julie.sdaily's Profile

二訪的韓國fusion菜😍🇰🇷今日介紹位於尖沙咀海運大廈內嘅韓國fusion餐廳「奇納百川」，之前同朋友食過覺得味道有驚喜所以今次決定再訪🤤🫶🔹香辣慢煮雞沙律($138) 呢個沙律簡直可以用jumbo size嚟形容，滿滿嘅椰菜同泡菜，酸酸辣辣好開胃，再配埋啲麵包粒增加咗整體口感🤤佢嘅辣全部來自泡菜嘅辣 連我唔太食到辣都接受到嘅bb辣🥴慢煮雞份量都好大方，唔算好juicy但都嫩嘅👍中間有隻溫泉蛋，沙律撈埋蛋黃超吸引🤤💕！🔹香橙漬三文魚明太子忌廉醬烏冬 三文魚用橙醃過，食落有淡淡嘅橙味 幾特別😋至於烏冬，不得不提「奇納百川」嘅烏冬真係好！好！食！煙韌度煮得啱啱好！好彈牙😍！明太子忌廉醬味道剛好，亦唔會太稀，做到掛汁效果👍🔹明太子蛋卷紫菜包飯卷($108) 對比上面嘅2款食物，呢個飯卷就會稍微遜色🫢飯卷包嘅餡大同小異～不外乎蛋絲、紅蘿蔔、韓式醃蘿蔔、青瓜等等，可能嗰明太子醬用咗較多蛋黃醬去調校，食落蛋黃醬味蓋過咗明太子味，變咗有啲似食緊加洲卷😓🫢總結: 「奇納百川」食物質素唔錯👍食物份量超級大！CP值高！我哋2個女仔最後都食唔哂🤣😅環境舒適，有塊大玻璃望海景，夜晚望到靚靚夜景夠哂浪漫☺️💗如果想夜晚chill chill地食dinner 我會推薦呢間🤤…Read More

話說我唔係好好燒肉嘅人，加上光顧前睇到啲食評都幾參差，所以本身對呢間店唔太抱期望🤭點知食過先發現係潛力股！！🤩🤣今次我哋揀咗早鳥時段嘅燒肉放題（$238+1）入坐時就會俾一碟燒肉拼盤同一碟刺身☺️除咗基本肉類同海鮮外，仲有好多小食可供選擇，例如冷盤嘅沙律、胡麻豆腐、壽司、米紙卷同飯/烏冬/拉麵，絕對唔會食唔飽🤣講吓肉類先講我嘅飛佛雞肉啦😍有雞腿肉同雞翼揀，雞腿肉超！級！淋！超！juicy！❤️❤️燒咗好耐以為會好乾，點知都仲係好嫩！😳🤤超級讚佢啲雞肉！💮餐廳好體貼咁將雞翼剪成單骨，食個陣都唔會好麻煩😛牛肉有牛肋骨肉、牛胸腹、一口牛同牛舌等選擇，大部分口感都好好😋只係一口牛質素較幾差，時韌時淋😂😅豚肉就有薄切/厚切豚肉、角切豚肉同豚肋條等～個人覺得豚肋條最好食～雖然細細條但有肉食之餘又唔會好韌👍反之薄切/厚切豚肉就好易overcooked 少韌😌🤌羊肉有羊架，我哋唔食所以就評唔到～肉類調味主要有鹽燒、果味、燒汁同wasabi揀，本身調味已經足夠，個人覺得唔洗再額外用佢提供嘅汁了🤪（例如檸檬汁同燒汁）至於海鮮種類都算多，有廣島蠔、帆立貝、虎蝦、蜆、魷魚筒等，質素都唔錯👍前菜、小食都非常多選擇，炸物、沙律、壽司、飯麵任君選擇，佢個芒果米紙卷好好食，好refreshing，encore咗好多次😆湯烏冬/拉麵仲有一隻溫泉蛋😳咁高質得唔得架😌❤️每位客人都有一支韓國雪條/甜筒，不過好唔好食就見人見智啦🙈總結：店內環境整潔舒適，抽風系統好好👍食完個身都無油煙味，呢點好重要同好加分！😆上菜速度快、職員欣殷有禮👍食物質素高，同我食之前嘅expectation好大出入所以好有驚喜！🥰絕對會再食過今次我哋揀嘅早鳥時段燒肉放題（17:00-19:00）$238+1，之後嘅黃金時段（19:00-22:00）就要$338+1，價錢都差幾遠不過想食邊個時段就自行選擇喇💸💸🤪🔖尚八日式燒肉店📍荃灣川龍街118號百悅坊12樓 …Read More

