Carmen Sun's Profile

情人節想食好味野，第一件事就係諗起食海鮮。想試下新店又唔想同人迫&好趕，然後嚮Openrice搵倒離屋企唔遠嘅深鱻鍋。由於打唔倒電話，所以whatsapp去訂位。隔咗一陣就覆番，然後問定我地要邊個餐。臨去之前亦有提示，唔係AI message 黎，好貼心。去到見倒啲海鮮好新鮮，啲蝦仲細心到剪晒鬚同腳。我地好有衣食所有海鮮食晒！（因為好鮮甜😍）老細亦好細心逐樣野介紹同點蒸法。好surprise 佢個粥底係用日本米整所以好綿。個自家醃制菜脯，好野味（esp. 我平時唔係好好菜脯都忍唔住係咁食😋）由於實在太飽，所以打包番屋企第二日食唔好嘥！多謝老細俾多盒仔菜脯我地（原本仲諗住問有無得買嘅🤣）情人節仲有心型雪糕雪條&sorbet送。無人趕可以慢慢食，地方亦好乾淨舒服。食飽飽好滿足😍😍😍老細話佢地舊年6月開嘅，希望佢地keep住呢個質素同誠意，下次再黎幫襯😍…Read More

懶出街又想食上海野，就叫foodpanda。運送時間有啲長，但都值得嘅。啲小籠包皮夠薄，好鮮甜。醉雞同怪味雞好入味，又唔會太肥。外賣有紙包烏龍茶送，岩晒清油膩。…Read More

食物好有質素！個豬胺好香好冧。焗三文魚好香脆多汁無腥味。Cabonara 軟硬度岩岩好。八爪魚鮮甜，啲汁好特別。牛油果沙律好refreshing。餐廳裡面好大好spacious。同朋友坐嚮門口外面，感覺好cosy同chill。推介！…Read More

Lunch time 想搵平靚正快飯食，所以就試下呢間。門面唔大，但原來樓上有得坐。都ok 多枱，似茶餐廳隔局。有趣係窗邊一排望窗自閉位🤣 個冷氣劇凍，怕凍嘅記住帶多件褸。俾佢啲滑蛋類飯吸引，所以同同事叫咗蜜汁叉燒滑蛋飯，同海陸雙拼炒蛋飯。個飯都幾大碗，蛋好滑叉燒味道不錯！啲秘製豉油好好味（知道叫廚房落多啲🤣）。價錢實惠，唔錯👍🏻…Read More

同同事team lunch，想搵個靜啲可以傾計，啲野食又decent 嘅餐廳。見Openrice 啲食評唔錯，through Openrice 訂又有八折，就去試試。一入個紅色門口，望望可以坐邊，因為好似好細咁。後黎個staff 帶我地去另一門口落樓下地牢，原來都算幾spacious。我地坐咗嚮個角落位。裝修簡約，都幾靜幾舒服。啲野食的確性價比非常高！特別推介個pan fried yellow chicken 同market crab risotto (可惜後者唔記得影相😭）。個yellow chicken幾香個皮又脆，有啲炸蒜片嚮面同couscous 嚮底，夾埋一齊食好香口！個crab risotto 見個樣好細碟，賣相有啲平平無奇。但食落好濃蟹味同鮮甜！由於個汁較厚，所以呢個分量反而岩岩好。再多啲可能就食食下會覺得膩。至於個fish of the day，我地食果日係seabass。皮脆肉多汁，同埋唔腥。口感不錯！最後一班女仔想食甜野，所以叫咗芒果拿破崙做甜品。夾層個custard 甜咗啲啲，overall 都算ok。我地望地牢盡頭仲有個露天corner，若果天氣唔熱又唔趕時間，嚮果度chill 住飲野食野都幾唔錯。有機會一定再去！…Read More

魚柳包好juicy，亦有魚味。脆薯圈脆得黎唔太乾同鹹。叫咗個蕃茄湯，同埋lychee & rose oolong tea。正正常常la!朋友叫咗個雞扒，無影相。佢話幾好食！坐嚮門口位，幾好feel! Chill 食lunch 之選！…Read More

好鍾意放左工响度買外賣。食過唔同嘢，最欣賞都係啲飽同餃子。餃子皮薄肉汁鮮美，煎飽外脆內軟，唔小心仲一咬會爆汁。試過肉燥飯同珍珠奶茶覺得正常啦。包同餃則回味無窮! 街坊推介!…Read More

第一次來這裏吃晚飯。價錢不低，但食物和服務都算不俗。刺身很新鮮，三文魚腩卷超好吃! 平常我不吃炸軟殼蟹，因為覺得很油膩。這裡的卻很爽脆，而難得保留鮮甜蟹味。炸豆腐很滑，但小心燙口😂 鰻魚還可以，但略嫌腍身了點，若難煎脆表面會更好吃。海鮮湯用壺盛著，有點特色。炸雞翼略嫌乾身了點。豚肉燒火鍋豚肉片有點"鞋", 不夠嫩滑。最後送的雪糕球豆腐味蠻好吃，莓味則也點藥水味。服務員很貼心，臉上掛著笑容。當你每次跟他們說"唔該"的時候，他們都笑著說"唔駛客氣"。服務也很好。若果以食物性價比較，可能覺得裝修可以再精緻一點。不過有這班窩心的員工，感覺還覺得不錯了。…Read More

見間甜品舖新開，食完飯就過去試下。個荔枝枚瑰水滴超靚! 唔捨得食! 個榴心嚐甜心太軟有好香同濃嘅乳治綠茶味，有d鍊奶中和綠茶嘅澀味。紅豆起沙唔甜! 仲有個乳酪雪糕真係好香滑呀! 身為街坊一定要再黎!…Read More