gloriathefoodieee's Profile

今次間餐廳係如心酒店樓下十分易找 一去到由餐廳門口門口沿途都有服務員帶位 水晶炒官燕就好似高級版嘅賽螃蟹入口每一啖都有蛋白及官燕絲, 十分有驚喜第二道菜需要炆既手工菜式絕對係各界中菜廳最考功力一道菜 ,亦可以話分高下既位,呢到既鮑魚好腍,28頭吉品鮑十分入味 之後呢個餸做法好似中西合璧pizza樣，紅燒魚肚包住蟹肉花膠,舊花膠好厚身魚肉卷鮮嫩滑配搭 味道清新 不過我自己就唔鍾意食芹菜,所以我就一般般另外我都係一個偏食嘅人,值得讚賞竟然芥蘭完全冇苦味,十分爽口一個人食晒成碟菜最後炒飯同甜品作一個結尾,十分滿足…Read More

難得友人放假一於三人行齊聚餐特登Book左呢間餐廳係觀塘近近地大家收工餐廳有幾盞馬賽克吊燈十分吸晴而價錢都比較親民😙😙我地嗌左幾樣主食🤤首先係德國腸拼盤佢有幾款唔同嘅德國腸再配上茄汁同沙律醬 點醬食都已經非常足夠👻但呢個頭盤有配酸菜第一次食德國腸配上酸菜 😮口感十足 亦令德國腸食落無咁單調😆然之後不得不提嘅就係個香蒜辣椒大蜆意大利麵炒到意粉非常乾身而且又辣嘅香味亦非常足夠😚😚但如果唔食得辣嘅朋友就要考慮下啦😋😋因為都真係有啲辣另外個大蜆勁新鮮勁好味😱😱熟嘅程度啱啱好 完全唔會過老可以用鮮甜形容 一定要再黎食嘢飯我就嗌左Peach Boom Boom比佢個名吸引左係一杯桃味梳打汽水🤤味道就唔錯 但賣相就唔夠個名吸引喇！！選左呢間餐廳友人都十分滿意環境亦安靜 非常愉快的一個晚上👻…Read More

一年前幫襯過一年，今次一樣係水準穩定！去過日本漁市場好多次，其實瀧嘅壽司比好多日本餐廳都仲好食Omakase最大嘅好處可以坐席前，同師傅慢慢傾計！了解食材嘅產地來源好重要，好記得依到嘅師傅講過，會覺得好食，唔係煮得好食，而係食材好食，而特別好味的食材需要係特別產地先搵到，真係好Inspired其實價錢唔算好貴，因為一樣價錢在中西區，好多巧立名目的餐廳都收緊依個價。可能係樓上，所以價錢係公道，但食物係非常高質。可能係經理？總之上一道菜，經理都會介紹食材及產地，佢話日本鰻魚最造，所以主菜是鰻魚，如果細心一睇，依到食嘅鰻魚係佢地養活鰻魚，再自己整，依點不得讚！食材好 +　服務好 + 師傅好....埋單覺得自己有賺, Haha..…Read More

位於尖沙咀山林道既Season Plus, 環境好夠靜，餐廳門口好似一個花園咁，有啲遠離繁喧既感覺。到場就點左香檳生蠔拼盤，個set有18隻蠔，然後同朋友想試埋法國蠔，所以點多兩隻Gillardeau No.0。本身對食蠔無咩太大認識，但最緊要係新鮮。之後見到有海膽刺身，就點埋試, 成啖放入口慢慢品嚐，發現佢無海水味但食到海膽個份鮮甜味。之後再點左個海鮮拼盤(冷)，有成隻龍蝦係入面，同埋有好多不同類型既海鮮，賣相真係好不錯! 食完生冷野，就食熟食，點左個芝士牛油焗日本元貝，佢牛油味唔係好重，但個元貝好大隻! 同埋都點左份意大利肉醬千層麵，好多肉醬，但口感略為乾左少少。…Read More

終於有時間同男朋友黎到依到食蟹蓋好似電視都有做採訪！依個蟹蓋只係睇樣已經好好味，食落仲好勁！！！甘香，又唔肥膩！　食完好想食多隻，但考慮到個肚既位置有限，寧願試下其他！炸物黎講，食開天婦羅已經悶悶地，所以叫左個大阪風唐揚炸雞依個雞似有少少老，但勝在好好肉，啖啖都係肉！加埋個汁有少少酸又fresh，所以都okay既！但後來依個雞泡魚干就不得了，因為真係超好味！配埋啤酒，真係可以坐好耐下！因為個魚干係煙煙韌韌，加埋白色好似沙律醬既野，又係好好味重頭戲來了！係龍蝦啊，雖然唔平，但真係勝在夠新鮮，即刻係魚缸到拎出黎，就即刻煮，酸酸甜甜好好味！　其實如果係刺身都好正！…Read More