近年越嚟越流行食poke bowl 除咗因為佢夠哂instagramable之外，仲要包含三大營養素 係一個好健康嘅選擇😍🤪今次就要介紹位於深水埗大南街嘅Poke Go🤤有選擇困難症（/懶）嘅人可以揀餐廳已set好嘅bowls，想特別啲嘅就可以揀build your own bowl自己DIY，我哋就揀咗DIY😛🔹三文魚+蟹籽+雞蛋絲+麻醬豆腐+珍珠糙米、沙律菜+果仁醬+all seasoning ($98)🔹吞拿魚+蟹籽+雞蛋絲+枝豆+珍珠糙米、沙律菜+山葵乳酪醬+all seasoning ($98) 因為配料差唔多所以兩碗貌相相似🤣 三文魚同吞拿魚都好大粒、新鮮👍🥰 蛋絲好幼身 甜甜地，有啲似玉子🤤 麻醬豆腐芝麻醬味濃 豆腐嘅質地綿密，雖然好食但食得多會有啲膩🤣 枝豆份量多，鋪滿哂成碗，增加咗成碗嘅口感😆 我揀嘅山葵乳酪醬好重wasabi味，開頭以為有乳酪中和返嗰wasabi味，點知一樣俾佢攻到嗰鼻幾次🙈🥲 果仁醬質地杰身少少，果仁味未算好突出，唔太識形容嗰味😂 好彩我哋揀咗糙米&沙律菜一半一半，因為所有配料都好多所以超飽 差啲食唔哂🤣🔹菠椰菠蘿ME（$48） 以呢個價錢嚟講飲品嘅size偏細🥲 椰子味🥥＞菠蘿味🍍 不過勝在refreshing🥤😋總結：整體份量非常大，細食嘅人可能要同人share🙈bowls嘅CP值高👍味道滿意❤️不過略嫌店內音樂過大&冷氣不足，炎炎夏日嘅日子入面食 食到出哂汗😅真係熱融了🫠🔖Poke Go📍深水埗大南街211號地舖 …Read More

近年出名嘅韓式炸雞& pizza店🍗🍕🔹香芒海洋regular 10° ($158) 貌相靚🥰有蝦、帶子同魷魚三種海鮮，雖然種類唔算多但嗰量都俾得幾大方🤣👍 成個pizza都佈滿咗芒果粒同醬🥭甜甜地幾特別😋 Pizza厚度適中，夠鬆軟，唯一不足係略嫌燒烤醬落太多，食多幾啖會蓋過芒果味同幾膩🥲🔹海鮮紫菜意大利飯（$98） 同樣貌相吸睛🥰 取名為「海鮮」紫菜意大利飯但出到嚟只有三隻青口🤓😅 因為落咗芝士去煮所以每啖都有拉絲&濃濃嘅芝士味，但唔會蓋過紫菜味👍 不過真係要講調味太重手🥲食完好重味精，而且嗰飯未煮透仲係好硬，似生米多過意大利飯。。。🔹焗芝士雞排牛油拌飯（$96） 呢個有啲似阿活嘅焗飯🙈😅 蕃茄味濃🍅雞排有炸過仍然keep到有肉汁👍飯係炒飯底 唔馬虎！ 芝士味濃過牛油味🤣 同樣問題，調味過重，食幾啖都已經覺得好重味精🔹芝士秘製炸雞 （6件$118） 是次MVP💮即叫即炸熱辣辣之餘仲好juicy🤤❤️ 芝士粉落得啱啱好 唔會太heavy💕 調味係全餐做得最好嘅🙈🔹沙律&飲品（各+$15） 沙律用咗韓國嘅柚子蜂蜜醬 好fresh👍 飲品係蜂蜜綠茶，唔太甜，飲落清涼又解渴，啱哂攞嚟refresh一下重口味嘅食物🙈😅總結：連埋今次食咗3次Pizza Maru但今次嘅食後感係最一般😂🥲一嚟整體食物調真係太咸，二嚟CP值不太高，可能下次食都係食返炸雞好啲🙈。。🔖Pizza Maru📍荃灣楊屋道1號荃新天地1期UG樓28及30號舖…Read More

