happylucky ning's Profile

第一次踩單車去大埔，發現呢間餐廳！起初係比佢個名吸引咗～首先係員工熱情有禮嘅服務態度令我毫不猶豫就入去坐低咗😂 跟住望住份好有特色嘅報紙menu,同埋一大幅心心牆寫滿不同語言嘅「我也愛你」，就選擇咗坐出面❤️環境舒服，乾淨！由於係食下午茶嘅胃，所以揀咗平時出面整都比較細份嘅牛油果酸種包＆卡邦尼意粉（冇咩餸食！）點知一上菜😍牛油果水波蛋酸種包：超大塊酸種包，毫不吝嗇嘅牛油果醬配上兩個水波蛋！沙律可以換薯條！份量一啲都唔似下午茶！卡邦尼意粉： 一上枱賣相已經好吸引，鋪滿晒煙肉！ 滿滿嘅芝士，味道濃郁，根本一碟就係二人嘅份量！兩個人都係下午茶嘅胃，最後食到好飽，晚餐都唔使食！😂😂😂好食！環境舒服！打卡👍🏻👍🏻不過我詞窮，唔知點形容可以講到我對呢間餐廳嘅喜歡🫠🫠會再帶朋友去食😍佢仲有扒類嘅食物～下次會試吓晚餐時間嚟！食多啲其他款式嘅嘢🤤試噻啲美食！…Read More

落到尖沙咀I SQUARE發現有間台灣店 本色諗住買杯珍奶 見到個超吸引既雙人套餐😍！！！ 試！！！先係兩碟小食：揀咗 麻辣鴨舌＆麻辣豬耳 味道OK 不過不失 兩碗湯：豆腐蠔湯 ＆ 蜆肉湯兩款既湯都清淡，唔會好鹹如果平時唔食開生蠔嗰種味道既話，建議飲蜆肉湯！蠔味好出！ 兩款主菜：1. 龍蝦炒飯完先睇個名以為龍蝦抄飯D龍蝦會勁細粒，點知係原隻龍蝦，已拆肉，炸咗，變成龍蝦球！超大粒🤤 龍蝦味到鮮甜，爽口！ 如果平時鍾意食炸天婦羅蝦尾既話 千其唔好放過呢隻龍蝦尾！炸到脆卜卜🍤🍤2. 芋香雞如果唔係叫雙人餐，單點既話，建議叫多碗飯（不過唔肯定有冇白飯叫🤭） 主要係因為個芋頭蓉好香 好好味 可以撈飯食😎雞滑！ 多肉！仲有雞腿🐓🐓仲有兩款菜選擇小編揀咗 櫻花蝦抄菜Ummmmm, 如果食開清淡菜既，呢個唔建議叫，因為菜偏油，不過如果真係想食可以叫完食一啖原汁原味先（都真係抄得幾好食）跟住就用水洗一洗先食。小編都有沖一沖先食，放心 味道都仲係濃既，只係冇咁油🙈最後最後 甜品！！！呢個芋丸糖不甩超！好！食！平時食開湯丸版本既糖不甩，呢個創意分比咗先👍🏻👍🏻芋丸仲加咗玫瑰醬係面，配上糖不甩，香甜😋😋不過甜品可能次次唔一樣，因為餐單都寫係咩甜品，記得落order前問下先! 呢個set ＄400幾，份量絕對唔係雙人份，3個人食就啱啱好！！ 同埋，飲品係半價！！平時好少寫服務！不過呢次要講！佢哋服務好周到，我地兩個人原先坐一張細既長方形枱，後來員工發現我地叫雙人餐，一見到有大枱走就幫我地轉枱，因為嘢食會唔夠放！仲要個個都好好笑容！ 會再嚟❤❤❤…Read More

今日既主角：焦糖香蕉朱古力窩夫配果仁雪糕窩夫脆口 可以話係我食過最脆既 加上有好香既蛋味😋香蕉面有焦糖片🍌唯一美中不足既就係配咗紅豆，感覺有d怪，同埋因為朱古力＆焦糖都係甜既，紅豆冇味😅😅不過窩夫真係好好食❤咬第一啖我即刻「哇！」咗聲🤣仲食咗一個main dish：黑醋雞扒?? （個名唔太記得）🤭雞肉滑 配黑醋 好正！由於肚餓，一嚟到就食咗Lu~冇影到相🥲😭😵另外有關員工：服務：7／10👍🏻員工有耐性，會慢慢解釋為何修改餐單，優惠減少。👎🏻唔細心， 舉好耐手都望唔到。 環境比之前多咗d蚊😓…Read More

