KasumiCandy's Profile

用餐時間8月17日晚上之前無意之中見到呢間食肆有啲好特別嘅菜式，一早記低要試吓。表妹生日，歡天喜地帶佢嚟慶祝，點知荔枝蝦球、飛雲擎天麵、人氣炸饅頭全部都無，侍應話餐牌已經換咗一段時間，而家已經無呢啲菜式….真係極度掃興最後點咗口水雞、酸菜魚、瑤柱蛋白炒飯、金銀蛋莧菜、菊花蜜。係酸菜魚比較出色，其他普普通通，不過不失。應該都唔會再嚟，畢竟好多食肆都有酸菜魚食，而且環境其實都幾殘舊，我哋坐嘅卡位，梳化已經甩曬皮…Read More

前面第一、二部曲幾好，湯底揀咗豬骨同冬陰公，牛肉併盤同海鮮併盤都唔錯，幾新鮮，第三部曲就真係好唔掂，落單到啲食物上枱等得太耐，感覺職員唔夠，午餐肉口感霉嘅，食過咁多火鍋店，未食過午餐肉係咁嘅質感🫣豆卜個皮un嘅，水餃啲豬肉好硬，貢丸有苦味，再order嘅牛肉好細塊，碎濕濕，呢餐真係食到懷疑人生，嘥晒啲Quota😵‍💫飲品選擇唔夠其他火鍋店多，喺社交平台讚好有雪糕，但真係讚唔落，寧願放棄唔食呀…Read More

星期六收工跟同事去打邊爐，本來食得好開心，點知最後一肚火，真係不吐不快.......我地係唔想比人催交枱，先揀"無限時"火鍋放題，點知食到8點幾，未諗到仲食咩，就同同事叫左雪糕先，跟住先後有2個女職員埋嚟想收走我地個鍋底，我地話"仲要架喎，都未食完"，跟住又有個睇落高級少少嘅男職員行埋嚟，叫我地埋單先，我話"下，我地無限時架喎"，個男職員話"我知，幫幫忙埋左單先，出面好多人等緊位"，心諗無限時催嘜野?! 無限時出面有幾多人等位都唔關我地事啦，我話"未食完"，之後個男職員話"我見你地食緊雪糕喎"，我笑住話"雪糕一定要最後先食得架咩? 點解好似想趕我地走咁嘅?! 我地仲要食菜喎"，之後個男職員大大聲對住個咪講"23號唔肯交枱"，特登比說話我地聽添，真係極之過份，想收貴啲，出啲"無限時"火鍋放題，但又要催人交枱，你咪好著數?! 無限時我坐到23:45都仲得呀，之後發現，原來職員仲偷偷熄埋我地個爐，哼，你熄咗我唔識開返咩?! 有啲咁無禮貌嘅員工，真係整臭自己個名，啲食物幾新鮮都無用，以後都唔會去呢間食無限時火鍋放題架喇😤😤😤…Read More