Lets Eat tgt's Profile

Happy Friday! Must go try! 琴晚趁星期五晚約朋友出街食飯 ，竟然唔使等位直入，坐低落order，本身擔心食唔晒一隻雞，所以只係叫咗半份，店員推薦一隻全雞，會製作方式更加鎖住啲肉汁，more juicy! 點知半份雞嚟到實在太好食！決定加單再叫多半隻！🤣🤣🤣…Read More

佢以前喺赤柱仲有舖頭嗰陣我已經開始幫襯一直食開都係正正常常，今次冇貨又想食第一次買呢種瑕疵品，估唔到而家水準去到呢個地步，極度失望😑1月14號嗰陣買，下晝排緊長龍，排到去面前已經有預感話4 mix 冇曬貨，但店員推薦話自己食可以買瑕疵品（係用正價出售）👋🏻當時店員聲稱只係少少碎，咁我都以為程度只係小小既碎啦😂一打開發現… 如圖：即係咁，d曲奇冇排返位都已經算啦😒一打開好似成個垃圾咁樣廚餘，好唔好意思賣俾客？雖然店員有講係碎，而且底部亦有標上「碎」既字眼，但我真係冇諗過係呢個程度Normal 冇話有瑕疵嘅細盒版嘅四方形盒送左比親戚，希望唔會到時人哋打開果陣真係有驚喜😵否則真係尷尬，唔敢想像…Read More

兩個人食叫咗兩個主菜，一杯士多啤梨嘢飲，但係杯飲品唔記得影相，同埋最後叫左甜品一個原味既疏乎厘，大概$8xx賣單，跟住睇埋戲，已經有得免費泊車～好似係BBQ 汁配肉，個人麻麻地bbq味既汁，所以對個汁嘅味道麻麻哋，但係個肉質地幾好食的，推篤喔^^ 👍🏻呢個意粉幾乎係個個人都必定叫，個意粉嘅質地唔會煮到太淋，又唔會太硬，岩岩好🤤呢個味道幾特別😆（要等25-35mins先有得食）淨係叫咗原味疏乎厘，雖然原味都好好食，但係下次可能會試抹茶味🍵感覺上好似吸引啲…Read More

到左夜晚10:00左右，已經差唔多last order，先入去食，估唔到又幾驚喜，抵食夾大份～鹽酥雞炸得好脆，個麵要左紅燒牛肉麵既湯底，好惹味，夠曬大碗～不過餃子就麻麻，皮厚左dd~雞既份量都多，夠入味，送飯一流～店內環境幾似cafe格局，裝修幾有住家味feel,由於已經夜晚差唔多關門時間，所以客人唔多～牆上放左好多書做裝飾～先簡位坐低，再出去櫃枱，叫野食比錢，記得講低自己係坐咩枱，店員會為你送餐～兩個人食晚餐，比茶記既價錢就食到唔錯既台灣野～仲要大大份到食唔曬～…Read More

呢間餐廳門面同面積都比起同層嘅其他鋪頭大，即刻吸引左我入去坐低～呢款手工啤味道唔錯，好香醇，有淡淡香味～可惜隻酒杯冇雪凍，唔夠凍，影響咗個味道～蜆肉忌廉湯比較浠，但味道還可以，仲配左塊好脆嘅包～呢張圖係意粉上碟時即影，利申冇郁過個擺位，賣相完全唔掂！似人地食剩嘅嘢～雖然蝦同帶子各只有兩舊，總體來講個意粉味道ok嘅，同埋麵嘅軟硬口感都OK黑毛豬份量都幾細，但係隻碟好大😂對比之下反差感都幾明顯～跟餐嘅薯條另外用碟上～薯條一般呢個價錢既位，但係只有茶餐廳質素～講真有啲失望嘅～店內面積睇落好闊落，而且仲有出邊室外平台位，啱食煙嘅人…Read More

下午茶時段，tea set好抵食～連埋+1服務費，$60都已經可以食到，仲要配埋野飲～份量很足夠，意粉嘅麵質軟韌適中，醬汁好濃厚，雖然唔係結到好似一pat pat咁，但係佢夠味、又唔會太浠，緊緊stick住係個意粉度，正！墨西哥卷餅麻麻地，卷得hea之餘，味道好淡，配埋個番茄沙沙醬，都係味道一般，而且個墨西哥脆片已經唔脆，好似放咗已經有一段時間咁～冰紅茶配埋舊檸檬🍋，糖水甜度仲可以自己調校，呢個檸茶基本野，無得輸～Tea set 雖然都要加一，但係依然係好抵食～兩個人食，$130左右埋單～…Read More