好耐冇食all day breakfast, 因為有d餸唔食🤣同埋油!但係呢個all day 我超級鍾意😍仲要有橙開胃😂😂最緊要係，唔油！對面既 手撕雞墨西哥捲餅都超正～手撕雞好好味～🌯最想講 牛油果!!!🥑🥑好靚！ 成熟程度啱啱好！ 之前食過有d店係會用開始爛既牛油果，唔好食，有d係苦既！訪問唔知係咪老闆娘既好nice既姨姨，問佢牛油果咩產地? 答完佢仲會講解點樣先保存得牛油果好d，冇咁快爛！咖啡咖啡！！！☕咖啡豆好香 啡底唔錯👍🏻 拉花好靚（一開始就係比櫻花樹吸引而去🤭）佢暑假仲會開拉花班🙈琴日仲食咗佢哋既甜品，芝士餅＆心太軟❤ 佢哋真係樣樣嘢都正！ 姨姨講：「唔需要自己宣傳，自己讚自己，只要係有品質，一定會有人欣賞，會再幫襯！做人都係啦～唔洗自誇，只要每次都認真，一定有人睇得出！」講得好啱！ 所以我琴日去完今日又再帶朋友去試🤭🙈❣P.s. 去試既朋友！記得記得臨走前主動幫手執台呀！…Read More

泰西混合餐廳!今次試泰國菜先🙈🙈1. 冬蔭功海鮮意粉夠辣👍🏻 隻蝦超彈， 好新鮮🥰2.豬頸肉沙拉本人超鍾意食豬頸肉 所以每次有豬頸肉叫既地方我都會order🤤呢間一望就知完全冇呃秤👍🏻份量多 ，又好食，半肥瘦💕3.炸軟殼鹹蛋黃手拉蟹薄餅呢個係我最想番去食多次既！軟殼蟹好脆又食到蟹既鮮甜味😋薄餅都係脆卜卜架😍 裡面係雙重芝士 & 鹹蛋黃醬👍🏻👍🏻飲品我靜係飲咗芒果椰汁糯米飯希臘乳酪正正正！除咗豬頸肉 ，就係鍾意食芒果糯米飯！一入去就即刻搵有冇，點知搵唔到🥲但係原來佢有呢杯好多層次感既芒果糯米飯飲品🤭🤭雖然d汁我會覺得太甜 但係mix埋乳酪其實都唔算好甜 ，都會忍唔住食噻成杯🤣🤣🤣所以如果想食甜品， 值得一試架！ 提提大家！！！ 如果食得太飽就下次先叫啦 ，因為食完會超飽👍🏻👍🏻👍🏻👍🏻👍🏻👍🏻👍🏻👍🏻🥳下次試埋西餐先💕…Read More

之前寫過 宜家再寫 因為真係好好食💕1. 蟹肉意粉 （唔記得全名🙊）辣既😍辣既😍辣既😍好多蟹肉🦀🦀一放落台就聞到勁香🤭2. 大啡菇薄牛扒💕（大愛）由於本人本身唔太鍾意牛扒，成日覺得好難咬🥺 一係就太生，一係就太熟。。 。but, 嚟到呢間，比佢既大啡菇吸引咗，所以就order啦～個菇就唔洗講啦～超正！❣牛扒。。。我竟然食噻😍😍 容易咬又香又好食🥰🥰3.雞牛串呢間有d特別， 唔係全部嘢食都係裡面order,有d正既扒／串 要自己出去睇，再落order既🥳兩款都好食🤣 牛再好食d😁仲可以叫waiter比個薄荷醬你配牛食😏好似仲有芥末🤔🤔4.靚景 環境舒服💕嘆咖啡☕佢有室內室外揀各有千秋室內有冷氣，不過可能會比較吵／多油煙味室內有靚景，不過熱同埋如果大風就同頭髮一齊共享美食吧～😎😎呀！咖啡都正👍🏻 唔好以為去專門賣咖啡既店d咖啡先好飲呀～呢間呢間正正正👍🏻叫咗杯long black ，咖啡都好濃💞發現自己寫得 介紹得既都一定係正😁😁❤❤❤❤❤最後最後， 入到去見到好多外國人都唔需要驚，有d係中英文都講得聽得🤣🤣🤣本身我講緊英文，無端端個waitress講「有呀」，嚇襯🤣 服務好👍🏻👍🏻👍🏻👍🏻👍🏻…Read More

