khyo_'s Profile

近排夜晚行過太子，發現平時假日常去的FSTW.Coffee 夜晚搖身一變，成為格調Cocktail bar！店內每張枱亦會擺放一個小蠟燭，加上牆上小掛燈及音樂，感覺非常放鬆。與友人翻開餐牌，除了特色cocktail 外，亦有佐酒小食提供，如炸雞、薯條、魷魚鬚，香脆惹味！另外亦有意粉供應，特別推介香蒜欖油辣蝦墨汁意粉。來到cocktail bar，Cocktail才是重點😎！打卡必點Gummy bear 綠色熊仔雞尾酒，這款Cocktail非常容易入口，配上幾粒gummy bear 軟糖，有得食有得飲，打卡一流🤘🏻另一清新推介 — firefly，冰感十足，味道超fresh，啱哂Happy Friday refresh 一下自己！…Read More

疫情下，特別珍惜每一次和朋友可以外出用餐的機會。臨近聖誕，雖然似乎今年香港的聖誕氣氛有別於前幾年，但每當看到餐廳擺放聖誕裝飾，心情也不禁帶點興奮。朋友介紹下來到油麻地一間西餐廳，聽聞性價比頗高，一於試一試！翻開餐牌，有set dinner! 最平$108就有交易，想食得開心滿足啲，仲可以加錢升級套餐，有龍蝦湯、心太軟配雪糕，正！我呢期on diet ,叫咗個燒雞肉凱撒沙律；燒雞肉質嫩滑，好juicy!友人就選擇了BBQ燒豬仔骨配沙律同薯條。豬仔骨一啲都唔韌，非常惹味！仲有口感非常好嘅粗薯條，再加埋沙律balance 下，即時大大降低罪疚感！我哋仲加咗$38 upgrade ，有埋心太軟加雪糕做甜品。值得一提的是，餐廳喺疫情下非常體貼，主動供應消毒酒精紙巾，咁就自然食得開心又放心！…Read More

疫情下生活工作壓力大，除咗放假去staycation 之外，同朋友去間有格調嘅餐廳食飯放鬆，都係減壓嘅好方法！今晚同朋友兩個人去灣仔「板神鉄板燒」撐枱腳。餐廳位置尚算便利，灣仔地鐵站A3 出口，行五分鐘到Hennessy大廈，輕鬆搭𨋢上30/F就到。 餐廳環境非常舒適，空間感十足，座位亦寬敞。我哋各自揀咗一人前套餐，即使係一人前，食物嘅款式都非常多。除咗一般前菜、沙律之外，仲有和牛、鱈魚、龍蝦⋯非常期待！等咗一陣，前菜同沙律先上。無論器皿、食物擺位都十分精緻，味道方面比較清新開胃，特別和式三文魚沙律，酸酸甜甜，好味！隨之上場嘅係白鱈魚。有金箔加持嘅白鱈魚，肉質彈牙，感覺新鮮又矜貴！至於龍蝦，肉質鮮嫩，配合特別醬汁，鮮味更見提升！來到重頭戲：A5和牛薄燒! 香噴噴和牛圈住香葱花，啖啖焦香，入口即化；再食埋伴碟嘅鮮甜車厘茄同粟米芯，非常滿足。食完和牛後，店員就呈熱辣辣龍蝦麵豉湯！鮮甜解膩之選！套餐甜品係奶凍，雖然細細杯，但奶味十足，100分飯後小甜點！…Read More

疫情的限制下，週末放假時，大多留在家中抗疫，避免到人多地方聚集。有見近期的疫情放緩，限聚令放寬，便相約友人到沙田一間日式炙燒丼專門店吃午餐。店內環境寬敞，清潔整齊。店員安排我們到較入位置就坐。翻開餐牌，我選取了照燒雞肉丼，友人則選了豚肉鰻魚雙拼飯，我們還叫了一碟日式煎餃子開心share。等了約10分鐘，店員便把我們order的食物呈上。兩款丼的賣相也很吸引，友人急不及待把鰻魚和豚肉送到口裏。「鰻魚外脆內軟，肉質厚實肥美，加上秘製醬汁，好好味呀！豚肉亦十分軟腍多汁，配白飯一起吃，簡直是絕配！」而我的照燒雞肉丼亦不遑多讓，雞肉外脆內軟，又多汁，配合照燒汁，有畫龍點睛之效。最後上的煎餃子不過不失，餡料豐富，兩個人share，份量剛剛好！…Read More

