skylar000 のプロフィール

今晚與朋友相聚咗一間隱世私房菜，聽說這家店要預約都唔容易，今次決定試試佢！房間環境舒適，食飯前大家一齊朋友在偏廳坐低傾傾偈，然後移師到飯桌上開飯啦！一上場嘅係黑毛豬叉燒，小小偏燶半肥瘦但帶出叉燒嘅香味另外玻璃大蝦球嘅乾淨美感，以及清蒸海方利非常出色，兩味餸都好新鮮好好食，本身我唔特別鍾意食魚的都欣然接受咗第二round食魚另外仲有推介香煎琵琶燕窩，好特色，口感亦都好煙靭，有機會一定需要試試！其他餸菜也不錯，值得約一下咯…さらに見る

上星期突然間心癮起，好想走去鋸扒，於是專登揸咗架車去8咪半嘅金鳳食飯，（好彩去得早，離開嘅時候已經要排隊了）一人一個扒，嚟到嘅時候個份量令我同另一半已經滿足感100分，啖啖肉好開心，再額外加咗個生蒜試吓，原來加埋個扒一齊食，感覺除咗肉汁之外個味道好新鮮好香口，一個好好嘅新嘗試丫，另外就真係要再讚吓嗰個酥皮海鮮湯，酥皮好香脆，熱辣辣，入口嘅時候簡直係要喺個口度感受吓個濃湯嘅美味整體嚟講，係一個圓滿嘅一個晚飯體驗期待下次再試其他嘢…さらに見る

早兩日同屋企人慶祝生日，預約咗去牛頭角呢間泰國餐廳，去到感覺地方寬敞啲枱放得唔擠擁，已經加咗分，之後餐廳嘅服務非常有禮細心體貼，主動提及泊車優惠或者餐廳優惠等等，讚好。點了一系列食物後，每道都有獨特好味嘅地方，尤其是三黃雞肉質超級滑嫩，豬手等等，OMG 👍🏼👍🏼👍🏼點嗰兩杯雞尾酒都覺得調校得好靚，又好飲。整體嚟講，無論食品質素，服務，裝修，一讚！#香港美食 #FoodieLife #ilovefood #DiningExperience #foodie #觀塘 #泰國餐…さらに見る

今晚與朋友們一行十人來到這法國餐廳共進晚餐，很多年前來過這間餐廳，對這間餐廳的印象非常好，因為也是朋友最近來過再次高度推介，又重回這熟悉的餐廳了。點了不同的主食，例如法式鴨腿，西班牙乳豬等等（看附圖）聽朋友提及原來詢問餐廳職員可能會有「神秘Menu」提供，每道食品慢慢上菜，味道都各有特別的驚喜，菜式入味濃郁，朋友們一齊開心share，大家都對每道菜讚口不絕，加上最後每位都點了一個甜品，離開時感到滿載而歸…さらに見る

聽過朋友講呢間好好食，今次咁啱約朋友嚟食lunch第一次過嚟，點咗兩個主菜蒜香蟹肉意粉以及海膽燉飯，仲有一個蜜糖芥末雞翼，首先想長嘅係蟹肉意粉，Oh my god ! 個蟹肉多到可以撈勻個意粉咁樣食，真係好豐盛！材料完全唔係係咁咦求求其其，到咗海膽燉飯，啖啖食得出海膽嘅香濃味道，雞翼嘅蜜糖芥末好出色好少食一間餐廳由第一啖讚到尾，喺觀塘出入嘅大家可以試吓（已經好難用文字去形容）唯獨美中不足嘅係坐1小時15分鐘就要即走，唯有下次再食其他嘢食…さらに見る

晏晝咁啱路經尖沙咀，突然間心掛掛想食個飯，於是行咗去好耐冇去過金鳳坐低，姨姨們有禮貌帶入座，笑容滿面，令到我都頓然心情愉快！以往通常係喺度鋸扒，今日突然間想暖吓個肚，所以最後點咗個金鳳雞扒飯好味嘅係啱啱上嘅熱辣辣羅宋湯+浸餐包食之後就食金牌雞扒飯，份量十足，同埋佢個雞扒醃得好味，飯量比較多，為食嘅我都食唔曬再配合埋少少懷舊嘅環境氣氛，覺得今日呢餐飯嘅Me Time好寫意，～整體嚟講，係一個溫暖嘅午餐…さらに見る

今晚約咗姊妹去食飯，佢話聽人講呢間唔錯我哋兩個就一齊去試吓！特色飲品可以減少甜同走甜，幾好！至於食嘢方面，我哋點咗個牛舌芯，牛油果軟殼蟹意粉，明太子虎蝦燴飯，再後加多咗個海鹽朱古力疏乎厘班戟。牛舌心好食入味，唯一美中不足嘅係拎出嚟嘅時候唔夠熱，有點點失望。至於牛油果軟殼蟹意粉，整體牛油果意粉撈得好勻，而食得出軟殼蟹亦都係本身醃咗味好好食另外明太子虎蝦燴飯都係好好食，虎蝦食得出都係新鮮嘅至於海鹽朱古力疏乎厘班戟，因為醬好多，所以都忍唔住食晒不過就因為可能網絡落單問題，佢收唔到加單嘅甜品所以慢咗。但整體來說食物品質好好，所以就算兩個女仔都已經清晒枱面嘅飲品同嗌嘅嘢食。我心裏面已經諗定下次想食乜了…さらに見る

