、甜品、任飲, 108元加一服務費, 價錢都還可以。食物味道不錯, 除了自己可以燒雞翼外, 也有已炸好的雞翼供應, 雞翼很入味, 炸得岩岩好, 皮脆肉滑, 值得一讚。三文魚方面, 有炸三文魚, 也有供火鍋用的三文魚腩,還有刺身, 選擇可說多元化, 適合不同客人的要求。甜品方面, 豆腐花沒有黃沙糖供應, 比較失色, 而龜苓膏就有點像涼粉。其實最不滿這裡的菜洗得很不乾淨, 菜葉間有很多黑色的沙粒, 令我們被迫浪費食物, 取了也沒有吃, 因為太不潔了, 記得這裡在一、兩年前曾有人食物中毒, 新聞也有報導, 希望店主要留意一下食物清潔, 食物好食外,衛生可能更重要啊! …Read More

星期日同屋企人去紅煙窗食下午茶自助餐, 用DBS信用咭有八折優惠, 所以就試試啦。食物款式都算幾多, 熱盤食物包括: 炸雞翼、粟米、炸三文魚、紅腸、炒飯、意粉、咖哩角、蘿蔔糕、鹵水蛋等, 雞翼頗入味,但嫌炸粉太硬太厚。其他無乜特別, ok啦。湯類有碗仔翅和中式湯,碗仔翅的料太少,粉絲也得幾條。壽司種類不多, 三文魚壽司沒有refill, 而且壽司飯沒有味。即做的有生滾粥和pancake, 生滾粥很不錯, 粥底很綿, pancake沒有試。冷盤有沙津、生果、糕點、蛋糕等, 芝士蛋糕的芝士味很濃, yummy, 但想取多件都無, 沒有再出。而栗子蛋糕也不錯,cream 少無咁膩。生果唔甜, 菠蘿較為好。糖水方面有豆腐花和綠豆沙, 綠豆沙略嫌臭草味不足, 但味道算ok。雪糕有三款, 朱古力味非常好味。總括來說, 食物都算不過不失啦。值得一讚是侍應服務態度很好。…Read More

星期日唔知食乜好,因為行amp, 所以去左官塘大家樂食,我食左鴛鴦焗飯加湯, 一個飯包括一邊係茄汁豬排而另一邊係白汁雞皇,真係唔算好食囉,因為d飯有點硬,而又唔香口, 最差就係食完好口渴,晚上喝了很多水都解唔到渴! 一定係落左好多味精啦!…Read More

因為有七五折coupon, 所以去試試富豪東方酒店的五洲餐廳的下午茶自助餐, 早約十分鐘去到, 侍應請我們在外等一等,ok~就等啦,但不知怎的,其他的客就可以入內等,我們諗可能因為未拾好我們的大枱吧,但遲來的客人也一一入晒去,於是我問侍應為何其他人可以入去,而我們只能在外等,侍應竟說我們是可以入去的,但出面等同入裡面都係等, 聽我們投訢後,才讓我們入內,我不能接受他們的態度。入進內,嚇我們一跳,食物少得不能相信, 而且極之不好吃, pizza 燶底、雞翼無味、蛋糕與一般的茶餐廳也不能相比,別說是酒店啦, 生果又不refill.... 可以說,這是我食過的酒店下午茶自助餐中最差的一間。一次就夠,不會再去食了。…Read More