K11 Pound & Roll（新開）🤔🤔原本係比佢既裝潢吸引 入到去發現嘢食都幾好食！1. Earl Grey蛋糕😍外脆內軟 好香earl grey味！不過要外賣帶走堂食就要一set買😁可以take away 番屋企慢慢品嚐💕好似仲有兩種款既蛋糕仲有4吋蛋糕賣喔～2. 牛油果紅菜頭沙拉🙈减肥的你要試啦🥰有菠蘿 西柚 紅菜頭 牛油果❤食完都好飽肚🥳3.經典漢堡Ummmmmmm, 呢個就可能差少少😅 不過都接受到既 但係如果要我推薦就唔太推薦呢個🤭🤭 因為食落同外面差唔多 但係價錢就唔差唔多啦🤣4.飲品（啡色嗰杯）🤣冇飲到 唔評論 不過賣相幾靚）（橙綠色嗰杯）奇異果 芒果....唔知係經理定老闆好好人咁走埋嚟教我先飲綠色再飲上面黃色 跟住搞埋一齊飲 就有3種味道啦🤣🤣不過個人覺得搞埋一齊最好飲😁😁…Read More

幸福pancake有出新味啦～原本就好鍾意食佢既pancake宜家有我喜愛既Tiramisu味🙈🙈更加要試🥰🥰佢有配espresso, 苦苦的食落唔會太甜👍🏻倒落pancake到會濕濕地 但係唔會影響口感❤食完仲有espresso剩 仲可以要半杯水溝咖啡飲🤫🤫旁邊仲有朱古力醬 記得食既時候張cream ，朱古力醬＆espresso 一齊食呀😁🥰如果喜歡咖啡，Tiramisu既朋友們，快d去試下啦❣❣❣Btw,服務態度覺得有d差。。。🤦🏻‍♀️🤦🏻‍♀️…Read More

呢到既pancake幾正！ 我本身唔太鍾意多醬 所以叫咗 Strawberry & Banana 💕Pancake幾有咬口 同埋都有少少脆既 唔錯👍🏻如果你鍾意有醬 唔想咁dry 可以叫其他架 有肉桂烤啤梨配鹽味焦糖醬、 蘋果金寶配奶油醬及香草雪糕 （呢個都幾多人叫）🤤🤤好似仲可以自己配😁老闆娘幾好人， 我有選擇困難症，跟住佢會根據我既喜好 介紹比我🙈Btw, 我只係食咗pancake, 間店仲有好多嘢食。 有甜有鹹！❤❤…Read More

Sorry呀~本人影相技術不太好，但食物味道好就得啦😂😂😏之前食過一次，但嗰陣未開始寫食評就忽略咗Lu~宜家再食，味道一樣咁好食好難得出番去油麻地，即刻嚟食🥰我最鍾意食佢既榴槤白雪米餅，佢既榴槤餡無論是D24或是貓山王都好正💕真係超好食，鍾意糯米＆榴槤既朋友們就唔好錯過啦😍落住雨，我都照去食就知好正啦😋😋😋😋😋爆餡喔～其他嘢食我就未事過，你地可以試完留言話我知架🙈應該榴槤班戟都唔錯，我見有人叫😂宜家去唔到泰國食榴槤就係香港搵番正既榴槤食啦🥳就嚟中秋節，佢仲有榴槤月餅賣，大家可以去試下👍👍老闆人好好，好nice,仲會問下你鍾唔鍾意個雪米餅外面脆口d，再幫你烤下👍宜家會按顧客喜好既店舖少之有少啦，希望呢d有人情味既店舖繼續保留係有人情味既香港入面😚…Read More

