harriethsumina's Profile

其實我真係唔多食酸菜魚呢一樣嘢，因為太濃味嘅嘢唔係我杯茶。不過呢度勝在多選擇，而且佢仲有我想食嘅麻辣燙（仲可以自由組合啲餸菜）所以我係幾鍾意嘅。首先講吓個酸菜魚先個人覺得有少少油，不過佢可以選擇辣到方便，我覺得真係好好，因為有好多餐廳佢嘅酸菜魚都係固定嘅辣度，所以就有時怕太辣就冇買到嚟食。另外同佢個手打檸檬茶出奇地配搭到，所以我覺得如果大家係想試啲唔係太濃味（講緊唔係太辣嘅酸菜魚）呢度可以試一試。…Read More

有一段時間冇嚟到，因為搬咗屋，但係咁啱去附近做嘢，所以就嚟呢度食一個lunch啦。$208海鮮粉裏面嘅帶子非常大粒好鮮味，有別於一般餐廳用細細粒嘅元貝仔我覺得係幾驚喜嘅。個汁少少酸辣幾惹味，不過我略嫌個份量少咗啲啲。因為今次趕時間嘅關係，就冇叫到嘢飲之前飲過好大杯嘅凍飲飲類似荔枝梳打茶嗰啲，下次會叫返。另外我比較鍾意呢度個環境，因為其實佢係寵物友善餐廳，所以會見到狗主帶埋自己嘅小寵物過嚟一齊食嘢，氣氛唔錯。如果有時間嘅話下次會食埋佢個甜品Fleur lover …Read More

其實我真係好怕食有腥味嘅魚而響呢一度食魚係絕對冇呢個問題。因為無論你揀寧波魚又好或者其他黑魚片又好佢都會徹底咁煎過先，然後就再落醬炆，所以基本上唔會有腥味呢件事。另外今次叫咗魚皮同滷水拼盤做小食，我自己就好鍾意食爽脆嘅魚皮，因為佢同黃椒紅椒絲一齊食，真係好爽口；至於滷水拼盤我覺得有少少失色，因為佢嘅滷蛋有啲硬，同埋啲筍個人認為可以唔需要咁重口味（當你其他嘢已經好重口味嘅時候）所以如果我下次去嘅話可能會叫烤串。…Read More

其實我本身係冇乜去過呢類主題餐廳嘅，所以一入到去個感覺，我覺得有少少似文青Cafe😂但係文青Cafe可能冇酒飲，呢度係有唔同嘅Cocktail同埋其他highball, 所以一邊食嘢一邊聽歌一邊飲酒嗰種感覺係唔錯嘅。講返食物先，我覺得個慢煮三文魚非常之唔錯，因為魚皮係脆嘅配埋佢啲汁再加埋軟滑嘅肉好好食。不過佢個蟹肉卡邦尼個汁就有啲鹹，建議餐廳可以落少啲鹽，如果有啲人係真係屬於食重口味嘅話咁就俾啲調味佢哋自己加返。另外mocktail方面我覺得係好飲嘅，但係如果比較起其他嘅食店嘅mocktail佢哋杯嘢既decoration就簡單咗少少…Read More

老實講，一上到台嘅時候雲吞麵嘅雲吞真係比預期嘅細粒，但係一咬落去真係一試難忘個湯真係好香蝦子同大地魚味，冇味精但好鮮甜，咸香味剛剛好！因為唔想兩個人都要晒鹼水麵，所以我就叫咗河粉；個人比較喜歡河粉，因為比較軟熟，但我都試咗朋友嘅鹼水麵彈牙唔會太重鹼水味，所以唔錯。只係食雲吞麵真係唔夠飽，所以我哋要咗個啫啫通菜煲。白通菜佢哋整得幾好食，係因為肉碎再加指天椒，好入味好下飯。我本身對食通菜都幾有要求，因為有啲通菜個莖真係太硬唔好食，但係呢度嘅有驚喜-有咬口之餘係入味嘅。…Read More