一間元朗新開嘅泰國菜，地點方便喺元朗廣場對面，一入到餐廳長長方方，店內擺設都係一啲泰國畫像，放着泰文歌，簡單木枱，但裝潢未見得特別，略為有點擠迫，食客唔多。👌🏾好啦～ 首先，黎到泰國餐廳必點既冬陰公湯，用左多香料去煮成，入口香濃，辣道十足，比起泰國飲既冬蔭公湯仲要辣，老闆應該係為咗迎合香港人口味，但建議怕辣朋友可以點其他湯黎飲蒜蓉包，試過之後重點推介👍🏾👍🏾程長方條型，塗上牛油黎炸過，外脆內軟，連我本人唔太中意食面包都食多左幾件👍🏾然後當然唔少得配上咖哩，但咖哩味道略有少許濃然後再黎個泰式生菜包，配料十足，而且香料味道好重，真材實料。飲品就點左最近人氣熱賣既碟豆花青檸梳打，賣相好靚，但飲落碟豆花香味一般，無太大驚喜。…Read More

一間餐廳要係中環立足並唔係容易既事情，事關同旺角尖沙咀既客群唔同，中環客群對食物質素，環境，服務而至餐廳氣派既要求都相當高。所以可以係呢到打出名堂既餐廳，必須要一絲不苟。中華匯館開業差不多一年，係呢區而有相當名聲，絕對有其優勝既地方。餐廳氣派同一般貴價餐廳，多左一分清雅同舒適。由員工到食物都一貫地有其氣質。全晚由前菜口水雞，去骨鴨舌，到海鮮料理，主菜，甜品，全部都有其名自之獨特味道而毫無油膩之感。玻璃蝦同蟹係全晚最展現到中華匯個個性既一碟菜：除左起肉既工序外，廚房經煮理後肉質既爽彈完全地保留到，味道亦唔需要好似一段中菜咁而濃，刺激既味道取勝，反而簡單地配合而突顯食材本應該有既美味。用料，心思，風格都相當令人欣賞。主菜除左話梅豬手外亦有鴨胸。上面既係磨左既薑。鴨味比平時食既任何一道鴨料理都更加鮮明，而薑味同鴨味既配合相當令人意想不到：薑既刺激感同鴨既酥味各自互相配合，兩者味道雙雙昇華。最後甜品為一餐既總結，非常完美既一餐…Read More

秋天就係食蟹既季節，但對於唔識剝蟹既我，比起食蟹，我更加鐘意食蟹粉！今日就去左尚點試試佢既蟹粉菜式～同朋友點左金黃蟹粉小籠包、炒蟹粉、蟹粉翡翠苗，同埋薺菜松茸炒年糕上菜喇！成枱都金金黃黃，見到都開胃～小籠包夠晒多汁！好好食炒蟹粉大大碟，跟4塊米通，兩樣撈埋一齊，勁夾！建議大家叫呢味餸一定要叫多碗白飯！因為米通一定撈唔晒d蟹粉，而且配白飯都好好食呀～翡翠苗就點煮都好食架啦！加埋我最愛既蟹粉，簡直就係完美炒年糕好香松茸味，年糕趁熱食就軟糯，攤凍食就煙靭，點埋豆瓣醬，好有風味鐘意食蟹粉既，記得要黎試下，推薦！…Read More

是日在阿厘士道覓食想食串燒 搵到呢間試下上到去 入面已經坐左好多人地方比較淺窄 座位較迫 但裝修都唔錯 都幾靚 好日式一行四人不過都唔係太肚餓所以我地都唔係嗌左好多野食 燒三文魚燒得岩岩好 魚油的香 加上少少的燒烤香味 好食 加上個魚好滑 唔會太老同乾玉子蛋不過不失 有蛋香燒牛舌,堆串燒都吾錯有雞翼，冬菇，魷魚等等台灣荔枝秋海見到有個咁特別的野飲就梗係要叫黎飲 佢個味係偏果汁 帆立貝 三文魚刺身新鮮的刺身從來都唔會鞋食得去邊 所以 呢度的刺身 一個字 鮮海膽壽司本身都有諗 佢個海膽會唔會好腥 因為有部分係香港食到的海膽一般般 但係呢度無咩令我失望 係鮮的海膽呀佢即場係面前煮個意粉，勁重芝士味啊，好多煙肉碎，同蝦，佢係闊條麵，煙煙韌韌好好食稻草焼塩鰹刺身，煙左嘅魚都幾好食，好有味總括黎講 野食平 同埋質素不錯一班朋友搵個環境舒服既地方坐下飲下野食下野都ok…Read More

