kary0707's Profile

慈雲山濃記車仔麵～3餸1麵底+飲品=$47佢有辣汁同沙嗲醬（唔辣）可以加，加左辣汁，湯底夠味ok既！不過有食食下有條短短地既頭髮😖有時當然好難避免，但衛生情況確實要加強一下！今次叫左蘿蔔，豬紅，豬腸，可惜豬腸超級*銀*咬唔到，其他味道都入味！凍檸茶夠甜正！我覺得凍檸茶要夠甜先好飲，出面好多都好淡又唔甜！最緊要店員有禮貌，有禮貌的店真係藉得介紹同埋都會再去👍🏻👍🏻不過上網睇原來都收好早4:30pm，同埋逢星期一放假。…Read More

樂道～亞當麵館3送1麵$45+豆漿$8=$53尋日去尖沙咀本身想食米線，但諗諗下都係搵下車仔麵食下，搵到呢間，入到去都好好服務，員工好有禮貌真係加分！仲要d送都好入味！叫左蘿蔔，雞翼，豬紅，河粉，小辣加腩汁！唯獨枝豆漿冇咩味！但一定會再去食👍🏻…Read More

基本上去最多客食的一檔，經驗話我知失敗率低。見餐牌有個黑椒濕炒牛肉米粉，咁得意，外面好少見黑椒濕炒。同侍應話要呢個，再問是否煎米底，會否多油。佢話煎米實多油，咁我就要炒米底算了。一上枱，有霸氣！牛肉勁多，茨汁勁實，一陣芽菜和炒米粉香。馬上拮兩舊帶汁牛肉食，汁略甜微黑椒味，又近似沙爹味，但同牛肉又好夾。牛肉不韌，又唔會重食粉味。炒米香，配菜都炒得香。整體成碟，在外面少見少食到，有特色。跟凍飲$55，絕對翻食，但後來得悉沙爹牛才是網紅食物！…Read More

觀塘來多碗～3餸麵+紙包檸檬茶= $55蘿蔔+冬菇+尤魚+米粉可以自己加蔥同黑色醬🤩蘿蔔好淋，又甜好好味！👍🏻冬菇厚切，但衰在有小小怪味，唔識形容，好似無洗咁既味🥲尤魚OK啦，無咩特別，舊店就好食d，但無得咁樣比較！觀塘呢間分店份量都幾多，但旺角果間分店就好味d，但旺角店比既份量勁小，食完都唔飽咁，觀塘呢間就足料好多，抵食！…Read More

喺IG見到好多廣告介紹食花膠雞米線，果間係駱駝漆1樓，但我見有人話4樓呢間好食d又平d，所以我試左4樓果間先。我專登兩點去到避開lunch hour，去到都無位等左幾分鐘人地埋左單就入得，我見好多人食花膠雞米線，不過我想飲黃酒雞湯，所以叫咗藥膳黃酒雞米線。黎到個樣就麻麻地，但個湯好好飲，米線就比較幼小小身，但好Q彈幾好食！但一食舊雞就奶野，係雪藏雞扒嚟嘅，雖然去咗皮同埋份量都多，但係麻麻哋啦個雞，食左2，3舊就無食了。但咁既價錢同味道都已經算ok，只係我唔係太鐘意食雪藏雞扒。同埋我本身鍾意食辣，枱面又冇辣椒油，如果佢有供應嘅擺埋出嚟會更加好囉，始終有d人社恐唔敢叫（例如我😂😂）黃酒雞藥膳米線$59+$2汽水=$61二撇雞…Read More

觀塘宏利金融中心舊西貢越南料理～一條友最鐘意去d坐得舒服既店食野，經過門口有姐姐好熱情咁介紹，我話去完廁所過黎，佢話陣間見，感覺有誠意，所以入去試下！下午茶雞亦撈檬$50包熱飲，不過我飲龍眼冰可以+$13，下午茶黎講唔算好平，但都幾大份。雞亦即炸熱辣辣好味！撈汁偏酸，岩鐘意酸既人，我個人就鐘意甜口d！不過都算ok！龍眼冰好大杯，又夠甜，好飲！最緊要姐姐好禮貌好招呼，坐得幾舒服，食野都開心d，有陣時某d餐廳就係小左d招呼，入去食野好似受氣咁，呢間做到幾親切，希望keep住d好員工…Read More

本身好鐘意食燒肉，有日我細妹發現呢間燒肉店，佢有1人燒肉餐，價錢好似唔算太貴，就黎試下啦。我地叫左1個和牛套餐（跟飯），1個牛涮鍋套餐（跟烏冬），野食到左睇落份量好小，咁我地諗住食到咁上下先再叫啦，我食佢個紫菜飯，勁淋，好似一pat野咁，其他野食都算ok,係個份量小d囉。我食完個飯都唔飽😂，有另外再叫小小其他野食，埋單每人平均人頭計$200，但食完唔算勁飽，要去第二到買返杯珍珠奶茶先得，哈哈！😂…Read More

上2個星期午餐時間，去睇下竹園街市有咩食，見到呢間有花甲粉，就試下，外賣自取$42，粉絲自動幫我分湯，非常好啊！！食完數數d花甲有成12隻，有2隻有沙，細細隻唔算太肥味，但要讚午餐時份個姐姐十分好禮貌！！咁我見幾好食，早幾日夜晚去想再買碗酸辣粉試下，但係有個男人，態度唔好，我係收銀位等左好耐都唔幫我落單，又無尾音，咁串唔休做我咪幫襯第二間囉。雖然唔係話咩貴野，但其實都要專重人，咁既態度下次都唔想幫襯…Read More

今日見到新開張，門口見貼住有午餐牌，見唔算好貴咪入去試下。一入去未坐低，個阿姐好熱情咁問飲咩茶，坐低後見無午餐牌，咪諗住叫阿姐拎午餐牌，佢話今日無午餐（可能今日星期日）咁咪睇下有咩食，最後叫左個酸菜魚小辣（$188）同小炒皇（$98）小炒皇個樣ok,但食落唔係太夠味同無獲氣，酸菜魚一黎到，見到個湯橙橙地色，心知不妙，食落去無味，個湯仲要怪怪地，完全唔係食開果隻味！整體上唔好食，係叫坐得比較舒服，下次唔會再黎…Read More

朋友過來新都城搵我食韓國野，佢地食過話ok 就試下，整體不過不失，但門口女員工可能忙做到燥，唔係幾好禮貌，問佢野講野比較掘。坐位比較迫，行過其他台要側身，好易撞到人，入坐計用餐時間90分鐘，上菜都較快，如果2人坐張台好細，坐得麻麻地。叫左5樣野食，最好食係豆腐泡菜湯，其他都麻麻地，可能叫錯左款式唔係幾岩口味，我Friend 就話之前食過ok，不過感覺新都城無咩韓國野好食，所以先多人排隊，整體上感覺好普通無特別…Read More