話說有日突然好想食𝗢𝘂𝘁𝗯𝗮𝗰𝗸嘅（名物）黑糖包 所以就去咗食lunch😂🔹跟餐黑糖包&是日餐湯 話明名物就梗係介紹佢先啦😂 嚟到嘅時候熱辣辣勁正😍軟熟又重（唔係空氣包），食完會有飽足感個種😋 搽埋忌廉芝士醬就更正啦，不過我覺得最好食其實係要沾湯😝（食親西餐 餐包都一定要沾湯派🙋‍♀️） 至於餐湯味道就中規中矩啦，有好多粟米好甜😙但有啲咸😖最後都咸到無飲哂🔹燒盲槽魚柳（$128） 本身以為淨係得一條魚柳同少量配菜，點知仲有飯係底，食完超飽😳👍 魚柳好大條，肉質嫩滑唔梅🤤見佢咁靚仔又燒到好香脆咁，連我唔食魚皮嘅人都食埋😛 個飯應該係𝗢𝘂𝘁𝗯𝗮𝗰𝗸嘅rice pilaf（特色雞味飯）🧐之前食燒蝦飯都係同一個飯底 落咗洋蔥同一啲香料，飯炒得好香😋粒粒分明，令人一啖接一啖咁食👍 配菜一啲都唔馬虎😌有炒過 少少蒜味幾香，分量又多，食完成個餐都覺得自己好健康😂🤓🔹芝士白汁燒蝦寬麵（$128） 唔好睇佢好細份咁 只係係個碟過分大隻顯得分量少，其實好多😝👊 醬汁好濃，做到掛汁效果😍啖啖都充滿芝士味，芝士控好滿意🤝 一碟入面有好多隻蝦 大方👍蝦夠彈牙，有調味 寬麵煮得啱啱好 al dente ah😹 🔹燒加拿大帶骨黑毛豬扒（$148） 最後要介紹嘅呢個餐真係令我好失望🥲😟 見佢個靚好吸引都期待仲陣（直至我食為止🙃） 首先佢寫「帶骨」雖然出到嚟係無嘅都算啦反正我又唔係要食骨。 之後講佢嘅肉質，切個陣見佢咁難切已經feel到不妙架喇，點知不出所料，韌到我以為自己食緊牙膠/鞋底😇 肉同跟埋嘅燒汁味道正常但又硬又韌，咬到我牙骹都軟埋 勁攰😌 飯同配菜同盲槽魚柳個碟一樣，好食嘅👍 其他餐係好食嘅，我相信只要唔叫呢個就得😂🤷‍♀️🔖𝗢𝘂𝘁𝗯𝗮𝗰𝗸 𝗦𝘁𝗲𝗮𝗸𝗵𝗼𝘂𝘀𝗲 …Read More