星期四放工，相約友人到旺角食韓國野！由於受到疫情影響，旺角好多餐廳好早就已經變得冷清清，原本諗住我哋去嗰間餐廳一定唔使等位排隊，點知人龍依舊，等咗大概半個鐘左右就入得去啦！走入餐廳，抬頭一看，掛滿星星燈飾，非常有情調，忍唔住即刻影張相打卡！店員安排好座位後，翻開餐牌睇下食咩先！選擇困難症嘅我就將嗌嘢食呢個重任交咗比朋友。最後我哋決定食一個海鮮炒粉絲、芝士炒雞肉，仲叫咗杯ice peach 野飲！ice peach其實係香桃梳打，淡淡嘅香桃味道配上清新檸檬和梳打水，感覺非常Fresh!等多一陣間主角上枱！芝士澎湃嘅程度實在令我哋嘩然！望見啲辣雞已經流晒口水！不過等多一陣間就有一個店員協助我地將辣雞和芝士攪拌。而且仲會幫我地翻雞蛋，非常貼心。芝士炒雞味道，非常開胃！如果配埋芝士，邪惡得嚟又忍唔住食多兩舊！至於海鮮炒粉絲，味道不過不失，粉絲口感煙韌，非常有街頭風味！所以話，就算而家去唔到韓國就唯有食住韓國嘢頂住癮先啦！…Read More

習慣一日三杯咖啡的我，絕對是咖啡的狂熱份子。得知同樣喜愛「品味咖啡」的陳豪於尖沙咀K11 Musea開了間Coffee shop, 當然要去朝聖一下。星期六的下午時份，離店約10米距離左右已見店外熙來攘往，收銀旁邊有一條小人龍，友人好不容易在店內找到位置，我便到外負責揀選我們的是日精選！餐牌的選擇不是很多，備有選擇困難症的我，往往喜歡點選店內推薦的單品，感覺「中伏」機率較低。MOSES’S Craft手工咖啡$70 & Signature Coffee $68就是我最後的選擇。咖啡店是開放式設計，顧客得看到咖啡師整個沖製咖啡的流程，絕對能為顧客提供視覺、嗅覺、味覺三重享受。大概十分鐘左右，咖啡便大功告成！杯內散發濃濃的咖啡香氣。我先試陳豪推介的手工咖啡，咖啡入口味道強烈，且具厚度，喜歡濃郁咖啡味道的你就最適合不過；而友人的Signature Coffee, 口感較薄，味道微酸，與手工咖啡有截然不同之感。一杯高質咖啡，一個相識已久的友人，便是一個美好的下午時光。…Read More

閑時無聊，總愛獨個兒走到中上環街頭「搵食」，特別一些特色的風味菜式，更是我前往的推動力。今日的主角是「亞參雞飯」，顧名思義它的招牌菜是：雞！飯！坐下翻開餐牌，不經思索便叫了「亞參去骨海南雞飯」。一會兒，海南雞飯送到！表面看來，海南雞飯與平時街外吃的不遑多讓，配的是雞油飯和冬瓜粒雞湯。吃飯前，先呷一口雞湯，濕潤一下口腔。溫熱的清雞湯雞味非常濃郁，有別於坊間的「例湯」感覺，加上一口過後並沒有「渴喉」，味精感不重，有驚喜！ 接著便是我最喜愛的雞油飯。香味撲鼻的雞油飯總令我又愛又恨。煙韌的飯粒盡吸雞湯精華，細嚐下還吃到香茅和班蘭葉的味道，層次分明。至於海南雞呢，肉質結實，肉汁豐富，雞味是濃厚的，但相比起雞油飯和清雞湯，還是相對比較有驚喜！…Read More

天氣一轉涼，就很想喝一口暖湯滋潤一下。放工約了友人到粉嶺吃晚飯。朋友介紹下，決定一起「閨家」去，源於那碗湯！餐廳空間位置不是很大，店內人頭湧湧，非常熱鬧。店員親切的笑容和說話語氣，令整店瀰漫着溫馨的氣氛，充滿人情味。坐下翻揭餐牌，最吸引到我的，當然是天天不同的招牌老火靚湯！今日是「花生眉豆煲豬腳」。另一款吸睛的，莫過於無添加防腐劑及添加劑的即製手工麵。手工麵共有三款不同款式，分別是甘筍麵、波菜麵和紫薯麵。餐牌更備注由於是即叫即做，所以等候時間可能會比其他菜式長一點。最後我就叫了一個菠菜麵配菜肉雲吞和一碗花生眉豆煲豬腳湯，而友人則點選了蓮藕餅豬扒飯。不消一會兒， 蓮藕餅豬扒飯先上桌，香噴噴的招牌豬扒，入口鬆化，非常香口！原來是因為每一塊豬扒是人手搥鬆，加入鮮榨果汁及秘製醃料，即叫即煎！另外，蓮藕餅也是外脆內軟，口感層次豐富，粒粒蓮藕與肉餅結合，出色！其後菠菜麵和老火湯也陸續上桌，前者味道清新，麵條口感煙韌；老火湯亦火喉十足，用料更是不計成本，味道清甜，滋潤非常呢！…Read More