一說到牛腩便想起了坤記因為小時間我爸媽也經常帶我來吃坤記差不多一星期吃一次 (証明我爸媽有多想吃這間坤記牛腩不過長大後便愈來愈少來九龍城了前幾天我同一班朋友來九龍城做運動，做之前當然要做附近醫好肚子，所以我便介紹朋友來這間小店食飯，我就當然叫了這裡好出色既牛腩加油麵，食物質素跟我小時候并沒有太大的差別，最愛當然是它的「牛腩汁」，令整碗麵都昇華了!!我還叫了一碟油菜! 牛腩油麵加油菜真的是絕佩呀!!!!…Read More

The Pantry 係我bookmark 左好耐既餐廳, 不過因為比較少行element, 所以一直都無咩機會試。呢排忽然好想試下自己仲識唔識踩冰, 所以就Plan 左黎Element 兼試下The Pantry la, 始終呢邊無咁多人, 可以踩得舒服D~六點起我地就去左The Pantry 度食飯喇, 六點幾唔算滿座, 但都已經有D人喇~我幾鍾意呢度可以用iPad 落單, 部野係LENOVO, 而且MENU 既相都整得比較有心機, 比起實體MENU, 更加吸引, 因為可以知道個野食大概係點樣。而且都幾USER FRIENDLY, 好易明白點樣用.第一次黎當然有點到呢到既SIGNATURE PANCAKE, THE PANTRY'S PANCAKE啦!本身糾結左好耐究竟食Tiramisu 好定The Pantry's Pancake 好, 兩個個樣都好吸引, 不過見The Pantry'sPancake 係主打今次就試先啦~The Pantry'sPancake呢個要20分鐘前叫定, 我諗係因為即叫即整吧! 個Pancake 真係好大件啊, 黎到仲係暖粒粒, 加埋D honey 真係好好味呀, 好Fluffy!!! 如果呢個都有雪糕加就Perfect la!! 但係另一種味道先有雪糕, 唯有下次再試第二個味啦! 但呢個Pancake 都已經係我係香港食過最好味喇!之後仲叫左一個Waffle Benedicts未叫之前仲擔心Waffle Benedicts 會唔會唔夾呢, 咸咸甜甜酸酸咁, 但係真係無叫錯!! 首先個Poached Eggs煮得岩岩好, 係流心架, D 蛋漿流出黎同D 荷蘭醬一齊送個Waffle, 原來可以好夾! 個Waffle 無溝得太甜, 反而比較乾身同埋脆口, 所以同Benedicts 都照樣可以好夾!食完之後仲未夠飽就追加左一個Sauteed Mushroom, 牛油香蒜焗菇, 都好味架, 唔會太油, 但又好香! 食完就岩岩好喇!除左野食, 我地仲點左ICED LATTE 同埋 ICED CAPUCCINO, 都唔錯丫~ 食完心情真係好好^^…Read More

近排養成左去青衣海旁大步走既習慣, 黎青衣城既次數都多左好多。今日原本約左兩個好朋友食飯, 之後去附近睇下有冇Gobee Bike 租, 所以一早就揀左o係青衣城頂樓既樂天皇朝。旺角銅鑼灣既樂天皇朝都多人到爆, 青衣呢間可能因為位置問題, 所以唔洗排隊。我地七點到, 無訂位都可以即刻入座, 以後唔洗去咁遠排餐懵lu。呢度D招呼非常好, 可能因為無咁繁忙既關係, 員工真係好細心, 加茶, 收碟, 上菜都好快, 而且仲好好笑容, 真係比較難得。今次我地唔係叫左好多野, 因為廢事食到太飽之後做運動。我地點左八色小籠包, 李白醉雞, 炸曼頭, 鮮蝦雲吞豬骨湯。八色小籠包已經食左好多次啦, 都係保持水準啦, 岩岩到既時候真係好熱, 小心燙到咀呀李白醉雞好味呀, 今日隻雞肥左DD, 但係D 肉都好嫩滑！凍冰冰, 好解暑呀~炸曼頭普普通通啦, 只係同朋友都好中意食煉奶, 所以今次黎又點啦~鮮蝦雲吞豬骨湯, 呢個可以配麵架, 不過三個女仔驚太爆, 所以就點湯啦~佢D湯其實飲得架, 不過我係為左雲吞而點! 比起豬肉雲吞, 鮮蝦雲吞多左D 口感, 因為蝦肉比豬肉彈牙, 都幾好食.最後埋單真係唔貴, 可能因為我地真係唔係點左好多野~ 都係等減肥成功再開懷食多次啦~~…Read More