咖啡嘅質素好高咖啡控+甜品控必到！甜品味道好正而且份量都算大份，甜品配咖啡一流～但主食就唔太推介喇～熱飲分別有6oz同10oz既size選擇～好貼心咖啡嘅奶泡讚分別叫左10oz既Mocha(左邊藍色杯）及6oz既Latte(右邊綠色杯)~如果叫凍飲，就冇size分～ 杯形正方形幾特別擺得好靚之外，味道唔錯，但份量偏小～黑松露炒蛋用mushroom裝住，夾埋黎食幾正～另外仲有菠蘿、燈、腸仔、茄汁豆、ham、沙律菜等～呢個risotto軟硬適中，tuna都算新鮮，但整體份量都係偏少～呢個漢堡包真係唔多掂，中間塊肉扒有渣！而且香料味道很重，一般香港人都唔鍾意呢種香料味～個薯條就幾好嘅～Tiramisu $58份量反而幾多，抵食～而且好好味呢個焦糖燉蛋，份量都唔少～而且面層嘅焦糖好夠，甜度都調配得好出色～餐具既setting 冇乜特別～就算坐入面唔近落地玻璃，感覺都唔會好侷促，因為勝在樓底夠高～…Read More

新開不足一個月🥞本人特登試試水溫🥞好香嘅蛋味大推反而冇乜芝士味～意粉個汁芝士味好濃、好creamy，要趁熱食～意粉嘅麵質都唔錯～由於有芝士，一個人食晒會好飽，最好兩個人share一齊食~但係個香腸根本係似肉丸，而且呢個肉好難食～不過呢個唔係人哋既主打招牌菜,所以都可以接受面層灑左少少nuts碎，呢杯hazelnut latte味道ok~ 但奶泡打得唔夠好～飲飲下bubble 就出曬黎杯凍嘅抹茶latte，抹茶味都好濃，仲濃過啲奶味，個人認為抹茶粉既比例略嫌重左啲～出去買完嘢食，喺個位等，部機響店員就會送餐黎你度～都幾方便，俾咗錢之後只要慢慢係位等就有得食～*但係佢好似只係收現金，唔收卡Meau Lunch set(11:00-15:00)只有四款，但加$12就有埋野飲，而且Latte仲可以係cafe果頁入面任揀，抹茶、caramel、hazelnut...如果lunch set款式唔岩，散叫其他都得～好似16:00後先有抺茶味pancake Cafe Meau嘅咖啡種類唔算多，但叫杯咖啡用嚟配pancake 食，呢個組合無得輸～…Read More

今次係我第二次幫襯，但唔會再有下次！其實間野都開咗幾年，初初開又食過都幾好食，但係隔咗好耐之後今日再食超級難食！個漢堡包hea到呢~普通兩塊嘉頓包夾落去，求其加塊扒喺中間，少少菜就算～好難食，明明之前食唔係咁差～真心係超級失望～仲要我個處境係地鐵全日唔通車，徒步由旺角九龍城一直行到返嚟九龍灣，諗住搵啲嘢以下肚，本人係超級肚餓嘅情況嚟食，理應放咩落口都會好好食但係都覺得真係好難食～全個珍寶鱸魚扒漢堡餐$63 凍檸茶要另外加$3連凍檸茶都可以難飲果下好野～茶底完全唔掂以為加曬成樽糖水可以輕輕蓋下個味，點知都係好難飲～加$12有薯條，薯條炸熱都仲算放得入口，但完全稱唔上好食…Read More

鋪頭係近一蘭拉麵附近，唔算難搵，但係商業大廈嘅入口比較細，有機會行過左都唔知～星一至五免收加一，價錢都算合理～Lunch set 跟沙律或餐湯，今日冇晒餐湯提供，得沙律可簡，🥗塊肉有啲辣，沙律菜一般～$138烤慢煮香草春雞+薯菜+百里香芥末籽燒汁個雞面頭煎到窿窿地又有陣陣香草味滲左入去幾好食，再配埋個汁黎點住食，唔會驚唔夠味～薯條面層脆脆地入面仲熱辣辣，越食越上癮$128明太子忌廉煙三文魚意大利麵明太子好足料條條意粉都比個汁癡到滿，麵質軟硬適中～冰茶（跟餐）室內二人台，兩個人自成一角傾計幾好呢間鋪頭以小角落花園仔嘅形式，有部份座位係室外有蓋，有部份就係室內有冷氣嘅位，所以如果食煙呢間都絕對冇問題～…Read More