朋友話呢間餐廳之前食過好唔錯，就一行三人去試吓呢間特色泰國菜，好彩一早預約好，6:30去到嘅我哋好快就已經滿座，整體嚟講我最欣賞嘅係Thai Basil Strozzapreti Pasta with Grilled Spanish Octopus同KABOOM Sharing Platter，份量同味道都好滿意！至於個Grilled Gai Yang Chicken，感受到佢嘅燒烤但係個味道我覺得燒得比較乾同埋味道唔夠，至於三杯飲品，外貌最出眾就一定係浴缸仔Damn Pissed Off!不過味道就見仁見智啦，個人喜歡Wohoo, What A Day!多啲，大家不妨一試！…さらに見る

白色情人節，另一半鍾意食串燒，上網睇咗一陣見到啲間未食過，就預約試吓嚟到舖頭裝修有日式風格，同埋冇油煙癡立立嘅感覺，感覺舒適。同埋欣賞舖頭內音樂唔太大聲，整體都舒服嘅。每枱設置一個蠟燭加熱爐，啲嘢食可以放喺上面慢慢食保溫。點咗好多唔同嘅串燒（睇相只係其中一部份啦！）大多數都幾好食呀，另外想推介吓嗰個小辣嘅魚皮，好味！其實除咗串燒之外仲有好多唔同嘅小食，不過我哋已經食到捧住個肚，唯有留返下次啦，唯一少少建議，芝士薯條嗰個芝士味，我覺得可以再濃啲但係整體都唔錯！等我下次再試吓其他先…さらに見る

第一次嚟呢間餐廳食，到達嘅時候剛剛係黃昏，餐廳外嘅景色係好舒服，心境即刻平靜輕鬆落嚟，經理同埋侍應生都超級有禮貌同體貼，點了熱門嘅蜜餞欖角脆香骨，麻辣豆酥龍躉皮，同埋一個龍蝦伊麵，每一個菜式都好好食，對於我嚟講特別喜歡麻辣豆酥龍躉皮，外脆內軟，好有咬口。蜜餞欖角脆香骨嘅蜜汁好香好甜啖啖肉，龍蝦伊麵味道都好食，只略嫌面底有少少乾另外點了個上湯竹笙浸時蔬，雖然係個菜，顏色同味道一樣清淡，所以都唔記得影相了…さらに見る

早排約咗朋友去happy hour，佢介紹我過嚟呢間日式fusion餐廳，第一次嚟到感覺裝修好靚，好有浪漫氣息我哋7pm到達，基本上人唔太多，嗌咗幾個dishes(附上圖片）食物嘅選擇唔太多，因為我呢個酒精主要都係飲酒，飲酒，同飲酒所以今次就感覺冇乜所謂啦餐廳氣氛好好，食物好精緻，但整體性價比唔係太高。…さらに見る

早幾日約咗朋友喺觀塘傾偈，想搵個舒服嘅地方，突然間記得呢間工廠大廈裏面嘅綠洲。好舒服嘅裝修設計，因為我哋去食下午茶，所以又唔係好多，可以慢慢食慢慢傾。環境令到心情都輕鬆啲，我哋叫咗兩個lunch set，整體味道都係好唔錯，新鮮嘅食材，充足嘅份量，而最impress我點解揀呢間餐廳，就係佢對咖啡豆都有選擇，基本上house coffee bean 可有nutty （堅果味重）或fruity（花香，果酸味重啲），而佢亦都有其他特色豆選擇，因為佢又唔係淨係咖啡店可以食嘢，所以好適合我呢啲想二合一嘅人士…さらに見る

約咗好朋友食午飯，朋友推介嚟呢度食酸菜魚，第一次嚟到，覺得佢嘅餐廳格局舒服，卡位私隱度高。推介必點酸菜魚，味道豐富有層次，個湯底濃郁，簡直好想撈飯。但係另一樣都撈到飯嘅就係石鍋竹笙蟹粉燉豆腐，超正，撈足半碗飯小籠包中規中矩啦，皮稍厚，同埋容易穿底冇所謂咁都試吓啦另外本幫糖醋小排骨都OK嘅，細細粒啖啖都有肉最後嚟嘅豆沙窩餅皮薄鬆脆，微微甜啱晒我口味，整體感覺不錯繼續有下次同埋都欣賞店員服務態度，有禮誠懇，同埋都細心，讚一下！…さらに見る

之前睇過網上推介除咗同區嘅另一間沙嗲牛肉麵，仲有濃姐茶餐廳，見今日時間安排到，就過嚟再試下，一入嚟見到沙嗲牛麵套餐只係$36 ，覺得都真係幾抵，咁就即刻嗌個餐食吓！沙嗲醬偏甜但都濃郁！湯底就正常冇乜特別，主要都係個沙嗲牛肉醬唔錯，因為濃郁嘅醬汁，所以就撈晒成個公仔麵食喇。公仔麵比較硬身（有咬口）係啱我心水嘅口感！香腸都惹味嘅，唯獨是個奄列材料豐富，不過味道欠奉，美中不足。所以整體嚟講，呢個餐性價比高一試無妨～…さらに見る

一路知道呢間嘅疏乎厘班戟，意粉，燉飯，一致好評。但係呢期農曆新年食得多咗，感覺要食返清淡啲所以嚟呢度食飯揀咗個煎蛋蛋黃醬雞肉牛油果多士，我想講，嚟到就已經覺得好豐富，而製作亦都一絲不苟，蛋黃醬雞肉粒粒都味道均勻，基本上食完已經飽咗大半而且食物新鮮 食完個主菜多士，掛住同朋友傾偈，個湯擺到凍咗先飲，點知飲嘅時候嗰個香甜整到簡直令我意外！冇因為凍咗口感變差，又有另一番風味咖啡就中規中矩啦，係唔差嘅。今次嘅用餐令我覺得喜出望外大家都可以試吓…さらに見る