不是試食，也沒用餐優惠，已補充外賣自費證明。不要胡亂檢舉我一打開個餐嘅時候真係嚇一跳，因為真係好巨型我心諗：到底一個人點樣可以食得晒所以就叫咗人同我一齊share😂講吓個餐先，其實條魚係煎得幾香脆嘅，略嫌佢醃得唔夠耐，所以建議餐廳下次可以考慮醃耐少少先去炸/煎；至於薯粉嗰部份冇乜問題，將佢個份量真係好大，所以都係要兩個人先食得。今次配料我加咗酸菜而呢啲酸菜佢處理得好乾淨，同埋冇想像中咁大陣味，呢點係值得讚嘅。唔講唔知佢哋最令人驚喜嘅，就係飲品。我叫咗杯港式凍檸茶一飲就真係好有茶餐廳風味，唔澀，茶底飲得出係錫蘭紅茶😂…Read More

其實酸菜魚真係又愛又恨，但係通常啲咁濃味嘅嘢真係唔想日日食🫠如是者，我真係搵咗唔辣，又唔係太濃味嘅酸菜魚好耐，最後搵到呢度嘅酸菜魚介紹俾大家！首先，佢唔係嗰種千篇一律黃椒嘅湯，我覺得非常驚喜，因為黃色嗰種湯真係度度都係唯獨是係呢度佢真係唔係一般嘅金湯。另外我覺得佢嘅魚片係好食嘅，因為佢唔係嗰啲林滋滋既魚片，佢真係有咬口，十分驚喜。另外想講嘅就係佢個麵-棉麵質非常之好食，唔會太硬或者太林，比上海麵闊少少，大家都可以試吓呢隻味道嘅小寬面…Read More

不嬲嚟呢度都係食三文治為主，而今次值得介紹嘅就係佢哋嘅牛腩麵，因為真係出奇地可以媲美牛腩麵家既產品！牛腩非常之入味同埋軟滑，大大嚿啖啖肉，個腩汁真係好好食，幼麵爽滑，我覺得佢哋嘅麵食真係呢度嘅滄海遺珠，應該俾多啲人知道！唯一我覺得有啲可以改善嘅地方，就係佢可以加多少伴牛腩嘅生菜，因為佢個菜都錄得好好食，如果佢俾多一條人哋嘅話，下次就有機會個客人哋會再嗌一碟油菜同麵一齊食另外想講個湯都幾好飲，因為佢唔係嗰啲好濃味嘅腩汁湯，所以呢個推介俾想去新香園食另一樣嘢嘅朋友…Read More

利申：不是試食，全部響terrance in seaside食的都是自費！由又一城，到啟德，再到MOKO，試過佢哋嘅班戟同埋韓式飯，我都係比較鍾意佢哋既飯同意粉。佢唔同地域嘅分店會有唔同嘅Menu，MOKO呢度個Menu同又一城應該係一樣嘅，所以要講驚喜嘅話就就唔算。不過今次叫咗個水牛城芝士芒果沙律，配不嬲飲開嘅蘋果茶，呢個配搭有啲新穎個人認為如果佢嘅沙律菜入邊可以加番啲火箭菜會好食啲，因為香d。因為如果加咗呢啲芝士入去但冇火箭菜呢啲比較味濃嘅蔬菜一齊嘅話，就突顯唔出兩者互補嘅關係。蘋果茶底下啲蘋果jam佢今次俾得多咗少少，所以有啲甜。…Read More

坦白嚟講係有少少失望嘅，因為同之前呢度同一間食店裏面叫嘅麻辣燙嘅份量，係完全唔係嗰件事。個人嚟講覺得佢哋唔係好正宗嘅新加坡口味肉骨茶，因為個湯只係得個白胡椒嘅味道，冇乜嘢藥味。略嫌份量比較較少因為佢主要係得豬肚，而豬腰只係得一嚿。如果係以新加坡、馬來西亞菜做主打嘅話，就真係要做返佢哋嘅風味，否則就俾人一種感覺好似有啲夾硬嚟做外行人做嘅嘢。同埋我好疑惑，如果係餐廳名-新加坡餐點為主打嘅話，點解唔係油飯呢？希望餐廳可以俾多一個選擇俾食客。…Read More