就嚟全日都冇得堂食啦～快d出下街食咗先😂嚟近要自己煮啦🤧🤧黑松露薄餅唔太記得全名😅太肚餓 掛住食添😁)評分:8.5/10分呢個讚讚讚👍👍👍 薄餅真係薄，仲要好脆😋😋好似食緊薯片咁😍芝士肉醬意粉都係唔係好記得全名😂)評分:7/10分呢個普普通通啦，唔算差既，正常發揮！ 但係唔太建議叫，因為價錢較高 量卻較少🤔🥺🥺P.S. 呢間有做外賣優惠 大家可以外賣番屋企食 價錢平好多喔～…Read More

呢間之前係IG見到朋友Po就想去試下。特登由TSW出去KT，食完之後覺得車費值了!佢既位置比較偏僻，係座大廈裡面 ，但係電梯去唔到，要上去2樓再行番一層樓梯落去1樓。 果然好食既嘢就更係要比d時間去發掘😂先講嘢食🤤1.百香果梳乎厘。梳乎厘有彈性，裡面好似棉花質感，真係好梳乎(舒服)😂正👍仲要跟埋個楓糖醬and酸酸地既百香果，甜甜酸酸好入口💕2. 士多啤梨窩夫。 窩夫脆口，一上抬就好香噴噴😍3. 鹹蛋黃炸雞翼。 呢個就唔算得上係好好食，可能係我對鹹蛋黃有要求啦。 佢靜係得少許鹹蛋黃味😅不過佢既炸雞翼又炸得幾脆，雞皮正! 肉都幾juicy 環境好舒服 燈光偏暗 有歌聽😎唔好以為佢位置偏僻就會好細間 NoNoNo! 地方好大🤩仲要因為宜家疫症，隔離抬冇人，好享受。好啱同朋友上嚟傾計。Suggestions :不過呢我個人認為佢既啡底比較苦，唔太建議叫齋啡 (Americano 、Espresso......)除非你鍾意飲苦既啦😂…Read More

係屋企悶咗好耐 終於同Friend出街挽🤤一架車，原本以為係一班人係裡面做 ，點知係一位笑容滿臉 、親切、 為人老實既姨姨自己親手整pancake😍 從打蛋到最後為梳乎厘沈上調味粉🙈之前係出面食其他pancake都覺得太cream 冇咩蛋味 呢間梳乎厘有好出既蛋味 配上甜甜地既抹茶 仲有苦苦地既抹茶粉 正！配抹茶正， 配焦糖仲正😎 仲有雪糕添呀！ 炎炎夏天就更係要食雪糕啦🥳車有玻璃 可以清楚睇到裡面整梳乎厘 🤠老闆娘好有❤,係張單上面寫 「齊心抗疫，香港人加油」💪💪大家記得保重身體呀!…Read More

抹茶雪糕番嚟喇~鍾意食抹茶既寶寶們記得一定要去試下😍😍 以前試好多抹茶既嘢食， 但係都會覺得好甜或者好奶味，冇抹茶嗰種苦苦哋既味道，但係呢個完全無問題🙊唔好意思呀 掛住食 食食下覺得好正先影相😎抹茶雪糕滑&苦👍襯宜家未係好凍，快d去試下啦😍P.S. 係朋友到得知有D M記個抹茶係好甜， 所以想食苦苦地既抹茶雪糕就要比D耐性 慢慢試 😅 我好Lucky， 一試就試到苦既💕同埋記得 係個抹茶雪糕好食 唔係個雪糕筒好食喔～😏😏😂😂…Read More

去咗旺角行街~肚餓~搵嘢食~搵到啦！呢間店好靚😍環境好舒服 仲要有歌聽😋(好多周杰倫歌😏)叫咗個二人餐。。。好飽😂日式糖揚雞塊幾好食上枱好香日式炸蝦天婦羅，讚!👍👍D炸蝦好脆，唔會好厚炸粉🤤叫咗兩杯飲品~(係月份飲品)叫咗杯1月＆8月😁😁1月超適合鍾意飲朱古力既baby 如果你鍾意酸酸甜甜既就影8月啦😎*下次上去再試埋咖啡先😍*建議:1. 唔太推薦甜品😅 2.飲品既瓷羹&飲管可以長d🤔…Read More