進餐時間大約兩點未夠，所以未有下午茶餐供應～2:30才有下午茶餐供應叫了$47沙嗲牛肉麵餐 跟一份蛋及油豬包沙嗲牛肉麵 麵質略為比較硬，但總體味道很濃、很夠味沙嗲牛肉大大塊亦算足料，而且牛肉亦有沙嗲醫汁黏附，沙嗲汁及牛肉是相輔相成不會像其他一般沙嗲牛肉麵，沙嗲汁跟牛肉分開，這個沙嗲醫汁起沙，而且能夠有杰撻撻嘅感覺，配在牛肉緊緊黏住湊合得很好～油豬包的牛油是足夠的，但個人認為欠缺煉奶，味道層次唔夠豐富凍檸茶跟餐加$3 跟餐包括一杯熱飲，如凍飲就加$3…Read More

地理位置位於轉角位，酒店最下層的地下，配上落地大玻璃以及咖啡色嘅牆，並唔難搵～由於用餐當日恰巧遇上大堂旁邊有小型維修，所以環境並無如預期當中寧靜，而且位於酒店大堂有少部份嘅旅客逗留等候，夾雜着雜音～菜單只有少量選擇，主要只有不同款式嘅吐司🍞，但咖啡款式相對精巧，有多款滴漏咖啡提供☕️而我只點了普通的摩卡咖啡Mocha latte ,朱古力味雖然濃，但與咖啡味平衡，奶泡亦打得很杰，好firm 牛油果吐司🍞這款吐司上面除咗有牛油果亦有無花果作為配搭～而且會有沙律菜伴碟～牛油果🥑嘅膩感加以無花果小酸甜中和，而麵包吐司亦烘得表面脆脆地，而麵包入面依然保持柔軟韌度，加上新鮮沙律菜嘅爽脆口感配搭清新～Mocha Latte咖啡味與朱古力味比重相對均勻平衡，而且甜味亦很足夠～奶泡厚實，質感重～入口味道同口感相當豐富～…Read More

鳳城這間老字號原本以傳統手法演繹順德菜, 但後來分支出新派嘅這家店～感覺新穎係打卡嘅不錯選擇，味道方面不過不失，但如果側重味道方面依然比較支持傳統嘅鳳城酒家更有水準～蝦多士份量只有很少，只得四件，多士很細塊所以顯得蝦好大隻，其實呢個根本係一口蝦多士，一啖食一個～甘筍鹹水角紅蘿蔔造型來作賣點，很吸引眼球～入邊嘅餡料唔多但外面皮層，表面薄薄地嘅一層脆而糯米嘅煙韌咬口，主要係食出面嗰層，入邊嘅餡相對多與少已經唔重要～蠔仔餅呢個煎得好油膩，份量亦算多，佢寫4位用，但實在好熱氣、油膩感好重，所以基本上六至八個分份量都可以，蠔餅煎得好散、好碎～包羅萬有（抹茶、奶黃、蓮蓉）呢個主要打卡，味道一般，沒有什麼特別～彩虹蝦餃蝦餃只有三粒，主要係皮面有暈染嘅少少七彩顏色，味道跟其他酒樓一般嘅蝦餃冇分別，餡料亦係一樣…Read More

呢間鋪頭坐落喺球場旁邊，店面面積唔算大，我揀咗貼住落地大玻璃嘅一排長枱坐，望向街景球場馬路，同朋友邊食邊傾下計～店員很好，清理好枱面便隨即遞上兩杯清水以及餐牌讓我們點餐，但我哋選擇困難症發作思考左5分鐘，店員都未有催我地，可能店面唔算繁忙時段，我地亦實在唔好意思，之後店員主動過嚟為我地落單，服務態度好好呢間好適合有揸車嘅人，因為可以泊架車係出邊，直接放心入去慢慢食都唔怕，因為完全可以望住自己部車，唔驚有咩意外～藍橙Latte (不含咖啡）唔飲得咖啡嘅人就最啱，因為冇咖啡成份，入口有淡淡的橙香味，好似飲緊橙味嘅奶咁，本來以為會好奇怪，但係味道又唔錯喎～雞肉三文治配薯條🥪三文治烘底好脆但又唔會硬，餡料份量適中，雞肉同個醬汁食嗰陣都唔會話多得滯流晒出嚟～薯條就平平無奇、普通幾好～…Read More