一開始諗住訂餐嘅時候，我係冇諗過自己係會訂個半月咁耐😂但因為食落真係唔錯，同埋照顧新生兒真係一件好攰嘅事，就多咗半個月。等於1個應該唔會再生仔嘅人嚟講食好啲係一件好緊要嘅事，因為都冇幾可生仔。我鍾意呢度嘅款式真係好多，同埋日日都有糖水，我自己訂餐之前都試過唔同嘅公司試食過，呢間我覺得個價錢同個份量都真係性價比高。同埋真係好好有交帶。因為落好大雨佢哋會delay, 但係都會同我講聲會遲，呢樣嘢非常之好。…Read More

今次爸爸生日飯要諗食咩本身係因為想食烤鴨餐，所以就搵好多地方，然之後發現原來呢度有一個比家庭嘅烤鴨餐有五樣餸，所以就試吓啦。北京烤鴨同埋薄餅嗰份量都好足夠四個大人食，啲鴨嘅油香味都好足，同埋唔會韌；至於自選餸菜嗰度我比較鍾意食佢個小炒王，因為入邊真係有蝦肉，而唔係蝦乾或者蝦米🦐。除此之外，我個人認為佢個蛋白杏仁茶都非常之好食，因為唔會太甜，同埋嚟到嘅時候仲係熱辣辣嘅，十分滑。另外清蒸沙巴龍躉仔都唔錯，佢唔會蒸得過火，四個大人食呢個份量，我覺得係合理嘅。…Read More

首先想講我對上海嘢其實冇咩好感，因為硬係覺得又濃味又炸又高脂；但耐唔耐當自己cheat day叫下黎食係開心嘅。呢度係食到8899先影，因為完全唔記得咗好嘢食要影相先嘅道理that’s why今次好似影到啲嘢好少咁，但係其實佢實際上份量很多我覺得佢個糖醋排骨係有驚喜嘅，因為通常我叫外賣都好少叫啲好油嘅嘢（就係怕凍左會又一層脂肪凝結，響食物上面賣相唔係太好睇）但呢度嘅嘢食我覺得係真心out of expectation. 炒年糕個實物其實好樣過我張相好多，軟硬適中，啲雪菜唔會死鹹爛鹹；花雕雞入邊啲雞係熟嘅，同埋個味道啱啱好唔會太咸，酒香味濃；之前叫過佢個紅油抄手，舊肉非常之大，真心食個抄手已經飽咗大半…Read More

想講因為之前好多次食完就已經要做嘢太倉猝，所以冇影到相，但係佢嘅嘢食真係好好食！我本身係叫佢個蒜香炒雜菌意粉，然後再叫菠菜白汁鴨胸意粉，每一樣嘢都係水準之作。咁點解我會叫咗呢間嘢10幾次呢？有幾個原因嘅第一就係佢嘅嘢食好食；第二樣嘢就係佢份量夠，我細佬話堂食嘅份量會更加多，我真係想像唔到一個人點可以食到咁多嘢第三樣嘢就係佢出餐時間非常快，呢個對lunch time食飯時間唔多嘅人嚟講係好重要嘅嘢，因為好多時你等得太耐嘅話，食飯時間得返10分鐘實在太陰公。所以點解我會叫咗咁多次，就係因為上述幾個原因。基本上佢除咗外賣menu嘢食選項可能唔夠多之外，其他嘢都完全冇問題。…Read More

呢個好嘢食其實唔少，但係如果要講又平又好食，態度又好嘅店就真係唔算多。由佢哋新開張冇耐，我就開始幫襯佢地：切雞、燒肉、叉燒，諗得到嘅燒味全部食過晒。我個人而言鍾意食佢嘅切雞米，因為米粉軟硬啱啱好，不過因為上次太好食食晒都唔記得咗影相今次外賣左乳鴿、紅腸同生腸返屋企加餸，生腸爽脆，冇一陣梳打粉味，微辣超級好食。我自己其實好鐘意食佢既叉燒，軟身又入味，唔會燒到黑媽媽，好好下飯，每日好快賣晒。下次影返圖比大家睇…Read More