足足三年無踏足過台灣🇼🇸為咗暫時慰藉下爆發嘅思鄉之愁🤯成日都周圍搵台式餐廳🤣搵下搵下就係屯市發現咗之前係九龍灣都想食嘅「九份飽」😍人流都幾多下😳不過流動率都算快，排咗陣隊就有得入座喇～🔹台灣擔仔麵（$45）🔹台灣擔仔刀削麵（$55） 想當年係台灣食「度小月」嘅擔仔麵，細細碗的的骰骰幾好食，今次係到見到有啲懷念就試下啦～ 兩碗都唔算大碗（但比印象中食過個碗大🤣） 從外表睇刀削麵比油麵大碗（可能係錯覺🙈）刀削麵好彈牙好食🤤油麵煮得剛好 無淋爛 用咗蝦仁、肉燥、貢丸、半隻滷蛋、雪菜、芽菜同芫茜做餸 蝦仁彈牙，肉燥偏咸重味，貢丸爽口，滷蛋入味 整體味道唔錯😋其他配料就正常發揮啦～ 湯底好香😍一上枱第一時間就聞到佢嘅香味🤤唔會過咸 好食👍🔹香酥雞排魯肉飯（$52） 雞排唔算大塊但勝在啖啖肉 脆博博😋 魯肉肥瘦適中，食完會黏嘴，滿滿嘅膠質🤣🤪 同擔仔麵一樣嘅滷蛋😋食到一半再食埋半塊醃蘿蔔可以refresh下再食小食😛🔹海苔肉鬆起司蛋餅（$38） 多數見台式餐廳都會將蛋餅每條分做四件方便食用，但呢到就只分成兩件，食一件都有飽足感🤣不過我鍾意～🥰 俾好多肉鬆😳👍海苔都夠，每啖都有海苔同肉鬆味 正🤤 相比下芝司好似唔算多🧐某幾啖隱若都有芝士味但唔係好出 蛋餅個底有少少脆😍，比起成件都係淋身嘅 我更鍾意食脆脆地嘅蛋餅所以好啱我😋 旁邊有附辣醬，點埋嚟食少少辣幾過癮～🔹鹽酥雞（$38） 食台灣菜又點可能遺忘佢呢！即炸勁熱（氣）夠邪惡😙 調味好香，炸粉唔厚唔油膩，食完都唔覺得成口油👍🔹凍百香果紅茶🔹凍鳳梨紅茶（跟餐+$10） 圖左百香果 右鳳梨🍍 兩杯顏色一樣，唔靠飲管顏色分基本上唔知係邊杯😂😅 以為會有果粒點知原來係無 兩杯嘅紅茶味都幾重，少許蓋過生果味，百香果味道突出過鳳梨所以我百香果紅茶＞鳳梨紅茶😗 比較下飲品有啲遜色 唔太特別，不過仲有特飲嘅 無試到我就唔知佢地質素喇～😛總結:整體而言係個唔錯嘅餐飲體驗，會再去食😚不過餐廳面積真係好細，枱與枱之間距離好窄，基本上係背對背🫣店細但人流多所以會出現店員趕客嘅情況，食完一陣就會即刻收碗，亦時不時係客人附近行下睇下，會有少少壓力😅🔖九份飽 𝗝𝗶𝘂 𝗙𝗲𝗻 𝗙𝘂𝗹𝗹📍屯門屯隆街2號屯門時代廣場南翼地下22號舖 …Read More

平時行屯市Donki同GU都會俾一間開放式cafe吸引到，玻璃櫃嘅食物samples都好靚😍想試好耐🤤因為佢經常性滿座所以無食到😕不過今次下午茶時間經過竟然遇到佢有位😳行得有啲攰就順勢入去試試~🔹清甜柑橘窩夫（$88） 既然cafe以柑橘做主題就梗係要試呢個味啦😚 貌相好Q🤣❤️符合主題，有一塊塊🍊係面 窩夫好大份，夠外脆內軟👍 味道唔錯但唔算特別😗🙈🔹熱情金菠蘿沙冰（$48） 成塊菠蘿插係杯邊👍 幾香菠蘿味🍍甜度適中🔹濟洲柑橘乳酸梳打（$48） 上層紫色 下層橙色🍊好夢幻嘅飲品🤣 紫色應該用咗蝶豆花(?)🧐橙色就係鮮🍊汁，好fresh～總結：食物都好靚，同玻璃櫃嘅samples都一樣，用嚟打卡真係一流🤣😍不過整體食物味道都未算好令人好難忘～定價都偏進取，值唔值得食就見人見智啦😛🔖𝗧𝗲𝗿𝗿𝗮𝗰𝗲 𝗶𝗻 𝘀𝗲𝗮𝘀𝗶𝗱𝗲📍屯門屯順街1號屯門市廣場一期UG樓9-12號舖…Read More