來到星期五，當然想相約好友吃飯放鬆一下。如果揀到間「打卡able」嘅餐廳絕對係錦上添花！今次友人帶我去灣仔一間藝術感超重嘅餐廳試吓！一入門口，已經比牆上嘅黑白線條畫所吸引，錯假亂真嘅空間非常有趣！門口擺放左主菜嘅餐牌，同友人望左10秒，心入面就已經有心水菜式！坐底後，我地分別叫左一個芝士溫泉蛋五香豬肉醬燴小貝手工粉同埋沙律，仲加左$28配餐湯同飲品！另外又偷得意叫左兩杯特飲，一杯係玫瑰果茶，另一杯薰衣草茶。食物方面，沙律份量都幾多，除左有煙鴨胸外仲有雞胸肉、青瓜、粟米⋯非常足料又健康！另外一個肉醬小貝粉亦都有驚喜，肉醬加温泉蛋，真係無得輸！值得一提係餐廳嘅特飲，啖啖茶香外又唔會太甜，而且又可以影相打卡，100分！…Read More

適逢星期六假期，前往中環「樂道理髮公司」剪髮過後，與友人決定前往數月來聲明大燥的餐廳 - 「龍門冰室」吃晚飯。雖然只是六時半左右，時間尚早，店外卻已現人龍，人氣絕不遜色於什麼「過江龍」的食店。好不容易終於入座，店內人頭湧湧，每張枱之間的空隙並不多，坐下來也是「膊頭貼膊頭」。儘管這樣，細心看看每位在座的顧客，臉上笑容不乏，暖意彌漫着每一個角落。翻開餐牌，聽聞餐廳裏的美式鐵板套餐略有名氣，二話不說便選取了「爵士西冷扒拼香草腸」，跟餐配薯菜及羅宋湯。友人則選擇了日式香辣肉醬玉子燒套餐，配雞翼和撈丁。我們還點配了一碟西蘭花來彌補一下當「食肉獸」後的內疚感。不消一會兒，菜式陸續送上。西冷牛扒肉質鮮嫩，呈粉紅色狀態，配備大量外脆內軟的波浪粗薯條，倍感滋味。餐湯並不會像平日一般扒房油膩，反而之是呈小清新感覺，喝下一整碗也無罪疚感。至於友人的日本玉子燒套餐，份量大已經不再話下，辣肉醬與玉子味道配合得恰到好處，既不會太辣太咸，亦不會淡而無味。另外配備的魯水雞翼和撈丁也非常出色，前者帶微甜，肉質嫩滑，雞翼控必叫；後者麵底爽口彈牙，不會太腍軟易爛，就是高質！…Read More

每逢星期五，夜晚都希望可以放縱一下，食啲邪惡小小嘅嘢！今日就揀咗位於觀塘嘅moo moo burger! 漢堡小店位於街的轉角位置，有室外和室內座位，配上霓虹燈招牌，chill感味十足！三五知己一齊坐喺度食下漢堡包同飲下啤酒，一樂也！室外位置非常適合需要「呼吸」朋友。室內有冷氣供應，喺炎熱嘅天氣下我都係選擇咗室內嘅座位。小店以自助形式經營，於收銀位置選擇好食物後，再到櫃檯拎取主食、餐具同調味料，形式類似宜家傢俬，都幾方便！主食方面我哋嗌咗個熱帶之堡$67正雞沙律配柚子醋$52仲有泰檸雞鎚$40最後當然唔少得就係Asahi啤酒$68啦!漢堡juicy多汁,牛肉煎得恰到好處，配上煙肉，口感層次豐富，加上新鮮番茄和生菜，好味！而正雞沙律，雞扒非常厚肉，外皮煎到脆卜卜，配上新鮮蔬菜，Balance得非常之好！最後泰檸雞鎚，醬汁酸酸甜甜，非常開胃，配上啤酒底下，絕對係可以食到停唔到口！…Read More

星期五下班與友人相約到大埔吃晚飯，正當和朋友苦惱吃什麼的時候，路過一間感覺非常正宗地道，但又不太起眼的日本料理餐廳，二人一個半秒的眼神交流，就決定入去一試！餐廳座位數量不多，但周遭掛滿日本風格的裝飾物及照片，氣氛相當濃厚。翻開餐牌，琳琅滿目的刺身丼映入眼簾！千挑萬選下，我揀選了春日丼（三文魚帆立貝丼）；友人則選擇了熟丼：溫泉蛋鰻魚丼。除此之外，我們還選擇了刺身拼盤（三文魚、赤身、三文魚腩、甜蝦，各兩片）。等了一會兒，熟丼和刺身丼陸續送上。溫泉蛋鰻魚丼（$98）：超長鰻魚外脆內軟，每粒米飯沾滿惹味的鰻魚醬汁，混合溫泉蛋的蛋漿和蛋白，多重滋味！春日丼（$78）：三文魚和帆立貝都非常新鮮，大大塊刺身配合珍珠日本米，非常滿足！最後的刺身拼盤（$118）當然沒有令我們失望，最愛赤身和甜蝦，好味之餘，絕無罪疚感！推介！…Read More

