xango's Profile

叫了二個Lunch, 2杯飲品都好飲，咖啡好飲過好多連鎖, 賣相也一流。環境靚嘅， 服務態度亦都非常好。但二個食物水準以下，三文魚pizza 醒又 咸， 食咗一啖已經知lai嘢, 古怪嘅味道。個牛扒 賣相已經好乾， 午餐100蚊嚟講真係貴，牛的質數唔掂，唔合格。飲品和服務我係好欣賞的，但小店要提升返食物質素先可以有客人繼續支持，否則真係去完一次無回頭。…Read More

新開帳，前一手都係食市，全新裝修咗， 我哋2pm後入座有88折， 有幾個餐可選擇， 任食兩小時， 好多唔同類型嘅食物，食物水準都非常好， 好驚喜，lunch 有Haagen Dazs雪糕任食 ，有珍珠奶茶， 食兩杯雪糕都係返到。出面有好多唔同食物，雪櫃好凍出曬煙，甜品種類多，最後飽到無咩食甜品。唯一覺得係個牛質數差少少，唔知係咪因為揀咗最平嗰個餐。…Read More

4個人去找地方飲夜茶，太子旺角係openrice 幾間食店心評分幾間都幾高， 朋友最後選擇了這間， 由太子地鐵站行過去大約5分鐘，座位唔係座得太舒服，有些枱係六人長枱，即有機會要搭枱座，只有一張圓枱，我見有好多熟客。我地叫咗大約15樣點心，大部份都好好食，有d比大酒樓更加好食，雖然店小但點心有上當水準，好值得去。服務方面，女店員唔係好識講廣東話，講嘢有啲惡，但男店員嘅服務係非常好，個別店員問題。食物好會再帶朋友光顧 。…Read More

一行8人訂咗食晚餐 ，每一樣菜都係差嘅 ，佢特價片皮鴨， 食落就真係覺得係唔合格， 叫咗炒蜆 ，好多都唔開嘅 ，叫部長嚟問點解甘多唔開 ？部長話 ‘’之前洗過㗎喇， 佢啲肉走曬出嚟㗎啦 ，佢之前開咗嘅，啲肉走曬出嚟嘅， 八個人望住佢都唔知佢講乜， 佢堅持唔肯退返個蜆。除咗個蜆之外其他食物都係劣食， 我哋叫嘅餸其實唔太飽，但己經唔想再叫，因知道無好野，唔想比佢賺我地錢。食物已經唔合格， 部長嘅對答更離譜， 啲茶沖多幾壺已經冇曬味，仲衰過好多小店，唔好比佢位置放便而去食，真係𣎴知所謂。…Read More

前兩日和朋友11人食飯，個d staff 係甘sell 我地食餐， 一個來完又一個,係咁疲勞轟炸 ,感覺佢哋好似有回傭收咁, 最後我哋畀佢哋遊說到食餐， 跟住又話加560蚊upgrade隻蟹， 諗住大家開心出嚟食飯食好點，便加咗。點知隻蟹嚟到啲腳全部都係炸咗先上，即唔新鮮？ 個蟹殼完全係冇蟹膏同蟹肉，唔知去曬邊， 感覺完全畀人呃咗，其他食物質素係ok的，除咗隻蟹。其他稻香冇咁嘅情況𣎴會𣎴停sell.我唔知呢間稻香出咗咩問題.…Read More

今日行過見到有下午茶， 入去一試， 一入去就見到好多唔同類型嘅figure，我以為入錯鋪頭入咗figure店， 店舖做到好有心思， 我一入去都話哇咗一聲。睇食評話食物正宗，我見到水吧和 waitress全部都應該係越南人，好有禮貌。叫咗個豬扒撈檬加熱咖啡，熱咖啡好正宗好飲， 個越南豬扒撈檬好地道， 青瓜同蘿蔔絲都好fresh，豬扒好軟滑。滿分。我都覺得好滿意＄43全個餐真係抵到爛，我唔明點解無咩人寫食評，以前係荃灣有間正宗越南餐廳已經關門大吉，而家搵到一間好地道嘅越南餐廳真係好 驚喜。這間我應會再常再來，朋友聚餐也是個好選擇。…Read More

餐廳裝修特別，食物多款式，走平民路線，但食物質素有待改善，食材其實唔太得。喇沙的粉 質素好差，但湯底好飲。燒魚不錯， 雞翼唔好食， 麵包咖哩蟹叫可以 無驚喜。蜆煲好難食，個湯超級咸，蜆咬唔爛又細粒， 小食拼盤都唔得 食物無質數，你只知食緊肉囉。飲品出色， 特別係芒果沙冰。服務叫做可以，有一個serve得有點惡，總括而言， 唔係泰國地道味道， 價錢平，自在可打卡 ，飲品好ok, 食物質素一般般。…Read More

lunch 飲茶小炒～嘅叉燒硬到冇朋友，冇味叉燒包~ 唔係平時嘅叉燒包汁 ，古怪炸軟殼蟹~ 裏面嘅蟹唔新鮮， 好多漿鳳爪～ 辣到跳舞唯一正常係 腸粉同薄撐其他都好差， 喺香港真係好難食到咁差嘅酒樓…Read More

近近地住附近下來食早餐，唔好食， 公仔麵無味，餐肉腸仔全部好油， 因星期六好多人，服務員態度好嘅， 但等好耐， 咖啡奶茶不錯， 但食物質素唔多得， 早餐來講唔會有下次.....…Read More

今晚同屋企人食晚餐，原本係諗住食好出名嘅拉麵，但係條龍超長，免得屋企人等所以轉左地方食。我記得兩年前黎過這間，咁都想帶屋企人來試吓。食完之後感覺係以後好唔掂。兩年前去過一次覺得幾好感覺好因為佢哋啲嘢好特別同埋佢每一樣都覺得好食。今晚同屋企人六點幾去到餐廳裏面係冇乜人。本來都唔覺得奇怪但食完之後就知道咩事啦。羊扒豬扒全部都好難咬啊有冇未，價錢亦都唔平，西班牙飯都唔正統嘅，真係好唔掂，感覺上個廚師好似換左咁完全同兩年前嚟嘅一啲都唔一樣。我係荃灣人但係我唔會再嚟啦，早兩星期仲見到雜誌介紹這一間以為仲可以keep得住，原來已經係差晒啦。…Read More