話說之前同fd去長洲個日到步就落雨🥲係無plan嘅情況下我地漫無目的咁行，諗住見到乜就食乜，但點知個日有好多餐廳無開喎🙃就係呢個時候 俾我地係中興海傍路見到有間餐廳嘅banner，所以就行去睇下啦，原來係間cafe嚟嘅🧐感覺唔錯就入咗去試喇～因為兩個餐其實只有上面toppings唔同👻其他配菜都一樣，我就唔逐一介紹喇～🔹牛油果滑蛋盒子吐司（$58）🔹煙三文魚滑蛋盒子吐司（$68） （每個盒子吐司都配有芝士碎、炒雜菇、沙律菜） 等咗15分鐘左右到餐喇，首先淨係個擺盤都夠吸晴啦🥴 切開個吐司後即刻冒哂煙😳👍影相都影咗陣都保到溫🤭😂 吐司好香牛油味🤤滑蛋唔止得面頭見到個啲，味道唔錯 幾重蛋味🥚仲塞滿咗吐司入面，好大方！👍 炒雜菇用咗蒜蓉炒，食落好香蒜味😋食哂都幾重口味～🤣 沙律菜用咗士多啤梨醋🍓幾特別🤪 至於toppings就想像到嘅味道嚟架喇，但係牛油果真係一般，未熟 食落好硬，成陣生味。。。😓希望可以改善下🔹跟餐飲品 熱柚子蜜（+$3） 本身係「檸檬柚子蜜」但個日店員話檸檬嚟唔到貨所以只有純柚子蜜，都唔緊要啦 味道正常發揮🍯總結：以cafe而言，GUTS cafe食物定價親民，環境舒服，如果唔想去啲價錢進取嘅cafe去呢到chill下都係個幾好嘅選擇😚🔖吉士咖啡店 𝗚𝗨𝗧𝗦 𝗰𝗮𝗳𝗲📍長洲中興新街23號地舖…Read More

去親長洲都幫襯角酪，諗住搵啲新意啦所以就周圍走發掘下未食過嘅甜品店🤓行下行下就俾「茶山」嘅甜品櫃吸引咗我同友人👀裏面有最近好hit嘅牛角窩夫🧇🥐😍仲有芭菲etc我地行到攰加上天氣熱，見到個櫃 我地二話不說就決定食呢間🤤！🔹無花果牛角窩夫配薄荷朱古力雪糕（$52） 擺盤夠哂靚💓💯 有兩大件嘅牛角窩夫夾住雪糕，我地兩個share一人一件啱啱好，食完都有啲飽🤣🙈 Croffle即叫即整，外脆內軟，好香牛油味🧈😋 配上清新嘅薄荷朱古力雪糕 同croffle嘅牛油味好夾👍 揀咗特別啲嘅無花果 但應該未熟得哂，有啲硬同草青味🥲🔹綠茶紅豆白玉芭菲（$64） 呢個芭菲中哂我地兩個嘅胃💓首先要講下佢個綠茶雪糕！超！好！食！🍵 同H字頭嘅綠茶雪糕重茶甘味唔同 「茶山」呢隻較重奶味，好似飲緊matcha latte咁🍵😋 第一層有綠茶蕨餅同白玉各一、紅豆、雪糕同cream🍨 第二層有蛋糕同脆脆🍨 第三層重複紅豆同綠茶醬🍨 底層都係綠茶蕨餅同白玉、紅豆🍨 紅豆微甜 可以中和綠茶醬嘅甘味👍每啖都食到cream 我地一邊食一邊話「好邪惡啊」😂🔹檸檬 台灣蜜香紅（$34） 友人本身想飲白桃烏龍，不過個日無 唯有叫呢杯，如圖所見，就係一杯凍檸茶💁🏻‍♀️🔹百香果 全萱青茶（$34） 好多百香果籽 味道正常總結：「茶山」係間有質素嘅café😛想同fdchill下的話係個唔錯嘅選擇👍不過要留意因為店內只有4張枱，想食就要有心理準備俾啲耐心等候喇，我地個日接近17:00去到都等咗一段時間先入得🥵（食好西嘅代價😌）🔖茶山 𝗠𝘁𝗲𝗮📍長洲新興街45號地舖…Read More