好友從加拿大回港，特地相約到旺角飯聚，當然要找一間能夠「慢慢坐、慢慢食」的餐廳，火鍋絕對是一個不錯的選擇。早前有聽過朋友介紹，說「喜鍋」用料新鮮，價錢亦都平易近人，所以就決定一試！店內環境以老香港作主題，場內掛滿一幅又一幅的舊香港照片，非常有特色！ 坐下翻開餐牌，由於友人正值減脂，為了讓她打邊爐時零罪疚感，決定清淡一點，揀選了：珍菌冬瓜上素魚湯鍋。至於配料方面，我們選了蔬菜拼盤、白飯一碗、生雞蛋一隻、手打墨魚丸和鮮雞件。等了一會兒，火鍋隨即送到，店員細心拿取了醬料盤給我們，我們當然亦急不及待將生蒜蓉和辣椒倒進豉油碟。湯底內放滿冬瓜和珍菌，湯底滾起時，先小嘗湯底味道。不愧為魚湯鍋，湯底味道鮮甜，感覺健康又養生。配料上，友人和我最愛手打墨魚丸和雞件。前者口感非常彈牙，後者肉質嫩滑，肥瘦適中。值得一提的是，店內現正進行推廣活動，只要於店內消費，再上Facebook 簽到，即可獲得小食一碟！非常化算呢！…Read More

不知道何時起，星期六/日放假，總希望可以休息一下，不願長途跋涉出市區消遣。來到吃午飯的時間，當然也是在區內覓食。作為粉麵控，區內的麵店總是引起我注意，今次嘗試的，是鄰近海寶花園的「百味川」。進入餐廳，店內設計簡約，最吸引我的莫過於牆上的字句：出品如生命一樣重要。看來餐廳對出品真的有一份堅持和執著！坐下來翻開餐牌，發現百味川是以吃米線/薯粉/淮山麵為，顧客既可以選擇製法：乾拌麵或湯麵；亦可以自選湯底及配料。除此之外，餐廳精選了幾款signature的配搭供客人選擇，最適合有選擇困難症的顧客呢！跟媽媽想了一會兒，媽媽決定選擇吃百味酸菜魚米線；而我就決定自選蕃茄湯底配扭紋薯粉，配料就選擇：雞肉、娃娃菜、金菇和滷水蛋。飲品方面，我們叫了一杯紅豆涼粉冰和凍檸檬茶（走甜）。不消一會兒，飲品和湯麵都陸續送到。紅豆涼粉冰味道剛剛好，不會過甜亦不會淡而無味，配合消暑涼粉，絕對是夏日首選！檸檬茶茶底紅茶味濃，配合清新檸檬，味道平衡得剛剛好！至於主食方面，酸菜魚米線湯底味道微辣，酸度恰到好處，魚的口感亦非常滑溜，令人忍不住一口接一口！至於蕃茄扭紋薯粉，湯底濃稠，帶陣陣蕃茄香，蕃茄亦令整碗薯粉味道鮮味升級！配料方面亦非常足料，令我非常滿足呢！…Read More

每逢星期五，放工後都心思思約朋友出去食飯，Happy Friday 一下！今次就去咗粉嶺一間西餐廳-AM KITCHEN 餐廳位於聯和墟附近，粉嶺站落車之後搭一架小巴，大概行2分鐘就到。坐低翻開餐牌，非常開心佢有set dinner! 友人同我最後揀咗香烤挪威三文魚同香烤美國IBP肉眼！set dinner 配有一個小沙律同埋餐湯，湯係忌廉湯，味道唔錯，沙律都好清新開胃。食完沙律主菜啱啱就送到！香烤挪威三文魚，火候烤得剛剛好，外層香脆嘅三文魚，咬下肉質依然保持嫩滑。配菜仲有我最鍾意食嘅薯仔、番茄同翠玉瓜！之後就輪到肉眼登場！牛扒五成熟，肉質唔韌，配埋黑椒、燒汁一齊食，非常惹味呀！開動開動！每個餐份量都算多，非常之滿足！餐飲方面，我同朋友都叫咗即磨咖啡。咖啡味道非常香濃，有微微炭燒嘅感覺。套餐仲有甜品附送，今晚嘅甜品係pancake，Pancake皮有濃濃嘅香蕉香味，餡料係紅豆，配合香滑忌廉，整體配搭不錯！最後埋單每人大概$140，性價比都算高呀！…Read More