中環有咁多餐廳咁多好野食，每日lunch諗食乜真係諗到頭都大埋。呢間餐應位置係皇后大道中118號3樓，上樓鋪，唔聽朋友介紹都唔會知到呢到有間私房菜食。見到個餐牌上面有芝士通心粉，諗都唔需要再諗就order左。芝士的確人見人愛，至少我自己勁鐘意食芝士。芝士通心粉雖然係一樣好簡單既食物，係歐洲美國等地非常流行，要整得好食就比較困難。呢到出既芝士通心粉絕對係稱得上超班，表面金黃酥脆既芝士真係好吸引，每啖通心粉都吸收左大量香濃既自家製芝士，惹味之餘完全唔會覺得膩，又確實幾好味，加上煙肉就增添左咬感，而最特別既地方係面頭加上少許黑松露，令看來簡單既芝士通多粉增添一份貴氣。整體來就味道還是不錯的，一試難忘。賣單$88免收加一，抵食！…Read More

SPICY GIRL係間好有風格既餐廳，所有菜式都以周杰倫既歌曲為名。雖然如此，但如果落單時講歌名，侍應唔一定會明架。以下呢道菜叫雙節棍（羊肉棍）。聽個名已知架勢，食落香口、外脆內軟，亦無想像中咁油膩，有8/10。1分扣在價錢上（＄25/碌），另1分扣在味道上，太多香料，有少少咸。總體而言，呢道菜係值得推介！串燒蝦份量相當夠，我地4個人食每人都分到差不多4隻蝦。起初見佢成盆都係辣椒仲怕會好辣，但係食落又唔係咁辣，而且好香口，味道好足，令人停唔到口好想不停食! 唯一可惜既係D蝦比較細隻，不過肉質唔錯，非常推薦既一道菜! 涼伴木耳一聽就知道係前菜嘅涼伴木耳，開頭仲怕唔夠4人份量，點知黎到分量適中，夠曬我地四人作為開胃嘅一道小食。同其他店嘅涼伴小食唔同，呢道菜辣味比較重，但又唔會辣到要不停飲水，而果種辣味又唔會蓋過涼伴嘅酸味，可以話係酸辣味嘅調教做得好好。而且呢道小菜上到枱嘅溫度帶涼，唔同其他店上到枱已經係室溫，突出到涼伴嘅效果。總括佢味道同菜色嘅溫度，我覺得呢道係一個非常有風味嘅開胃小食，食過一定會再想食！…Read More

同屋企人一家人去食飯，位於酒店內既紫荊閣，一間型格酒店估唔到佢邊有間適合一家大細去食嘅酒樓。一直都未試過食乞兒雞，今次預早一日預訂，希望一家大細都食到。乞兒雞係用嚟包住嘅侍應會俾我哋拎住錘仔去開個外皮，其實都幾新奇。之後為免我哋唔識整，佢就幫我地打開成個外皮。入邊有好多餡料例如紅棗，雲耳，金針，冬菇等。由於比荷葉包住所以好香荷葉味而且保持到佢嘅肉汁。我哋食咗蛋白炒魚肚口感唔錯，而且分量足夠，唔會得太少。每人都拎咗啲來送飯，味道偏淡，啱小朋友同老人家。另外京都骨嘅味道比較濃，d汁幾多可以送飯，酸酸甜甜，一人一條好快食晒，如果分量可以多d就更好。仲叫咗一個豆腐冬菇加菜心，中和下上面食咗一鹹一淡嘅口味，我係食菜愛好者。食完飽飽落到樓下，見到佢原來仲有得飲茶下次嚟試吓先。…Read More