自從睇完米紙YouTube介紹呢間位於深水埗嘅餃子店後就一直都好想去😍前幾日終於搵到機會去喇！！😍由於舗頭唔係喺地鐵站附近，最後都靠Google Map定位帶我去🙂🔹雲耳椰菜豬肉煎餃 8隻（$42） 每隻餃都煎得非常金黃，見到都流口水🤤 咬落脆卜卜仲爆肉汁好正！🤩 之前食過有啲豬肉餃肥膏比例多過瘦肉，咬落成陣豬腥味（諗起都想嘔🥲） 不過「家後」嘅豬肉餃肥瘦比例適中、調味同餃子皮厚度都剛好😋 但係要略嫌唔太食到雲耳嘅存在，感覺上似食緊椰菜豬肉餃，有一刻懷疑係咪俾錯😅🔹香茹粟米雞肉湯餃 8隻（$38） 餡料夠足，粟米較淡色好甜😋食落唔似罐頭粟米 唔知係咪用新鮮粟米呢🧐😆 整體餡料好夾，YUMYUMYUM😛 一定要讚下佢個湯底！自家煲嘅粉葛赤小豆老火湯，超清甜，我飲哂成碗都唔口渴🤩👍 仲有兩條菜食完覺得好養生❤️🔹加$16轉套餐配日式飯團，包冷/熱飲品 飯團用咗日式醬油調味，加咗牛蒡絲，好似仲有啲肉，又一個養生餐🤪🔹五香牛腩上海麵（$35）飲品+$6 豬骨湯底，同樣有兩條菜😂 牛腩煮得好腍！👍一絲絲肉無渣🔹開心果芝士蛋糕（$33） 相信有聽過「家後」嘅人都知佢有cheescake食😳❤️ 由老細嘅日藉太太每日手作👍聽講味道要根據太太當日心情而定🤣 我去食個日就有原味、開心果同提子冧酒，我揀咗開心果 超濃開心果味😳😋！勁好食！ 不過比我想像中嘅細件，以呢個size而言，價錢定位就有啲偏高...總結：因為「家後」人氣太高，我地做完嘢去到13:20已經排晒隊，店內較細我地都等咗差唔多半個鐘先入到去食，下次要等開口先得😤雖然熱融了🫠但食完有信心講絕對值得排隊食！！🔖家後 𝗛𝗼𝗺𝗲𝘆📍深水埗基隆街211號地舖…Read More

牧羊少年咖啡館（屯門）即叫即整意粉🍝🤤相信「牧羊少年咖啡館」呢個名對好多人都唔陌生🤓每次去到屯門市廣場諗唔到食咩都會食佢 因為多數都唔會伏🙈餐廳每一段時間就會轉menu 今次我去食嘅就有呢啲🔹香草青醬雞肉蘆筍意大利粉（$82） 有兩大條烤過嘅蘆筍放面，調味適中👍非常嫩身，咬落唔會有渣 青醬味道正常發揮😆雞肉唔乾柴，有啲菇增加口感🍄 成個意粉有淡淡嘅香草味😋 不過略嫌有啲油，食到底見到少少油 可能因為青醬要落油去blend嘅關係🧐🔹俄式牛仔柳意大利粉88 係一個一嚟就俾面頭嘅酸忌廉搶哂fo嘅意粉🤣 除咗牛仔柳，仲有白蘑菇同洋蔥❤️ 一定要讚下牛仔柳超！腍！！超好食😍👍 意粉撈埋酸忌廉一齊食可以refresh下😋 兩個意粉都即叫即整 一撈起佢就飄哂煙😂NICE！🔹餐湯: 南瓜湯 西湯入面我最愛嘅就係南瓜湯 呢個湯夠哂香濃💕不過略嫌唔夠熱🔹跟餐飲品凍檸茶、熱白桃烏龍 凍檸茶茶膽清徹👍 去親牧羊 白桃烏龍都係我嘅go to❤️🍑因為真係好好飲！白桃味好香 烏龍茶味唔苦 好清新🍃總結：「牧羊少年咖啡館」嘅食物質素都偏高，之前係K11個間食都係高質😋除咗意粉，飯/all day breakfast都好好食🤤好鍾意佢嘅素食all day breakfast🥑🔖牧羊少年咖啡館📍屯順街1號屯門市廣場1期2樓2151號舖…Read More

話說我係個好鍾意飲豆乳嘅人(豆乳＞牛奶)，身為soymilk lover聽講元朗有間自家製嘅豆乳專門店就梗係要試下啦😆舖頭標榜豆乳採用加拿大非基因改造大豆，不加防腐劑，每日本地新鮮製造👍有超～多味道選擇，對我呢啲選擇困難症嘅人極度不友善🤣左揀右揀最後揀咗三款幾常見 一款特別嘅～由左至右：🔹榛果可可豆乳（$28） 可可俾人感覺好甜但佢地嘅豆乳都係無糖/微甜，所以就算係可可豆乳都唔會有呢個問題🤪 微微可可味，唔太甜👍 有啲似朱古力好但又無佢嘅甜膩感，反而更加幼滑清爽，飲哂成支都無罪惡感🥴！🔹玫瑰豆乳 第一眼睇個陣覺得伏伏地😂但又好奇喎 於是抱住想飲卻又怕受傷害嘅心情買咗🙉結果出奇地夾 我幾鍾意🥴 聞已經陣陣玫瑰味，飲落淡淡嘅玫瑰味，唔會搶咗豆味👍🔹微甜核桃黑芝麻豆乳（$30） 廢話少講 呢支係四支入面嘅第一！💮 見到樽底粒粒黑芝麻碎就知佢真材實料🤤 搖勻佢飲好正！啖啖黑芝麻碎超香濃！ 雖然叫「核桃黑芝麻」但講真feel唔到核桃味，黑芝麻味存在感太大🤣🔹抹茶豆乳（$26） 作為抹茶控之一，本身對佢期望最大，可惜佢係表現最一般嘅🥲 期望越大失望越大，不論聞定飲都無抹茶味🥺 飲落只係一支微甜嘅純豆乳，如果係咁我寧願買原味豆乳 起碼平啲🫢總結：就甜度同豆味濃度方面 好豆製研究所係做得好嘅，但整體而言豆乳質地都較稀身，我鍾意杰身而且有味道嘅豆乳普遍都唔太出，豆味始終都會蓋過一部分，個人覺得可以再落重手啲 如果唔係就同原味豆無分別😅🔖好豆製研究所 𝗕𝗘𝗔𝗡𝗟𝗔𝗕📍元朗鳳翔路63號金馬大廈地下12號舖…Read More

近年元朗越嚟越多高質小店，今次就俾我發掘到間超！好！食！嘅日式小店😋👍「和洋食屋」嘅意思係日本係指日式西式餐廳「咲和洋食屋」主打手工意粉，店外只有樸素嘅木系嘅裝修，行過見到突然有間舖格外突出嘅感覺就望下啦🧐隨即就有位女店員走出嚟好熱情咁介紹，見佢好有禮貌 食物價錢又合理就試吓啦！🤩🔹北海道蟹肉特濃蟹膏意粉（$88） 一大堆蟹肉同蟹子鋪滿哂啲意粉🦀非常吸引！😍 好香洋蔥同蒜蓉味，醬汁夠味🤤但略嫌未夠杰身，令到意粉唔可以太掛汁，如果唔係就perfect喇！👍 意粉非常彈牙！不愧係手工意粉啊！😍（最怕食腍啤啤texture😅） 中間個篤蟹膏就少咗啲啦 唔夠喉啊ching😂 雖然其他點都足以cover呢個不足🤪🔹和牛肉醬特濃番茄意粉（$88） 餐廳俾嘅和牛肉醬真係一啲都唔手軟...！😳 蕃茄切到同肉醬同樣大小，每啖都食到蕃茄同肉，絕對係一大享受😎 肉醬好重牛味，食得出唔係cheap cheap肉碎 醬汁偏甜，香草味同蕃茄味balance返牛味，令到整體唔太膩👍🔹凍抹茶鮮奶 （跟餐半價$20） 呢杯抹茶鮮奶啱哂各位抹茶控🍵❤️ 貌相好之餘，味道都令好滿意🫶 最記得飲咗幾啖之後女店員（應該係老闆娘）過嚟同我地講呢杯飲品用嘅抹茶粒粉係正宗京都宇治抹茶，絕對唔係茶精 的確飲落嘅茶味非常甘香，牛奶味香濃，唔太甜，推薦！❤️‍🔥🔹凍手工冷泡焙茶（跟餐+$3 原價$28） 同樣茶味甘香，解膩一流😋 呢個都係熱情女店員同我地講😂膠樽用咗可重用物料製作，所以可以帶返屋企清洗乾淨之後當出街水樽用👍🔹餐湯&沙律（FREE） 沙律落咗醋，酸酸地幾開胃👍 非提不可嘅粟米湯🌽🥄 超級鍾意飲呢個湯！😍熱辣辣得嚟仲要啖啖都係粟米！ 唔單止飲，仲可以咬嘅湯😍🤣（如果可以續碗我一定續🙊）總結：「咲和洋食屋」同我上次介紹過嘅「木玥巷」一樣，都係一間性價比極高嘅餐廳，一定會再食❤️食物質素一流，每樣都係即叫即做，保證上枱時熱辣辣❤️‍🔥服務態度熱情友善，會對第一次到訪嘅客人介紹餐牌👍店內以日本昭和時代為主題，一張張懷舊poster同裝修，充滿懷舊氣氛🎎🔖咲和洋食屋 𝗦𝗔𝗞𝗜📍元朗裕榮徑11號好旺洋樓16號舖地下…Read More

今次介紹位於尖沙咀𝗞𝟭𝟭 𝗔𝗿𝘁 𝗠𝗮𝗹𝗹嘅爆餡三文治🥪𝗛𝗔𝗡𝗗𝟯𝗔𝗚成日都係IG見到佢嘅跡影，見佢爆哂餡 個樣又吸引，引起我滿滿嘅好奇心🤓所以就去give it a try la舖頭位置好易搵，港鐵尖沙咀/尖東站D3出口一出就係🚇牧羊少年隔離🔹搖滾雞鐵板三文治（$49） 內有手撕烤雞肉🐓｜蘋果🍎｜車打芝士🧀｜炸洋蔥圈🧅｜烤核桃碎｜羅馬生菜🥬｜焦糖洋菜蛋黃醬｜俄式蛋黃醬 果然與圖相符，爆哂餡，有誠意！🤩 滿滿嘅雞肉、蘋果片、芝士、核桃碎、生菜、洋蔥圈塞爆左成個三文治，一口咬都咬唔哂全部餡，我都唔知點食🤣🤣 外表就高分架喇，不過關鍵嘅味道方面呢就中規中矩啦〜 唔知其他三文治係咪都係咁，但我呢個個餡就應該整做沙律先再夾麵包，所以係凍嘅 雞肉味道ok但少少鞋口🤭蘋果、生菜同核桃碎增加咗三文治嘅口感👍洋蔥圈唔算多但都有佢嘅香味〜蛋黃醬好夾食落唔heavy😗總結： 整體雖然外表吸引，但味道中規中矩，無令我「哇！」一聲嘅驚艷🧐（帶返個頭盔先🪖）可能我呢個較普通所以令我少失望，其他三文治個餡都幾特別，應該表現好啲嘅🤭〜🔖𝗛𝗔𝗡𝗗𝟯𝗔𝗚📍 河內道18號K11購物藝術館B2樓B226號舖…Read More

講起長洲飲品店，近年一定少不了呢個主打乳酪飲品嘅「長洲角酪」啦🤪佢啲靚靚飲品打卡一流就梗架啦，店內個幅「長洲港鐵站」紙皮石牆都唔可以錯過啊！角酪標榜自家製作乳酪配新鮮水果，除咗乳酪飲品外，仲有水果梳打同果花茶！🔹莓莓角酪🍓（$38） 呢杯少女心爆棚嘅莓莓角酪應該係角酪嘅招牌之一啦！ 杯身放咗兩塊士多啤梨，淡粉紅色嘅乳酪夠哂靚😍 平時飲水果飲品最怕就係飲到「水果味」飲品（即係話用水果整但其實係用果漿🙃） 角酪嘅飲品就唔係呢，飲得出真係用純水果👍有啖啖果肉同水果香味 🍓味好夠，味道唔假又唔太甜，飲完個口仲keep住有陣🍓味🤣 除咗有🍓嘅果肉口感外，仲有紫米係底，煙煙韌韌咁 正！🔹櫻花角酪🌸（$45） 呢杯飲品係期間限定，見到店外幅圖好吸引就毫不猶豫揀咗😂 攞到手之後雖然同幅圖有啲出入但味道都無令我失望 因為用咗鹽漬櫻花同天桃，所以飲個陣會有鹹甜交雜但又唔會互搶味 好清爽〜 總結：今次飲嘅兩款飲品都唔會太甜，飲哂都唔會覺得膩/喉嚨好辛苦。如果想叫少甜，舖頭都有呢個選擇嘅（btw櫻花角酪已經調好咗味所以就無得叫少甜啦〜），幾搞笑嘅係收據上面寫飲品嘅甜度唔係平時嗰啲全糖啊半糖，而係「同你一樣甜」、「幾甜都無你咁甜」、「真心甜 講緊你」etc🤣連收據都咁口甜舌滑得唔得架〜🤫以為佢只有飲品？NONONO 角酪仲有卷蛋（名為「角酪卷」）好似好吸引咁，不過我地食都好飽就無試喇，下次再試！🔖角酪 𝗖𝗵𝗲𝘂𝗻𝗴 𝗖𝗵𝗮𝘂 𝗖𝗼𝗿𝗻𝗲𝗿📍長洲新興街78號地舖…Read More